ساهي فييها لا لا غتهبلووو هو عناااااب و لكن رااه شعوورو وااخا يجمع العنب د العالم كامل مغيوصفوش قرب عندهاا بزربة و شد يديها موحى : تزوجي بيا ؟؟؟ سميرة بصدمة : انا ؟؟ موحى : نتي ا قلبي نتي حدراات عينيها بحشمة و طلعااتهوم فييه و حركات غا رااسها بالموافقة و باس ليها يديها فهاد لقطة بضبط طااح وااحد الاستاذ حداهم مطيح معاه كاع الاساتذة لي كانو كيتصنتو ليهم و هوما يضحكو ضحكة صفرة و ناضو و كاملين وجهو صبعهوم لداك الاستاذ - هداا لي قاال ليناا اجييو تسمعوو دوراات وجهها لهييه حشمانة و كضحك و هوما كولشي دخل كيبارك ليهم مسبقا حتى تزلع كوولشي كل واحد متوجه لدارو و موحى وصل سميرة بطنوبيلتو لدرب طرييق كاامل و هو يتعنب و يخليها حشمانة هداا غا لي حشمان وقف حداا داارهم و هبط معااها بااس ليها يديها مع البوسة مع قفزو بجوج نعيمة فطومة :حصلناااااااكوم فطومة : كتلوطو فالحرام نعيمة : الى متزوجتي بيها اولدي انا ساخطة عليك فطومة : تنا ساخطة علييك ابنت كرشي لمتزوجتيش بيه موحى : اصلا حنا عولناا نقولوها لييكم غنتزوجو غير سمعو هاذ الهدرة بقاو عاطينا لزغاريت الغد لييه سياادناا مشاااو لييك فالرحلة طلعو الاساتذة مزاحمين فجوج طموبيلات بااش يخلييو موحى وسميرة على خااطرهوووم اوا ياا أسيادي غاديين فطرييق و طالقييين شعبي مكااين غا هاااك بلااااك و سيييير عالله شطيييح و التحياااح بالمعقول و موحى جالس على سميرة غا فاش نتزوجو نديرو فاش نتزوجو نفعلو و تشادو هو يقوليها فاش نتزوجو تشطحي ليا و هي تقوليه مكنعرفش و يقوليها دبا نشووفو مشااو لتمااك البرد و السميقلي بلاصة التلج هكاك كتكون تصادفو مع ثلج مطايحش بزااف و نزلو سميرة دغيا ولا ليها وجهها و نيفها حمريين و موحى بقا عليها تاني اتسطيني متسطيني المهم دوزوهاا ضحك تما و تقشااب و لعبو بالثلج بدلوو النفسية كيفما بغااو تغدااو تماا تال لعشية عاااد رجعوو لدااارهم متكية فبيتها بعدما خدات دوش تريح راسها كاانت 12 د لييل تااا سمعات تليفونها كيصوني غا جاوبات تكلم موحى : ا فيين ا زيين ديالي سميرة : هههه معييتيش باقي فايق لدابا موحى بدا كيغني : حبك نتي جابني بليييييل مرضية كملات ليه : مابيا ماعليا بقااو كيضحكو بجووج و يتعااودو تا نطقات سميرة سميرة : فينك دبا ؟؟ موحى : فراس الدريبة طلي عليا سميرة : ههههه عنيبة فراس الدريبة موحى : هههه ياااك ا لالة وااخا مقبولة منك زين د قلبي سميرة طلات عليه من الشرجم و كتلعب فشعرها : سير لداار البرد علييك موحى و هو كيشوف فيها بتاسم جنب و نطق : اجي سخنيني فالبلاصة حطات يديها على فمها و سدات عليه الشرجم هاربة لبيتها وتغطات كلها وكتفكر فيه حتا داها النعاس فييينك ا زمااان نتا تجري و حنااا نجريييو نهار موور نهار حبهم كيتزااد لبعضهم و كذلك شوووقهم ليوم يوم مميز بالنسبة لييهم علااش لا و هو نهااار خطوبتهم الرسمية و عائلاتهم مجمووعيين و موحى و عائلتو مخلاوش من جهدهووم مخلااو مجابو و هاادشي ها لخطبة ماشي العرس غااا شاااافهااا بالقفطااان الاحمر لي عكس لون عينيها و المكياااج الصارخ و شعر مطلووق تلف تلفة وحدة ولا غاا يدور فعينيه و زيينهاا مهبلو سلاااو المراسم د الخطبة و طلقو ليك الكسيطة د شعبي مكاين غا ارااا برع و مع غا العائلات ديالهم جر سميرة من يديها و دخل بيها الوسط و العائلة دايرة بيهم كيعرف يشطح العفرييت و تا هي مكاين غا ليعطيك الصحة قرب لودنها و تكلم و مع الموسيقى مجهدة كان كيدوي بجهد باش تسمعو موحى : هادي غير لي مكتعرفش تشطح سميرة : ههههههه غير شوية موحى : ههههه اتولي تشطحي ليا فبيتنا و تكوني عريانة و انا كنتفرج فيك ضربااتو لكتفو و ولات كمارتها تاني حمرة و حدرات رااس موحى : اتسطيني ا جنية و هاااكااا داااز مرااااسم الخطوووبة لي غا كملوو دخل لبيت بااش يتوادع معاها زعما بااش يمشيو دخلو لبيت وسورتو و بداا كيقرب ليها ...يتبعع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM