حياة جديدة الجزء 23 ماقبل الأخير 🔥🔥🔥🔥🔥🔥 ( الجزء تمحا بالغلط عاودت حطيتو بغيتكم تفاعلو ) طلعو الفوق و بجوجهم فرحانين حتا دخلات بسمة و جلسات ترد الروح و هو وقف كي حك راسو و كي شوف فيها و في كرشها اااخ من هذه الاحساس الواعر لي مكاينش بحالو بالنسبة ليه منير:انا نمشي نجيب الغدا من برا انت رتاحي بسمة:لا راه طايب رسين:كيفاش بسمة:نصبتو مع 8 و طاب و غير نسخنو و نحطو نتغداو تسنا غير نبدل حوايجي منير:خليك رتاحي حبيبتي انا نسخنو بسمة؛واخا ازماني مشا هو شعل على الطجين و رجع لقاها دخلات البيت تبدل مشا حتى هو بدل عليه و رجع عندها لقاها جلسات حيت باين عليها عيانة جاب الطجين حطو مع الخبز كان سخنو وجد كلشي و جلس مرة مرة كتفلت ليه الضحكة من جنب و هي كتشوف فيه و تاكل و ترد الروح حتى كملو و ناض جمع الطبلة و رجع جلس مقابل معاها و هي شافت فيه و تقادات في الجلسة منير:40 يوم ا بسمة و انا كنحاول معاك ترجعي كيف كنتي معايا بسمة(حنات راسها) عاود ليا موضوع ديك لسقة منير:مبيغيتش نقلقك لكن خاصك تعرفي كلشي من عندي و منبغي حتى اعتراض بسمة(شافت فيه):واخا تكلم منير:قبل باش كنت كنقرى في العام التاني جامعة تعرفت على نيروز هذيك لي شفتيها قبل كانت بنت عادية مفيهاش حس التكبر بنت طبيعية بزااف و كانت كتبان بريئة و انا كأي شاب اكيد عتعجبني تعرفت عليها و مع الوقت رجعنا كنبغيو بعضياتنا صافي كانو وليديها مفحالهمش كنت كنعاونها ماديا و لي حلات عليها فمها كانت كتحضر و غير بعيني كنشوفها كنعرف انها باغيا الحاجة كنديها ليها صافي دازو سنين او في هذه 11 العام دخلت انا المدرسة الأستاذة و توسطت ليها حتى هي تخرجنا بجوج و خدمنا بجوج و منين طلعت لافاك عوتاني بالمعارف طلعتها معايا يعني لي باغيه ليا كنت باغيه ليها حتى انني كنت مواعدها بالزواج لكن هي كانت كتهرب من هذه الموضوع (مسح على وجهو):معرفتش علاش حتى جا النهار لي وليد قرر انه يخطب ليا و تزوجتك و كنت كنضرب لحساب كيفاش نقولها ليها حيت كنت معمي بيها (شاف في بسمة لقا وجها مزنگ شد يديها و زير عليها):ملقيت حتى حل واش نرضي راسي و نتزوج بيها هي و نخسر الوليد ديالي و ناخد سخطو يا نرضي الوليد ديالي و نخليه راضي عليا صافي سكت و حنيت الرأس اااه منكرش كنت من مور زواجي بيك كنخرج معاها و كندور معاها و مراتي في الدار حيت اصلا كنت وفي ليها بزاف لدرجة أنني مقدرتش نلمسك ولا كانت عندي هذه الفكرة في راسي ا بسمة . هز راسو فيها لقاها كتسمع ليه باصغاء و باين عليها كتحلل هضرتو في بالها حتى هو كمل كلامو منير:فكرة طلاق كانت عندي ليلة لي كنت مشيت ليها الفاس و قال ليا غدا عرسك من ديك البنت لي اصلا معرفتهاش نهار موت الوليد بقيت كندورها في راسي و انا مرفوع دويت مع المحامي في 40 ديالو منين جيت لهنا دخلتها حطيتها في الماريو و خرجت عندك قلت ليك باغي ندوي معاك و مشيت بسمة:نهار لي درتي الكسيدة ياك منير(شاف فيها):كنتي سولتيني على سبب الحادث ياك بسمة(هزات براسها) منير:وقفت في موقف السيارات و شعل ضو الاحمر و بقيت كنتسنا الناس يدوزو منين دازو زدت و دور وجهي عرفتي شنو شفت بسمة:شنوو منير:البنت لي درت عليها هذه الحالة كاملة في حظن واحد اخر معنقها و كي بوسها ا بسمة مقدرتش نستحمل راسي ترفع حتى كنفيق في الطبيب مراتي لي مكنتش عاطيها اهتمام حدايا و لي كنت حاطط دنيا و مافيها ليها مكيناش بسمة(حطات يديها على فمها):ارسول الله منير(تبسم):باش كنت كنقول ليك سيري بحال مشي حيت كنت باغي نتهنى منك حيت مكنتش باغيك دفني راسك مع واحد عاجز ا بسمة تحت قناع انني راجلك لي اصلا من نهار دخلتي الهذه الدار ما كانش حاسب راك انت هنا بسمة:و من بعد منير(قرب عندها و حط يديه على خدها):من بعد نهار لي تخاصمتي معايا و مبقيتش تدوي معايا و انا ولفتك كتفشيني كيف بغيت و لي بغيتها تقولي ليا ها هي تما عرفت قيمتك لي بدات باعجاب كبير و انك مكنتيش كتحسبيني معاق بالعكس كنتي كتعاملي معايا طبيعي تما عرفت قيمتك و منين تبعت رضاة الوليد هي لي عتقاتني من وحدة مكتسواش بوحدة نقية و عفيفة بسمة(هزات براسها حشمانة) منير:كنبغيك ا بسمة بصح و موضوع طلاق نسيتو في خطرة حتى رجعت الدار باش نحيدها لقيت فات الفوت خصامك قاحص بزااف بسمة:كنفضل نسكت حسن ما نقول شي كلمة تجرحك منير(هز ليها راسها):كتبغيني ا بسمة ياك بسمة:بزاااف ا منير منير:سامحتيني بسمة:باش جيتي تديني في نص ليل تما تفاجا قلبي و زدتي منين حرقتي الورقة بحال الا عمرها كانت تما سامحتك منير:و خليتيني محروق بسمة(هزات كتافها):باش تعرف قيمتي و نعرف قيمتي عندك منير:غاليا والله حتى غاليا و دابا تزاد عليهم ولدي ولا بنتي اللهم لك الحمد شنو دابا القلوب صفات بسمة(هزات براسها و عضات على شفايفها كتفرنس) منير(هز ليها راسها):بخصوص الصباح تقلقت منك بزااف مرة أخرى الا بغيتي اااااي حاجة قوليها ليا انا راجلك سمعتي بسمة(هزات براسها):واخا ولكن الماستر مشي انا لي تسجلت فيه با لي سجلني منير:مكنتش عارف انك قارية بسمة:يحساب ليا با قالها ليك سمح ليا منير(عض شفايفو هزها و جلسها على ركبيه):توحشتك بسمة(حطات راسها على كتفو):حتى انا بزاف منير(كي شم راسها):يالله البيتنا حتى هو توحشك عضات شفايفها متسناهاش حتى توافق هزها و داها حيت اصلا كانو موحشين بعضياتهم بزااف . من بعد شهور خرجات بسمة من جامعة او كرشها عند فمها بعد مسلات حصص لي عندها ليوم غادي توجه منزل ديالها عيات بزاف ليوم كانو عندها حصص كتار مقدرتش تحدر دوك ايام حيت كان لازم عليها تجلس في الدار هادشي علاش تجمعو عليها سلاتهم و خرجات كتقلب تمشي فطاكسي حيت منير مكاينش مشا مكناس على قبل شي خدمة الباه بعد ما تسنات سمعات صوت كلاكسون ديال طموبيل من وراها دارت لقات عصام أو شيماء تبسمات ليهم نزلات عندها شيماء:بسمة سلام بسمة(ببتسامة شادة كرشها):سلام شيماء:لباس كديرا مع تقول بسمة:لباس حمد لله هانتي كتشوفي غادا معاه دقة دقة كديرا كتكوتة شيماء:لباس عليها فين غديا بسمة؛ غديا دار شيماء: أجي نصلوك معنا بسمة لا غير سيرو غادي ناخد طاكسي بلاما نعدبكم نزل عصام منين شاف شيماء طعطلات بتاسم ليها حيت مكانش كي فري هذه النهار هو و منير عصام:بسمة لباس بسمة:سلام خويا شيماء:بسمة بغات تمشي لدار قترحت عليها نوصلوها مبغاتش عصام(عقد غوباشتو): علاش فين مشا منير بسمة:سافر لمكناس عندو شي حاجة عصام: اوا يلاه نصلوك (جات بسمة تهضر قطعها عصام): بلاما تقولي لا راه مغديش نخليك وقفة هنا او نتي حاملة و زيدون الا ساق منير لينا الخبار يخرجني في جورنال . تبسمات ليهم بسمة او مشات معهم وصلوها لدرها شكرتهم او مشات لدرا دخلات ترتاح شويا دتها عنيها او نعاست مع الحمل ولات نعاسة بزااف و زادت في الوزن على لي كانت . بعد ساعة فاقت لقات 5 عشية منير قرب اجي مشات وجدات كسكروط قهوة بتيبان خبزات حرشة كبيرة وجدات عشا حطات كسكروط فوق طبلة قهوة حليب و مشتقاتوه الزبدة الجبن حيت كتاكلو بزاف بسباب الوحم اومشات تجيب كيكة من كوزينة كانت صايباتها الصباح و خلاتها تبرد جلسات ترد الروح و كتحرك يديها فوق كرشها لي باينة حتى سمعات لباب تفتح ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM