💫💜قصة_المحلل💜💫 #الجزء 33 : 💥💕 #عند_هيثم.... دخل للدار معصب نيشان لبيتو مهضر مع حد وتا واحد نيت مقرب جيهتو حتى اذن المغرب نزل لتحت واخا صايم حاس براسو معندو شهية للماكلة نزل على قبل مو وباه فطر معاهم ومهزش عينو ففدوى لي وصاتها تاني زهور وتبرات منها الا مشا حتى شدها مغيفكوهاش منو ودكشي لي كان كل واحد شد بلاصتو واسماء كتخنزر فيها..كلاو بالسكات تا واحد مهضر ناض الحاج اول واحد مشا لبيتو وتبعاتو زهور باش تعطيه دواه وبقاو دوك تلاتة ضايرين بالطبلة ولي فيه شي دودو عمرها تبرد ناضت خوات اتاي وقربات جلسات حداه تا لسقات عليه وهضرات بصوت رقيق ...فدوى:هاك دوز مكليتيش مزيان ...اسماء خرجات فيها عينيها ممتيقاش واش هادي مكتحشمش حتى قفزات ملي بانلها هيثم وقف وخدا داك الكاس من يدها وخواه عليها وهو سخون حتى غوتات ...هيثم:مغنزيدش نحط عليك يدي حيت موسخة بحالك متستاهلش ...خلاهم وخرج من الدار وهي بقات ناضت تتجري للكوزينة طلقات الما وبدات ترش على عنقها ويديها وجهة صدرها حتى جات عندها ...اسماء:نحلف بحلوفي يختي حتى نتي مدلولة ومت الدل واش من نيتك ...فدوى:اففف حرقني ...اسماء:انا بغيتو كون شعل فيك العافية يلاه تولي رماد ونتهناو منك حيت باينة فيك لسقة مقطرة ...زهور(دخلات عليهم):اش طاري هنا عاوتاني ...اسماء:ههه غير هاد الخليقة لي من صباح ونتي مضيعة معاها الحجرة زنزن عليها راسها تا تحرقات ...زهور:كيفاش تحرقات ...فدوى(ضارت عندها وكلها مطبعة لحمها حمر):هيثم اخالتي خوا عليا اتاي وهو طايب .. اسماء:هههه وهو قاليك لسقي عليه وعطيه شي اتاي ...زهور(شافت فيها):فين خوك واش طبع لبيتو ...اسماء:منين خرجاتو هاد المصيبة عمرو دارها وطج من الدار الله يطيرك علينا ...مشات وتبعاتها زهور مهولة على ولدها حلات باب الزنقة وبدات كطل وتشوف هنا وهنا طموبيلتو قدام الدار وهو مكاينش فيها والدنيا خاوية كلشي باقي فدارو كيفطرو ...عبد الغفور(باستغراب):زهور اش موقفك تم ...زهور(بحزن دخلات وسدات الباب):هيثم معرت فين زاد ...عبد الغفور:لا حول ولا قوة الا بالله اش هاد المصيبة تسلطات علينا دخلي نتي من تم انا نخرج نشوفو نين مبقى والو للعشا ...زهور:واخا ...رجع عبد الغفور لبيتو توضى ولبس حويجو ونزل لقا فدوى واقفة فالدروج تتسوط على يديها حدر راسو وزاد مهضرش معاها...خرج من الدار مشا حتى لراس الزنقة كيقلب بعينيه حتى بانوليه الدراري جالسين تم سولهم على هيثم وقالوليه بلي شافوه داخل للجامع تنهد ومشا دخل قلب بعينيه لقاه جالس فالقنت شاد القرآن وجالس كيقراه بقا حاضيه ومتحسر عليه مقربش ليه حتى بدا جامع كيعمر بالناس ومشا لبلاصتو باش يأذن ويصلي بالناس التراويح........ #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM