ذكاء مافيوزي الجزء 12 

 بسمة:الو علاء.... -الو بسمة لباس عليك... بسمة: الحمد لله بغيت نقول ليك شي خبار مغتعجبكش -بسمة هضري خلعتيني بسمة: يونس.... -مال يونس هضري الزمر بسمة:...يونس دار كسيدة..هو دابا فبيت الخطر..كيقولو محال واش غادي يعيش... الحاجة الوحيدة اللي فكرت نديرها ديك الساعة ... هي نرجع فحالي...حيت منقدرش نخلي يونس فديك الحالة...بديت كنبكي على الزهر اللي عندي...ومخلوع لا يصدق يونس ميت...راه غير هو اللي عندي فهاذ الدنيا...تا من خويا ضربها ليا بنكرة ونسااا واش عندو شي خوه...ولكن بلاتي بلاتي...الى رجعت ومات شنو غنبقى ندير...وحتى الى صح گاع باش غنفيدو أنا...حياتو كااملة وهو اللي كيعاوني...قليل فاش كنعاونو ب شي حاجة...ماعلينا مشيت عند دوك الدراري قلت ليهم بلي غانمشي معاهم حيت صاحبي مغاديش يجي...ذاك الدري غيث قال ليا ياك لاباس شنو طرا ليه ...عاودت ليهم البلان وقالو ليا خوي راسكدابا باش متأثرش على راسك راه الحريگ هاذا ...خاصك تكون راجل...داكشي اللي درت مسحت دموعي ووكلت الله على خوتنا اللي وصلونا لهاذ الحالة...وبقيت ساهي حتى داني النعاس...فقت مع الصباح لقيت الدراري خارجين يضبرو على شي كياك يشروه باش يحرگو بيه من الواد...مشينا لواحد السوق قريب للوطيل...لقاو اددراري شي كياكات شراوهم...بقيت أنا وغيث معندناش الفلوس..قلنا نتفارضو فشي شمبرير نفخوه ونغامرو بيه...داكشي اللي درنا تفارضنا فواحد الشمبرير ودرناه فواحد الشاكوش وتحركنا للوطيل..دوزنا فيه النهار و وجدنا حيت غدا غا نتحركو لحدى الحدود ...واحد المدينة سميتها kumdere...تما فاش كيكونو الحراگة...ماعلينا الغد ليه فقت هزيت صاك باكطاج و حنا نتحركو للمحطة باش نشدو شي مركوب....ولكن مكين المركوب اللي كيوصل ديريك لتما...كاين غي اللي يقدر يقربك وصافي....ماعلينا شدينا واحد الكار دانا لواحد المدينة قريبة ليها ومن تما شدينا طرونزيت داتنا تال تما ...دوزاتنا غا من شي غابات داكشي ديال الرعب....المهم دازت ودوزناها...وصلنا لديك المدينة وقال لينا واحد الدري راه كين شي وطيل رخيص تما ورانا فين كين فواحد الأپليكاسيون سميتها maps me هاذي معروووفة عند الحراگة ماعلينا مشينا لداك الوطيل بالتمشية ...هو جا برى ديال المدينة فواحد الڤيلاج قريب...مع وصلنا لداك الڤيلاج الناس كيشوفو فينا حيت باااينة فينا حالة الحراگة...ماعلينا وصلنا لداك الوطيل تلاقيت فيه بزاااف ديال الأجناس ...الهنود السريين والليبيين وبزاااف....تعرفت على واحد خونا سوري الله يعمرها دار بقبنا كنجمعو أنا وياه ودينا وجبنا فالهضرة حيت دوزنا فالوطيل يومين كنا أنا والدراري كنجمعو فالمعلومات باش نمشو مشية وحدااا...دازت يومين وحنا نشدو الطريق شي يومين ديال التمشية دزتا من واحد الطريق كاتنوض الرعب فبناذم ....وحنا من قلة عقلنا خرجنا بالليل غي حنا والحلوف اللي كاينين وبدينا كندوزو ف شي غابات وشي مزارع مزروع فيهم ذاك دوار الشمس ديال الزيعة وطويييل مرة مرة كيتجلا فينا شي واحد وسط منو وكنلقاوه غا بالتعياط ...ما علينا وصلنا حدا شي قشلات ديال حرس الحدود وحنا نبداو نتمشاو حادرين ومرة مرة كنزحفو باش ما يشوفوناش بقينا هكاك حتى فتناهم وأخيييرا كيبان لينا الواد فرشنا واحد الثوب فالأرض وفطرنا وبقينا كنحضيو من مورا الشجر كنشوفو الحراگة كيفاش كيديرو باش نديرو بحالهم المهم كانو كيبانو لينا الحراگة كيدوزو من الواد اللي معرفتوش واش مفرّش بالطول ولا بالعرض 😂😂... عريييض بزاااف تقدر تقطعو عومان ولكن خوكم لا علاقة بالسباحة...كانو غي كيفوتو الواد كيتخباو فالشجر وكيبقاو يتسلتو حتى كيفوتو العسكر ديال الحدود....ما علينا صبح الحال وحنا نتخباو وقطعنا الحس النهار كامل تا طاح الليل...ناري على عذاب وعلى ملل كيداير...وأخيييرا وصلات الليلة اللي غادي نودعو فيها...بقينا تال شي الطناش ..جبد واحد الدري شي أدعية كيقرى فيهم وهزينا حوايجنا ...عيط على غيث نفخنا الرويضة وحنا نتوكلو على الله جبدنا الوريقات ديالنا ذفناهم فالأرض خلينا غا لاكارط ناسيونال درناها فالجيب.قبل مانتحركو سبقونا الدراري وبقينا أنا وغيث حتى نشوفو القضية ...مع وصلو وحنا نقولو باسم الله وبدينا كنجذفو...فتنا تقريبا شي النص ديال الواد وبدات الرويضة كتزعزع بنا كنا غادي نطيحو...وهو يدفعني غيث فالما....بديت كنشرب فالما وكنتشلبق تما حتى طلعت وبديت كندرع والسوفل وااالو....ماوصلت حتى كنت غادي نموت...بدييت كنجري بالجهد اللي عطاني الله حتى وصلت لشي شجر...وأنا نبدا كنستارح....ولد الحرام بيدقني ..دا ليا حوايجي كاملين خلا ليا غا اللي لابس...ناريييي🤦🏻‍♂️ دا ليا التيليفون فيه النمرة ديالي و أنا حمااار محافض لا نمرة يونس لا نمرة بسمة...يعني صافي تقطع بيهم الإتصال...الحمد لله باقا عنذي الورقة ديال مجيد فجيبي هي ولاكارط..اما كون مشات ليا كون بقيت فذاك الواد مكين لاش نعيش...ماعلينا رديت السوفل واحد الشوية كانسمع القرطاس جاي من جيهت تركيا...كنضور كيبانو ليا العسكر ديالهم قاصدين الواد كيلمحو للعسكر ديال اليونان حيت شافو شي وحدين حارگين...و أنا نبدا كنجري عاوتاني...كنتحدا هشام الگروج يجري كيما جريت داك النهار 😂😂....حيت خفت لا يشدوني العسكر ديال اليونان ولا الناطو....هاذو عسكر مسيفطينهم دول أروپا لليونان باش يحميو الحدود ديالهم...المهم بقيت مانجري حتى فتت المنطقة الحدودية وأنا نطيح بالعيا ...كنت غادي نسخف.حتى الما باش نعتق راسي مكينش...رتاحيت شوية وبديت كنتمشى على الله نشد غيث ولا شي لعبة ولكن غانشد البرد ...خونا دااارس الخطة مزيان هو وصحابو...دغيا زادو...ماعلينا دوزت واحد ثلثيام ديال العذاب فواحد الغابة باش نوصل لواحد المدينة يونانية سميتها feres....تخيلو كليت الربيع وشربت الماء ديال المستنقع باش نبقا عايش و هاذشي كاملو دارتو ليا قلت عقلي...ولكن نستاهل حيت كندير الثقة ف اللي كان ..ماعلينا ملي وصلت ماذخلتش لديك المدينة ليها حيت باينة فيا حالة حراگ دزت غير من الجنب ديالها بانت ليا واحد الدار دقيت على واحد خونا بنت ليه غادي نموت...نعت ليه غا للإشارات بلي فيا المووت ديال الجوع والعطش..ذخلني مسكين وعطاني شي حاجة قصيتها و شربت مزيان وقال ليا نعس واحد شوية ولكن الذيب كدوز عليه مرة وحدة وعلاء كدوز عليه جوج مرات 😂😂 والله ما داني النعاس ..خفت لا ننعس ويصدق مطير ليا شي كلوة ولا يبيعني جملة...أما باش يسرقني ما بقا عندو ما يسرق...فراس مالي غير لا كارط ناسيونال...دازت واحد ساعتين وهو يتم ذاخل وجايب معاه واحد الدري كيدوي بالإنجليزية باش يترجم ليه...ماعلينا قلت ليه بلي أنا حراگ وعاودت ليه بلان غيث...ولكن معاودتش ليه قصة حياتي.. ماعلينا عطاني شي حوايج على حساب البرد و شي فلوس باش نقضي فاليونان....يلاه بغيت نمشي نتحرك وهو يعيط ليا الدري اللي كان معاه قال ليا بلاتي واحد الدقيقة...هز تيليفونو..وبقا كيدوي شوية معا شي واحد ..قطع وهو يقول ليا يالاه معايا...داني فالطموبيل ديالو تال واحد المدينة سميتها larissa ...مشينا عند شي واحد كيعرفو كيحرگ الدراري لأروپا....داني عندو وقال ليه يوصلني....الله أخيييرا زهري بدا كيتبسم ليا ...المهم خشاني فواحد الكاميو فواحد البلاصة غا معلق...شي ساعتين عاذ تحرك...بدا كيتمشا حتى ذخل مع واحد لوتوروت وهو يبدا كيعفط...ناااري ديك اللحضة غا نطلق مشيت ...كيبان ليا غا الزفت قدام عينيا...المهم ضبنا واحد الطريق طوييييلة حتى وصلنا للحدود ديال بلغاريا نزل عندي الشيفور قالل ليا تخبا مزيان راه حنا فالحدود...ذخلت مزيااان لحدى المطور وبديت كنسمعهم كيقلبو فالكاميو ...الحمد لله ما قشعونيش..غا فتنا الحدود وهو يجي عندي الشيفور قال ليا نزل رتاح شوية...واااا ضهري تكوانسا مبقيتش قادر نتحنى عطاني شي ماكلا قصيتها ونعست واحد ساعتين تحت واحد الشجرة ختى فيقني قال ليا يلاه راه مزال تابعانا الطريق...هاذشي كاملو طبعا بالإنجليزية...ماعينا رجعت درت تاني ديك الشدة ديال العذاب وبقيت صابر ولكن هاذ المرة ضهري حبس ديااال بصح وخونا مقالش مع راسو نخلي الولد يستارح..بحال الى بيناتنا شي حساب...وخونا شدها بيا نهار وليلة ديال الطريق حتى وصلنا لواحد المدينة سميتها plovdiv..شفتها مكتوبة غا فواحد الپلاكة...نزلنا عطاني شي حوايج باش منبانش حراگ وذخلنا لواحد القهوة كنقصيو ...ماعلينا قصينا بالخف ومشينا...وهي تبان ليا واحد اللعيبة صدماااتني ديال بصح..لقيت شي وحدين حالين الكاميو وكيشارجيو لداخل فالمخدرات وعلى برى كيردو الكارطون...ناري على مشكل طحنا فيه...شاف فيا خونا وقال ليا نسكت بحال الى مشفت والو...قلت ليه كون هاني ومشيت تاني لبلاصتي هاذ المرة ضهري تكوانسا وزيدها الخلعة ديال ذاك المونتيف اللي هاز خونا...بغيت غا نعرف الذنب اللي كانخلص فيه ذابا....لا لا هذا ميكون غا الذنب اللي درت فحق الواليد...الله يرحمك فهاذ النهار...المهم وصلتا للحدود ديال صربيا وهي تشدني الخلعة دياااال بصح ..بقيت كنقول ناااري هاد تمارة كاااملة فالزيرو ميمكنش...و الحمد لله دزنا بيخير حيت خونا كيعرف دوك ديال الجمارك...حيت اللي شارجاو لينا المونتيف خدامين مع شي مافياا هاااربة وعندها نفوذ...ماعلينا فتنا الحدود كيما العادة وعطاني شي ماكلة ونعست..هاذ المرة نعست مزيااان تقريبا الليل كامل حيت حتى خونا عيا وبغا ينعس المهم شبعت نعاس مع راسي ...تال الصباح فيقني خونا وهاذ المرة ركبت معاه فالكوسان وكملت النعاس ديالي على خاطري حيت صربيا مرخوفة فيها شوية القضية حتى قربنا للحدود ديال البوسنة تما فين نزلت درت نفس الپوزيسيون ونفس السيناريو دزنا بيخير ...غنختاصر ديريكت للحدود ديال كرواتيا...حيت تما غادي تكون نقطة التحول...تما كاينين شي خرس ديال الحدود شدااد بزاف تا حاجة مكتزهق ليهم ..مع وقف حداهم خونا قالو ليه غادي نخرجو كولشي اللي فالكاميو...خونا كنسمعو غا كيدخل ويخرج فالهضرة...عرفت القضية فيها إن...بقاو شي ساعتين وهوما كيقلبو فالكاميو ولكن أنا ملقاونيش حيت داااخل مع الموطور ديال الكاميو...وأنا مع عاارفيني مكلخ قلت نطل نشوف اشنو واقع بان ليا خونا دايرين ليه المينوط ...صافي بقيت هنا...قلت نخرج بالخف نهرب ماحدهم ملاهيين معاه. ذاكشي اللي درت جرية وحدة حتى كنسمع الغوات ديال العسكر ولكن مغاذيش نضب هاذشي كاامل فالزيرو...كملت الجرا ديالي كنضور مورايا كيبانو ليا شي عسكر لابسين الكاگول تابعيني...صااافي عاذي هي اللخرة ليا....مكيبان ليا غا واحد الكاميو غادي يديماري...مشيت قاصدو باش نشدو وأنا نسمع بااااق...وحسيت بكتفي سبقني للقدام جات فياقرطاة فكتفي ومعرفتش منين جاني واحد الجهد باش كملت...مشيت ديريكتلتحت الماميو شديت فشي حديدات وهو يتحرك...زاد بيا شي 10km وبديت كنحس بكتفي كيضرني بزااف و حسيت براسي كنترخااا...كنشوف فالشانطي كيبان ليا الدم ديالي داير فيه خط...ماحسيت براسي حتى طقت ...جيت فالشنطي ديريكت...ضهري كااملو تجرح...بديت كنتكركب حتى وصلت لجنب الطريق..وبدات عينيا كتسد...يتبع (الإخوان المسامحة بزاااف على هاذ الغبرة راه والله ما لخاطري...عيان شوية والوقت مزيرة...400لايك نلوح التتمة) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM