ولات دبا متأكدة من مشاعرها بتااسمات جنب و نطقات : و لكن منكرش بلي جا معااك تعفار و زادك فزين و الهبة مبقاوش بعدا كيتلوطو عليه البنات بزااف سميرة : بصارحة توحشتو مكرهتش نشوفو (شافت البلاصة فين كان كيجلس مقابل مع دارهم وكتفكر فيه ) فطومة من الفوق : سميرةةة تهزي اتمشي معايا عند صاحبتي وجدي تاني شي كيكة اوا طلعاات على سعدها قداات الكيكة تااني و زوقااتها و كدهن علييها لاكريم شونتي دارت غا نص و شافت لجهة الباب مها مكايناش و شدات المعيلقة يالاه رمات المعلقة لولة ديال لاكريم جاتها الصندالة في أسفل الضهر سميرة : أااااي فطومة : لي فيه شي قاعيدة مكتحيد منو تب عمري لكيكة مزيان بلاكريم و نتي كليتيها بعينيك سميرة : واش حاطة ليا شي كاميرة د المراقبة غا گري ا فطومة گري فطومة : تي سربي اشباقا كتلعبي ليا تماك شحال هادي غا نعيمة لي كتجي عندي عمرني مشيت عندها من داك النهار يالاه يالاه سميرة :صافي سليت نلبس حوايجي و هانا معاك مشاات سميرة لماريوها لبسات جلابة بالحمر بارد مع بليغة و شعرها طلقاتو على راحتو هزو الكيكة و خرجو مجمعين سميرة : فرااسك ا ماما بغيت نشري طنوبيل فطومة : هاويلي نتي يالاه خدمتي كيغديري ليها ؟؟ سميرة : و لا ماشي دبا و ليني ديك البركة د المرحوم لي بقات عندي قلت يكمل العام نزيد عليها و نشريها فطومة : خليينا ابنتي بعداا تا نشريو الدار عاد نفكرو فطنوبيل سميرة : الى غا ديك الطموبيل انشريها نشريها فطومة : زيدي زيدي دقو لباب و رحبات بييهم نعيمة لقاوها داايرة ليهم المخماار والمسمن والبغرير وحاطة الحلوة ومشات الكوزينة تجيب الفاكية تاا تم داااخل لدار غا طلع عيطاات نعيمة من الصالون نعيمة : ولدي موووحى فين غادي سالت سميرة كانت راجعة من الدوش غسلات ايديها تاكيبان ليها موحى قدامها وسعات عينيها على وسعهم و هو شااف فيها تا هو و لكن مستغربش دييجا عارف مو و مها صحابات و لكن مينكرش شووفتهاا كضرو فقلبو بتااسم ليها و نطق السلام خالتي سلام ختي و حنا راسو بحالا مكيعرفهاش دخل لبيتو و سد علييه نعيمة : غا ولدي هدااك موحى ليرضي عليه فطومة : اه مصواب مسكيين ومكيهزش العين داك النهار كنت جايا من السوق متقلة و عاونني سميرة بقات غا كتسمع ليهم كولهم عارفين بعضياتهم هنا غا هي لي مقلوبة عليها الكفة بتااسمات و نطقات بينها و بين نفسها سميرة : ماعرت منين جاه صواب هاذو مزال مقلوبة عليهم الگفة ومكيعرفوهش نعيمة : بنتي سميرة عيطي ليا عفاك على موحى يجي ياااكل غا خرجات من حداهم حركات ناعيمة راسها لفطومة نعيمة : غنزوجوهم و نوليو نساب ياك ضحكو بجوووج و هزو الكيسان ديال اتاي اما سميرة غادية فطريق و وخايفة غير كتولول بزز بااش دقات لباب مجااوبها حد و دخلات غا دخلاات كاان خارج هو من دووش و وسعات عينييها بقات كتشوف فييه تلفاات و كتشووف فكرشو المطراسية و الهضرة تالفة ليها موحى: شنو كديري هنا وشكون عطاك الإذن دخلي لبيتي سميرة : انا ....غير.... أنا مع تحرك بخطوات لجيهتها طاااحت ليه الفووطة حتا بان ليه الدوزان و غوتااات على حر جهدهااا و غمضات عينيها ووجها ولا حمر سميرة : آااااااااااااااااااه ضرباتها بجرية وحدة موقفاات تا لعند مها كلسات و وجهها حمر حمر حمر لقاتهوم هوما واقفين كيسولو شنو وااقع و هي مرفوعة سميرة ناضت من بلاصتها : غنمشي بسلامة شدوها بجوج جلسوها و بصوت واحد نطقو : كلسي لارض بداو كيسولوها و هي بغات غا فين دير وجهها و عاودات وقفات : غنمشي لا صافي نعيمة فطومة : جلسي لارض قولي اشواقع بعدا وموحى كان خرج من بيتو غا شاافتو ضورات وجهها مخبية مور ضهر فطومة كان لابس غا شورط بالحمر و تريكو بيض نعيمة : مالها جات عندك رجعات مبدل فيها لون و حمرة ؟ موحى ببرود : وااالو الواليدة غا شاافتني عريان ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM