إنتقام عشاق الجزء التاني 🔥🔥🔥 ( التتمة من بعد 300 لايك و 100 برطاج طاكيو صحابكم يعاونوكم بغينا نرجعو الصفحة زاهية كيف لول ) كنت داير الخاطر للأم ديالي لي كانت كتقول ليا . الواليدة: ديها في الدراسة ديالك هي لي غادي تنفعك قرا مزيان باش تولي طبيب او مهندس في المستقبل أما الكرة القدم الافاق ديالها قليلة وصعيبة وإلى غير تهرستي ماكين لي عقل عليك وها نتا ضيعتي مستقبلك شفت حتا عييت وفكرت مزيان لقيت هدرتها على صواب ودرت بكلامها وديتها في قرايتي وهكذا دازت 5 سنين من حياتي وكنحاول نحقق الهدف ديالي وفي هاذ 5 سنين تبدلو بعض الحوايج أولا كبرت شوية وليت رياضي ونقي في حالتي وليت تيتيز ومتدين شوية و مبقيناش عايشين في داك الحي تحولنا منو صافي مبقيناش من الطبقة الكادحة تحسنات العيشة ديالنا حيث الأم ديالي ولات مقابلة واحد لݣاورية شارفة وعزينا عليها وولات مهلية فينا مكتخلي حتا حاجة تنقصنا لا في لباسنا ولا مكلتنا ولا الحاجيات اخرين غير هي ديك الشارفة عينيها زايغين بقا ليها غير عرق وتموت وكتبغي تقرب مني بلا مندخل ليكم في التفاصيل ونعاود ليكم شنو كدير . ماعلينا غدا عندي أول نهار ليسي شديت التاسعة بنقطة زوينة جبت 18 ودرت صيونص ماط مع خوكم طيارة في الماط . وبصارحة راني فرحان ومتشوق بزاف حيث غدا غادي نمشي نشوف ليسي حيث كيما كيعاودو ليا الدراري ولاد السيكتور لي كبر مني على مغمراتهم وداكشي لي دوزو فيه عجبني الحال وليت كنقول ليسي عالم آخر . من الفرحة داك النهار الحد في العشية مشيت حسنت وتحركت للحمام ورجعت تعشيت ووجدت حوايجي وحطيتهم حدايا بحال داك الدري الصغير لي كيتسنا الصباح ديال نهار العيد من بعد حطيت حوايجي قاديت بلاصتي ويله بغيت نحط راسي على المخدة وأنا نتفكر بيلا ماحددتش الوقت لي غادي نتلقا فيه انا و عشيري أمين ونمشيو ليسي بجوج . بلاتي بلاتي نسيت ماعرفتكمش على أمين . هو صديق الطفولة وأكثر من أخ بالنسبة ليا تعرفت عليه فاش كنا كنقراو مع بعضياتنا في الرابع إبتدائي ومزال عشران لدابا هزيت التيليفون وعيطت ليه . فين العود صافا عليك أمين: هاحنا أخويا الحمدلله هاذ الساعة ياك لباس مفيقيني من النعاس _ لا والو باس غير بغيت نعلمك بيلا غادي ندوز عندك مع 7:30 باش نمشيو ليسي نتسجلوا أمين : واش نتا مريض في عقلك ياك مابغيتي نمشيو نحلو ليهم باب ليسي راه غدا غير التقياد تال 10:00 ونمشيوا _ ولكن أصاحبي أمين : ماكين ما ولكن غدا 10 نمشيو نتقيدوا ونجيبو دورة ونتيتزو ونرجعو وشوف بلا ماتجي دق عليا عارف فيك الفريع وغادي تجي عندي بكري أنا لي غادي نجي ندق عليك يله تلاح خليني نكمل نعاسي _ قطع ليا ولد العبد ولكن عندو الصح يمكن تحمست كثر من القياس عمرت التيليفون على 9:30 و حطيت راسي على المخدة ومبغاش يديني النعاس غير كنفكر في غدا بحال لا معرفتش شنو غادي نشوف بسلامة حاولت بكاع الطرق نعس ووالو مبغاش يجيني غير كنتقلب حتا كنسمع الأذان ديال الفجر حيدت العكز ومشيت توضيت وصليت ورجعت لبلاصتي تكيت وسبحان الله ديك الساعة داني النعاس ماعقلت على راسي حتا كنسمع صونيط المگانة فقت قديت حاجتي وغسلت ومشيت لطابلة لقيت الواليدة مسكينة موجدة الفطور ومخلية ليا فلوس التقياد وفلوس الطرونسبور باش نمشي فطرت ولبست حوايجي ومشيت وريحت في المراح كنتسنا في أمين حتا كنسمع صوت الغزات الضارة من بيت خويا ههه مشيت بديت نفيق فيه أوووووف على ريحة حل أودي داك الشرجم يتنفس البيت ريان : تاشنو بغيتي صبحنا على الله _ على مقاريش نتا البعلوك شتك مزال ناعس ريان: أنا مريض سير خليني نعس ولا نعاديك كح كح كح _ ايه غير مثل عليا البرهوش كعما دوزها عليا ريان: سمع الدقان سير اصحبي مكتعرفو لي مريض و لي مرشقاش ليه _ تحل ليك الفم غير بلاتي عليك مشيت حليت الباب لقيتو أمين على السلامة تعطلتي أمين : مالك زربان أخويا مزال الحال ...بلاتي نشوف هاي هاي وانا نعيق علاش هاذ الزربة مفركس وباغي طلق زينك _ هانتا فهمتي يله زيد قدامي ... سديت الباب وتحركنا خرجنا لشاريع وشدينا تاكسي نيشان لواحد ليسي سميتو خواريزمي حطنا حدا باب ليسي غير هبطت أنا تحليت كيبان ليا التيتز غير مشتت دخلنا مع الباب قصدنا الإدارة باش نتسجلوا ومع الزحام شدينا واحد القنت وبدينا كنتسناوا في النوبة هوما يتقابلو معانا واحد الكليكة ديال 4 البنات هوما كيشوفو فينا وكيضحكو و كيلمحو لينا باش نمشيو نهضرو معاهم أمين: شنو بان ليك نمشيو عندهم راه باغيين لي يبرتشهم شوف راه كيتقلاو بحال الكلية هوتة جابها لينا الله نفتاتحوا بيها الدخول الدراسي _ تا شنو بغيناهم أصحبي حنا جينا غير نتسجلو ونشوفو ليسي أمين: أخويا نتا بزاف عندك هاذشي على الحشمة وليت شاك فيك ياك ما نتا من النوع لي كيبغي الدراري وأنا مافي خباريش عمرك تصاحبتي ولا تصوقتي لشيوحدة إيمتا ناوي تصاحب _ عارف ديك الجملة ديال ولأن الحلال أفضل سأنتضر هي لي بغيت نطبق ( في الحقيقة كنحشم من البنات ) أمين: تا مالك غادي تحمقني أصحبي منين غادي تعرف هاذ البنت لي غادي تكمل معاها حياتك ونتا مكتصاحبش - حتال ديك الساعة فاش غادي تكتاب غادي يجيبها ليا سيدي ربي تال عندي ولا يدير السبب تا لقا هاذ البنت وزايدون راك عارف بيلا الله سبحانه وتعالى قال الطايبون للطيبات وأنا بغيت نلقا إنسانة مزيانة نكمل معاها حياتي ماشي نبدا نفسد من دابا ولقا شيوحدة ممزيانش و شنو ستافدتي من هاذ التصاحيب من نهار عقلت عليك ونتا كتصاحب شنو درتي بيه أمين : بدلنا بيه الزيت هههه أستغفر الله راك باسل أصحبي زيد نخلصو وندفعو لوراق راه وصلات نوبتنا أمين : شد الفلوس ولوراق دفع ليا أنا غادي نمشي نتصرف على واحد ختنا من دوك الكليكة عجباتني - شديت عندو داكشي قديت الغراض وهو دغيا تصرف عليهم مع وجهو قزديرة وعندو حلاوة لسان دغيا كيتصرف جابهم لعندي وأنا داير إيدي في جيبي وحدة فيهم مدات ليا إيديها بغات تسلم خليتها بلاكة فديك لحظة كان خاصنا غير الديسك ديال إسمحي إنني لا أصافح النساء ولكن باش مانجرهاش خرجت إيدي من جيبي وقلت السلام عليكم وهي تنطق وحدة فيهم سميتها هناء هناء : نتوما جداد على ليسي يله نساريوكم _ لا شكرا خصنا نمشيو ...: كحح يله نمشو معاهم نتسركلو على حنا جينا باش نمشيو - درت ليه خاطرو ومشينا معاهم بدينا كنتسركلو في ليسي عجبني الحال شوية مشينا ريحنا في واحد القنت مدرك وخاوي بدينا مجمعين هوما كيقراو في الباك ومن داك النوع لي خارج الطريق باغيين غير معامن واحد الوقت أمين قال لهناء ( البنت لي عجباتو ) بغيت ندوي معاك واحد الدقيقة وجرها بعدها علينا. مشاو وأنا بقيت مريح مع 3 البنات بقيت حشمان وساكت وختنا لي مدات ليا إيدها قبيلة عجبتها سميتها نسرين و بغات تشدني بأي طريقة كتلمح ليا ولكن مبغيتش نتشد ليها ومكثرتش معاها الهدرة واحد الوقت خياتنا كترو عليا من التعناب حشمت وأنا نوض قاصد أمين لقيتو مشيت عندو وأنا لقاه كالس هو ختنا تحت الدروج وخدامين بوش أبوش شافني هو يغمزني زعما سير مسخوط هاذ خونا خدام بداك المثال ديال النهار لول يموت المش بعدت عليهم وقفت في واحد الكوان وهي تجي عندي نسرين نسرين : مالك مخلوع منا واش غادي ناكلوك أجي جلس معانا - لا لا ممخلوع ماوالو غير مرشقاش ليا وصافي ...بقات شداني بالهدرة حتا تاصلات بيا الواليدة جاوبتها الواليدة : أهلا ولدي أجي عندي دابا لفين خدامة محتاجاك دابا ومتعطلش عليا _ قطعات وأنا نتشطن علاش تاصلت زعما شنو تكون بغات ... نسرين قولي لأمين راه مشا . ولا سولك علاش قولي ليه خرج ليه واحد البلان راه بينتنا التيليفون نسرين : واخا وحنا الزين ماغديش يكون بيناتنا التيليفون عطيني نمرتك _ دابا زربان خوديها من عند أمين ومشيت مورك خرجت بزربة من باب ليسي ومع ديك السرعة باش غادي منتابهتش و خرجت في واحد البنت طيحتها مسكينة ومع هازة كثرة لوراق تشتتو ليها وأنا من كثرة التوثر والخلعة تحنيت دغيا جمعت معاها لوراق ومديتهم ليها وماشفت فيها حتا الشوفة و قلت ليها سمحي ليا وأنا نوقف مع وقفت هوما يشنقو عليا واحد 2 قدهم قد برج خليفة طوال بزاف وصحاح لابسين كومبليات ودايرين نضاضر باينين من شكلهم كردكورات...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM