حياة جديدة الجزء 1 🔥🔥🔥🔥🔥 ( التتمة من بعد 120 لايك طاكيو صحابكم يقراو) واقف في المحاظرة كي عطي دروس ديالو شاب تلاتيني قوامو رجولية كلشي في بلاصتو زين والرزانة والهيبة متوفرين فيه جميع الشروط روجواية . طلبة ديالو قدامو كي سمعو ليه باصغاء حتى كمل و ضربات الساعة ناضو جمعو ادواتهم في صمت كبير منين سلاو خرجو ناض لبس جاكيت ديالو و خرج من تما تلاقا مع الأساتدة صحابو سلم عليهم و خرج معاهم و كي ضحك حتى كي سمع واحد السوط حنين كي عيط عليه ***:منير منير وامنير دور منير راسو شاف شكون تبسم كانت بنت حتى هي استادة بحالو زعرة و ملامحها هادئة قوقة تبسم ليها و عنقها تحت أعين الطلبة لي كلشي كي شهد على حبهم منير:نيروز نيروز:فين غادي بهذه الزربة ياك لباس منير:خاصني نمشي المكناس عند الوليد باغيني فشي حاجة نيروز(بحزن):عتخليني الحبيب ديالي منير:سمحلي ليا ا حبيبتي ماشي لخاطري مي نبقاو على تصال نيروز:صافي واخا ا حبيبي واخا غادي نتوحشك منير:تا أنا يالله نوصلك لدار معايا تبسمات ليه و ركبات معاه وصلها الدار قرب باسها في شفايفها بوسة رومانسية ونزلات و هو نطالق شاد طريق مكناس طريق كلها و هو كي فكر في هاذ الشي لي ناوي يدير باه مكي دخلش العقل مع انه عارف مكحملش لي يحطو امام الامر الواقع افكار تديه و افكار تجيبو حتى وصل المكناس شد طريق الحمرية بعد مدة كان وقف قدام باب دارهم نزل و حط يديه على قلبو مزير و معارف شنو يدير واش يدير الخاطر راسو ولا باه تحل الباب و خرجات من الدار مرأة كبيرة شوية في العمر لكن شادة في راسها تكون ديك 59 عام مشات عندو عنقاتو رجاء: منييررر ولدي حبيبي ولدي على سلامتك توحشتك توحشتك الغزال ديالي منير :الله يسلمك الوليدة رجاء:كيفاش داير انت لباس عليك منير:الحمد لله الوليدة حتا حاجة مابيخير دابا فين الوليد رجاء :راه الفوق طلع عندو كيتسناك هز ليها براسو و طلع عندو كان راجل كبير في العمر جالس و حاط قدامو القرأن كي قراه و تسابيح في يديه سمع سميتو تنطقات سد كتاب الله و شاف فيه منير :الحاج موسى موسى(تبسم):ولدي الحبيب مرحبا بيك منير(باس ليه راسو):الله يبارك فيك الواليد موسى:كيف كانت الطريق منير:الحمد لله مزيانة انت كيف راك موسى:الحمد لله مزيان منين جيتي بغيت نعاود نفتح معاك الكلام منير (تنهد):الوليد من بعد عيان دابا واخا ناض وقف و خرج من البيت متجنب كلامو مشا لبيتو رتاح شوية و تجمعو من جديد فوق الطبلة العشاء رجاء فرحانة بمنير موجدة العشاء على حقو و طريقو الحاج جلس و بدا ياكل حتى ولا نطق الحاج:ولدي منير وجد راسك غدا ان شاء الله عنمشيو العروبية باش نجيبو البنت راني داوي مع باها و كلشي عيكون موجود حتى من العدول غيكون منير(حط من يديه الخبز و شاف فيه): الحاج واش مشيتي خطبتيها و تافقتو بلا خباري مسولتيش هذه الولد واش في حياتو شي وحدة ولا لا واش مواعد شي وحدة جيتي ودرتي لي فراسك بلا ماتفكر فيا حشومة عليك الحاج:انا دويت و كلامي يتنفد ها السخط ها الرضا وزايدون دوزنا الكلمة مع الناس وحنا ماشي دراري صغار باش رجعو في كلامنا منير (سخط بالمعقول):بصحة رجاء:رجع اولدي رجع الله يرضي عليك بلاصتك كمل ماكلتك منير :شبعت الله يخلف طلع البيتو و هو الماكلة مكملهاش شوية ناضت رجاء تبعاتو البيت فتحات الباب لقاتو جالس و كي لعب بتيلي في يديه رجاء:مزال ما نعستي منير :مرات با راني معصب رجاء:عتخلي نيروز الزين و النقاء و القراية و فوق هذه الشي موضفة و عتمشي مع باك تزوج وحدة مسخة حتى حوايجها عامرين ريحة البقر منير:مبقاتش هنا كو غير مكانتش وحدة أخرى في حياتي واخا و زيدون انا باغي وحدة قارية وماشي بنت العروبية اوووف رجاء:بغيت نقول ليك شي حاجة منير؛شنو هي رجاء:باك مريض و اخر ايامو هي هذه دير ليه خاطرو و منين يدي من الأمانة امانتو طلقها ها انت ربحتي و زيدون متسيق الخبار حتى واحد بلي تزوجتي حتى الا جاو صحابك قولي ليهم خدامة و هي هكدا خدامة منير:صافي بغيت نرتاح الواليدة خليني بوحدي هزات براسها و خرجات و هو مسح وجهو و تنهد معرف شنو يدير في هذه الوحلة شنو زعمة غدا عيتزوج بوحدة مكبغيهاش و حبيبتو شنو عتكون ردة فعلها تنهد و فكر في كلام مرات باه و لقا انه ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM