كنت طالب باش نشوف مول الشي ديريكت....مولات الشي حيت جات عندي امراة زوييينة ودايرة الماكياج مع شافتني تصدمات وهي تقول....علاء 😯...انا بقيت كنتعجب كنقول شكون هاذي اللي كتعرفني وأنا الناس اللي كنعرف محسووبين....شوية وهي تقول ليا معرفتينيش..قلت ليها لا...وهي تخيد النضاضر..بسمة اخوتي مع شفتها وأنا نتلاح عليها عنقتها قدام كولشي..قلت ليها عاودي ليا اشنو وقع كيفاش حتى وليتي هنا....مشينا أنا وياها لواحد القهوة دوزنا تقريبا تما العشية كااملة وهي كتعاود ليا ومغاديش نعاود ليكم حيتاش خاصني قصة اخرى باش نعاودليكم كيفاش طرى ليها..... -هاذشي كاامل دوزتيه ومزال صابرة (طبعا داكشي اللي دوزت كثر من داكشي اللي شافت ولكن هي كتبقى بنت).. بسمة: الحمد لله اللي عطاني الصبر... -اجي دابا نقول ليك كيولات الدنيا...انا لقيت الوالدة ديالي...ويونس تزوج بدنيا... بسمة: حلف بالله متخيلش شحال فرحتيني اعلاه...ااهاه وبا...خلاها.. -باك مات الله يرحمو.. بسمة: الله يرحمو واخا معمرني غادي نسمح ليه على هاذشي اللي دار فيا... -متقوليش هكا ابسمة..الله اللي هو الله وكايسامح..كيفما كان الحال كيبقى باك وكانو عليه ضغوطات مزال غاتعرفيهم... بسمة: محااال واش نسامح... -اجي بعدا كيدرتي هربتي من خونا اللي كنتي مزوجة بيه... قلتها ليها وبدات كتعتع فالهضرة ومعرفات ماتقول...فكات راسها غي بواحد الجملة كنقولوها كاملين..قصة طوييلة... وحتى أنا محكرتش حيتاش كنت عارف كينا تما إن... -ماعلينا دابا يونس وختك هاهما تزوجو...والحر بالغمزة والعبد بالدبزة 😂😂 بسمة: ناري علاء هو علاء مكتبدلش...متخيلش شحال توحشتك الزمر...حاولت نتاصل بيك قبل ما يمشي ليا الفيس ولكن نتا مكتجاوبش...يلاه غادي نتفارقو وهي تقول ليا يالاه تبات عندي راه أنا ساكنة غي بوحدي...قلت ليها بلاش خليها مرى اخرى..وهي تقول ليا لا راه باغا نمشي معاك نشوف ماما وختي شحال هذا ما شفتهم...قلت ليها واخا...عيطت للسرباي باش نخلصو يلاه هزيت راسي نشوف فيه وأنا نلقى واحد خونا حالفها فيه نيت...غيث داك خونا ديال اليونان...مع شافني وهو يهرب بقيت كنقول ليه اجي غا نهضر معاك ووااالو خونا مخبي....شحال بقا فيا.😂😂...المهم خلاني حتى بردت وهو يخرج كيطلب السماحة... -أجي بعدا شنو كدير هنا ياك حرگتي.. غيث:اشمن حرگت حتى انت راه شدوني فاليونان نيت ورجعوني... -ضحية صافي...المهم هاك ها نمرتي الى بغيتي شي حاجة واخة فعايلك ماشي ديال الخير.. هي هاذيك خرجنا من القهوة ومشينا للدار ديال بسمة.....تا آشمن دار راه قصر هذاك ماشي دار...غا الجردة فداااش ولكن داكشي مبقاش كيهمني حيت عندي منو بزاااف...الحاجة اللي عجباتني هي أنه بسمة دوزت عندها يومين وعمرها لمحات ليا ولا شي حاجة ديما كنجمعو فحدود واخا بيناتنا علاقة ختنى فارضا راسها...هنا بغيت نوضح واحد النقطة للدريات راه الى كانو عندك الأخلاق كبار وكتبينيهم وتزيري عليهم مكيعنيش أنك كطيحي الدراري..راه كيطيحو فيك غا المكابيت أما الدراري كيطيحو فشي وحدة من نوع بسمة فارضا راسها بقوة....هاذي هي الشخصية اللي كيتمناها أي ولد فالفتاة اللي باغي...ماعلينا واحد الليلة كانت متجمع حوايجها باش تمشي معايا..وأنا نزعم وسولتها واش تزوجات بشي واحد مور هذاك لاخر اللي هربات ليه... بسمة:جامي فكرت نديرها -وعلاش.. بسمة: كنتسنى شي ناس يجيو ...والفاهم يفهم... -فاااهم الالة فاهم...صبري عليا غا تا نوصلو عند ماماك ونخطبك من عندها... بسمة: حلف..😂😂 -والله الزمر مالك باغا تطيري بالفرحة ...ههه ماعلينا مشينا كل واحد نعس فبلاصة تا جا الصباح وشدينا الطريق لطنجة نشوفو هو اللول الوالدة والخوادري يمشيو معايا نخطبو بسمة..ذاكشي اللي درنا دوزنا واحد يومين فطنجة وشافت بسمة ختها وقلت للواليدة اش كاين مسكينة بدات كتبكي بالفرحة..قالت ليا عمر فحياتي تخيلت غنخطب لواحد فيكم وراجلها حتى هو بدا كيزغرت....هبيييل واخا مكيفهم غرام فالعربية 😂😂 غا الوالدة اللي شرحات ليه..وحنى نشدو الطريق لآسفي....بسمة الطريق كاااملة وقلبها غايتفرغع...توحشات مها بزاااف..عرفتي شحال هذا مشافتها...اخييرا وصلنا...مشيت انا دقيت وبسمة كانت ورايا....مع حلات مها الباب وشافتها دفعاتني بلا متشعر ومشات عنقات بنتها...دارو لينا تما فيلم ديال الدراما شي خمسة الدقايق وهوما معانقين...فديك اللحضة بديت كنفكر كيفاش غادي نخطب بسمة وأنا لا صواب لا والو...جاب الله جبت معايا داك الحمار ديال يونس هو خاتر فذاكشي....هي هاذيك ذخلنا حطات لينا أتاي واللعيبات... يونس: جلسي اخالتي راه بغيناك فواحد الموضوع... خالتي: واخا سربي راه خليت العشا كيطيب... يونس: وا صافي حتى تطفي ليه راه الموضوع ماشي ديال الزربة... مشات واحد نص ساعة وهي ترجع.... خالتي: يالاه دوي اش باغي تقول ... يونس: خالتي غانجيك نيشان انا ديت وحدة وعلاء بغا يدي لخرة وخيرنا مايديه غيرنا 😂😂 ياودي ياودي خونا عولنا عليه يدير الصواب صدق كثااار مني ... خالتي: انا ماعندي مانقول شوفو البنت واللي درتوها أنا معاكم غا يتهلى ليا فالبنت...اش بان ليك ابسمة... بسمة دارت ديك الضحكة الصامتة وهو ينطق راجل الوالدة أول مرا نسمعو هضر بالعربية قال السكوت علامة الرضى...قالها بواحد الطريقة مشلحة حنايا تفرغعنا بالضحك وهي تبدا الوالدة كتزغرت وفرحنا وداكشي....ولكن كيما كتعرفو عليا كولشي عندي مختالف...خلاتنا دنيا حتى زگينا الأمور وقادينا المسائل وهي تبدا كتغوت...بدا يونس كيترعد بحال الى عندو الباك...هربني مصخوط بقا كيقول ليا ديماري الطموبيل الزمر راه غاتولد لينا هنا...وأنا صافي غانتفرغع بالضحك...المهم ديناها للكلينيك وبقينا كنتسناو حتى خرج الطبيب....مشا عندو يونس قال ليه امضرا وهو يقول ليه مبروك اسيدي عندك التوام...وايلي وايلي على يونس جوج فدقة...ناري على زربة...المهم هي هاذيك مشينا تقدينا شي حويجات وقلنا نديرو السبوع تما نيت حيت تما فين كبرات دنيا وكيعرفوها الناس...المهم دازت سيمانة ذغيا مشينا انا وراجل الوالدة تقدينا واحد جوج حوالا ممكنيين حيت هو كيفهم فداكشي...جبناهم للدار وذبحناهم ودوزنا واحد السبوع معتبر...وسيفطنا يونس ومرتو وولادو لطنجةوبقينا حنايا كنوجو للعرس اللي تافقنا يكون من بعد شهر....ماعلينا ذغيا داز ذاك الشهر وبلا منطول عليكم داز عرس مفخم ودااايزو الكلام مكين غا الزهو والوالدة دكات ودردكات ناااري اش كدير للشطيح 😂😂 سالينا العرس الأسطوووري ومشينا لطنجة ... اراك دابا للدخلة...بلا منعاود عليكم المهم تلاقيت ذاكشي بميكتو وبلااا منذخلو فالتفاصيل....منعسنا تال واحد الوقت....المهم فهاذ اليامات بدات حياتي كتحسن...بعيد على الصداع والمافياوالمشاكل....مقابل المشاريع ديالي اللي خلى پاليرمو...وخدايا ميمتس وفرحااان مع راسي بسمة جات الوالدة ديالها سكنات معانا فالموبل فاش كينين...اوتقووول واش كيتفارقو...النهار كاامل وهوما كينممو خفت غا شي نهار يسحرو ليا 😂😂 واحد حسام مرة مرة كنديرو أنا وياه شي قهيوة وبعد المرات كيبقا يعاود ليا على داكشي ديال البوليس...المهم كيفما قلت ليكم حياتي بدات كتولي طبيعية....حتال واحد النهار...يتبع (المهم الإخوان القصة على مشارف النهاية بقاو غا شي أجزااء قلال بغيتكم تفرغعو التفاعل مزيااان حيت مور هاذ القصة كين الجزء الثاني ديال الرجل الغامض...400 لايك) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM