💫💜قصة_المحلل💜💫 #الجزء 39 : 💥💕 هيثم:شنووووو موقفككككك هنااااا ....اسماء(بتوتر):انا غير ...فدوى(جات وقفات حداه وخشات يدها فدراعو):هادي قاعيدتها ديما هاكا كت ...هيثم(شاف فيها وجرها من يدها دفعها تا هي براا):بجووووووجكم ااااااش قرررربكمممم عنديييي ...عبد الغفور(خرج من بيتو):اش هاد الغوات شنو كاين(شاف فهيثم لي شاد فراسو)مالك نتا عاود شنو كاين ...دخل هيثم بلا ميجاوبو ...عبد الغفور(شاف فبنتو):سيري دخلي لبيتك الله يرضي عليك ...بقا حاضيها حتى مشات وشاف ففدوى لي كانت متبعاها وكتبسم غير شافتو كيشوف فيها جمعات ضحكتها ومشات تتجري للبيت دخل للبيت وسد وراه الباب لقاه غادي جاي وشاد راسو ...عبد الغفور:اش واقع مالك وليتي غير كتغوت وضور فختك فين عمرك عليتي صوتك على خوتاتك ...هيثم(جلس حداه شاد راسو بيديه وحاطهم على ركابو كيمشي ويجي بلاصتو):راسي غيطرطق ...عبد الغفور(حط يدو على ضهرو):رخف على راسك شوية اولدي نوض صلي جوج ركعات وقرا شوية القرآن وربي غيفاجيها عليك(بحدة)وحاجة خرا يومين مشفتك كتصلي الفجر بمك وختك كنرجع من جامع كنلقاهم غير بجوج ياكما رجعتي لعادتك مرة تصلي مرة تقطع ...هيثم(كيماصي راسو):غير مع العيا الواليد وصافي شي مرات مكنقدرش كنفشل ...عبد الغفور:مزيان تبارك الله هدشي علاش وصيتك وربيتك كنقولك الا صلاتك متفرطش فيها كل فرض يتصلى فوقتو شوف خوتاتك من صغرهم عمرهم قطعو صلاتهم ولا وخرو شي فرض ونتا الراجل زعما كتغلب صلاة لي حدها 5 دقايق بحالك بحال مك وحدة تلاها مع شقاها وتقول عييت غنعس ونتا قولي فاشل الانسان كيفشل ملي كيبعد على لي خلقو وعلى صلاتو الله اهديك اولدي على راسك الله اهديك(بتحذير)وختك آخر مرة تغوت عليها خليها عليك فالتيقار بناتي تا واحد ميغوت عليهم ويبكيهم كنت شحال هادي مطمأن ملي كنشوف معاملتك ليهم ولكن دابا واش انولي نخاف على ختك منك ...هيثم(تفكر كيفاش ولا كيهضر معاها وبدا يسوط):كنكون معصب الواليد كندخل الدار باش نرتاح كنلقا الصداع ونفسي كضيق عليا وتا هي كتجي فطريقي تشكى ...عبد الغفور:ولو ختك صغر منك ونتا عارفها كتحتارمك وتعزك ...هيثم(وقف):سمحليا الواليد راه مكنحسش براسي انا غنعتادر منها ...عبد الغفور:هكاك نبغيك الله يرضي عليك ...خرج وخلاه واقف حاس براسو غيطرطق تنهد تنهيدة من اعماق كيحس براسو هاز جبال فوق ضهرو خرج من بيتو ومشا وقف قدام بيت اسماء لي كانت غادة جاية ...اسماء:لالا ميمكنش اويلي هيثم وفدوى هديك لي حطات عليه الباطل لالا ميمكنش ميمكنش هدشي فيه ...قاطعها الباب لي تحل ضارت بزربة غير شافتو وبدات ترعد كيسحابلها جاي على قبيلة تا شافتو كيشوف فيها بنظرتو الحنينة لي شحال مشافتها فعينيه ...هيثم(وقف قدامها وهي بعدات لور):وليتي تخافي مني ...اسماء(بتوتر):انا لالا شوف والله الا قبيلة انا غير كنت ...هيثم(تفكر المنظر لي شافتو فيه هو وفدوى):شوفي ا اسماء انا هاد الفترة معارفش راسي شنو واقعليا معصب لاقصى درجة المشاكل تحطو فوق راسي حتى تقلوه ...اسماء(زعمات):وياك متتحملهاش علاش خليتيها تقرب ...هيثم(جلس فوق الناموسية):معرفتششش كيفااااش وقع كنت متكي حتى حليت عيني لقيتها فوق راسي ومعرفتش شنو طرا من بعد بحالا كنت مبنج ولي محمقني انني كنكرها كيفاش تا(سكت)بففف المهم نساي نتي هدشي(باس راسها)وسمحيلي حيت كنتعصب عليك فترة وغتفوت ان شاء الله كنواعدك ...ناض خرج وهي عقلها كيضور ...اسماء:مكيحملهاش ومحسش براسو كيفاش قرب ليها كيفاش هدشي لالا هدشي فشكل(مشات لبسات حويجها ومشات لبيت باها دخلات لقاتو جالس كيقرا القرآن شافها وابتاسم ليها) ...عبد الغفور:بنتي ...اسماء:بابا انا غنمشي عند ختي ونجي دغيا ضروري مغنتعطلش ...عبد الغفور:واخا متعطليش الله يرضي عليك ...اسماء:لا متخافش ...نزلات بشوية فالدروج دازت على الكوزينة كانت مها عاطية بضهر تسلتات حلات الباب بشوية وخرجات شداتها جرية وحدة حتى لعند ختها بدات تصوني وتعيط... فتيحة(كتهضر فالتيلي):فوزية دكشي راه مشدش فيها بمرة واه شوفي منيمتا وانا كنعطيها ووالو...واش حماقيتي دكشي مندخلوش لكرش ولدي بغيتيني نمرضو....لالا واخا منغامرش....بففف معرت شكون كيصوني صافي سيري تا نعاود نهضر معاك ....ناضت عاقدة غوباشتها خرجات من البيت لقات صفاء يلاه تتحط الزيف على راسها باش طل ...فتيحة:اش كاين شكوون كيصوني هاكا ...صفاء:غير ختي هادي راه كتعيط ...فتيحة:ومالها على قوة التسرسير ملي كتعيط ...خلاتها صفاء وهبطات حلات الباب لختها عنقاتها وطلعو الفوق فتيحة واقفة يديها على جنابها ...فتيحة:الله يا بنيتي مالك على داك السونيط كامل ...اسماء:احم سمحوليا غير جاية زربانة بغيت ختي دكشي علاش ...فتيحة(عوجات فمها):ها ختك حداك ...رجعات لبيتها وصفاء جرات ختها ودخلو للبيت سدو عليهم ...صفاء:مالك شنو كاين خلعتيني كتنهجي واش تابعك شي حد ...اسماء:لالا ولكن اختي راه الجو عندنا فالدار لا يطاق ماما وهيثم متجلسيش معاهم غير كنهضر كينهضو فيا و ...صفاء(قاطعاتها):عاد غتقولي ليا راه شفت بعيني ديك النهار مشيت للدار بغيت نهضر مع ماما باش تنصحني زعما ساعة بقات تتغوت علاش مكنمشيش والشقا كتر عليها وحتى هيثم جا مسلمش عليا هزيت راسي وجيت فحالي ...اسماء(باستغراب):ونتي فاش باغاها تنصحك ...صفاء:هدشي كبير عليك ...اسماء:وا خلاص قالك كبير عليا راني كبيرة بعقلي وياك انا ختك نقدر نفعك ...صفاء(بقات تتشوف فيها):والو ولكن وليت كنحس براسي زربت فهاد الزواج ...اسماء:كيفاش زربتي ياك كلشي داز بالموافقة ديالك ...صفاء(بتنهيدة):اه ولكن من بعد الليلة(بتوتر)زعما المعاشرة معرفتش وليت كنفرو طريقتو فأول ليلة معجباتنيش ووليت كنحس بيه كيبغي غير الفراش و ...اسماء:صراحة فهاد الموضوع منعرف انا باش نصحك ولكن معندك مديري ...صفاء:فعلا معندي مندير ماشي هاكا كنت كنتخيلو كان كيبان انسان واعي ولكن بففف صافي نساي عليك شنو عندك نتي علاش جيتي زربانة ...اسماء:ختي انا شاكة فديك فدوى كتحرش ماما علينا وحتى هيثم(بغات تقولها على فاش شافتهم وهي تسكت)خفتها تكون كتحط علينا الباطل تا حنا وتوصلهم هضرة مكايناش ...صفاء:العلم لله الا مسمعتيش بودنيك متديش التقليد غير هكاك ...اسماء:صراحة مسمعتش ولكن غنولي رادة بالي معاها كتر من لول بلاتي غير نسالي الامتحانات لي عندي هاد السيمانة وغتشوف ...صفاء:معرت فين كان مخبيلنا هدشي ...اسماء(وقفات):انا غنمشي ...صفاء:صافي هدشي علاش جيتي كتجري باش تقوليلي غتحضيها هه ...اسماء:وا ختي راني تلفت عرفتي دابا غنمشي غنلقى ماما كتقلب عليا الحمد لله كاين بابا ...صفاء:العجب خلاك جيتي فهاد الوقت ...اسماء:الزنقة عامرة بالدراري صغار كيلعبو واصلا الدار مبعيداش دكشي علاش يلاه بسلامة ...صفاء(سلمات عليها):ردي البال لراسك وحفاضتك وسلمي ليا عليهم ...اسماء:واخا اختي مبلغ ...حلو الباب وهوما يلقاو فتيحة واقفة ...فتيحة(بتوتر):هيهي احم كنت يلاه غندق عليكم ...صفاء:ياك لباس اخالتي ياكما خاصك شي حاجة ...فتيحة:لالا غير بغيت نقولك غنمشي عند ختي ونجي الا سول عليا حميد ملي يجي ...صفاء:اه واخا ...مشات تتزرب واسماء موراها خرجو فدقة كل وحدة شدات اتجاه..اما صفاء رجعات لبيتها توضات وصلات جوج ركعات وهزات القرآن كتقراه بصوت عالي شوية ومتخشعة مع كل كلمة مدة وهي هكاك حتى تحل عليها الباب ودخل حميد شافتو وسدات القرآن وحطاتو بلاصتو...اما هو بدون مقدمات جرها لعندو داها للناموسية وعاشرها وهي هاد المرة مقدراتش تمنعو شحال قدها تهرب منو ولكن هدا حقو كيفما كانت طريقتو كيبقى حق مشروع ليه...كمل وناض دخل للدوش بلا حتى كلمة جلسات لاوية عليها ليزار وهي تتمسد يدها وتشوف ديك الحمورية لي فيهم وقفات قدام المراية وبدات تتماصي جهة شعرها وهي متحسرة على راسها كتحسو حيوان فمعاشرتو ليها بقوة اللهفة لي فيه شافت باب الدوش تحل وخرج كيدندن وهو مبتاسم ...حميد:دخلي دوشي ...تخطاتو بلا متجاوبو سدات الباب وتكات عليه وعينيها عامرين دموع.... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM