💫💜قصة_المحلل💜💫 #الجزء 34 : 💥💕 كملات صفاء شغلها ومشات صلات العشا وهزات القرآن كتقراه بصوت مسموع فالدار حتى سمعات الحس برا ناضت حلات الباب لقات فتيحة يلاه جات تتحيد جلابتها ...صفاء:الله اقبل ...فتيحة:رديتي السحور ...صفاء:مزال معرفتش شنو تبغيو تسحرو ...فتيحة(عوجات فمها):و اش كتعرفيه غير جلسي ديري رجل على رجل ورتاحي نصايبو راسي الفطور قبيلة معجبنيش كتكتري الملحة ...صفاء(بابتسامة):اوا بعدا ا خالتي راكي كليتي ...فتيحة:بصحتي ياكما غتحاسبيني على الدغمة راه رزقي ورزق ولدي هداك ...صفاء(ببرود):مقلنا والو غير بالصحة ...خلاتها ورجعات لبيتها سدات عليها الباب وجلسات تكمل قراية القرآن وهي تتسمع فيها كتنكر وتلوح ليها الهضرة حتى سدات القرآن حطاتو وحيدات الاسدال ديالها تمات خارجة حتى تحل الباب ودخل حميد وابتسامة كبيرة على وجهو باينة فيه فرحان شافها وسد الباب بزربة وجرها عندو باس راسها وهو كيشوف فكل حاجة فيها اما هي وجها ولا حمر اول مرة تحط فهاد الموقف شداتها الرعدة من رجليها حس بيها وجرها من يديها جلسها فوق الناموسية وجلس حداها بدون مقدمات بدا كيقرب ليها وهي مخرجة فيه عينيها معارفة مدير لي عارفة من مها ولي قالت ليها متخافيش راجلك عارف اش كيدير ودكشي لي دارت صفاء استسلمات ليه واخا تخلعات بحكم انها اول تجربة ليها وحتى طريقتو كانت فشكل وكلو لهفة عليها الا انها مهضرات متكلمات خلات راسها ليه حتى لقات راسها فالفراش بوحدها وهو فالدوش كيتسمع غير صوت الما وسط دهشتها وهي كنشوف بقعة حمرا صغيرة وسط ليزار دليل على عفتها وشرفها وهدشي لي اكدو ليها وهو كيبوس راسها والفرحة غتنقز من عينيه...فيقها من سهوتها صوت الباب لي كيدق مصاحبو صوت فتيحة ...فتيحة:مناويينش تخرجو من هنا ولا شنو راني ملييت بوحدي ولا باغيين حتى تسحرو وتخرجو تلقاو الطبلة واجدة ...حميد(خرج من الدوش لابس بينوار وهاز فوطة كيمسح راسو تم غادي للباب وناضت صفاء لاوية عليها ليزار دخلات للدوش بزربة اما هو بقا حاضيها تا سدات الباب وحل على فتيحة لي غير شافتو طرطقو عينيها):ياك لباس معنديش الحق نجلس انا ومرتي الراس فالراس شوية ...فتيحة(كتسرط ريقها وتمتم وتشوف جهة الناموسية لي مرونة حتى زاد سد الباب ووقف قدامها):لا غير انا قلت تجيو تجلسو صافي سير سير ...مشات تتزرب دخلات للكوزينة وهي تتويل ...فتيحة:كيفااااش نسييييت كيفاااش اويلي صافي قضاو الغراااض كيغندييير دابا تا كنقووول نفرقهم وتصدق سابقاااني كيفاااش لا صافي غدا نلقاها حاملة وتخرجني هي وبعالكها للزنقة ...ضارت كتفتف جبدات شلاضة من التلاجة ومشات تتجري للبيت جبدات داك الصاك ورجعات للكوزينة قادات شلاضة فالطباسل ويديها كيترعدو وخلات شوية معزول جبدات شي حاجة من الصاك وبدات ترشها فوق ديك شلاضة وتخلط حتى سالات ورداتها للتلاجة وهي رادة البال باش مطيحش فنفس الموقف ديال الفطور ويضيعلها البلان........ #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM