💫💜قصة_المحلل💜💫 #الجزء 35 : 💥💕 خرجات صفاء من الدوش لابسة بيجامتها وشعرها مطلوق فازك لقاتو جالس فوق الناموسية لابس فوقية بيضة وكيدزو صباعو على شعيرات لي فوجهو وكيشوف فبقعة الدم وهو مبتاسم حتى هز عينو فيها وناض عندها ...حميد:مبروك علينا دابا وليتي مراتي قدام الله وديالي بوحدي ...صفاء(حاسة بتوتر بدات تضور عينيها):احم يمكن تعطلنا على خالتي و ....حميد(قاطعها):ماشي مشكل مزال ساعة ونص للفجر اجي جلسي حدايا شوية ...صفاء(رجعات لور وهي حشمانة):خليني نجمع الفراش بعدا ...حميد:واخا ...تجنباتو ومشات تتحيد داك ليزار على الناموسية ودخلاتو ديك الساعة للدوش بقات واقفة كتشوف فيه وإحساس خايب متملكها نعلات الشيطان وحطاتو صبناتو تم بزربة ونشراتو غير تم تال يطلع النهار وطلعو للسطح..خرجات من الدوش لقاتو واقف فكل خطوة حاضيها واللبتسامة ممفارقاش وجهو جمعات البيت ورضات كل حاجة بلاصتها حتى حسات بيه وقف موراها ضارت عندو وبدون مقدمات نطقات ...صفاء:بغيت نشوف دارنا غدا امم زعما ملي نفيقو ...حميد:اهاه علاش لا انا نديك ملي نكون غادي للمحال ونجيبك ...صفاء:واخا احم نخرجو؟ ...حميد:واخا يلاه ...خرجو لبرا مشاو للصالون لقاو فتيحة جالسة جامعة رجليها وشادة التسبيح فيدها وتتمشي وتجي فبلاصتها وهي ساهية حتى جات عينيها فصفاء لي حنيكاتها مزنكين وشعرها مجموع الفوق باقي فازك كون كانو عينيها قرطاس كون قتلاتها مترحمهاش...جلسو قدامها وهي توقف ...فتيحة:اوا نحطو نتسحرو واقيلة ...صفاء(وقفات):انا نعاونك ...فتيحة(عوجات فمها):لالا غير جلسي رتاحي مع راسك ...مشات وخلاتها تتشوف رجعات جلسات حدا حميد لي شعل التلفزة وشد الاخبار..اما فتيحة دخلات للحوزينة وبدات تخبط وهي معصبة دات طباسلهم ديال شلاضة هوما لولين عاد رجعات حطات ليها فطبسيلها وداتو حطاتو قدام صفاء لي باقة حشمانة حتى كملات الحطان وزادو للطبلة ...فتيحة(قطعات الخبز وحطات لكل واحد):اوا زيدو مغنعرضكش ا صفاء ...صفاء(جرات طبسيل د شلاضة):بسم الله ...بداو كياكلو وفتيحة حاضية صفاء لي كملات طبسيلها عاد ارتاحت حتى كملو وناضت خلات ليها الطبلة جمعاتها وغسلات الماعن وجمعات الكوزينة لي كانت مرونة حتى سمعات الاذان وكلما سمعات صوت باها كتبتاسم وهي حاسة بشوق كبير ليه وباغا غير امتى يطلع النهار وتمشي تشوفهم...مشات للبيت لقات حميد كيصلي دخلات للدوش توضات وخرجات لقاتو تخشى بلاصتو ونعس...صلات وجلسات تدعي كالعادة وهزات القرآن لي ولفات تختمو فينما تساليه كتعاود من لول...سالات وسدات القرآن حيدات الاسدال ديالها وبقات تتشوف فبلاصتها تا عيات وناضت تخشات بلاصتها عاطياه بالضهر حتى داها النعاس....... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM