حياة جديدة الجزء الخامس 🔥🔥🔥🔥 ( تتمة من بعد 150 لايك قراو وطاكيو صحابكم يقراو وجمجمو باش يكمل التفاعل نزيدكم جزء آخر ليوم ❤️💪) وقفات فإستقبال سولات لبنت لي تما وقلبها كي ضرب بالجهد و دموع نازلين بكترة مبغاوش يحبسو بسمة:عفاك جابو وحد ولد دار كسيدة فين نلقاه شفت فيها لبنت: اشنو سميتو ألالة بسمة: منير منير سملالي لبنت :اه يلاه جبوه شي ساعتين دبا راه فمستعجلات شكرتها او مشات تتجري وقفات لبلاصة لي ورتها لبنت تتسنى او قلبها بغا اوقف بكترت خوف على منير غادي تقولو علاش او هو متيبغيهاش ولكن بسمة من ناس لي تعلمو احافظو على ازواجهم الوسط لي عاشت فيه واخا اب ديالها متحظر لكن ام ديالها كتحتارمو و مكتخصرش ليه داكشي علاش بسمة خايفة على منير واخا منير متيبغيش بسمة ولكن بسمة بنسبة ليها منير هو زوج و اخ او اب تاني ليها يعني خاصها توقف معاه بصيفتها مراتو مشات المستعجلات و بقات كتسنى حتى خرج عندها الطبيب شافت فيه بسمة:راجلي جابوه قبيلة دار كسيدة كيف بقا طبيب:شنو نقول ليك راجلك الكسيدة لي وقعات ليه تسببات ليه في شلل بسمة(شهقات و حطات يديها على فمها):الله اكبر و الحل كاين ياك غادي يولي لباس ياك ادكتور طبيب:مع الاسف صعيب والحالة ديالو كتبان ميئوس منها ولكن ولكن مع الأيام نشوفو دعي معاه بسمة:بغيت نشوفو طبيب:اه ماشي موشكيل شوية يدخلوك الفرمليات بسمة:شكرا دكتور مشا الطبيب و بسمة شدات على فمها وكتبكي و جلسات على الكرسي كترد الروح و كيفاش عتقولها ليه ردات روح في راسها مسحات دموعها و دخلات عندو لقاتو ناعس جلسات حداه و كتشوف فيه و تنهد . طلع النهار و هي جلسة كتشوف فيه ليل كامل ما نعسات ولا اشفتو ولا نعمة طاحت ليها في كرشها شافتو كي نين ناضت عندو كتشوف فيه كي حل عينيه بشوية عليه حتى هز راسو فيها اول ما لقا جنبو غير بسمة دور راسو الجهة الشرجم و تفكر المنضر لي سبابو البنت لي عطاها تيقتو و حبو غدراتو من مور ضهرو و عالم الله اشنو كانت كدير من شحال هاذي بعد سمع صوتها لي جاها ضعيف دور راسو و شاف فيها بسمة:كيف بقيتي مزيان منير(كتافا انه يهز براسو) بسمة:انا نعيط الطبيب بغا يتحرك و هو يتصدم مقدرش يتزحزح من بلاصتو شاف فيها:مالي بسمة(طاحو دموعها):منير نتا.... منير:مالي دوي مالي مقادرش نحرك رجلي بسمة خرجات كتغوت لطبيب حيت مقدرات تقول ليه والو و حتى دخل عندو و هي بقات برا جات عندها الفرملية و عطاتها لوازم ديالو خداتها لقات تيلي ديالو جبداتو و من زهر كان بلا كود دخلات ليه صونات ل رجاء لي غير عرفات شدات الطريق نيشان الفاس خرج عندها الطبيب شاف فيها طبيب:حاولت نشرح ليه كلشي حتى انت ساعفي معاه مشي ساهل عليه هذه الشي و زيد عليها رآه عندو أمل صغير باش يمكن ليه يرجع يوقف على رجليه خاص غير الصبر و العزيمة بسمة:واش بصح يقدر يوقع على رجليه مرة أخرى طبيب:الا تبع مع اخصائي الترويض وبإرادة الله وعزيمة منير اه يقدر غير هو كيبقا أمل بسيط بسمة:شكرا بزااف فرحتيني مشا و هي دخلات عندو كطل كيف الفارة عليه هو دور راسو الشرجم مصدوم من هذه الشي لي عايشو والحالة لي ولا فيها . بعد مرور اسبوع ليوم خرج منير من مشفى جابتو بسمة لدار هي او رجاء منير متقبلش امر انو ميقدرش يمشى حتى من نيروز فاش عرفات منير دار كسيدة مجاتش وخا عرفات مغيبقاش امشي اما بسمة دارت معاه الواجب وقفات معاه في هذه الاسبوع مهلية فيه و حتى من رجاء بقات غير كتشوف صدماتها بتصرفها قالت راه مستحيل تجلس مع واحد عاجز لكن بسمة بنت الخير و الدار الكبيرة فدار عند منير رجاء منين خرج منير من مشفى رجعات لدرها او خلات منير مع بسمة مشات بسمة توجد ما ياكل كملات صوبة او جبتها حطاتها فوق الكوافوز و شافت فيه بقات تتشوف شحال غير ساكت منهار قال ليه طبيب انو مغاديش ابقا امشي كان ساهي مرضش ليها البال حتى جابت مكلا و هي مبتاسمة تتبغي تخرج منير من داك دواما لي عايش فيها و معرفاتش كيفاش هز منير عينيه وجات فدااك ملاك باقا مدة تيشوف او تيشوف فديك ابتسامة لي على وجها هو يخنزر و اول مرة غدي ينطق من بعد اسبوع منير:مبغيتش بسمة : ويهديك الله واش مبغيتش ساني معاها شي كونطرا ولا كيخلصوك عليها فاش كتقولها من نهار جيت ونتا تقولها منير : مابيتش سكتينا بسمة:ولكن خصك تاكل باش تشرب دواء ديالك منير هز فيها عينيه لي حمرين كيف جغمت دم اوضرب صينية ديال مكلا حتى طاحت من يدين بسمة لي بدورها بقات غير سكتة ماقلت حتى كلمة بقات شدة على فمها صدمة معمر منير هز عليها صوتو منير(غوت):مبغيييييتش ناكل عطني غير تساع مبغيتش مساعدة ديالك عاجبك لحال حيت تتشوفني عاجز ياك انا مابغيت منك حتى حاجة بغيتك غير تخرجي من حياتي خرررجييييييي بعدي مني ماعندي ماندير بالشفقة ديالكم بسمة بقات مصدومة من داكشي لي دار منير او زاد تصدمت من كلامو لي مكانتش متوقعاه منو بقات سكتة بعد غوات كامل ديال منير جوبات بسمة:انا مشفقتش عليك انا غير بغيتك تشرب دواء ديالك او صافي نتا لي كتشوف ناس كي شفقو عليك ولكن هادشي مكينش سمعتي أنا كندير الواجب ديالي تجاهك بصفتي مراتك ماشي شفقة ومن الواجب ديالي نخدمك منير بقا غير كيشوف فيها من بعد مشات بسمة لبيت خلات منير بحدو بقا ساهي فهضرة لي قالت ليه بسمة ولكن مابغاش اتقبل انها بغات غير تعونو واكتر حاجة هي منين كتفكر انها جابت ليه ماكلة اوهي على وجها ابتسامة هادي لي مبغاش اتقبلها او حتى منين قالت ليه خاصك تاكل باش تشرب دواء بحالا قالت ليه راك عاجز ولكن بسمة مقصداتش هادشي هي كان في نيتها غير تعطيه ياكل باش اشرب دوا ديالو...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM