الحياة الغامضة الجزء 29 🔥🔥🔥🔥 ( التتمة من بعد 400 لايك طاكيو صحابكم يقراو ) _ هز حمد سلاحو في ايدو وحطو ليا في راسي وقال ليا سلم على باك شفت فيه وبديت كنضحك يحساب ليكم الواليد مات نتوما غالطين غير كون متأكدين انهو غادي ينتاقم منكم على هاذشي كامل لي درتو حمد : شنو كيقول هاذا واش كيتفلا علينا كريم : يقدر يكون عندو حق يقدر يكون باه لي مسيفطو حمد : شنو نديرو بيه دابا اسي كريم كريم : بلا ماتقتلو حتا نشوفو شنو غادي نديرو وزايدون واعدت ولدي اني منقتلوش حتا نركع امين عند رجليه ... دوه سدو عليه _ داوني الغرفة تاني وربطوني بسناسل عندي شوية الزهر ملي مقتلونيش ولكن فاش غادي يعرفو الوتائق المستندات مزورين ماغديش يرحموني بقيت كنفكر حتا داني النعاس الغد ليه كنفيق على صوت الحراس لاحو ليا الماكلة وخرجو بديت كناكل بحال شي كلب شوية هو يتحل الباب تاني دخل منير ومعاه الحراس بنت ليه كناكل بديك الطريقة وهو يدفع الماكلة برجليه منير : زيد تتتت بوبيز قرب ها ماكلتك _ بدا كيعاملي بحال شي كلب شوية هو يضربني برجلو لوجي منير : شتي مكانتك الكلب غادي ندمك نخليك تشها الموت نتا غادي تبقا تعدب وأنا غادي نعيش الحياة المتالية مع لينا بصراحة متافق معاك على هاذشي لي كدير على ود لينا هي واحد البنت ماكينش بحالها اخخ ربي عطاها كلشي الزين والدكاء اييه شحال كتحمقني ودابا كنحس براسي فرحان حيث ربحتك ولينا معايا _ لينا عمرها غادي تكون ليك غير حلم وتقرب جيهتها غادي نقتلك ... قرب ليا تاني وبدا كيشتف عليا منير : شكون غادي يحدها ليا نتا ولا رجالك ههههه نقدو غير ريوسكم يله بسلامة عليك ومرة مرة غادي نزورك ولينا صحاب _ مشا وهو كيضحك وأنا شاعلة فيا العافية حقدني بهاذ الهدرة لي قال ليا خاصني نخرج من هنا بأي طريقة بقيت كنفكر فشنو الحل مالقيت حتا حل حيث سناسل لي في رجلي وفي ايدي حابسيني غادي يخصني شهور طويلة تاني بقيت كنفكر حتا لقيت حل واحد وحتا هو مضمونش ولكن غادي يكون عندي فيه شوية الامل بقيت مريح والوقت كيدوز تقيل حتال واحد الوقت دخلو عندي الحراس عطاوني ناكل غير كليت هو يجيني النعاس نعست وبديت كنحلم بيلا مريح مع ريان ولينا وعائلتي وأنا فرحان حتا ستحليت الحلمة وهوما يكبو عليا الحراس الما بارد وبداو عليا بالعصا هو يدخل كريم وحمد وبداو تاهوما كيضربوني كريم : نتا القرد تضحك علينا ليوم نخليو دار عشتك _ عرفو ببلان المستندات مزورين ولكن مزيان هاذشي لي كنت باغي حيث الحل الوحيد هو نرجع البلاصة لي كانو كيحققو معايا فيها وسط الديبو حيث هي البلاصة الوحيدة لي مايكون رابطيني بالقنب داوني تاني البلاصة ربطو ليا ايدي ورا ضهري بالقنبة ورجلي عاد بداو كيلسقو ليا القنبة في كرشي وربطوني مع الكرسي باش منتحركش وبدا كيضرب فيا حمزة حمد : قول ليا فين المستندات _ قلب جيبي ربما تلقاهم ... غمز حمزة وبدا عليا بالعصا حتا وليت كلي دم ووالو مابغيتش نقول ليهم وهوما يجيبو واحد الحديدة بداو كيعطوني لرجلي بغاو يهرسوني ومع دالك مدويتش واخا تقصحت بالمزيان كريم : راسو قاصح رجعوه بلاصتو تال غدا تاني ونحققو معاه غادي يدوي غادي يدوي _ فكوني من ديك القنبة وبديت كنمتل عليهم اني مقادرش نوقف على رجلي بداو كيجروني واحد الوقت قربنا جيهة الغرفة بانت ليا حديدة صغيرة مقمقمة قدامي غير قربت جيهتها وأنا نطيح ليهم زربت عليها خشيتها في كم ديال تريكو ديالي .... مابقتيش قادر نتحرك حارس 1: هزوه دوه الغرفة حمد : إلى بقال بحال هكذا غادي يهدر بزز منو ليوم مشاو ليه رجليه غدا ايديه كريم : غير هو مخاصش يموت حياتو مهمة بالنسبة لينا حاليا _ داوني الغرفة ودارو ليا السناسل ... شوية وهو يتما داخل حمد ... رجلي مابقيتش كنحس بيها بغيت طبيب حمد : شي أمر آخر يحساب ليك مريح في دراكم والله يامك وماتقول فين كاينين المستندات حتا نخليو فيك غير العينين لي مقادين باش تبقا تشوف الحالة لي وصلتي ليها حسن ليك تعاون معانا على الأقل تموت مرتاح _ كتعرف تقدم العروض ماغدي نقول ليكم والو غير تحرگو الحجرة معايا حمد : دابا نشوفو ... ايه نتوما حيدو ليه سناسل من رجليه _ خرج مشا بحالو وأنا بقيت مريح كنحرك في رجلي تقصحت فيهم شوية ولكن قادر نتحرك عادي وهكذا داز النهار لول والنهار الثاني حتا هو عدبوني فيه غير هو هاذ المرة رخفو عليا القنب ربطوني غير من ايدي حيث مثلث عليهم مزيان ولكن شبعوني عصا ووالو النهار الثالث خرجوني الحراس وداوني لنفس البلاصة غير هو هاذ المرة كيبان ليا الحراس لي في ديبو قلال وحتا من حمد وكريم ماكينيش قلت هاذي هي الفرصة ربطو ليا ايدي وگلسوني فوق الكرسي بدا كيسولني حمزة على المستندات وكيضربني بقيت معافر مع ديك الحديدة حتا نزلتها عند ايدي وبديت كنحاول نقطع القنبة واحد الوقت ضربني حتا طحت من الكرسي وطاحت ليا الحديدة حتا قلت واقيلا عاق ولكن الحمد الله دازت سليمة هزني ريحني على كرسي وبديت كنشوف في حديدة بقا كيسرفق فيا ... صافي وليت كتسرفق ايديك حنان صحبتي كانو ايديها قصح من ايدك اصحبي حمزة : عمري شفت شيواحد عزيز عليه العداب دابا نوريك _ بقا كيضرب فيا وأنا كنجهل فيه بالهدرة حتا ضربني بواحد الكروشي طحت الأرض جيهة الحديدة بقيت طايح الأرض وكلاهي فيه بيما هزيتها .... صافي غادي نقول ليك كلشي منير : يله قول نسمعك _ مع هزني حطني فوق الكرسي كنت ديك الساعة هزيت الحديدة بديت مكمل على تقطاع الهدرة وكنحاول لاهي فيه حمزة : دابا يا ايما تقول ليا ولا تتبع ايدك لرجليك _ لا غادي نقول ليك المستندات حاطهم في واحد الدار .... حطيتو العنوان قيدو في ورقة ومشا بعد عليا شوية و سيفط وحدين من رجالو يشوفو ويتأكدو رجع لعندي حمزة : عرفتي وميكونش العنوان صحيح ماغديش رحمك _ بديت كنتمتم بشوية دابا غادي تموت حمزة : شنو قلتي _ قرب لعندي نقول ليك مع قرب قلت دابا غادي تموت بجهد غفلتو وضربتو بي حر جهدي بديك الحديدة خشيتها ليه في دماغو طاح عند رجلي هزيت سلاحو وبديت كنتيري في رجال كريم مع غفلتهم طيحت 4 دغيا وبقيت مشابك مع شي وحدين كانو شي 5 قتلهم وخرجت كنجري من ديك البلاصة خرجت في واحد الغابة بقيت كنرجي حتا وصلت الشانطي وتما عرفت بيلا الديبو لي كنت مشدود فيه كاين في غابة سيدي مساهل بعيدة ب 3km على اسفي بقيت كنتمشا حيث حتا واحد مابغا يوقف ليا وصلت لواحد القنت هو يبان ليا واحد خونا يله بغا يديماري الموطور هزيت عليه السلاح قلت ليه عطيني موطورك ولا نقتلك هو تخلع وهرب هزيت المطور وقصدت الدار لي كنا دايرينها مخبأ دخلت لغرفة السرية هزيت تيليفون تاصلت بزريقة تيليفونو طافي من بعد تاصلت بالمكتب جاوبني واحد من المكلفين بالاتصال عرفت براسي من بعد دوز ليا الرئيس قلت ليه شنو وقع قال ليا خليك بلاصتك دابا يوصلك الدعم وغادي يجيبوك لعندي من بعد 20 دقيقة كنسمع الطومبيلات جاو قدام الدار خرجت شفت ملاك فرحت مشيت عنقتها وعنقاتني طلعنا الطومبيلات ريحت حداها ... فين هو حسام مبانش ليا معاك وعلاش كيبانو ليا معاك رجال آخرين من غير الفرقة ديالك ملاك : عندي ليك خبار مازويناش _ دغيا دموعها نزلو وبدات كتبكي... ملاك مالكي شنو واقع ملاك : أمينة سميرة زريقة خالي وباقي أعضاء فرقة nala وفرقة التدخل السريع كلهم ستشهدو من غير حسام مزال في السبيطار رآه في غيبوبة _ مايمكنش هاذشي لي كتقولي شنو وقع ملاك : من بعد التسليم ديال الرهائن كانو دايرين جهاز تعقب في سبادري ديال ختك .... وحاصرونا في طريق كان العدد ديالهم كتير وحتا المنطقة لي حاصرونا فيها كانت واعرة وحاصرونا من جميع النواحي ومكان عندنا كيف نديرو ولكن أمينة وسميرة مساكن كانو شجعان وضحاو بريوسهم باش نقدر أنا ورجاء نهربو ريان وماماك فاش خرجنا من تما جات الشرطة لقات كلشي مات وحسام مزال كيتنفس داوه السبيطار _ كنسمع هدرتها وحسيت براسي بغيت نبكي تصور هاذ دراري كاملين يموتو لي كنت كنعتابرهم خوتي .... واش دفنتوهم ملاك : مزال تال غدا _ بقينا غاديين حتا وصلنا لرباط قصدت المقر ديالنا دخلت لقيت الواليد كيتسناني كانت ديك الساعة 18:15 الرئيس : كنت عارف غادي ترجع حيث عندك 7 الرواح بحال المش _ وأنا مايحسابش ليا غادي نرجع وكون يحسابلي ملي غادي رجع غادي نسمع هاذ الخبار كون مت تما ... كيفاش حتا طلعتو كوانب بسبابك مات العرام ديال بنادم الرئيس : الخطأ كيوقع وماتجيش تلومني أنا كنأدي الواجب ديالي وحتا دراري كانو كيأديو الواجب ديالهم وكانو شهداء..._ نتا الواليد كنتي كتخدم المصالح ديالك كون مكنتيش كتفكر في راسك كون مديرش هاذ المسرحية كاملة وساومتي حمد وكريم على بنتك ومراتك مقابل المستندات غادي يقبلو وكون بغيتي تشدهم وتعاقبهم كون درتيها شحال هاذي حيث عندك جميع الدلائل ولكن لا نتا درتي هاذشي على ود مصلاحتك الرئيس : اه درت هاذشي باش نعرف عائلتي فين هوما ومايمكنش أنا نخلي كريم وحمد يحسو بأنهم ربحوني خاص يدوقو نفس الشعور لي حسيت بيه ونتا لي مريح كتلومني نتا بسباب طيرانك خرجتي ليا على جميع الخطط ديالي كنت غادي نتاقم منهم بلا كانخسر والو ولكن بسبابك ضاع ليا بزاف ديال الوقت وضاعو ليا أحسن رجال عندي كون داك النهار سمعتي كلامي كنا غادي نشدوهم بلا كانخسرو رجالنا ولكن نتا طحتي في الفخ فاش شفتي جتة سماعيل واش يحساب ليك اني مكنتش غادي نحاول نعتقو راني كنت عارف انهو مات فاش جيت عندك ولكن مابغيتش نعلمك باش مديرش داكشي لي فراسك وداكشي لي خفت منو طحت فيه حيث كنعرفك فاش كتكون معصب كتبدا غير تخربق _ دابا شوف الواليد لي نطولوه نقصروه الواليدة لقيتيها وختي عارف شكون هي دابا خاص نتاقمو منهم ولكن بغيتك تعاوني نلقا لينا هو لول الرئيس : لينا هي سباب خلاك ... لينا عارف بلاصتها ماغديش لقاو صعوبة في أننا نسترجعوها ... دابا سير رتاح وغدا غادي نمشي أنا وياك واحد المهمة _ مابغيتش نرتاح بغيت نشوف الجتت ديال صحابي ... داني واحد السبيطار ودخلني لغرفة الاموات قلت ليه بغيت نبقا بوحدي خرج و بديت كنحل ثلاجة الاموات بديت كنحل وحدة بوحدة حتا وصلت لعند جوج تلاجات كانو حدا بعضهم كانت فيهم أمينة وسماعيل بديت كنشوف فيهم وبلا مانشعر بديت كنبكي واحد الوقت بديت كنتفكر دوك الأيام الزوينة ديالي ليسي كملت حلان ديال التلاجات لقيت جتة سميرة وزريقة ريحت في الكرسي وشديت في راسي واحد المنضر متبغيهش لعدوك بقيت مريح تما واحد 10 دقياق من بعد بديت كنسد في التلجات وكنبوس صحابي على جبهتهم وكنقول إلى منتاقمتش ليكم فرآه مسميتيش امين والله ماتبقا فيهم وقبل مافندفنكم غادي ندفنهم قبل منكم حقدت ديال بصح حليت باب غرفة مستودع الأموات بشوية طليت واش كاين الرئيس بان ليا مجمع مع شي وحدين ستاغلت الفرصة بديت كنتسلت حتا فت الكولوار وبديت كنجري مافيا لي يتسنا تال غدا ليوم بليل غادي نصفيها ليهم كاملين ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM