يالاه تفارقت مع دنيا فالقهوة ومشيت عند يونس لقيتو مشغول مع العرس...حيت مبقا ليه والو....المهم دغيا جا النهار ديال العرس...كراو واحد القاعة مهيبة وناااضية...وجابو واحد الگروب الليل كاامل وأنا كنشطح...دارو الشلحة أخويا...أنا غي كنسمع شي ديسك فيه البانجو كنبدا نشطح تلقائيا....واااع 😂😂...المهم ماعلينا عرضنا على الخوادري حتى هو شطاح معلم...جاب معاه مراتو هي شلحة..صافي كملات...بقينا الليل كاااملو وحنا ناشطين مفطحين....ولكن شنو كتعرفو عليا...فوسط العرس بان ليا بات دنيا ماشي هو هذاك وبقيت حاضي معاه لاطرى شي حاجة...واحد اللحضة كيبان ليا هز التلفون وخرج لبرى.....شفتو بعينيا حتى ركب فواحد ميرسيديس كحلا وهي تبدا كتمشي...انا جبدت تلفوني قيدت الماتريكول بحال الى مطاري والو....وأنا نكمل على الشطيح ديالي....جابو لينا القص قصينا...وهوما يبداو يركبو الخواتم وذاكشي ديال التقاليد....تما فين بداو كيقلبو على بات دنيا....مشيت جريت دنيا قلت ليها باك جاتو شي خدمة وقال ليك غا كوني هانية هو ميقدرش يحضر....وكملنا العرس بيخير سالا كولشي مزياان...ركبت يونس هو ومدامتو فالطموبيل وشدينا الطريق للدار ...حطيتهم ذخلات مرتو وبقا معايا هو... -اححح اش كيتسناك العفريت عاوتاني... يونس: وصافي اصاحبي بلا تبرهيش... -بصاحتك اسيدي تستاهل الله يكمل بيخير....دابا خاصني نكمل طريقي بوحدي....بزاااف ديال الحوايج وقفتي معايا فيهم...كنشكرك بزاااف ايونس... يونس: وصافي بلى ما تبدى تدير ليا فيها داكشي ديال الدراما...خليني ندخل راه فيا الحماس 😂😂 -سمعني بعدا اش غنقول ليك اما دنيا راها غير تما... يونس: يالاه قول دغيا بالخف خليني نمشي... عاودت ليه لبلان ديال بات دنيا و قال ليا تال غدا ويبان البلان راه غيكون غا مشا معاهم لشي قنت... ولكن أنا بقا عقلي حاااير ميمكنش يمشي لشي خدمة نهار العرس ديال بنتو...ماعلينا خويت راشي من ذاكشي ومشيت ضربتها بواحد النعسة مفركا...الغد ليه مكينا تا خبار على بات بسمة..وأصلا بقيت غا فالدار من البيسي للتلفون حيت باغي نرتاح شوية قبل ما نبدا نقلب على بسمة والوالدة....المهم دوزت واحد السيمانة هكاك غا البيسي والتلفون وطبعا مكيناش الخبار على السيد وحتى دنيا مشطونة عليه وشكات بلي كينا شي حاجة. خصوصا حيت مكيجاوبش فالتلفون...واحد النهار جمعاتنا انا ويونسوقالت لينا عافاكم الى ما قولو ليا شنو طاري لبابا....ناري شحال بقات فيا...تما عرفت راسي مقطر معندي غرام ديال الإحساس...أنا الوالد قتلتو ومدرتش هاذ الحالة...الله ياربي الناس عندهم كبدة وأنا عندي رادياتور...ماعلينا مقلنا ليها تا لعلة حتى دازت واحد الشهر...وهو يصوني عليا حسام قال ليا الساط لقينا الوالد ديال دنيا مقتول فواحد الغابة شي يومين هاذي...شوف شي طريقة باش تقولها ليها...طبعا أنا مقلت ليها والو قلتها ليونس هو اللي راجلها لا نصدق قاتلها ليه ولا شي لعبة...مشيت فالبلاصة لبلاصت الخادثة جريت حسام لواحد القنت قلت ليه الساط نهار العرس ها شنو شفت وها شنو شفت....وعطيتو الماتريكول ديال ديك الطموبيل...يلاه بغيت نتحرك وهو يقول ليا بقى معايا عاوني...غادي نحتاجك...هاذ البيادق تا واحد فيهم مكيحمر الوجه....ركبت معاه ومشينا للابريگاد مشا ديريكت عند شي خونا عندهوم فلابريكاد عطاه الماتريكول وقال ليه هاذ الطموبيل مولاها عندو كارط غريز فأگادير وساكن فواحد الحي سميتو تراست....اوا أراك دابا للفراجا...خاصنا نشدو الطريق لتراست...تراست يا دولة..اخويا دوك الناس هاربين مكيناش شي بلاصة فالمغرب بحال ديك البلاصة بناذم مقطع الوراق...على فكرة (نزار من تما 😂😂)...المهم شدينا الطريق فالطموبيل ديال البوليس كتحس بالهيبةاخويا غاع الباراجات كندوزو فيهم بلا مشاكيل غاديين وكنجمعو ...قلت ليه بلي خونا عندو علاقة بالمافيا... حسام: وباش عرفتيها... -البلان ديال السنسلة اللي قلت ليك...هو اللي جابها لبنتو واحد النهار...ماشي هاذي . واحد بنتو اخرى زوجها بواحد من المافيا حيت بيناتهم شي حساب... حسام: اجي ومبانتش ليك غريبة يديوه نهار عرس بنتو... وهي تدير ليا الطن فعقلي...صونيت فالبلاصة على يونس قلت ليه الساط خاصك دااابا دابا تخوي الدار سير للناضور عند بات مجيد بلى مايعرفك تا واحد مشيتي لتما...لقيتيه مزال حي هي هاذيك ملقيتيهش طلب ضيف الله راه دوك الناس بوحدهم اللي غادي يقدرو يدافعو عليك...ذاكشي اللي دار هز مراتو ومشا ديريكت للناضور...المهم حنا كملنا الطريق قاصدين تراست...دابا عاذ عرفت علاش قتلوه....حيت يمكن غالبا غيكون شي واحد حاط عينو على البنت الأخرى...دنيا..ولكن باعا مبغاش يضيعها كيفما ضيع بسما ...وطرا اللي طرا..بقيت كنخمم فهاذشي حتى وصلنا لتراست...مشينا ديريكت للعنوان دقينا وخرج لينا واحد السيد شلح قصير... باينة فيه معقول...الدبانة ميقتلهاش...هزيناه ديناه لواحد الكوميسارية فإنزكان...وبدينا كنحققو معاه..ونا معذبنا ما تا لعبة غير كنسولوه كيجاوب...وريناه الطموبيل قال لينا اه ديالي ولكن مخليها لواحد صاحبي فطنجة...الله ضربنا الطريق على والو...ولكن تراست تستاهل...ماعلينا عطانا سميت صاحبو وفين كيسكن وقال لينا الى بغيتو نمشي معاكم معنديش مشكل قلنا ليه لا بلاش وديناه حطيناه فدارو....قبل ما نشدو الطريق دزنا عند واحد موول المعقودة معروووف تما قصينا تا شبعنا وداكشي رخييص وبنين بزااف اخويا...وحنا نشدو الطريق لطنجة...ليلة كاملة ديال الطريق...مع وصلنا لاحني حسام فالدار قال ليا سير ترتاح تال الليل ونطرگك نمشو نكملو اللعيبات...المهم ذاكشي اللي درت مشيت تكيت وبقيت كنخمم...الله ياربي واش انا اللي مكتبة عليا هاذ الحياة كلهى مافيا...من ماريو تال هاذ اللحضة وأنا عايش غير مع المافية...سيري يا مرت الوالد وكلت عليك الله...بقيت هكاك حتى داني النعاس...فقت مع شي الستة ديال العشية...فقت مصارني طالبين الشرع بالجوع...مشيت ديريك لواحد السناك قصيت واحد جوج طاكوس وبيتزا...واااه واااه وقتما ذخلت لشي سناك كنتفكر ماريو الله يرحمو..ماعلينا قصيت ومشيت للدار جبدت الميساجات القدام بيني وبين بسمة وبقيت كنقرى بحال شي هبيل....حتى كيصوني عليا حسام قال ليا خرج دابا راه لقاو خونا...خرجت فالبلاصة مشيت معاه للابريگاد وبقيت كنتفرج فيه كيدخل لخونا حتى گر ليه بكلشي...ماشي هو اللي قتل هو غا كان صايگ ...وخوتنا مافيا...دابا المشكلة هي غا نمشو غا أنا وحسام وواحد الجوج اخرين هما اللي خدامين پيرمانونص...تفكرت حاجة وحدة اللي غادي تفاريها هي القالب ديال القنبولة صونيت على يونس أبيل فيديو قادينا واحد الجوج بحال هاذوك اللي قادينا لغزلان وشذينا الطريق لواحد الخلى خدى واحد الشاطئ سميتو سيدي قنقوش...كيعرفوه الناس ديال طنجة...مع ذخلنا مع داك الخلى حتى كيبانو لينا تما شي ديور...وسط منهم كينا المافيا...دابا البلان وما فيه هي أنه حنا خاصنا نسلو الشوكة بلا دم ...حيت خوتنا عااارفين شنو كيديرو ساكنين وسط بناذم حيت عارفين نهار تنوض غيلقاو كيفاش يذيرو يهربو...ولكن معامن نتوما..دورنا ريوسنا خدامين مع صحاب الضو....ومشينا لواحد الكابل على برى قطعنا الضو على الحومة خلينا واحد تما ومشينا للدار فاش كينين قلنا ليهم بلي المشكل من عندهم فاللحضة فاش درت راسي أنا كنقاد فالضو كان حسام كيزرع فدوك القنابل اللي هما ماقنابل ما تا لعبة...غي سالا وسيفط ميساج لخونا اللي على برى يطلق الضو...وعطا للبوليس لخرين الإشارة يهزو السلاح مع رجع الضو الناس ديال المافيا ما عرفو باش تبلاو واخا هوما كثار..فاللول حاولو يجبدو السلاحات ديالهم ولكن غير شافو القنابل وهوما يلبدوها...عيط حسام على الدعم جابو سطافيط اخرى وركبوهم فيها و داني أنا حسام للدار حطني وشكرني على الفكرة ديال القنابل...وقال ليا بلي مبقالي والو يشد الكونجي... قلت ليه اودي غا خليها على الله أنا خاصني نقلب حتى على بسمة....يتبع (الإخوان بلا متبداو تشاو فالميساجات...عارفين البارصا خسرات ولكن هذا مكيعنيش تشفاو فيا خوكم أنا 😂😂 المهم 350 لايك غدا عاوتاني جزء جديد) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM