حياة جديدة الجزء 21🔥🔥🔥🔥🔥 ( التتمة من بعد 210 لايك طاكيو صحابكم يقراو وجمجمو ❤️👈) نيروز:منير بسمة شافتها و هي تخنزر و العافية شعلات فيها جات تمشي لكن منير شدها من يديها و جرها العندو جنبو شي لي غضب نيروز بزاف منير:كتعرفيني اختي نيروز: منير صافي بركة متعامل معايا هكدا منير:اخر مرة نشوفك كطوفي بيا ولا بمراتي نيروز:غير سمعني هو الاول عافاك انا كنت قلت منير(قاطعها):شنو قلتي شنو مقلتيش مكهمنيش نيروز:ميمكنش ليك تقطع 10 سنين ديال عشرة بيناتنا ا منير منير:كنضن سمعتي شنو قلت ليك مرة أخرى عنعيط ليك البوليس انا رجل مزوج مبغيتش صداع مع مراتي سمعتي جر بسمة لي تكدب الا قالت معجبهاش الحال دارت عندها و هزات ليها حجبانها و نيروز معجبهاش الحال ركبو الاسانسير و طلعو الدارهم سدو الباب عليهم منير حيد الفيست بقا بجاكيت ديالو اما بسمة شدات شنطة ديالها و بغات تدخل البيتها هو يشدها من يديها منير:متحرمينيش منك حتى في فراشنا ا بسمة بسمة(شافت في و شافت في يديه) منير(رخاها و شاف فيها ترجي):عافاك ا بسمة بسمة فتحات باب بيتها و سداتو مشات جلسات على سرير اما هو حط راسو على الباب و نطق منير:كنبغيك بزااف كثر من روحي سمحي ليا كيف العادة معندها حتى رد حط يديه جهة قلبو و مشا البيتو لي كان جامعهم بجوج جلس و معارف شنو يدير شنو الحل ملقاهش نهائيا من غير صبر و يتسنا حتى ترضى عليه بسمة من الاول و جديد . دازو الايام و بسمة هي بسمة مدواتش معاه واخا محاولات ديالو لكن كتفشل واخا هكداك مفشلش نهائيا و داير في بالو انه خاصو مراتو ترجع ليه كيف كانت و يرد ليها گاع داكشي لي دارتو على قبلو . اليوم جالسين فوق الطبلة كي فطرو كيف ايامهم الاولى واحد ما كي دوي مع تاني و هذه الشي ضر منير بزااف من الداخل بسمة(هزات راسها فيه و نطقات بتبوت):اليوم عندي اول نهار في قرايا منير(هز راسو فيها و فرح بزااف):غتمشي بسمة:اه منير(هز براسو):انا نوصلك بسمة:لا مبغيتش غير قلت نعلمك و صافي باش حتى الا جيتي و ملقتينيش ميحسابش ليك مشيت بحالي منير(مسح على وجهو):بسسسسسسمممة سكت و وقف:معنردش عليك حيت والله العظيم الا مبقاش عندي جهد فين نزيد مشا جهة التلفازة و حط ليها تما 500 درهم و دار عندها:لا بغيتي تشري الكتوبة ولا شي حاجة و فلوس المركوب منين تسالي صوني ليا نجي نديك بسلامة . خرج و خلاها هي تبسمات و حطات يديها على قلبها الله حشال توحشاتو لكن لازم عليها تربيه مزيان باش معمرو يعاود اما هو منين حرق قدامها ورقة الطلاق و مشا عندها في ليلتها و بقا تابعها باش تسامح ليه راه سامحاتو و منين دوراتها في راسها لقات تربيه شوية و من بعد عاد تسامحو و في ليل عتقولها ليه ناضت بالجرا جمعات الطبلة و نصبات الغدا رداتو يطيب و دخلات جمعات بيت منير و كيف العادة كتلقا فوق السرير من جيهتو ورقة مكتوب عليها سمحي ليا خداتها و بقات كتشوف فيها و تبسمات رجعاتها المجر لي من جيهة لي كتنعس عليه طوات الفراش و خرجات طلات على الطجين لقاتو طاب طفات عليه و خرجات الخبز من الفريگو خلاتو يدوب باش غير ترجع تسخنو و مشات بدلات عليها و خرجات سدات الباب نزلات التحت ركبات في الطاكسي و قالت ليه فين يديها عند منير خبر زواجو نتاشر بشكل كبير كاين لي عاتبو على نيروز لي خلاها و كاين لي فرح ليه حيت كي شوفها ممناسباش ليه و كاين لي ممصوقش گاع وقف لوطو قدام باب لفاك و دخل بكل هبة و هي لي كتخلي الواحد يحتارمو توجه بعد رئيس شؤون الطلبة و دخل عندو منير:سلام بلال:اهلا سي منير منير:ربي يخليك جيت عندك ناخد ملف ديال طلاب بلال:أهاه عتبدا الحصة مع 10 منير:عرفت جيت غير نكمل مع طلبة لخرين درس الاخير باش يشدو عليا استاد التاني بلال:هذه الشي لي كي عجبنا فيك هاك خود منير:شكرا خداه من عندو و خرج جبد تيلي و شعل ليكخو كانت فيها صورة ديال بسمة تبسم و نطق من كل قلبو منير:ياااربي عارف راسي غلطت لكن معندي حتى واحد من غيرها ياااربي حنن قلبها عليا و رجع ليا مراتي لي توحشتها . شحال زوين ان الواحد يطلب من الله داكشي لي باغي و ربي كي ستاجب ليه حيت لجأتي ليه و مشي لغيرو و اكيد كون متيقن انه عيستاجب لدعاءك وصل لاونفي دخل و قرأ طلبة و علمهم بلي معيكملش معاهم هو بقاو فيهم الحال وصلات ل 10 و خرجو كاملين و هو جلس حنا راسو على تيلي كي شوف فيه معارف واش يصوني ليها او لا في الاخير زعم و صونا ليها و هو خايف تقطع عليه متهنا حتى سمع صوتها منير :الو بسمة بسمة:سلام منير:لباس عليك بسمة:الحمد لله منير:وصلتي بسمة؛يالله نزلت من الطاكسي داخلة عرفتي مكنعرف حتى واحد هنا داخلة على الله ا منير غير عنسول و صافي منير(تگعد):تبغي نقول لعصام يصيفط ليك شيماء بسمة:اويلي لا خلي عليك السيدة في تقار و زيدون لي بفمو ما يتلف يالله بسلامة نسول واحد البنت منير:منين تلقاي القسم صوني ليا صافي بسمة(ستغربات):القسم ختي طفا ليها التيلي حيت عتسول وحدة أخرى اما هو تنهد و جلس على الاقل قالت ليه بلي وصلات بداو الطلبة يدخلو كاملين هو توجه البلاصتو حتى رجع و بدا كي قاد الداطاشو و هز راسو فيهم منير:سلام ***:وعليكم السلام منير:اول حاجة مرحبا لطلبة ديالنا الجداد ***:شكرا منير: نعرفكم براسي منير السملالي استاد المالية عنقريكم 3 المرات في السيمانة و عيكون عندكم اساتدة اخرين غير هو انا عندي الانضباط بشكل كبير و منبغيش نسمع صوت الهضرة تيلي يتطفى في الزنقة قبل ما دخلو عندي باش نتجنبو المشاكل واخا الكل:واخا منير:المهم عنغوت بالاسماء و تجاوبوني لي غايب عيبان ***:واخا بقا كي غوت كل واحد بسميتو ها لي غايب ها لي حاظر حتى وصل لاسم بقا غير كي شوف فيه لسانو تلجم هز راسو كي قلب حتى حلهم على جهدو صدمة من مور صدمة كيفاش هذه القضية مسح على وجهو و جبهتو لي عراقت قد ما هو فرح على قد ما بقا فيه الحال كيفاش كان مغفل حتى لهذه الدرجة و مسولش غمض عينيه و ولا فتحهم و جمع تخنزيرتو لي كتدل على عدم الرضى و نطق ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM