مشيت زعما ناوي نقلب على حسام....حتى لقيتو كيتسناني قدام الباب مع شافني ركب ليا المينوط....بغيتغا نسلم عليه ونشبع منو ولكن هو ما عبرنيش غاع بمرة ....ركبوني فسطافيط...ولكن هاذ المرة معارفش علاش غادي...حيت الجريمة اللي درت لمرات الواليد كلشي كيصحاب ليه غير حادث بسيط ....حتى من خويا مقلتهاش ليه....مع وصلنا دخلوني للكاب ديريكت....سولتهم علاش جابوني لتما ما دوا معايا حتى واحد... حتى كيذخل عندي خويا هو وواحد الصحيح...سولتهم على الجريمة اللي درت ...وهو ينطق حسام قال ليا جريمة قتل...وماشي هنا فاروپا....مع سمعتها تحشو ليا الركابي...لهاذ الدرجة انا مكلخ...ختنى كانت عارفانا غنلقاو لا كارط ديالها ملي نقتلوها..بلعاني دارت تصويرتهامع شي بنت فالتلفون...وصونات على صاحبتها اللي كان كيسحاب ليا مها....خيت حسات بينا غنقتلوها....ودارت لينا هاذ الگنار.. حيت عارفانا منقدروش نخليو بنت صغيرة تعيش معذبة بسبابنا....ذابا هاذ التحليل معندو فاش ينفعني....مبغيتش ندويطلبت حتى يجي المحامي ديالي....هنا فين خذمت عقلي...قلت ليه يمشي عند يونس يقوليه يمشي عند ديك المرا لفاس ويشفر ليها التلفون ....حيت يونس مزال مطلوق ومباينش فالواجهة...وديك الساعة غنقول للبوليس بلي حنى كنا غي كندافعو عليها وعندنا تا علاقة بالقتل ديالها...حيت مكين تا دليل....وسيفط واحد خونا خدام معايا عطيتو شي فلوس يديهم ليها باش تكذب وتعاونا....المهم خرج المحامي وهو يتم ذاخل عند حسام.... حسام: تباركلاه على البطل ....مربكها امعلم... -حسام اخويا لقيتيني كنقلب عليك باش تعاوني. حسام:انا ما خو حد...خويا مات مع واليديا ملي كنت صغير... -تا اش كتخربق..راه أنا هو علاء...ذغيا نسيتيني...متبقاش تخربق اصاحبي.. حسام: مكنكذبش..انا كنعرف علاء خويا مزياان...علاء اللي كنعرف مات فاش كنا صغار...واش عرفتي شحال وأنا كنقلب عليك...نتا سباب موت الوالدة...وسباب موت حتى الوالد... مع سمعت هاذ الهضرة تحشو ليا الركابي...اواااه كيدار عرف بلي أنا سباب موت الوالد كيفاش حتى عرفنيانا اللي شعلت العافية ..؟؟ -كيفاش...شكون قال ليك هاذ الهضرة..شكتخربق حسام: نتا اللي قلتيها...نهار ذفنا الوالد ومراتو...نتا اللي قلتيها بفمك...نتا اللي قتلتيهم...ولكن علاش .علاش ... وبداو الدموع كيخرجو ليه وخرج مشا...مخلانيش حتى نشرح ليه اشنو واقع...داوني لواحد البلاصة بحال الحبس باش نتسنى وقت المحاكمة...فذيك الوقت كان يونس وخونا دايرين خدمتهم...ولكن خويا مزاال ما فاهم تا لعبة...مزال معارفش بلي ديك المراة تستاهل كثر من ديك القتلة اللي درت ليها....دغيا دازت الوقت....وصل نهار المحاكمة...جا عندي يونس مع الصباح قال ليا بلي ختنى وافقات تشهد وبلي التلفون عندو ولاكارط هرسها...بيما وصلات وقت المحاكمة...ذخلت لقيت بزااف ديال الناس مكنعرفهمش وببزاااف كنعرفهم ...وهي تبدا المحاكمة....ناض المحامي ديالي سمعهم الهضرة ديااال بصح هو صراحة مسمعهم والو قال غا شي كلمات بساط وتحكمت براءة...خيت مكين حتى دليل ضدي وحتى خونا شاري القاضي حيت كيعرفو...معلينا خرجت من تما ديييريكت عند يونس....لقيتو كيعمر ليا محضر آخر على الموت ديال الوالد....جريتو وخرجتو على برا...يلاه باا يمونطني وأنا نبدا نعربط... -سمع احسام😭...انا عييت من هاذ الحقد ديالك ليا....واش كيسحاب ليك أنا ماشي بشر....كيسحاب ليك معندي نفس معندي روح 😭...واش أنا مخلوق بلى كبدة....سمعني مزياان احسام..انا عييت نتا اللي خويا ومنقدرش نشكي عليك...خديتي الباك ومبقيتيش حتى كتسول...كون تعرف شنو دوزت غادي تجي تبوس رجليا وتطلب مني السماحة...😭 درت ليه الشوهة قدام الكوميسارية حتى ولا غير كيسكت فيا....جرني لاحني فالطموبيل ديالو وداني حدا واحد البحر تما فين شرحت ليه كوولشي.... حسام: شوف أنا جيت باش نسمعك ماشي نشفق عليك...باش منين نلوحك فالگريا ميضرنيش خاطري...واش كيسحاب ليك الى بكيتي غادي ننسا بلي قتلتي مزات الوالد اللي كانت موكلانا ومشربانا...وكتبغي الرالد وكيبغيها... -واخا دابا غي سمعني وبلااا متبقى تقاطع فيا...خليني حتا اللخر... حسام: دوي قول شنو عندك... عاودت ليه حياتي كاملة من البلان ديال مول الحانوت اللي مكانش عارفو حتال الموت ديال غزلان...قلت ليه ها أنا قدامك دابا ....دير فيا اللي بغيتي..المهم انا رتاحيت منين عاردت ليك...محسيت براسي حتى لقيتو معنقني وكيبكي....قال ليا علاش معاودتيش ليا هاذشي من اللول...خليتيني حياتي كااملة وأنا حاقد عليك...علاش اعلاء علاش... -سمع البلان اللي كنت كنقلب عليك بسبابو...ديك النهار عيط ليا واخد عشير الوالد وها أشنو قال ليا.... حسام: بنت الحرااام هي اللي فارقاتهم...ياااربي لهلا ترحم فيها شي عضم.. وحنى نتحركو للدار ديالو حيت هو ولا خدام غير تما فطنجة...قال ليا يلاه تبات عندي..قلت ليه لا خاصني نمشي نشوف عشيري .خليتو ومشيت عند يونس لقيتو مدگدك وناعس كاو ومزاال فيه الخلعة لا نصدق جابدو...مشيت وجدت شي اندومي وقصيتها فيقتو تا هو قصاها معايا...ورجعنا نعسنا....هاذ المرا مكين لا حلم لا تالعبة نعست نعسة واحدة تال شي الطناش ديال النهار فيقني غا التلفون....حسام هو اللي مصوني...قال ليا نتلاقاو ف شي قهيوة....مشيت عند يونس قلت ليه محال واش انتغدا فالدار...وخرجت مشيت ديريكت للقهوة فاش داير أنا وحسام لقيتو كيتسناني...تسالمنا أنا وياه وبقى كيعاود ليا هو على حياتو وشنو دوز... تزوج بشي وحدة شلحة بنت أكادير...بوذني سمعتو كيقول ليها (تمحناشت اينو 😂😂).... -هاي هاي على حسام من امتى ونتا كدوي بالشلحة... حسام: من نهار عرفتها اخويا... -وا مبروك ما درتي...واخا معرضتي علينا ما والو ونتا بولادك دابا... حسام: راه ذاكشي لاش عيطت ليك...المدام دايرة شي دجاج ...كتصرعو يا خويا...بغيتك تجي تذوق... عند بالكم غادي ندير الصواب ونقول ليه لا...وأنا بيني وبين الدجاج من الإستعمار...قلت ليه يالاه...هي هاذيك مشينا ذخلنا للدار لقينا مرتو حاطا الميدة وكولشي واجد...ذخلنا فذاكشي طول وعرض...نسيت نقلتش ليكم...حسام شكيت فيه مكيحملنيش غا حيت كناكل بزااف 😂😂...حتى هو تبارك الله كيعطي قتلاا لذاكشي ديال القص...المهم ماعلينا كملنا الماكلة وغسلنا يدينا وريحنا... حسام: الساط راه معيطتش ليك غا باش تاكل -وعلاش عيطتي الله يسمعنا خبار الخير... حسام: اخويا خاصنا نقلبو على الوالدة...الى لقيناها حية...نسولو فيها غتكون محرووگة من جيهتنا... -ضرووري نقلبو عليها ...يالاه من ذابا... حسام: لا ماشي دابا تسنى واحد شهرين بيما خديت الكونجي..وأنا معاك... هي هاذيك المهم تفاهمنا...وواحد المسمار طرقناه...ارا ليك دابا البلان ديال يونس...اللي قال ليك اسيدي باغي يدير العرس هاذ الشهر...اوااه خبر كيفرح هذا... يونس: الساط راه مبقى والو شهر دغيا كيدوز...بغيت غا نطلبك... -واش بيناتنا الساط...راه غنضور فيك... يونس: اخويا خاصك تهبط للپرطمة اللي لتحت...راك عارف دابا المرا والمسائل نكونو خداامين ونتا كتسمع فينا مجاتش...😂😂 -واقولها من اللول...تا أنا عندي شرط يااالاه 😂😂 يونس: اما هو... -حوايجي نتا اللي غادي تهبطهم...والله مانعاونك فشرويطة..نتا اللي باغي تزوج اخويا.... المهم قلبناها ضحك ونعسنا...الغد ليه كتصوني عليا دنيا...الو واش مسالي قلرت ليها اه مسالي علاش.. دنيا: بغيت غا ندوي معاك فموضوع بسمة... مع سمعت بسمة وأنا ننقز من بلاصتي...مشيت ديريكت للموبيل عاذ قلت ليها فينك دابا 😂😂 نعتات ليا واحد القهوة حدا البحر ...فالبلاصة لقاتني حداها...قالت ليا ريح وأنا نجلس... دنيا: علاء بسمة مزالا كتبغيك... -بفففف كيفاش..هي دابا راه بولادها وبدارها قاليك مزالا كتبغيني.. دنيا: راه راه مفراسك والو منين مشيتي نتا بقى راجلها كيتعدى عليها وبغا يمارس معاها بزز واخا هي ما باغاش...ولا كيعذبها وكيخرجها من الدار فنصاصات الليل...تال واحد النهار وهي تغبر مبقيناش عرفنا فين مشات... -ومنين ماباغاهش علاش زوجتوها بيه... دنيا:راك عارف الوالد الله يهديه راسو قاصح...كان خدام مع شي مافيا...وشي واحد فيهم كيتسالو شي حاجة....وقال ليه الى بغيتي نسمح ليك زوجني بنتك... -ااه وناض باك زوجها ليه...هي شنو ذنبها فهاذ الزمر... الله على موصيبة...كنا غنقلبو على الوالدة صدقنا حتى فبسمة...مشاكيييل...يتبع (المهم الإخوان التتمة بعد 350 لايك ويمكن يكون شي جزء تاني اليوما مع الطناش الى كملت الكتبة) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM