💫💜 قصة_المحلل 💜💫 #الجزء 51 : 💥💕 صهيب:على اخر يااااااااامي نولييييييييي محلل للشمااااااااايت بحااااالك ...حميد(طايح للارض على كرشو غير سمع كلامو وضار دغيا كيشوف فيه مخلوع):شششنو شنو اشمن محل ...قبل ميكملها نزل عليه بركلة وحنا لعندو جرو من الكول وضربو براسو حتى رعفو خلاه منشور فالارض ودمو دايز من نيفو ووقف غادي جاي عليه مغدد ...صهيب:انااا الشماتة تلعب معايا هاد اللعب اناااااا زعااامة خطيييرة هادي همم(شاف فيه)سعيد كان عارف ياك(مجاوبوش وحنا لعندو هزو من عنقو قربو ليه)جاااااوب سعييييد عاااارف ...حميد:امممم طلق ...صهيب:نطلق ياك اهاه نطلق اسيدي علاش لا ...خلاه ومشا للكوفر جبد واحد الحبل عندو تم ورجع عندو ربطوليه مع رجليه وجرو منو وربطو مع الحديدة لي فالطموبيل من لور وحميد مهدود ومعارفش اش ضاير بيه خلاه ومشا ركب فطموبيلتو ديماراها وبدا كيضور بيه تم وحميد عاد توكض وحماها للغوات وكيرغب فيه ...حميد:واااااااا حبس غتقتلنيييييي حبببببببس الله يرحم ليك الوالدييييين حبسسسسسسس ...بقا كيضور بيه تما حتى ضوخو مزيان وحردو مع الارض عاد حبس وهبط عندو فك ليه رجليه ورما الحبل على وجهو ...صهيب:داير فيها راجل وكتعرف تلعب هدشي لي درت معاك راه والو باقي الايام غتلاقيني بيك وغنعاود نفديها فيك عقل على هاد الوجه مزيان ...دفل عليه ومشا ركب فطموبيلتو وتحرك غادي فالطريق وكيسب مبغاتش تسرط ليه حتى صونا تيليغونو ...صهيب:وي....الحمد لله نتا مزيان مالين الدار...راه يلاه يومين باش دخلت للمغرب اصحبي ووقع ليا واحد البلان بغففف....ضروري اليوم فليل نتشاوفو اولد عمي...اه جاو معايا ضروري راك عارف فرح وبنتي منخليهمش ورايا وحتى نبيل جا هو وشيماء.....هه وي قررنا براكة من الغربة....ان شاء الله سلم عليهم بسلامة ....كمل طريقو مشا نيشان لدارو ولي كانت قريبة شوية فين ساكنة صفاء ...صهيب:السلام عليكم ...نبيل:وعليكم السلام فين غطستي على الصباح و اش هاد الحالة دابزتي؟ ...صهيب(تجاهل سؤالو):كان عندي شي شغل فين فرح ...نبيل:راه مع ريم فالبيت فاش ناضت ملقاتش بقات كتبكي راه سولتك ...ناض بلا ميجاوبو غادي للبيت لقا شيماء خارجة ...شيماء:صهيب اش هاد الحالة مالك ...صهيب:والو والو(تخطاها ودخل لقا بنتو كتلعب غير شافتو وبدات كضحك هزها عندو كيبوسها)مال بنتي كتبكي همم ...فرح:خويا فين كنتي واش هاد الحالة ...صهيب:فرح بلا متسوليني حتى نتي صافي(مدليها ريم)لبسيها حويجها غندوش ونخرج غنديها معايا ...فرح:فين ...صهيب:بلا اسئلة ديري لي قلت ليك ...ناض مشا لبيتو دخل نيشان للدوش تخشى تحت الرشاشة والما نازل على جسمو وعقلو مشا لصفاء كيفاش كانت حشومية وطريقتها فالهضرة و ادبها وعاد الموقف لي دارت معاه زاد احترمها...كمل تدواشو وخرج لاوي عليه الفوطة مسح ولبس حويجو وخرج عندهم لقاهك جالسين كيغطرو هز بنتو وخرج وهوما غير كيشوفو فيه دارها فالكرسي ديالها لور وركب ماشي بزاف كان قدام دار عبد الغفور هاد المرة مكانتش طموبيلة هيثم نزل هز بنتو وصونا بقا كيضحك مع بنتو حتى تحل الباب وكان عبد الغفور لي غير شافو بانو علامات الاستغراب على وجهو ...صهيب(بابتسامة):ترحب بينا الحاج؟ ...عبد الغفور(شاف فيه وشاف فريم):بطبيعة الحال مرحبا دخل اولدي ...دخل معاه وجلس وريم كتجبد باغا تهبط للارض حطها وبدات كضور بيهم كتمشي عند عبد الغفور لي كيضحك معاها وترجع عند باباها ...صهيب:احم الحاج ...عبد الغفور:ياك لباس اولدي وقعات شي حاجة؟ ...صهيب:كل خير صراحة من بعد الموقف لي طرا وشي لي دارت بنتك صباح زاد شجعني وخلاني نجي نطلب يد بنتك على سنة الله و رسوله.... صهيب:كل خير صراحة من بعد الموقف لي طرا وشي لي دارت بنتك صباح زاد شجعني وخلاني نجي نطلب يد بنتك على سنة الله و رسوله ...عبد الغفور(تفاجأ بالطلب ديالو):اش كتقول اولدي ...صهيب:كيف سمعتي الحاج انا عارف بلي الظروف كيفاش تعرفنا ماشي زوينة ولكن انا من لول سولت عليكم وكلشي شكركم ومسمعت حتى كلمة العيب ومن بعد لي شفت صباح فعلا نتوما ناس مزيانين ومنلقاش ما حسن من بنتك؛سمع الحاج انا كنت عايش فكندا الوليدة من تم و الاب ديالي مغربي عشنا تم طفولتنا كاملة حتى دا مول الامانة امانتو وبقينا تم مع الواليدة وتزوجت بنت من تم وولدت معاها هاد البنية ومن بعد وقعو مشاكل متفاهمناش وكلها شد طريقو هي فاش قررت ندخل المغرب انا وخوتي ...عبد الغفور:الله يرحمهم اولدي لي فهمت هو نتا باغي تزوج على قبل بنتك ...صهيب:مغنكرش ونقول لا ولكن هدا من الاسباب الرئيسية ومنلقاش حسن من بنتك تكون مراتي و بمثابة ام لبنتي غتعاوني فتربيتها وغتربيها احسن تربية هي وولادنا ان شاء الله علاش لا ...عبد الغفور:هه كنحيي صراحتك اولدي ...صهيب:الكدوب وتزواق الكلام ماشي من عادتي الحاج ...عبد الغفور:اش غنقولك اولدي بنتي يلاه خرجات من زواج فاشل ومع انسان مكيخافش الله لا هو ولا عائلتو كتاب عليها وتزوجاتو وكلشي جا بزربة واخا خوها كان رافض من لول ولكن قدر الله وما شاء فعل ...صهيب:الحياة تجارب الحاج وماشي عند كل فشل غنوقفو حياتنا ومنديرو حتى خطوة لقدام فالاخير الانسان كيدي لي مكتاب ليه وكل واحد عندو فرصة اولالا؟ ...عبد الغفور(كيشوف فيه بابتسامة عجبو كلامو وصراحتو وحتى عقليتو):كيف كنقول لولادي ديما انا بحال هاد المواضيع كنخلي الاختيار ليهم حيت هوما لي غيعيشو مع شريك حياتهم ماشي انا ...صهيب:احم شنو نفهم من كلامك ...عبد الغفور:غنعيط للبنت تحضر هنا وهضرو الا مكتابين لبعضكم الله يكنل بالخير ...ناض عبد الغفور باش يخرج وضار صهيب باش يشوف بنتو ملقاهاش فالبيت عرفها خرجات ...صهيب:الحاج واخا تشوف بنتي عافاك ...عبد الغفور:غتكون غير مع البنات فالكوزينة معندها فين تمشي ...ابتاسم ليه وخرج مشا للكوزينة حل الباب ودخل لقاهم جالسين وصفاء حاطة ريم فوق رجليها كتبوسها وضحك معاها وهي عاجبها الحال ...عبد الغفور:صفاء..... #يتبع........♥️🔥 #تتمة القصة غذا ان شاء الله ♥️👋 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM