سيف : تابعين للمخابرات المصرية ولكن كيفاش عرفو بيلا لينا هنا وشنو جاو يديرو هنا مونا : يمكن غير عرفو بيلا و وحدة من المواطنات ديالهم محتاجة المساعدة وبغاو ينقذوها مزيان بعدا غير ملي وصلو ليها دابا نقدرو ناخذوها منهم بلا صداع سيف : تاصلي بالواليد وقولي ليه شنو وقع وخليه يتكلف بموضوع لينا _ من بعد ماهجمو رجالنا حاولت أسيل تهرب من واحد المخبأ سري قبل مايدخلو رجالنا ولكن شديتها وربطتها بواحد القنبة تما بيما دخلو رجالنا الجوكير : خويا يوسف زيد على سلامتك غادي نخرجوك من هاذ الحبس _ الله يسلمك أخويا جيتو في وقتكم العضمة : الشاف شدينا هاذا تاهو _ الوحش وأخيرا حصلتي الكلب أسيل : واش عرفتي شنو كدير أيوسف واش بغيتي تكون سباب موت لينا متنساش بيلا راه عندي _ ههههه ضحكتيني دابا واش غادي تكون لينا بين إيدينا الجوكير : نعام أسي سيف . ايه ايه واخا غادي نعلمو . يوسف خويا عندي ليك خبار تقدر ماتعجبكش لينا خداوها المخابرات المصرية _ تاشنو كتقول شنو قرب المخابرات المصرية للموضوع الجوكير : مزال ماعرفت حتا نمشيو لمقر وديك الساعة نعرفو شنو كاين . الموهيم جيبو هاذو دوهم لمقر . يوسف شنو نديرو بهاذ المرا _ هاذي أم أسيل الله يعمرها دار دوها فين كاين خويا وكريم خليوها تعيش معاهم . خالتي هزي البنت ويله من بعد ماهزاتها داو أسيل والوحش لطومبيل وغطاو ليهم عينيهم وقصدنا المقر ديالنا داو أسيل والوحش لغرف التحقيق وأنا دخلت هاز بنتي في ايدي شافني الواليد جا كيجري عنقني الواليد : على السلامة أولدي . ويتك ويتك على الكتكوتة شحال زوينة خارجة كتشبه ليا _ الله يهديك الواليد تافين كتشبه ليك. ماقلتيش ليا فين هي لينا الواليد : عندي ليك خبار خايبة لينا داوها المخابرات المصرية وفاش دويت مع السفير المصري نفا بيلا فرقة ليدن كانت هنا ولا دارت شي مهمة في المغرب وكاينة حاجة كبر من هاذشي السفير المصري باغي أسيل يحققو معاها على موت الواليدين ديول لينا وأنا رفضت وهددني يا نعطيها بالخاطر ولا يديها بزز _ ولكن علاش هاذشي كيفاش مهتمين بلينا وعائلتها لهاذ الدرجة الواليد : ماعرفتش ولكن لي نقدر نقول هو نسيبك كان شيحاجة مهمة في الدولة _ الواليد دير أي حاجة عفاك باش ترجع مراتي مابغيتهاش تبقا بعيدة عليا وعلى بنتها الواليد : كون هاني من هاذ الناحية فراسك تلاقيت بريان فرح فاش عرف بيلا باباه عايش وشرحت ليه الوضع وتفهمني _ مزيان فين هو بعدا ماشتوش لا هو ولا كريم الواليد : كاينين في واحد الفيلا تحت من حمايتي _ اه سيفط بعض من رجالنا يديو مامات أسيل و بنتي شيماء لعند ريان وكريم الواليد : من نيتك بغيتي دي معاك الأم ديال هاذ الهبيلة وتخليها مع حفيدتي ولا خطفاتها ولا شيحاجة باش تهددنا وتساومنا على بنتها _ لا متخافش ابابا مها براسها مبقاتش كتحملها بسبب الجرائم ديالها وفي هاذ الفترة لي عشت مع أسيل كانت ليا الأم التانية الوليد : صافي لي بغيتي _ سيفط الجوكير وريم يديوهم وامرهم يبقاو تما . ومشيت أنا والواليد لغرفة التحقيق دخل سيف أسيل وخدم الكاميرة وبدا كيحقق معاها سيف : قولي ليا كاع الخطط والجرائم لي درتي باش طيحي يوسف أسيل : أنا مادرت والو وماغدي نقول والو حيث مديراش _ بقا كيسول فيها وهي كتعاود نفس الجواب عيا معاها ووالو وماقدرش يضربها حيث غير ولية فاش شاف بيلا ماغديش تجاوبو خرجها ودخل الوحش وبدا كيسول فيه نفس السؤال الوحش : أنا مادير والو راكم جبتو الشخص الغلط سيف : الشخص الغلط ياك . ايوا هاك لمك _ بقا كيضرب فيه وبدون نتيجة حتا هو مبغاش يهدر هو يكعا وجاب مقدة سيف : كنتخيلك كيفاش غادي تولي بلا صبعان أرا داك الصبع نشوفو . جاوبني على السؤال ديالي الوحش : عارفك متقدرش ديرها سيف : الجواب خطأ _ قطع ليه صبعو حتا طوش دمو وبدا الوحش كيغوت سيف : كل مرة متجوبنيش على السؤال ديالي نقطع ليك صبع يله جاوبني قبل ما نخليك بلاش الوحش : لا صافي غادي ندوي صافي _ بدا كيعاود داكشي لي دار مع أسيل من أ إلى ي وقال لينا حتا شي بلايص فيهم بعض الأدلة وسيفطنا بعض من رجالنا وبصح لقاوهم من بعد ما سلا التحقيق داوه لمستوصف وأنا مشيت لديك الشومبر لي حاطين فيها أسيل بديت كنطل عليها من واحد الشرجم شافتني وهي تنوض وقربات لشرجم أسيل : ياك أيوسف هاذا هو الجزاء ديال الحب ديالي عاجبك الحال تشوف البنت لي بغاتك كتر من راسها _ اه عجبني الحال حيث تستاهلي المجرمة وتستاهلي كتر على داكشي لي دوزتي عليا وعلى الناس لي كنبغي وعلى دوك الناس الأبرياء لي قتلتي وهاذاك ماشي حب غير مرض وهوس حيث نتي ماكتبغينيش غير بغيتي تملكيني وصافي كنتمنا أنك دوزي حياتك كاملة في الحبس يله بسلامة . من بعد مادويت مع أسيل دخلت لبيرو ديال الواليد لقيتو مريح هو سيف وبديت كنهدر معاه في موضوع لينا وسولتو كيفاش غادي نقدرو نرجعوها الواليد : من بعد مانعرفو بلاصتها غادي نسيفطو الفرقة الخاصة لمصر تجيبها _ أجي مايكونش داك رجلها لول أحمد هو السبب ماجيت فين نكملها حتا كنسمع صوت جرس الإنذار وبدا القرطاس خدام وهي تجي مونا كتجري دورتها في راسي دغيا قلت هاذو رجال أسيل ولكن كنت غالط الواليد: شنو واقع أمونا شنو هاذشي مونا : فرقة ليدن أسيدي والعدد ديالهم كبير خاصنا نخرجوك من هنا الواليد : سحبي الرجال من المدخل مابغيتش يتاذا شيواحد من الفرقة الخاصة مونا : سيدي مستحيل فات الحال ديجا دخلو ورجالنا وماتو شي وحدين ولاخرين مزال موزعين وسط المقر يله سربي نحيدو من هنا قبل مايوصلو ليك _ هز الواليد شي وراق وتمينا قاصدين أنا وياه ومونا وسيف واحد المخرج سري . غير وصلنا وبغينا ندخلو ليه هو يدير سيف التحية لواليد سيف : سمح ليا الواليد مانقدرش نخرج من هنا ونخلي رجالي بوحدهم أنا القائد ومن مسؤوليتي نحميهم ونبقا معاهم تال أخر نفس . يوسف مونا تهلاو في الواليد وسمحو ليا مونا : تا أنا مانقدرش نخليك يا نعيشو مجموعين ولا نموتو مجموعين _ عنقنا أنا والواليد وتما غادي وحنا خارجين وفي ديك التعنيقة معرفتش علاش حسيت بيلا أخر مرة غادي نشوفو سيف : من بعد مارجعنا بدينا مقاتلين أنا ورجالي ضد فرقة ليدن ولا حو لينا واحد الغاز كيخنق وهوما دايرين الأقنعة بديت كنشوف رجالي كيموتو بواحد واحد . فرقة ليدن محتارفين معطلوناش واحد الوقت بقيت غير أنا ومونا وواحد سميتو سعد وداك سعد مسكين جات فيه واحد القرطاسة لراس طاح دودة شفتو دموعي نزلو وبديت كنتيري عليهم وهوما يجيبو فيا واحد القرطاسة في كرشي طحت على ركبتي وعاودوني طحت الأرض على جنبي وكنشوف جيهة مونا وحبيبتي كتغوت سيف سيف و خرجات من الجنب ديال الكلوار كتجري باش تجرني من تما غير قربات ليا وهي تجي فيها قرطاسة في كرشها طاحت حدايا وبديت كنشوف فيها وهي كتزحف عندي شدات ليا في أيدي وأنا كلفظ اخر الانفاس ديولي قرب لينا واحد من رجال ليدن وتيرا في مونا راسها ماتت وأنا بغيت نغوت وماقدرتش حيث مابقا عندي جهد أسيل: من بعد ماكنو مفاتنين رجال المخابرات مع هاذ خياتنا لي هاجمين كنت أنا محبوسة وكنتفرج من الشرجم لي في الزلزالة لي محبوسة فيها وشفت واحد المنظر لي أثر فيا واحد المنظر رومانسي ديال خو راجلي مع حبيبتو قبل مايموت . ومع هو وديك البنت كانو كيتيريو من الكلوار لي قدامي كنت كنشوف فيهم . وشفت ديك اللقطة الرومانسية فاش طاحت هي وكتزحف حتا شدات فيه وبقا كيشوفو في بعضياتهم بنظرات حب حتا تيراو فيها لراس عاد تيراو فيه هو وجاو خرجوني من الغرفة وقتلو الوحش وتماو غاديين بيا _ من بعد ماخرجنا أنا والواليد تمينا غاديين كنجريو واحد 2 km حتا وصلنا لواحد القنت فيه شي طومبيلات جبد الواليد الكونتاكت من تحت واحد الشجرة ركبنا الطومبيل وبقيت سايق قاصدين الفيلا لي فيها خويا وبنتي والطريق كاملة وهو كيحاول يتاصل بسيف ووالو تيليفونو كيصوني ومكيجاوبش والواليد مخلوع عليه وصلنا لفيلا شافنا الجوكير تخلع الجوكير : شنو واقع وفين الدراري _ خليناهم مقاتلين مع فرقة ليدن وغالبا موحال يخرج منهم شيواحد حي للأسف الجوكير : مايمكنش هاذشي لي كتقول غادي يكونو بيخير ياك _ هاذشي لي كنتمنا أخويا ولكن كنظن موحال يعيشو الواليد : الجوكير تاصل بالدعم وسيفطهم لمقر يشوفو شنو كاين وسير معاهم حتا نتا وتاصل بي منير وقول ليه يكون هو و رجالو عندي في أقرب وقت الجوكير : ولكن أسيدي ياك منير مكلف بالحراسة ديال المقر ديالنا ديال الرباط واش بغيتيه يبقا خاوي الواليد : غير عيط ليه وهو غادي يعرف شنو غادي يدير _ تاصل بيهم وخرج ودخلنا لداخل أنا والواليد شافني ريان عنقني ريان : على السلامة خويا لباس عليك _بيخير ونتا كيف داير كريم فين الساط هو هذاك ريان : بيخير قال ليا الجوكير شنو وقع هي تهنيتي من ديك ختنا كريم : تصدمت فاش عرفت حقيقة أمين _ صافي نسا أمين دابا الله يرحمو وبالنسبة لأسيل مزال ماعرفنا . وبديت نعاود ليهم شنو وقع ريان : اواه هي خونا سيف غادي يكون مشا فيها _ ماعرفتش حتا نشوفو الجوكير شنو غادي يقول . الواليد حݣا شكون هو منير وفرقتو الواليد : الفرقة السرية كانت كتكون من 50 واحد فلول و منير كان هو القائد ديالهم حيث هو أقوى وأذكى واحد في الفرقة و الدراري كاملين ولكن كان كيستغل بعض الرجال من الفرقة السرية لمصالحو يعني فاش كنا كنسيفطوهم لمهمات كانو كيسرقو دوك المخدرات وداكشي المهرب ويعاودو فيه البيع ولا كيتافق مع المهربين ويخليهم يدوزو ولاكان عندو حساب مع شيواحد كيقتلو بدم بارد ومني عرفت هاذشي عاقبتو وسيفطو يحرس المقر ديال الرباط هو دوك الرجال لي معاه _ ولكن بحال هاذا خاصو الحبس كيفاش تعاقبو عقاب بحال هذا الواليد : معزتو عندي هي لي دارتها والأم ديالو وهي كتموت وصاتني فاش كان مزال صغير و ماقدرتش نعاقبو بعقاب كبر من غير انهو يرجع حارس . ها الجوكير كيصوني الله يسمعنا خبار الخير. الو الجوكير شنو وقع الجوكير : سيدي البركة في راسك من جيهة الدراري ديولنا للأسف كولشي مات بيما فيهم ولدك سيف راني تاصلت بالأمن يجيو يعاينو المكان _ بقيت كنشوف في الواليد وهو مصدوم حتا طاح ليه التيليفون من إيديو . شنو وقع أبابا الواليد : خوك مات أولدي هو وباقي الدراري _ عرفتي غير سمعتها حسيت بحال لا ضربني الضو . الله مسكين بقا فيا الله يرحمو ريان : مسكين كان ضريف البركة في راسك أبابا الواليد : يوسف يله معايا نمشيو المقر نشوفو داكشي _ تحركنا مع وصلنا لقينا القضية مرونة بالمخزن تمينا داخيلن أنا وياه وداكشي لي شفت قدامي فاش دخلت ضرني في خاطري ... 

يتبع 

في نضركم شنو شاف يوسف ؟؟؟ 

تابعوا باقي القصة واكتشفوا قصصًا أخرى عبر : 

الفايسبوك : www.facebook.com/9isasRM 

الواتساب : whatsapp.com/channel/0029VaicQtDKLaHqQiLXua02 

مسنجر : www.facebook.com/messages/t/25863888246590490 

تلغرام : t.me/kisasRM