إنتقام عشاق الجزء الأول 🔥🔥🔥 ( التتمة من بعد 300 لايك و 100 برطاج طاكيو صحابكم يعاونوكم بغينا نرجعو الصفحة كيف لول ) باش تولد فقير ماشي عيب ولكن العيب هو تبقا في نفس المستوى لي تزاديتي فيه ومتحاولش أنك تحسن من نفسك ومن معيشتك وتخرج راسك والناس لي عايشين معاك من داك الفقر هاذ الجملة كان كيقولها ليا الأب ديالي الله يرحمو مسكين وهاذ الجملة هي لي حفزاتني حتا وصلت لأول أهداف حياتي ولي هو نولي غني وباش مانكترش عليكم الهدرة نعرفكم براسي سميتي يوسف 21 سنة إبن حاضرة المحيط أسفي دري نقي و زوين عاطي العين وبكل افتخار أي وحدة تمناني . بلاتي نقول لعشيري سكفاندري يوصفني ليكم ولكن عنداكم البنات تزعطوا فيا ههه . ماعلينا أنا ماطويل ماقصير متوسط القامة عوينات زرقين وشهيب ولحية خفيفة وجسم رياضي بحكم أني لاعب كرة قدم وماشي أي لاعب كرة قدم . بكل تواضع أنا أحسن لاعب في العالم موهبة عطاها ليا سيدي ربي وباش تعرفو عليا مزيان وكيفاش حتا وصلت لهادشي لي أنا فيه نرجع بيكم الماضي الأليم كيما قلت ليكم تزاديت في مدينة أسفي في واحد حي شعبي فقير عايش غير أنا والأم والاخ ديالي الصغير ريان الأم ديالي مسكينة هي لي متحملة مسؤوليتنا كتخدم في واحد المعمل ديال التصبير بمبلغ صغير يله كيكفينا باش ناكلو ونخلصو الكرا أما الضو و الماء معندناش كنسكيو غير من واحد السقاية في راس الدرب وكنضويو غير بشمع تكرفصنا مدة طويلة وعشنا الفقر المدقع ولكن مكان عندنا مانديرو الام ديالي كانت دايرة فوق جهدها باش تعيشنا العيش الكريم وتجيبها حلال ولكن المرء فوق طاقتة لا يلام بعض المرات مكيجيبش الله وكنبقاو بالجوع الأم ديالي تكرفصات بزاف من بعد وفاة الأب ديالي لي كان هاز علينا الحمل شوية توفى وأنا في عمري 8 سنين.واحد النهار كنا كالسين أنا والأم ديالي وخويا كنتعشاو حتا جا كيدق علينا واحد الصديق ديالو وقال لينا البركة فراسكم من جيهة فريد الباركو لي خدامين فيه تقلب وغرق هو وكاع البحارة لي معاه فاش قال لينا هاذ الكلام الأم ديالي سخفات وأنا الدنيا دارت بيا ديك الساعة تسرحت في الارض وبديت كنبكي وخويا كان مزال صغير بزاف مكان فاهم والو حدو شاف الأم ديالي سخفات مشا عندها وبدا كيغوت ماما ماما . بداو كيدوزو الايام الأولى وكانو صعاب علينا أولا حيت فقدنا الأب ديالي وتانيا مالقيناش الجثة ديالو باش ندفنوه بحال الناس حيث مرمهاش البحر وثالثا ولات عندنا أزمة مادية خانقة كانت الوليدة كتصير من داكشي لي مخبية و كان حتا صديق الأب ديالي معاونا في الصير تقريبا واحد 3 الشهور من بعد نسانا وتقداو لينا الفلوس واضطرت الأم ديالي تخرج تخدم باش تعيشنا وتما بدا التكرفيص ديال بصح كانت ديما قبل ما كتخرج الخدمة كتوجد لينا الفطور وكتفيقني بيما وصل وقت المدرسة وكنت مضطر نتحمل مسؤولية خويا نديه ونجيبو من الروض وأنا كنقرا ديك الساعة في الرابع . وخا صغير كنت كبابل و قافز وفنفس الوقت حاضينا سيدي ربي حيث كانو ضايرين بينا الذياب ولاد لحرام شحال من واحد حاول يطمعني أنا وخويا وكيبغي يستدرجنا بفلوس أو كيكس باش نمشيو معاه ولكن كنرفض حيث الأم ديالي موصياني ومقرياني مزيان على بحال هاذ المواقف ولكن بعض المرات كيكون ماعندك مادير غير سيدي ربي لي كيحفظ و صافي تخيلو معايا واحد المرة راجع من المدرسة مع ديك 17:30 وواحد خونا وقف عليا وبغا يطمعني بفلوس قال ليا يله معايا نلعبو واحد لعبة ونعطيك الفلوس وفاش رفضت حاول يديني بزز لولا ألطاف سيدي ربي كون غتاصبني او قتلني كون ما كانوا جايين شي رجال كون مشيت فيها شافوه كيجر فيا وجاو كيجريو لعندي غير شافهم وهرب . بغيت نصحكم ردوا بالكم مع الدراري الصغار وعلموهم ميشدوش شيحاجة من عند شيواحد مكيعرفوهش ومتخليوهمش بوحدهم عند شي حد واخا تكونو كتعرفوه حيث لاثقة في عتيقة ولينا كنسمعو العجب هاذ الأيام من أقرب الناس . نرجعو القصة ديالنا أنا مكانتش عجباني هاذ العيشة وكنت داير مجهود وهدف بين عيني نوصل ليه وهو نخرج راسي وعائلتي من الفقر وكان عندي 2 طرق الأول هو الدراسة ديالي وكنت متفوق فيها والثاني هي كرة القدم ولي حتا هي عندي فيها موهبة خارقة ولكن كنت داير الخاطر للأم ديالي لي كانت كتقول ليا ...يتععع رأيكم في الجزء الأول ؟ وكيفاش كتشوفو مسألة التحرش بالأطفال وشنو لي خلا هاذ الضاهرة تكتر ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM