إنتقام عشاق الجزء 51 🔥🔥 ( التتمة من بعد 400 لايك طاكيو صحابكم يعاونوكم عليها ) فرعنا الباب كتبان ليا أسيل مريحة فوق واحد الفوتاي وحاطة رجل فوق رجل وأمين مخبي بحال شي دري صغير ورا واحد الكوافوز حاصرنا لمراح فين جالسة أسيل : شنو بغيتو راكم غير مرحب بيكم عندي . علاش جايين سيف : جينا غير نزوروك ياكما ممسلياش نمشيو حتا تسالي ونرجعو أسيل : خرج من هنا نتا ورجالك حسن ليك وبليزير مني غادي نسامحك على هاذ التصرف يله خرجو قبل ماندير شيحاجة تندمو عليها _ بديت كنقرب ليها وكنقول . وايلي أسيل زعما راجلك جا يشوفك ونتي كتجري عليا محشوماش . حيدت القناع وهي تشوفني وقفات وهي مصودمة أسيل : يييييوسف هاذا نتا أحبيبي ممصدقاش شنو كنشوف _ بدات كتبكي وكتقرب ليا وبدات كتمس ليا في وجهي وكترعد وعنقاتني أسيل : حبيبي شحال وأنا كنحلم بهاذ النهار واش عرفتي شحال تعذبت فاش سمعت موتك . كيفاش حتا مزال عايش _ دفعتها وبديت كنعاود ليها شنو دار ليا أمين وهي تمشي تشنق عليك وعطاتو واحد 4 التصرفيقات أسيل : كيفاش قدرتي دير هاذشي في حبيبي أمين : حيث كنبغيك أسيل درت هاذشي باش تبقاي ليا بوحدي ونكون أنا وياك أسيل : كيفاش كنتي كظن بيلا أنا غادي نكون مع واحد بحالك أمين : وداكشي لي كنتي كتقولي ليا ديال يكون خير ...إلخ أسيل : حيث حمار تيقتيني كنت كنستغلك وصافي واش أنا أسيل نكون مع واحد بحال العبد ديالي ههه ماشي بحال راك عبدي نيت ونزيدك معلومة أخرى كنت غادي نسالي منك غادي نصفيها ليك أمين : ممصدقش بيلا غدرت صاحبي على ود وحدة بحالك يوسف سمح لي... _ ما جا فين يكملها حتا غفلاتو وجبدات سلاحها تيرات ليه في راسو طاح دودة . هزيت عليها سلاحي وبديت كنقول ليها لوحي سلاحك أسيل : هاهو رميتو دابا ريح نهدرو توحشتك _ هاذ السيدة مريضة لواحد الدرجة كدوي بحال لا ماوقع والو مشيت شديتها من شعرها أسيل : بلا ماتعصب وسمعني شنو بغيت نقول _ ماعندك ماتقولي ليا ويله جريتها بغيت باش نخرجها وهي تشعل واحد التلفازة غير بوحدها وداكشي لي شفت صدمني واش عرفتو شنو شفت . لينا هازة واحد البنت صغيورة في ايديها وكريم وريان موقفينهم وحاطين ليهم السلاح على ريوسهم بقيت ساهي والدموع باغيين يهبطو ليا من عيني أسيل : حبيبي شوف بنتنا شحال زوينة كتشبه ليك _ عفاك أسيل ماديري ليهم والو الله يخليك أسيل : يله ريح أحبيبي وخلينا نهدرو بالعقل وحتا نتا أسيف خلي البقية يخرج برا _ قلت لرجالنا خرجو تسناو برا مبغاوش حتا عطاهم سيف الإشارة عاد خرجو وريحنا . شنو المطلوب مني باش أسيل : غادي نطلب منك 2 حوايح بساط غادي يرجعو الأمور كيما كانو سيف : شنو هوما أسيل : غادي ترجع تعيش معايا وغادي نعطيك دليل برائتك وكلشي غادي يتسب في أمين ومن بعد مارجعو كيف كنا ونتيق بيلا ماغديش تغدرني نجيب بنتنا تعيش معانا شنو بان ليك _ ولكن لينا شنو غادي ديري ليها وخويا وكريم أسيل : غادي تعاقب على خيانتها وبالنسبة لخوك وكريم كيف غادي توافق غادي نطلقهم والحاجة التانية هي تقطع علاقتك بأي واحد كتعرفو شنو بان ليك _ عندي شرط ولي هو تخلي لينا تمشي بحالها حتا إلى درتي ليها شيحاجة ماغديش نكون معاك وغادي نقتلك بيدي سمعتيني أسيل : كنواعدك ماغديش نأذيها _ صافي موافق ولكن حتا نشوف خويا وكريم قدامي . كيف قلتها عنقاتني وأنا كنحس براسي مخنوق بعدت عليها وسولتها . إيمتا ولدات لينا أسيل : هاذي يوماين أحسن مادارت هاذ السفريطة هي جابت ليا بنت زوينة _ بنت العبد دغيا رجعاتها بنتها الموهيم أسيل نخليك . أمرت رجالنا يهزو أمين يدوه باش يدفنوه وتميت خارج معاهم أسيل : اجي فين غادي أسي يوسف _ غادي ندفن صاحبي الموهيم سيفطي خويا وكريم في العنوان لي غادي نعطيك من بعد مانشوفهم نجي مع رجالك أسيل : واخا ولكن إياك دير شي تصرف ماشي هو هداك _ بتسمت ليها في وجهها وتمينا غاديين الطومبيل طلعت أنا وسيف وبدينا كنهدرو سيف : يوسف كيف نستالمو ريان وكريم و نقتلو رجالها بلا مضطر ترجع عندها _لا بنتي ولينا عندها إلى درنا هكاك غادي تقتلهم حسن نبقا معاها حتا نعرفو البلاصة فين مخبياهم عاد ديك الساعة نتحركو سيف : خوذ هاذ الكارطة وكل ما لقيتي الفرصة خدمها وغادي طلع لينا في السيستيم بيلا خدمات ونتاصل بيك نعلمك بكل جديد _ صافي واخا شديتها عندو و بقينا غاديين حتا وصلنا جيهة واحد الغابة قلت ليهم حبسو ويهبطو جثة أمين ويحفرو قبر بداو كيحفرو وأنا غير كنشوف فيه وكنبكي وكنذكر دوك الذكريات لي دوزت معاه وكنشوف كيفاش كنا وكيفاش ولينا وقبل مايدفنوه بستو في جبهتو . سمحت ليك أخويا كنتمنا تكون مرتاح في قبرك للأسف أنا قلبي حنين ماقدرتش نحقد عليه ماعندي ماندير من بعد مارمينا عليه التراب قريت عليه الفاتحة وعلمت الشجرة لي دافنو حداها تمينا قاصدين العنوان لي عطينا لأسيل فاش وصلنا لقينا واحد 2 طومبيلات كحلين كبار كيتسناو تما كيف نزلنا خرجو لينا كريم وريان من الطومبيل طلقوهم ومع أنا محيد القناع شافوني تماو جايين كيجريو عندي عنقوني . كيف دايرين لباس عليكم بدا ريان كيبكي عليا ريان : توحشتك أخويا بزاف ومتخيلش شحال حزنت فاش قالو ليا متي كنت غادي نتسطا حيث مابقا عندي حتا واحد في هاذ الدنيا كريم : وأخيرا أخويا طال الفراق بزاف توحشناك وفرحت فاش شفتك مرة أخرى _ تا أنا أنا توحشتكم بزاف وسمحو ليا حيث طحتو في هاذشي بسبابي وسمح ليا اريان كتر حيث ماقدرتش نحافظ على الأم ديالنا ريان : ماعليش أخويا ماليك نتا والو على الاقل غادي تكون فرحانة في قبرها حيث تجمعنا _ اه أخويا عندي ليكم مفاجئة . سيف حيد القيناع عرفتو مع حيدو تصدمو ريان : شنو هاذشي ياكما حواليت ولا كيبانو ليا 2 منك _لا هاذا خوك سيف التوأم ديالي كريم : ولكن كيفاش هاذشي _ بدا كيعيط ليا واحد من رجال أسيل . غادي يعاود ليكم سيف في الطومبيل دابا خاصني نمشي عاود عنقتم ريان : لينا مسكينة تعذبات بزاف بفراقك خاصك تلقاها _ انشاء الله تميت قاصد طومبيلاهم طلعت غمضو ليا عينيا وبقاو غاديين بيا واحد ساعة ديال الطريق حتا وصلنا حيدو ليا الغطا من عينيا لقيت راسي في واحد الجردة ديال واحد الفيلا كبيرة وعامرة حراس وكاميرات وكلاب وحتا من الحيوط فيهم اسلاك مكرهبة يعني تبغي تنقز تموت محروق دخلت لقيت أسيل لابسة واحد الكسوة حمرة وموجدة عشاء رومانسي أسيل : سير غسل ايديك واجي تعشا _ مشيت غسلت وريحت معاها وكنشوف فيها بنظرات حب . أسيل ايمتا غادي تجيبي بنتنا بغيت نهزها أسيل : غادي تهزها غير صبر أحبيبي تا أنا توحشتها _ بقيت كنهدر معاها وكنحاول نقنعها تجيبها ووعداتني بيلا من بعد المحاكمة ديالي غادي تجيبها تعشيت وطلعنا أنا وياها لبيت النعاس بدات كتقرب مني وأنا كنبعد عليها بقينا هكاك حتا عيات ونعسنا وهكذا دازت 5 يام وليوم نهار المحاكمة ديالي هاذ 5 يام لي دازت دوزتها غير بزز خنقاتني تصورو شحال صعيبة تعيش مع شي واحد أذاك بزاف في حياتك وعايش معاه غير بزز و على ود شيحاجة نتا باغي توصل ليها ماعلينا مشيت المحكمة والطريق كولها مغمضين ليا عيني باش مانعرفش فين عايش من بعد ماحضرت الجلسة تبرأت حيث أسيل شهدات ليا ولصقات كولشي في أمين وعطات الأدلة لي كتبث أنه هو لي دار كولشي من بعد المحاكمة رجعنا لدار فاش مشيت لقيت مفاجئة كبيرة وزوينة لقيت الأم ديال أسيل ومعها بنتي شفتها وبقيت معنقها شحال خرجات زوينة وآية في الجمال حسن من ماماها كاع . أسيل شكون غادي يقابل البنت خاصك تجيبي مربية أسيل : وماماها شنو كدير حتا ماتقابلها _ تصدمت وبديت كنقول فين هي ماماها واش جبتيها أسيل : أويلي على فين هي وأنا ماعحبتكش أنا لي غادي نقابل بنتي شيماء اه ماقلتش ليك سميتها شيماء _ اه مزيان الله يعطيك غبارة باينة كيف غادي تخرج إلى كبرات على ايديك بست بنتي وعطيتها لأسيل ومشيت لطواليط باش نخدم الكارطة . كيف خدمتها تاصل بيا يوسف وقال ليا تاني أحسن مفاجئة في هاذ النهار ولي هي عرفو البلاصة فين كاين سيف : يوسف كيف غادي نعرفو بلاصة لينا غادي نهاجمو البلايص بجوج في خطرة _ واخا صافي وقطعت وهكذا دازت يوماين زوينة حيث دوزتها غير مع بنتي والنهار 3 مريح مابيا ماعليا كنفطر أنا وأسيل حتا كنسمعو القرطاس تأكدت بيلا رجالنا هوما لي هاجمين سيف : من بعد اتصالي الأخير بي خويا يوسف دازت 3 وقدرنا نعرفو بلاصة لينا حتا هي وقسمت الفرقة السرية على 2 وزدنا رجال تابعين لينا نص ديال الفرقة بقيادة الجوكير سيفطناه لفيلا ديال أسيل ونص لاخر غادي معايا لبلاصة لي فيها مرات خويا لينا . ماعلينا قصدت البلاصة ( ديبو كبير ) مع وصلت كيبانو ليا واحد 3 الطومبيلات كحلين واقفين تما والقرطاس خدام مافهمت والو شوية كيبانو ليا شي وحدين لابسين لبسة ݣرية ومغكيين وجاههم مخرجينها وطلعوها الطومبيل كيف كلعوها الطومبيل لولة كسيراو وبقاو 2 كيتيريو علينا مافهمت والو بدينا كنتيريو عليهم حتا ضربت لراس يله هزو واحد بغا يطلعو الطومبيل وهي تيري فيه مونا طاح حدا صاحبو هوما يكسيريو حتا هوما ومشينا قربنا لباب ديبو كيبانو ليا رجال أسيل مييتين وقلبت دوك الرجال لي كتبنا كيبان ليا واحد الضرابو في القنت ديالي التيشورت ديالهم . هاذشي مستحيل شنو لي جاب هاذو تال هنا مونا : مالكن مصدوم شكون هاذو لمن تابعين سيف : فرقة ليدن السرية مونا : شكون هوما هاذ ليدن سيف : تابعين لمخبرات المصرية ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM