دخلو لدار حتا كيبان ليهم دار صغيرة شنو غادي يشوفو فيها و تحرك أحمد بإتجاه واحد الحيط ضغط على واحد بلاصة في الأرض حتا كيتحل واحد باب صغير في الأرض كان صغير بزاف عبارة على واحد لوحة تحكم دار أحمد البصمة ديالو حتا كيتحل داك الحيط كان عبارة على واحد الباب كبير ديال مصعد و ضار أحمد كيشوف فيهم و نطق) : تفضلو كولشي بقا كيشوف متردين مفاهمين والو حتا تحرد أناس و دخل و تبعو ياسين و بداو يدخلو كاملين بدا داك المصعد هابط بيهم حتا وصلو وتحل باب من يخرجو منو كمل الصدمة غزلان :واو شنو هاد شي كان المكان عبارة على مقر إستخبارات كلو أجهزة و كين واحد شاشة كبيرة بزاف في الحيط و شي 3 ديال البيروات أميمة :واخا تشرح لينا شنو هاد شي (مجات فين تكمل الهضرة حتا دخل الرئيس سمير ومعاه راجل و مرا و مرا كتبان من شكلها بحال شي سكريتيرا) أحمد (عطاه تحية ):مرحبا بيك حضرة الرئيس الرئيس: شكرا ،مرحبا بيكم أكيد كلكم غادي تكونو ما فاهمين والو من هاد شي نعرفكم براسي أنا سميتي سمير أنا رئيس ديال مخابرات المغربية (دراري كاملين بقاو غير كيدورو في عينيهم و كل واحد يشوف لي لاخر أناس(نطق بشوية تحت نيفو ):هاد شي بحالو بحال شي فيلم مريكاني ليلى:شنو علاقتنا بالمخابرات الرئيس:أكيد كلكم سمعتو بأن خلية إرهابية دخلت المغريب و بأن منضمة إرهابية بدات كتوزع الخلايا ديالها و راه كتشوفو في الأخبار بلي وقع شي إنفحار إرهابي هاد شي ماشي كدوب بصح حنا قدرنا نشدو واحد من هادوك لي نفدو تفجير وهو تحت تحقيق قدرنا نعرفو من بلي هاد غير رسالة باغين يوصلوها لينا و إنفحارات لخرين باقين مغاديش يتفدو دابا يقدر من هنا لعامين ولا تلت سنين. أميمة (مصدومة من هادشي ):حنا شنو دخل ديالنا ولا شنو علاقتنا . نورة :اه بصح أكيد مكتشكوش بلي حنا حيت حنا مزال صغار الرئيس (تبسم ليها جابت ليه الضحكة ):أكيد لا ؛ندخلو في الموضوع الرئيسي أنا جمعتكم هنا حيت باغي نجمع فريق باش نواجهو بيهم أعداء الوطن و نتوما بغيتكم باش تكونو من هاد الفريق لي غادي يكون على شكل *قوات خاصة* أيوب (كيضحك):هههه نتوما من نيتكوم واش وحدين بحالنا صغار و مزال ضعفاء غادي يوقفو في وجه الإرهاب. أناس:هاد شي مكيدخلش العقل الرئيس :عارف بلي نتوما مزال صغار أنا مكنقولش ليكم من دابا ..غادي غير نوجدوكم بي التدريب و مع الوقت غادي تكونو أقوى رجال مخابرات أناس :بصارحة أنا هاد شي صدمني و عمرني كنت غادي نقول بلي غادي يجي شي نهار بحال هادا . الرئيس: مهم معدكمش بزاف ديال الوقت باش تفكرو غادي نعطيكم عشرة دقايق فكرو فيها ديرو في بالكم بلي لي ماقبلش في هاد شي غادي نضطرو نعطيوه واحد الدوا باش ينسا هادشي لي تقال كامل مغاديش يعقل أخر ساعتين دازو . أناس :أنا ممحتاجش الوقت باش نفكر صافي أنا معاكم في هاد شي ايوب:حتا انا ليلى: حتا انا ياسين: و انا غزلان:اكيد معاكم نورة : اكيد مغاديش نرفض اميمة: انا قابلة إبتسام :قابلة عبد الصمد: انا معكم (دراري معرفوش كفاش حتا قبلو شي حاجة في قلبهم قالت ليهم قبلو) الرئيس :نتوما غادي تكونو تحت حماية الدولة .خاص هاد شي يبقا هنا غادي يتدفن ما يعرف حتا واحد وإلا راه عائلاتكم غادي يتأداو بزاف إلى ساقت المنضمة الخبار غادي تستهدف عائيلاتكم (وخرجو من تما ركبو في الحافلة غادين راجعين ) أحمد (ناض وبدا كيفرق في شي وراق عليهم):هادو شي معلومات على دوك معالم الأترية باش إلى سولوكم تعرفو باش تجاوبو . ..داز الوقت وقربو يوصلو نورة (كتعض على شفايفها ،بإبتسامة):هي دابا حياتنا غادي توي مغامرات و أكشن مغاديش تبقا مملة (كولشي بتاسم ليها) ..داز الوقت وصلو لمدراسا سولهم استاد شنو شافو وجاوبوه من داكشي لي عرفو من ديك الورقة . ..نرجعو لعند الرئيس في البيرو ديال المستشار كيهضر معاه المستشار :فكرتي في شي طريقة باش يدربو بلا ما يعرفو ولديهم الرئيس :غادي يوصلوهم رجال دياولما بليل غادي يكون تدريب في ليل مغادي يحسو بي والو ولديهم . و حنا كنوجدو في مقر سري صغير فين يدربو في واحد الڤلاج قريب ليهم مسافة 5 دقايق بسيارة و نص ساعة على رجليهم. المستشار :مزيان تقدر تنساحب الرئيس:بسلامة سيدي(تسالم معاه وخرج من تما بتجاه منضمة الاستخبارات الوطنية غير وصل دخل البيرو ديالو بدا كايكمل في شي خدمة بحكم كيسير عمليات برا الحدود ..و هاكدا جا نهار لول ديال تدريب جاو رجال ديال الرئيس داو دراري من ديورهم باش يبداو تدريب ..وصلو دراري لمقر لي كان كيتبنى حداهم ولكن كولشي كيسحاب بلي كيتبنى مبنى ديال *دار الطالبة* بالحكم قريب من إعدادية كان المبنى عبارة على دار الطالبة و لكن كين واحد المقر لتحت دخلو دراري لواحد المصعد باش يهبطو لتحت كان على شكل لاصال بداو دراري التداريب مع ليكوتش لكانو عندهم خبرة كبيرة ...تريناو شوية بالحكم هادا نهار لول باقي ما مولفينش ..من بعد دازو لبلاصة لي كيدربو فيها على السلاح أمير(الكوتش تدريب ديال السلاح):ليوم مغاديش تجبرو سلاح بالحكم باقين متقدروش تحكمو فيه مغاديش نخاطرو مهم غادي نعطيكم دروس عليه و معلومات كيفاش يستعمل و تشوفو بعينيكم و مني غادي يوصل الوقت المناسب غادي تجربو السلاح. أناس: شحال ديال وقت عاد نجربوه امير :مالك تحمستي . باقي بزاف شي عام ولا عامين .دابا غادي تركزو غير على لونطريمة باش توليو صحاح و تدكرو بأن هاد الضمومين مكيعتامدش غير على الصحة خاص تكون دكي. .. كولشي كان كيتصنت ليه حتا كيسمعو صوت من وراه كان... 

تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM