💫💜 قصة_المحلل 💜💫 #الجزء 52 : 💥💕 عبد الغفور:صفاء ...صفاء:نعام ا بابا ...زهور:الحاج بنتمن هاد الصغيورة ...عبد الغفور(بابتسامة):هادي بنت السيد لي جا صباح صهيب ...صفاء(علات فيه عينيها بصدمة ورجعات شافت فريم ونطقات بدون شعور):واش مزوج ...اسماء:اممم مزوج وكان باغي يزيد يتزوج شي واحد باغي التعدد هدا ياك ا بابا ...عبد الغفور:اجلو الهضرة من بعد(شاف فصغاء لي ساهية)صفاء جيبي البنت ولبسي وتبعيني ...بقات جالسة فبلاصتها حتى نغزاتها ختها عاد ناضت جات تحط ريم وبقات معلقة فيها باغا تزيد تلعب معاها هزات باش تستر راسها وعاودات هزاتها ومشات للصالة ...صفاء:السلام وعليكم ...صهيب(هز عينيو بزربة وشافها داخلة وشاف بنتو لي معنقاها تقول كتعرفها من قديم):وعليكم السلام(شاف فبنتو)ريم اجي ا بابا عندي ...بقات تضحك وتشوف فيه وتخبي وجها فصفاء ...صفاء:معليش غير خليها(شافت فيه)الله يخليها لك ...صهيب(بابتسامة):امين يا رب ...عبد الغفور:احم صفاء بنتي سي صهيب جا على نفس الموضوع ...صفاء(باستغراب):اشمن موضوع واش كاينة شي حاجة خرا(بخوف)ياكما حميد دار شي حاجة عاوتاني و ...صهيب(قاطعها):لا لا هدشي معندو تا علاقة بيه ولكن انا جيت باش نطلبك من الاب ديالك وتكوني مراتي الا قبلتي ...صفاء(بصدمة خرجات فيه عينيها):كيفاااش ...صهيب:كيف سمعتي نتوما ناس مزيانين وسعدات لي يتناسب معاكم ونتي باينة فيك انسانة متدينة ومتخلقة هدشي واضح من تصرفاتك وكلامك وحتى الموقف لي درتي معايا صباح ...صفاء(شافت فباها ورجعات شافت فيه):شكرا ولكن انا صراحة مكنفكرش فالزواج حاليا كيف كتشوف انا خرجت من تجربة فاشلة و ...صهيب(قاطعها):نفس الهضرة لي قلت للواليد ديالك غنعاودهالك الحياة تجارب ممكن نفشلو وممكن نجحو ولكن الخطأ هو نفشلو ونبقاو جالسين بلا منحاولو نغيرو حياتنا ...صفاء:سمحليا ولكن انا لقيت مشكل مع واحد هو وعائلتو كيفاش مغنلقاهش معاك نتا لي مزوج وعندك بنيتة ...صهيب:شكون قالك انا مزوج؟! ...صفاء(باستغراب):كنضن مدام عندك بنت راك مزوج ...صهيب:كنت وتفارقنا و ماماها ماشي مغربية معايشاش هنا هي كندية ...صفاء:سمحات فبنتها؟!! ...عبد الغفور:احم بنتي هدشي ماشي من حقنا نسولو فيه ...صهيب:لالا الحاج عادي(رجع شاف فيها)هي صراحة من لول مكانتش باغا لولاد ولكن ريم مكتابليها تجي للدنيا ...صفاء(باستها فراسها):الله يخليها ليك زوينة بزاف ما شاء الله ...صهيب:شنو قلتي واش موافقة ...صفاء(بتنهيدة):الصراحة منقدرش نجاوبك موضوع الزواج انا سديتو من بعد لي وقع معايا ممكن تقول ولا عندي تخوف انني نتيق فشي حد فلول كلشي جا بزربة وقبلت نتزوج ولكن من بعد كلشي تقلب ضدي فيوم وليلة وليت كارهة حياتي(شافت فباها لي عقد غوباشتو وحدرات راسها)منضنش واش باقي عندي طاقة انني نكرر التجربة مرة خرا ...صهيب(بأسف):فهمتك مع انني تا انا كانت عندي تحربة فاشلة ولكن ايماني فالله مخليني منيأسش ونوقف كلشي قسمة ونصيب ...صفاء:بالعكس ميأستش ...صهيب:خايفة(بابتسامة)ولكن تالين ضروري تغلبي على الخوف ديالك(شاف فباها ورجع شاف فيها)انا مباغيش نضغط عليك ولا نبزز عليك ولكن غنطلب منك تفكري مزيان وديري صلاة الاستخارة ولي بغاها ربي هي لي غتكون ...عبد الغفور:ونعم بالله ...صهيب(وقف):سمحوليا مرة خرا غنمشي وغنخليلك الوقت الكافي باش تفكري وغنرجع ناخد جوابك من بعد(ركز شوفتو فيها)والصراحة كنتمنى نلقى القبول منك ...مشا تال حداها وحنا هز بنتو وهي قلبها غيخرج خصوصا ملي ضرباتها ريحتو الرجولية خلاتها توتر وتوقف معاه فدقة وهي تتشوف فيه وترمش عويناتها وحتى هو كان كيشوف فيها ومبتاسم ضار سلم على عبد الغفور وودعو هاز ريم لي تتشير لصفاء وتخرج لسانها بحركات طفولية... عبد الغفور:شنو بانلك ابنتي ...صفاء(بابتسامة باهتة):والو ابابا دكشي لي كاين راني قلتو معنديش استعداد ندخل فتجربة جديد(بتنهيدة)براكة غير شنو داز عليا ...عبد الغفور(بأسف):عمري تمنيتك توصلي لهاد المرحلة ابنتي .. صفاء(ناضت عندو عنقاتو):مديرش فبالك ا بابا معرفنا ربي شنو مخبيلنا من هنا لقدام ...عبد الغفور:خير ان شاء الله ابنتي خير ...باس راسها وناض خرج مشات رجعات للكوزينة جلسات معاهم وعاوداتلهم شنو كاين ...اسماء:انا مشفتوش ولكن فوجه ديك الكتيكيتة كون وافقت ...زهور:سكتي وكوني تحشمي ...اسماء:اش قلت ا ماما ...زهور(حطات يدها على كتف صفاء):لي مريحك ديريه ابنتي تا واحد مغيبزز عليك شي حاجة ...صفاء(باست يدها):عارفة ا ماما الله يخليكم ليا ...بقات جالسة معاهم جسدا وعقلا راه مع صهيب متنكرش انه عجبها بزااف شكلا و مضمونا لقات راسها تلقائيا فمقارنة بين حميد و صهيب لي فكلامو كيبان الجد وانه مكيكررش كلامو جوج مرات عارف شنو باغي ولي فقلبو على لسانو وبنتو لي حماقت عليها وبقات فيها حيت بنت فداك العمر تكون محرومة من ام...خرجات تنهيدة من اعماق قلبها وهي حاسة براسها مخربقة حاولات ما امكن تنفض دوك الافكار من راسها وبدات كتهضر مع اسماء باش تلف ...#اما_صهيب لي خرج من عندهم ورجع للدار لقا فرح و شيماء جالسين مجمعين حط حداهم ريم دخل لبيتو جلس وهو تيفكر فصفاء معرفش علاش عندو رغبة كبيرة انها تقبل واش بصح على قبل بنتو ولا قلبو بغاها هي..ناض بدل حويجو ودخل توضى خرج صلى الظهر واكيد دعا باش ربي يحقق لو لي فقلبو كمل وناض خرج لبرا ...صهيب:فين نبيل ...شيماء:خرج قالك غيشوف صحابو ...صهيب:مزيان المهم فليل غنمشيو لدار عمي ...فرح:ياي توحشت بشرى بزااف ...شيماء:واش انا غنمشي معاكم ...صهيب(بابتسامة):بطبيعة الحال نتي راك وحدة منا واش متي برانية راك مرات خويا ...شيماء(بفرحة):عارفة ولكن كتجيني شوية غريبة حيت مكنعرف تا حد من عائلتكم هادي اول مرة هه ...فرح:غيعجبوك بززاف عمي عندو جوج بشرى وخالد(شافت فصهيب)هو تزوج العام الفايت ياك ...صهيب(كيشوف فبنتو):اممم ...فرح:كنضن تا مراتو غتكون ضريفة ...نبيل(دخل عليهم):شكون ضريف ...صهيب:فين مشيتي ...نبيل:غير هنا شفت الدراري وجيت ...فرح:صهيب قالنا فليل معروضين عند دار عمي ...نبيل:اه نسيتهم احم شيماء اجي معايا ...شيماء:واخا(ناضت تبعاتو للبيت وسدات للباب)مالك ...نبيل:والو غير بغيت زعما نقولك الا بغيتي تخرجي تشري شي حاجة تقداي ...شيماء:بحالاش ...نبيل:معرفتش اي حاجة خاصاك حويج مثلا ...شيماء:علاش معنديش الحويج نبيل بلا متبدا ...نبيل(بجدية):كنبغي نشد معاك الخاطر ولكن نتي كيسحابلك راني مكلخ من لخر دوك الحويج لي عندك ملايقينش لهنا ...شيماء:كيفاش ملايقينش مالي عريانة ...نبيل:شيماء نتي عارفاني مزيان علاياش كنهضر من ديما لبسك هو المشكل الوحيد لي لاقي معاك دابا راه حاجة خرا نتي كابرة لهيه وعمرك حطيتي رجلك فالمغرب راه تم عقلية وهنا عقلية خرا ...شيماء(ربعات يديها):ولكن نتا بانليا العقلية لي عندك لهيه هي لي كاينة هنا مع انك تانتا كابر تم ...نبيل(ببرود):هاكا عرفتيني النهار لول مغنجيش دابا نبدل عقليتي براكة غير مخليك على خاطرك وتقتانعي بالنهار لي ديري فيها حجابك بحال فرح ...شيماء(قلبات وجها):بدينا عاوتاني ...نبيل(ناض عندها وجرها عندو):شيماء نتي راك مرتي يعني عرضي شرفي كنبغيك ومكنبغيش نزير معاك ولا نشد معاك الزكير اما انا قسما بالله ما هاكا ونتي عارفاني مزيان الا شي حاجة معاجبانيش مكنقبلهاش ونتي كنشد معاك الخاطر وفوق الخاطر بحال شي درية صغيرة كنسايس معاها مديرش البسالة ...شيماء(بدات تتسبل فعويناتها تيسالي معاها ملي كيهضر هاكا):احم صافي واخا نخرجو نشريو ما نلبس كنتي تجيني نيشان وتقولي خايف نحشم بيك قدام عائلتك ...نبيل(خنزر فيها):اش هاد الهضرة ...شيماء:هه ناري على شوفة راه غير ضحكت انا نبدل حويجي ونمشيو ...نبيل:سيري خودي شي جلابة من عند فرح ...شيماء:جلابة!! ...نبيل:وي ...بقات تتشوف فيه تا عيات ومشات عند فرح ورجعات جايبة جلابة فيديها لبساتها قدامو وبدات كضور وتشوف فالمراية ...شيماء:ياه شوف كيجاتني ههه مع انني غليضة شوية على فرح ولكن جاتني ...نبيل(بابتسامة):جاتك زوينة خاصنا نديرولك شي وحدة ...شيماء طلقات شعرها ومشات للمراية هزات بونضو دارتو وضارت عندو ...شيماء:صافي نمشيو ...نبيل(بتنهيدة):واخة الالة يلاه ...خرجات هي وياه شافتها فرح عجبانها بجلابة ومشات جابت ليها بليغة لبساتها معاها وهي تضحك........ #يتبع........♥️🔥 #تصبحوا على خير خوووتي ♥️👋👋👋 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM