الحياة الغامضة الجزء ,27 🔥🔥🔥🔥🔥 ( التتمة من بعد 400 لايك طاكيو صحابكم يقراو ) _ حتى أنا معاك هذاك خونا وماغديش نسمحو فيه وجد راسك بالليل أنا وياك غادي نهجمو على الفيلا ديال حمد لي ليها ليها حسام : علاش مانديوش باقي الفرقة معانا _ من الأفضل نمشيو غير بجوج كافيين نقضيو الغراض دغيا ونرجعو .... يله ندخلو الصالون . مشينا ريحنا مع باقي الفرقة أمينة : تعقل على هاذي _ نعتات ليا في وحدة ... اه هاذي واقيلا هي الطلابة لي كانت كتكون حدى الدار ولكن دابا كتبان مبدلة منال : هي أنا ديك الساعة كنت مبهدلة ههه دابا قاديت الحالة شتي أخويا كانو معديين عليا _ اه داكشي لي بان ليا كانو معديين عليك ولكن في سبيل الخدمة هانية المهم الشباب اليوم غادي تباتو كاملين هنا ولكن من غدا شوفو فين تسكنو بيما عرفنا شنو غادي نديرو و غادي نقاسمو لمجموعات كل مجموعة تكون مكونة من 4 أشخاص وكل مجموعة غادي تكون مكلفة بالحراسة لمدة 6 السوايع وتناوبو بيناتكم أمينة تكلفي بهاذ الموضوع أمينة : صافي واخا ... أمين تقدر تقدم ليا واحد الخدمة كنصوني لسماعيل تيليفونو طافي تقدر تعرف ليا من الرئيس فين كاين تشطنت عليه _ دويت مع الرئيس قبيلة قال ليا بيلا رآه باقي في البوسط ديالو بلا ماتشطني عليه أمينة : واخا صافي _ تميت خارج من الصالون قاصد البيت وهي تعيط ليا رجاء رجاء : مراد تسنا وريني فين نبدل حوايجي _ اجي تبعيني ... خرجنا من الصالون وهي تقول ليا رجاء : واش ديك السفريطة مراتك _ سميتها لينا ماشي سفريطة ومزال ماتزوجنا عاد ناويين رجاء : وأنا ؟؟؟ _ مالك نتي رجاء : أنا مراتك واش غادي تخليني وأنا كنبغيك رجعت باش نكون معاك نتا وولدنا منين خرجات لينا _ كنا مزوجين أما دابا لا أو نسيتي أو زايدون أنا وياك لي جمعنا و باقي جامعنا هو ريان ودابا قلبي مع لينا نتمنى تفهميني ... المهم دخلي لداك البيت بدلي حوايجك رجاء : مراد _ حطات ايديها على كتفي مع بغيت نبعد علينا وهي تخرج لينا عندنا ... رجاء دخلات لبيت ولينا قصداتني لينا : أمين فاش كنتو داويين وعلاش حاطة ايديها عليك _ حتى حاجة مهمة ألينا غير هضرة خاوية وصافي لينا : يحساب ليك درية صغيرة أنا ضحك عليا بهاذ الهدرة سير كمل كلامك معاها ولا عرفتي شنو غادية نمشي بحالي سير كمل علاقتك _ بدات كتبكي دموعها على سبة دارت باش تمشي وشديتها من ايديها وجريتها البيت لاخر بديت كنمسح ليها في دموعها ... متبكيش ألينا دموعك غاليين والله ماكينة شيحاجة لينا : نتا كتبغيها أمين متكذبش عليا _ اشمن كنبغيها رآه كنبغيك نتي الهبيلة وصافي سكتي مكنحملش نشوفك كتبكي لينا : ديما كتكون نتا هو السبب في أنهم ينزلو قول ليا فاش كنتو داويين _ صافي غادي نقول ليك هي قالت ليك كتبغيني وبيلا راجعة على ودي أنا اولدي ولكن أنا قلت ليها بيلا كنبغيك نتي حيث ألينا بغيت نكمل حياتي معاك غير نتي ومن نهار عرفتك مابقات كتبان ليا حتى وحدة من غيرك لينا : بصح كتبغيني _ عنقتها ... واش غادي نبقا غير نعاودها ليك وراه كنبغيك وكنحماق عليك احبيبتي لينا : كتخرج من فمك بحال العسل عزيز عليا نسمعها منك _ صافي نبقا نقولها حتا تملي منها لينا : لا مانملش منها ... وحاجة أخرى باقة ديك ختنا تقرب منك غادي نتفها هاني علمتك _ بديت كنضحك قالتها بواحد الطريقة كضحك ... الله يهديك واش يحساب ليك رجاء شي وحدة من بنات ليسي رآها ضابطة في المخابرات شابعة أونطريمة غادي تسلخك تبتي الأرض لينا : رآه غادي نتحول لزوفري وماغدي نعقل على حتى واحد رآه نتشرملو على بنادم لنحبو _ قالتها بصوت ولد وبدينا كنضحكو ... كنحس براسي مرفوع في السما فاش كنكون مع لينا كنكون فرحان وباغي نطير بالفرحة كتفاجي القلب سعداتي بيها لينا : أمين قول ليا شنو لي خلاك تبغيني _اول حاجة جدباتني ليك هو الجمال ديالك عندك وجه ملائكي عوينات كيسحرو وضحيكة كتاخد العقل كيفاش مابغيتنيش نطيح فيك وانا غير كنشوفك كنسا راسي كنبقا ساهي فيك وفاش تعرفت عليك كتر وشفت كيفاش كتعاملي وكيفاش كتهدري عشقتك وشفت فيك البنت لي بغيت نكمل معاها حياتي وحتا كون كاع ماكنتيش زوينة غير مجرد أني نتعرف عليك ونعاشرك غادي نبغيك حيث نتي من الداخل زوينة وحتى من برا الزين ولطاي والأخلاق كلشي كاين ... بديت كنغني ليها وهي عاجبها الحال لينا : كنبغيك بزاف احبيبي بغيت ربي ما يحرمني منك _ أمين ... بقينا داويين شوية وهي تبدا توجع تاني شدها الوجع لدرجة بدات تبكي بقيت جنبها حتى فاتها الحال شوية وخرجت من البيت نرجس : ولدي أمين سير تسخر جيب شي لحم هاذشي قليل لي هنا مايقدش _ هزيت الفلوس ومشيت جبت 6 كيلو اللحم من الجزار وشي موناضة ورجعت بحالي مديت داكشي لخالتي نرجس وأمينة هوما لي غادي يتكلفو بالعشا باغيين يوجدو اللحم والبرقوق ... ريحت في وسط الدار جا عندي حسام حسام: مع غادي يحطو العشا ويبداو ياكلو غادي نخرجو باش مايعرفنا حد فين خارجين _ عندي بلان ناضي مايشك فينا حتا واحد .... دخلت للصالون بقيت مجمع مع العشران بيما وجد العشا تقسمو على 3 طوابل وأنا نوض عيطت لينا باش تعشا لينا : فين غادي نتا ماغديش تاكل _ غير سبقيني دابا نتبعك دخلت لبيتي بديت كنجمع داكشي لي غادي يخصني في واحد الكرطابل وهي دخل عليا لينا لينا : أمين فين غادي _ ماكين مايتخبا غادي نمشي نعتق صاحبي سماعيل شادو باك ورجالو لينا : ونتا باش عرفتي هاذشي _ قالها ليا حسام سمع الواليد كيهدر في هاذ الموضوع لينا: وشنو ناوي دير وهاذشي تاني لي غادي دير غادي تعلم باك أو غادي دير داكشي لي كيقول ليك راسك _ لا ماغديش نقولها ليه حيث هو براسو سمح فيه وماغديش يخليني نمشي لينا : خايفة غير دير شيحاجة لي ندمو عليها نخاف تاني باك يعاقبك _ ثيقي فيا ماعندك مناش تخافي وزايدون مجاتش نسمح في صاحبي لينا: كنثيق فيك احبيبي غير هو نتا ومن غادي _ أنا وحسام ... هزيت الكرطابل وتميت خارج من البيت أنا ولينا قصدنا الصالون نرجس : زيدو تعشاو غادي يبرد _ غير بالصحة أنا مافياش ... حسام يله ملاك : فين غاديين _ نمشيو نجيبو الكواش من الدار القديمة باش يتغطاو الدراري ماجيت في نكملها حتا سمعنا واحد الطومبيل جاية بجهد وواحد الصوت بحال لا تلاحت شي حاجة قدام الدار بالجهد مشيت كنجري حليت الباب وتبعوني الدراري شفنا شنو واقع حتا كتبان لينا واحد الجثة مديورة في كفن بديت كنتسائل شنو هاذ العجب مشيت قصدتها حليت داك الكفن وأنا نتصدم من داكشي لي شفت لدرجة دموعي نزلو كان سماعيل ميت جات أمينة عنقات الجثة ديال راجلها وكتبكي بواحد الحرقة أمينة : سماعيل نوض عافاك متخلينيش بوحدي متمشيش وتخليني بوحدي _ بديت كنضرب ايدي مع الأرض والله ماتبقا فيهم غادي نتاقم منهم كاملين سميرة : أمينة الله يصبرك احبيبة عزائنا واحد حسام : ختي أمينة البركة في راسك ... أمين شوف هاذ الورقة _ قلبتها كتبان ليا مكتوبة فيها نوبتك جاية أمين وجد راسك ... حمير غادي نقتلكم حسام دخلو الجثة الدار وقسم الفرقة على 2 مجموعات نص غادي يمشي معايا ونص معاك وخلي غير أمينة و 3 يحرسو غادي نهجمو على دار كريم ودار حمد في خطرة يله دغيا وجدو راسكم أمينة : لا غادي نمشي معاكم بغيت نقتل حمد بيدي لينا : أمين بغيت نهدر معاك عفاك _ ماشي وقت الهدرة دابا تانجي ... جات لعندي لينا: عفاك متقتلوهش راه كيبقا بابا _ سيري دابا دخلي ألينا متكمليش عليا ... تجمعو الرجال وتقسمنا 2 فرق نصف معايا أنا وأمينة ونصف لاخر مع حسام وسميرة هوما غادي يمشيو فيلا ديال كريم وحنا فيلا ديال حمد وصلنا نصف الطريق وتفرقنا كل واحد قصد الهدف ديالو وأنا غادي شاعلة فيا نار الحقد غادي نشدو غادي نحيه وصلنا الفيلا ديالو فرعنا الباب ديال الجردة ولكن كتبان ليا القضية قالصة دخلنا لفيلا قلبناها مافيها حتا واحد ولد العبد هرب تاصلت بحسام ... الو حسام شنو درتو لقينا الفيلا خاوية مافيها حتا واحد حسام : حتا حنا نفس الشيء واقيلا كانو عارفين بيلا غادي نهجمو عليهم _ بلاتي بلاتي تصيدنا احسام طلعنا كوانب دار خوينا ليهم الدار كيفاش حتا مافكرتش فيها ... رجعو دغيا للدار نتلقاو تما .... أمرت رجالي يرجعو تفو معرفتش كيفاش حتا طلعت مكلخ وتكبيت بهاذ الطريقة على الله نكون غالط بقيت كنصوني لملاك حيث هي الوحيدة لي عندي نمرتها ولكن تيليفونها طافي بقيت كندعي الله باش يكونو عائلتي بيخير ولكن فاش وصلت للدار فشلو عليا ركابيا كيبانو ليا ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM