ذكاء مافيوزي 🔥🔥 الجزء 21 والأخييير

 واحد النهار قال ليا راسي نهز ذاك الكتاب ديال شمي المعارف اللي عطاني خونا...حيت قاليا فيه شي لعبة عندها علاقة بالجن والأرواااح وداكشي...ولكن انا بطبيعة الحال مكنآمنش بداك الزعت غا كنت داير ليه خاطرو وخديت الكتاب....ماعلينا جبدتو واحد النهار كنقرى فيه...فهمت شي لعيبات وشي لعيبان لا ولقيت فيه شي جداول...هي هاذيك دوزت شي سيمانة وأنا كنقرى فيه...حتى لهنى كولشي بيخيير مناقصني واالو ومكيبان حتى شي تغييير...البلان فاش خسرتها هي من بعد ذاكشي بسيمانة قطعت الصلاة....تما فين تبذلات حياتي 369 درجة...مبقيتش ذاك علاء اللي طبيعي...تخيلو ولاو كيبانو ليا شي لعيبات بالليل كيتخيل ليا الوالد الله يرحمو وبعذ المرات كنخرج بالليل هاز الموس...مرتي مسكينة مبقاتش قادرة تنعس حدايا....واحد النهار فقت بالليل لا إراديا وشديت الطريق لواحد الغابة....بقيت تما شي ثلثيام على ما قالو ليا ولات حالتي حالة وكناكل غي الربيع.....المهم تجرتلت ديااال بصح حتى لقاوني فذيك الحالة كتبان ليا بسمة كتبكي وماقادرا تدير وااالوهزوني فالبلاصة داوني عند واحد الفقيه فشي قبائل سوس مع بدى كيقرى القرآن وأنا نبدا كنعربط وااالو مبغيتش نسكت ومع ذالك بدى كيقرى واحد شوية مبقيتش عاقل شنو كندير.... المهم العشران معاكم يونس....ملي بدا خونا كيقرى فالقرآن بدات شي حاجة كتدوي الداخل ديالو....واااع واحد الصوت كيخلع وأنا غا كنترعد ومخلوع لايصدق ميت لينا هاذ الزمر.... الفقيه: شحال نتوما هادوك: انا غي واحد هاهاهاها...ضحكة شريرة الفقيه:وشنو باغي عند السيد خرجتي عليه هاذوك: هو اللي شنو بغا عندي الفقيه: مالو شنو دار ليك... هاذاك: كيعيط عليا بالليل وكيبدا يسب فيا وبعد المرات كيخطب عندي دابا خاصو يتزوج ببنتي... الفقيه: ولكن هو راه مزوج... هاذاك: انا ماشي شعلي....ياك خطب عندي...خاصو يتم هاذ الزواج... مزادش الفقيه فالهضرة وبدا كيقرى فالقرآن كيقرى كيقرى حتى سخف علاء...من تما بدا كيبان شوية بقا متبع مع داك الفقيه حتى ولا بيخير... واش الخوت هانا تاني المهم ملي بديت كنحس براسي شوية قتارحات عليا بسمة نمشو نبذلو الجو المهم هي هاذيك مشينا لإفران واحد الشهر ورجعنا من تما ولات حياتي بيخير وعادية ورجعت كنصلي بحالي بحال الناس....وليت مقابل المشاريع ديالي أنا ويونس اااه نسيت يونس كبرو وولادو وأنا تزاد عندي وليد سميتو مجيد....بفضل داك السيد درت بزاااف ديال الحوايج....المهم هكذا ولات حياتي وغادي وكنكبر الحمد لله حدايا الوالدة ومراتي الله يخليها ليا ومجيد حتى هو اللي بدا كيكبر...يونس باقي ساكن غا حدايا مرة مرة كنديرو شي خريجات جماعية...واحد حسام شحال هذا ما شفتو حتى هو ملاهي عا مع الوقت ولدنا بدا كيكبر وليت كنمشي مرة مرة نزور الوالد فالقبر ديالو وكنطلب الله يسمح ليا اما ديك مرتو الله ياخذ فيها الحق مزال ما بردات ليا خاطري من جيهتها اما داك غيث وليت انا وياه عشران وليت كنتقوى عندو فابور....مرة مرة كندوز لآسفي كنمشي لحدا المحل ديال ماريو وكنتفكر اليامات اللي دوزت....المهم هكذا ولات حياتي نذمت على حاجة وحدة هي القرايا اللي خليتها بسباب دوك الكلاب....المهم ما علينا كان معاكم علاء وهاذشي اللي دوزت فحياتي نتلاقاو فشي قصة أخرى......النهاية 😊 (فين العشران المهم القصة كملات موعدنا مع قنيلة الموسم الرجل الغامض وشكرا) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM