حياة جديدة الجزء 20 🔥🔥🔥🔥🔥🔥 ( التتمة من بعد 210 لايك طاكيو صحابكم يقراو وجمجمو ❤️💪 ) لقا عصام جاوبو ديك الساعة قال ليه يجي بعد ساعة وصل عصام عليه و دخل عندو شافو جلس و تنهد و مشا عصام مفهم والو الدار خاوية شاف فيه عصام:مالك اخاي منير:بسمة مشات عليا عصام(مفهم والو):كيفاش منير(مد ليه ورقة الطلاق) عصام(تعصب):قلتها ليك منير(هز عينيه فيه حومر):شنو ندير دابا عصام:عاد كتسول ا صاحبي سير رد مراتك لدارها منير:معتبغيش خسرت مراتي في خطرة عصام(جلس حداه):أصاحبي هذه 5 الايام كاين الاضراب مساندين اساتدة المتعاقدين ديرها حتى انت و سير رد مراتك لدارها بركة ما تقهر راسك و تقهرها معاك يحساب ليك دابا عتكون مرتاحة لا بالعكس حيت حتى هي كتبغيك غادي تكون كتعدب منير:انت معارف والو خسامها خايب ا عصام عصام:و انا كنقول ليك متخليهاش ا منير سير ردها مسح وجهو و هو تنهد سمع صوت الباب ناض كي جري فتح بالزربة:بسمة كونسييرج:سلام ا سي منير منير(تصدم):سلام كونسييرج:راه جات عندكم شي مرا الهنا و شحال و هي تسول عليك و على مراتك و من بعد جات اليوم و مشات و من موراها خرجات مراتك قلت نعلمك منير(زير على يديه):وصفها ليا كونسييرج:هي طويلة و نحيفة و شعرها صابغاه الزعر منير(عرفها شكون):واخا شكرا مشا و هو دخل و ضرب يديه مع الباب عصام شاف فيه و تنهد:فهمتي البلان منير:غدي نقتلها عصام:بغيتي تقتلها رجع مراتك لدارها ا منير منير:عنمشي دابا عصام:انا نصوني لشيماء تجي تجمع هذه الحالة منير(رتب ليه على ضهرو):لهلا يخطيك هز ليه براسو و مشا دخل البيتو هز شوية الحوايج و دارهم في الساك و مشا خرج خلا عصام كي دوي مع مراتو ركب في لوطو و الوجهة ديالو هي عند مراتو حبيبتو. حلات عويناتها على صوت ديال ترحاب ستغربات شكون عيجي لدارهم مع 12 ديال ليل ناضت عليها بشوية و هي دايخة بالنعاس خرجات المرح كبير هزات راسها و هي تشوفو واقف قدامها كي سلم على باها و حتى هو فرحان حمد:مرحبا مرحبا ااا رحمة عطي لمصطفى جوج دجاجات بلديين دبحوهم لنسيبنا يالله رحمة:هي الأولى ا سي حمد مشا و منير عينيه كي قلبو عليها حتى شافها واقفة في جهة ديال باب المرح تبسم ليها بخفوت و باغي غير ينفارد بيها باش يدوي معاها حمد:زيد زيد مرحبا زيد منير(دخل و جلس معاهم):ترحب بيك الجنة سمح ليا على هذه الدخلة في ليل حمد:مرحبا في اي وقت بسمة مالك واقفة ا بنتي زيدي جلسي بسمة(مشات جلسات) حمد(ضحك):منين جات و هي ناعسة تقول كانت كتهز التقل بسمة(تبسمات):عنوض عند يما الكوزينة حمد:أجي خليك مع راجلك انا عنمشي اجي ناض مشا الكوزينة عند رحمة باش يعاونها في الفرارج و بقات بسمة مع منير في البيت منير:كون تسنيتيني حتى نجي كنت عنشرح ليك كلشي بسمة:علاش جيتي منير(شاف فيها):سمحي ليا عارف درت غلاط ولكن حتى انا بنادم ا بسمة و كنموت عليك بسمة(سكتات) منير(ناض جلس حداها و جبد ورقة الطلاق و البريكة شعل فيها العافية):ها هي الورقة لي نوضات لينا المشاكل كاملة حرقتها گاع انت مراتي على سنة الله و رسوله ا بسمة سمحي ليا و يالله ترجعي الدارك بسمة(شافت فيه):واخا دير لي درتي معمرك عتحس باش حسيت مبغياش نرجع معاك ا منير بلا ما تعدب راسك منير:واخا كنبغيك بسمة:حتى انا و انت عارف هذه الشي لكن واش عتقدر ترجع تيقتي فيك اااه منير:الوقت عيرجع كلشي البلاصتو بسمة حركات راسها و ناضت من حداه هو تنهد و دوز على وجهو معرف شنو يدير برا حدا الباب كان باين بسمة لي سمع بعض كلامهم و باين انه تقلق حيت بنتو مخاصمة مع راجلها و عيجبد ليها ودنها ترجع ليه حيت مشي بنتو لي تغضب و زيد عليها منير لي جا عندها في هذه نص ليل باش يرجعها كبر في عينيه دخل و دار ابتسامة بحال لي مكاين حتى حاجة . دازت يوماين و بسمة متجاهلة منير فين ما يبغي يدوي معاها حتى كلامها معاه ما كتدوي و هذه الشي كي ضرو في خاطرو كي نعسو في بيت واحد ولكن مكيدويوش و مكتحليهش يقرب ليها اليوم في الفطور جالسين فطرو و بسمة مكتدويش و منير صابر جميع الحلول دارهم معاها و هكداك كي تمنى تحن عليه ناضت مع مها جمعات الطبلة و مشات معاها الجنان ياخدو الرمان و خلاو حمد مع منير بوحدهم حمد:مخاصم مع بسمة منير(حشم منو معندوش الوجه علاش يشوف فيه سكت و حنا راسو) حمد:عارف و فاهم علاش جيتي ا ولدي بسمة تربات على صمت و كتسمع ليك كلامك لكن عرفتي شنو عيبها هي الا تخاصمات معاك والله ما تهز راسها فيك ولا تدوي معاك هذا عيبها ا ولدي منير:ربي شاهد انني مقامها عندي كبير و ميحيدو حتى واحد حمد:هذه الشي علاش زوجتها ليك نهار الاول باش جا باك الله يرحمو يطلب يد بنتي عرفتي شنو قال ليا منير(شاف فيه) حمد:قال ليا ولدي عصبي و خاصني بنت المرا تصبر عليه قلت ليه بنتي صبارة و تربية يدي قال ليا ولدي عندو غير نيشان قلت ليه بنتي حتى هي شادة طريق . قال ليا ولدي مكبغيش كترت الهضرة قلت ليه بنتي تجلس معاك بحال الا مكيناش . قال ليا ولدي خاصو معاه على دواير الزمان تصونو حيت أنا مشي دايم ليه قلت ليه بنتي تهزو فوق راسها و معمرها تشوف منها كلمة العيب . قال ليا هاز ليه الهم من بعد موتي بغيت تكون معاه مرأة و لالة النسا قلت ليه غير يرد ليها البال والله ما يشوف منها كلمة العيب منير عينيه دمعو من الاب ديالو لي كان ضارب ليه حساب حتى من مور موتو حمد:نهار قلتها لبسمة شحال بكات و غوتات و مابغاتش تزوج حكمت فيها و حتى هي حنات راس و مشات معاك بلا ما تعرفك كيف داير كنت عارف و متأكد انها عترجع الدارهم في ديك الفترة لكن مجاتش تما عرفتك راجل و نص و ميتخافش عليك داكشي علاش عهد عليا نجبد ليها ودنها و ليلة تاخدها معاك لدارها منير:لا مبغيتش نبزز عليها حمد(تبسم و شاف فيه):كون كانت مبغياش ترجع معاك والله ما تجلس معاك في طلبة وحدة كون هاني بنتي و نعرفها ولكن حتى انت ساعف ساعف ا ولدي راه العيالات هما هدو خاص صبر وجيهم لخاطر منير :كون هاني اعمي سكتو منين شافها داخلة مع مها تبسم و ناض حمد وقف و دار يديه من مورا ضهرو:بسمة أجي بسمة(حطات من يديها لي عندها و مشات عندو):نعام ا با حمد:من مور الغدا تتجمعي حوايجك و تمشي لدار راجلك معارفش علاش مخاصمين انت و ياه و مبغيتش نعرف لكن منين جا حتى الهنا و سامح في خدمتو على قبلك حتى انت حني ا بنتي يحن عليك الله سمعتي بسمة(حنات راسها):واخا ا با حمد(باس راسها):الله يرضي عليك سيرو لدركم و دويو مع بعضكم و حلو اموركم منشوفكش مرة أخرى جاية غضبانة جبدت ليه ودنيه حتى هو حتى انت ساعفي و ديري منين يدوز الما هذا هو الزواج مشي ساهل باش تبنيه و تعايشي معاه بسمة:واخا ا با هز براسو و خرج بسمة هزات راسها في منير و خنزرات:درتي لي عجبك واخا ا سي منير دابا تفرج منير(تبسم وقف و مشا عندها):عارفك معتقديش تقاومي راجلك بسمة:اممم خلاتو بغات تمشي شدها و جرها عنقها مزير عليها و هي لا بعدها عليه و مشات من حداه و هو عض شفايفو حتى هذه نسيبو جا على قلبو كيف العسل . تجمعو على كصعة ديال الرفيسة فوق الطبلة بسمة غير كتنقب و راسها مشي معاها كتفكر في جاي مشي ساهلة عليها نهائيا كيفاش عتعايش معاه دوراتها في راسها شوية و ولات نطقات انها كتبغيه و حتى هو باين هذه الشي من عينيه هزات راسها فيه لقاتو كي شوف فيها عيون كتدوي مع بعضياتهم و شرارة العشق خارجة منهم عينيها في البلاصة دمعو و هو حرك راسو بلا متبكيش لكن زهقات ليها دمعة مسحاتها ضغيا و حنات راسها كتبغيه بزااف و كتموت عليه لكن ملقات جهد حاسة بضغط كبير أما منير منين شاف دمعتها الماكلة وحلات ليه غير كي نقب داير الخاطر نسيبو حتى كملو و ناضو غسلو يديه و وبدلات بسمة عليها و خرجات سلمات عليهم هي و منير و ركبات معاه حاطة راسها جنب الشرجم و هو ركب حداها خارج من العروبية الوجهة هي فاس منير: بسمة بسمة(صمت) منير(دار عندها):دوي متسكتيش صمتك كي قتلني بسمة (صمت) منير(مد يديه يشد يديها):تيقيني والله حتى كنبغيك و ربي شاهد كنموت عليك بسمة(نترات يديها منو):صمت منير(ولا شدها و زير عليها):محدني عايش و كنتنفس والله ما انا مفارق عليك ولا عنخلي هذه اليد حولات تجرها لكن والو في الاخير ستسلمات وصلو الفاس و وقف قدام العمارة ديالهم نزل و دار جبد الشانطات ديالها و هي وقفة في الباب حتى مشا عندها يالله جاو يدخلو و هو يسمع صوت انثوي نيروز:منير ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM