💫💜قصة_المحلل💜💫 #الجزء 38 : 💥💕 مر اسبوع عند صفاء عادي ولي تغير انها ولات كتنفر حميد وقربو ليها وكل مرة كتعطيه حجة باش تهرب منو اولا فتيحة نيت كتشوفهم تعطلو فالبيت تبدا دق عليهم...اما عند فدوى لي مكتفلتش نهار واحد بلا مدير نفس الشيء قبل الفطور وكلما شافت تغير هيثم من جيهتها كتشجع كتر وكتر ...اليوم من بعد ما خرج لخدمتو دخلات لبيتو وبدات تتقاد الفراش هزات الحوايج لي مسخين ومشات طلعات للسطح تصبنهم وهي تدندن نشراتهم ونزلات لقات اسماء يلاه دخلات ....فدوى:هايهاي على القراية ديالنا ...اسماء(بتعب):حيدي من قدامي ما فيا لي يتشاد معاك ...زهور(جات غوبشات فاسماء):على السلامة فين تعطلتي ...اسماء(شافت فساعتها ورجعات شافت فيها):هدا هو وقتي فاش كنجي ديما ...فدوى:واش باقة شي قراية دابا ياك غدوزو الامتحان ...اسماء:ونتي اش دخلك فين عمرك شفتي المدرسة باش تحلي فمك سيري تقضي شي شغل الا عندك متقضي ...زهور(بالغوات):اسمااااء معااااك كنهضررر وااااش جايييياني معطلة وبااااقة تتقابحي ...اسماء(بغضب):ماماااا مااالك وليتي معايا هاكا كلمة جوج تتشعلي معايا وتجي منهاااا ...زهور:لا تبارك الله ضربيني نتي حسسسن قليلة الاداااااب وليييتي تعليييي صوتك عليا(تخطاتها اسماء وتمات طالعة لبيتها)ومطلعي تبدلي حويجك وتنزلي تفكي هاد الكوووزينة لي من صبااااح واااانا غااارقة فيها ...دخلات تتنكر وفدوى واقفة تضحك ...فدوى:اخحح هدشي زياان بزااف(شافت الباب تحل)احم السلام(باست يدو) ...عبد الغفور جر يدو بزربة رد عليها السلام وطلع نيشان فاتجاه بيتو حتى سمع صوت البكا من بيت اسماء مشا عندها دخل لقاها جالسة وحاطة يديها على وجها وتتبكي ...عبد الغفور(جلس حداها):اسماء ياك لباس ابنتي ...اسماء(وجها حمر وعينيها غارقين دموع):اهىء اهىء والو ابابا ...عبد الغفور:وملي والو مال هاد الدموع منين جاو ياكما شي حاجة فمدرستك ...اسماء(كتشهق):لا اهىء غير ماما هاد الايام معرفتش مالها معايا غير تتغوت عليا وتنهض فيا وحتى هيثم هكاك ديك فدوى تتجبدني وكيجيو منها اهىء اهىء وحتى دابا غير دخلت شداتني هي وياها فالباب ...عبد الغفور(بحنان جرها عندو معنقها):ماماك ابنتي ولات تتعيا وبلاصة ختك ميعمرها حد عندها دكشي علاش ولات معصبة ...اسماء:اهاه نقولو ماما عندها هاد السبب وهيثم لي من ديما حنين علينا وعمرو غوت عليا ...عبد الغفور:تا خوك عارفة المشكل لي عندو مأتر عليه كلشي غيتحل ابنتي ديري عقلك ومتراديش مع ماماك راك ممولفاش هاكاك معاها ...اسماء:والله مكنرد عليها الهضرة ...عبد الغفور:الله ارضي عليك وا نوضي نزل عندها عاونيها راني سمعتها تتشكى ...باس راسها وخرج خلاها تتمسح دموعها بدلات حويجها ونزلات لتحت دخلات للكوزينة باش تجمعها لقات فدوى كطيب وهدشي لي ولات حاضية غير الطياب مكتغسل لا ماعن لا والو الطياب و تصبن حويجها وحوايج هيثم شافت فيها وبدات كضحك نعلات الشيطان ونخلاتها مشات كملتت شغلها دغيا وطلعات لبيتها تخشات وسط الحفاضة حتى قرب وقت اذان المغرب ونزلات كتعاونهم تجمعو على الطبلة وفطرو كلشي ناض وبقات هي جمعات الطبلة غسلات الماعن وطلعات لبيتها تتسوط حتى سمعات الحس فبيت هيثم مشات بشوية ووقفات فالباب لي كان محلول شوية دفعاتو وحلات معاه فمها وهي تتشوف هيثم متكي على ضهرو وفدوى جالسة حداه ووجها فوجهو مكاينيش فهاد العالم كتسد عينيها وتحلهم كتحاول تستوعب لي قدام عينيها حتى حل هيثم عينيها وبعد لفدوى شعرها وهي تجي عينو فعينها ووقف عاقد غوباشتو فلحظة كان قدامها ....هيثم:شنوووووو موقفككككك هنااااااا...... #يتبع.......♥️🔥 #فدوى ماشي هي البطلة حق مولانا و هيثم ماشي هو لي غيحتاج المحلل نعلو الشيطان😂😂 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM