موحى ببرود : وااالو الواليدة غا شاافتني عريان
ضرباتو نعيمة فراسو : سكت ليمسخك كون تحشم
موحى :اوا هي لي مضقاتش لباب
سميرة بصوت بالكاد كيتسمع : راه دقيت هو لي مسمعووش
نعيمة بغات تبدل الموضوع
نعيمة : اوا كولو كولو مرحبا ونتا ريح
بداو كياكلو و سميرة غا حانية راسها حشمانة و وجهها مبغاتش تحيد منو ديك الحمورية كاع تقوول شدييتي العكر و طليتيه ليها
مرة مرة كيسرق شوفات منها شحاال جاات زويينة بديك الحشمة لي فيها بلاما يشعر حط يديه على راشو و نطق
موحى : أحح انتسطااا
فطومة و نعيمة دقة وحدة : هاااااااا؟!!!!!
موحى : والو غا تفكرت شي حاجة
"الحاصول الشيخة عمرها تنسا هزت الكتف و عمر العنااب ميتووب 🤣🤣 غا هو الفرق تحول من عناب عام لعنااب خااص بسميرة مها "
هز الكيكة داق منها و نطق : زوينة هااد الكيكة ليعطيك الصحة
شافت فيه نعيمة مبتاسمة و نطقات : ماشي انا لمن تقولها سميرة لي تبارك الله عليها قاداتها ليرضي عليها حادگة
هووماا كيهضرووو و هي بااقي باالها مع العجب المتعجب لي شاافت و داكشي واافي جاب ليها تبوريشة ناري قفراتها لي غتكون مراتو اشدااها تجي مع مها كون عرفات نعيمة مو كون كعما عتباتها ولات بحالا جالسة على الشوك
و ناضت سميرة وعينيها باقين فلارض : ليخلف اخالتي انا سبقتك ا مي
نعيمة : اويلي اترجعي بوحدك يتعرض ليك شي شفار و الوقت خيابت نووض ا موحى وصلها
سميرة : ولكن اخالتي ...
فطومة : اه بصح خيابت لوقت غا الشهر الفايت شفرو واحد مسكين
صغرات سميرة عينيها كتغزغز فسنانها شفاار بنهاار كي دارو ليها ؟؟ مزال يالاه الخمسة و نص باقي كعما طاح ضلام
نااض موحى و هي كتشوف غا لتحت مهزاتش راسها كااع كتشوف غا فرجلبه و ديك صورة محيداتش من بالها محشات براسها غا حاطة يديها على عينيها و غادية تا زكل مدخل فالحيط عاد قلبها بيديه لجهة الباب و بقات غادية
فطومة و نعيمة : لاهيلا مواتيين عالله غا يتعاجبو فالطريق
هوما غا كيتعاجبو راه كيتباغاو اخالاتي نوضو على سلامتكم ماعلينا نزلووو غاادي موصلها فطريق و هي غا كتشووف فلارض الراس مهزااتوش كااع فيه و طول طريق سااكتة و هو كيبتااسم كتجيه ضحكة و كيحبسها
بزز تا وصلها لحدا داارهم بلاما تشوف فييه نطقات شكرا و حلات لباب
شافها نخلاتو و هو يرجع و راسو كيقوليه غير و ليني موصيبة مع هادي
5 ايام داازو و ليوم اخر نهار اتقري فيه حيث العطلة الصغيرة جايا فيها 15 يوم جاات لقسم تا نقزات وحدة من تلميذات
التلميذة : استاذة كيف عرفتي كملنا الفصول د الدورة الاولى فالمقرر ممكن تخلينا نستاراحو هاد ساعة
سميرة ببتسامة : اهاه من حقكوم و لكن بشرط فاش نرجعو اتكونو خدمتو ليا بعض البحوث كل واحد انعطيه بحث خاص بيه فنهاية الحصة
التلميدة شافت فالتلاميذ لي حركو راسهم بالإيجاب : متافقين
و فالحال التلاميذ خشاو يديهم تحت الطاولات كل واحد اش جبد و بدااو كينطقو فخطرة
سنة حلوة يا جمييل سنة حلوة يااا جميبل سنة حلوى يا سميرة سنة حلوى يا جميييل
وسعاات عينيها و شداات على فمها بصدمة : واااااو و لكن كفاااش عرفتو عيد ميلادي ليوم ؟؟
تلميذة : سولناك داك نهار ا استاذة نسيتي صراحة أحسن استاذة و حنا ضامنين نجيبو النقطة فالباك
شداات فقلبها : بزااف عليا هادشي شكرا بزااف
: يااالاه قطعي ليينا الكيكة ا استاذة
كانو تفارضو التلاميذ و شراو جوج كيكات وحدة كبيرة و وحدة صغييرة عطاوها قطعات و بدااو كيصفقو و واحد التلميذ كان جاايب الكاميرا و كيصور بعدما خدا الاذن
التلاميذ بدااو كيهضرو غا بشوية ف 15 دقيقة لولة لي كان صداع مع كانو كيغنيو بنفسهم لأستاذتهم من بعدا بدااو كيعطيوها الكادوات كاين لي كيجيب ليها كادوات زونين و كاينين لي على قد الحال حيث تلاميذ حال و احوال كاين لي عندو و لي معندوش تقبلات كولشي بصدر رحب و تشكراتهم تا ناااضو وااحد عشرة د نااس
- دبااا وقت المسرحية
" كانت المسرحية باللغة الفصحى تااريخية كتهضر على ملك زير نساء بغا مرة نساتو فكاع النساء و خاصو يدوز من بزاف د الاختبارات باش تبغييه "
دوزات وقت زويين معااهم و خرجات متوجهة لقاعة الاساتذة و هازة ليهم حقهوم د المناضة و الكيكة يدوقو و معاها تلميد حط حداها الكادوات ديالها لي جمعهم فميكة كبيرة بالبيض غا وصلات لتما بدات كتعاود ليهم و هوما كيباركو ليها الشرف حيث كملات 24 عام و كيتمناو ليها طول العمر
كان موحى كيهضر مع استاذ اخر و هي كتشوف فيه الوحيد لي مقالش ليها عيد ميلاد سعيد
دار شاف فيها بصدفة خلاها كتشوف فيه و دورات عينيها بغير اهتمام زعما راني ممسوقاش ليك واخا فداخلهاا رااه شلا حواايج هوما من جييهتو
كانو قررو ايمشيو الغد لييه لرحلة لأكلمام بلاد الثلج يفوجو شوية و يتخلصو من ستريس د القراية رحلة خاصة بالاساتذة تافقو فين غيتجمعو و مع تلاثة عندهم الطنوبيلات ايمشيو بيهم مجموعين بيهم و هادي حاجة مزيانة ليهم ك كل
الكل كاان خاارج من القاعة د الأساتذة و كان كيهضر مع احدهم حتى سمع صوتهاا لي كيف اللحن تسمع فودنيه قلبو مبقاش ايتحمل كاع هاد الحب ليها كيحس بلي شي نهار ايخطفهاا
سميرة : موحى
دور عينيه عندها و نطقات بالكلام لي مكانش كيتوقعو منها .....
سميرة : سمح ليا على داك النهار كنت معصبة و متحكمتش فراسي
وسع عينيه وااش هي دباا عتااذراات ليه ولا كيحلم ؟؟؟ و عااد كملات عليه بكلامها تالي
سميرة و هي عاضة على شفايفها وكتمتم : محتارمتش مشاعرك تجاهي و لكن صراحة كان الامر محرج بنسبة ليا انه كولشي يعرف بهادشي وأنا ممولفاش بهاذشي
سميرة : سمح ليا حيث جرحتك
كاان حاال فمو شوية قبل مينطق : ماشي مشكيل
ساهي فييها لا لا غتهبلووو هو عناااااب و لكن رااه شعوورو وااخا يجمع العنب د العالم كامل مغيوصفوش قرب عندهاا بزربة
.....# يتبع
تابعوا باقي القصة واكتشفوا قصصًا أخرى عبر :
الفايسبوك : www.facebook.com/9isasRM
الواتساب : whatsapp.com/channel/0029VaicQtDKLaHqQiLXua02
مسنجر :
www.facebook.com/messages/t/25863888246590490
تلغرام : t.me/kisasRM
ليست هناك تعليقات:
إرسال تعليق