إنتقام عشاق الجزء الثالث ( تتتمة من بعد 300 لايك طاكيو الأصدقاء توعكم يعاونوكم عليها بغينا الصفحة تزها) مع وقفت هوما يشنقو عليا واحد 2 قدهم قد برج خليفة طوال بزاف وصحاح لابسين كومبليات ودايرين نظاظر باينين من شكلهم كردكورات هو ينطق واحد فيهم بواحد الصوت غليض قال ليها واش دارها بلعاني أمدام أنا بقيت كنشوف فيها بصراحة بنت زوينة من جميع النواحي الزين ولاطاي تزعطت فيها بقيت كنشوف فيها وكنبتاسم و كنتسناها تقول ليه مدرهاش بلعاني ولكن ختنا بنت العبد خنزرات فيا ودخلات ليسي بلا ماتقول والو خلاتني واحل مع هاذ 2 حلالف بقا شانق عليا واحد دفعت ليه إيديه وقلت ليه طلق مني أصحبي والله ماشفتها ماجيت فين كملها حتا جبد معايا بواحد الكروشي لوجهي وضرني على القبلة وجمعني بنص حتا قالت قلقولة راسي مع الارض بقق هو يقول ليا هذاك لي ضربني هاذ المرة ولي تشوف مزيان قدامك خلاوني مجبد في الارض ودخلو تبعوها وبنادم غير كيتفرج فيا . بديت كنشوف في راسي ياك ماخرج ليا الدم ساعة مالقيت والو جمعت الوقفة وأنا حاقد والله ماتبقا فيهم كاملين مشيت كنجري لشانطي الكبير شديت تاكسي وقصدت فين خدامة الواليدة دقيت عليها خرجات عندي ...ياك لباس الواليدة خلعتيني عليك الواليدة : مالك في وجهك أولدي معامن ضاربتي _ لا ممضارب ماوالو نعاودها ليك بحال الخرافة فاش صونيتي ليا تخلعت قلت واقعة ليك شيحاجة جيت كنجري ومن كترة التوتر ديالي منتابهتش ودخلت في واحد الكرياج ديال واحد الشرجم هاذا ماكين الواليدة : فراسك مكتعرفش تكدب ماعلينا أولدي بغيت نمشي نعزي واحد صحبتي مات ليها راجلها مسكينة وخاصني ضروري نمشي دابا ونتا بغيتك تقابل ليا الغدا لا يتحرق وفي حالة حتاجت المدام شيحاجة قديها ليها بيما جيت راه ماغديش نتعطل غير واحد ساعتين ونرجع _ عاودي عاودي شنو قلتي باغية تخليني هنا ساعتين مع هاذ الشارفة الهارفة الواليدة : مالها غادي تعضك وزايدون راك عزيز عليها ديراك بحال ولدها وراها ناعسة _ بقيت ساهي كنفكر شنو دارت اخر مرة بقيت عندها بدات كتعرا عليا وتقول ليا اجي نعس معايا الحبيب ديالي الواليدة : مالك أولدي فاش كتفكر _كون غير تعضني وصافي راها ...يله بغيت نقول ليها بيلا كتحرش بيا وأنا نقلب الهدرة ... الواليدة راه كتحمقني بعض المرات كيهرب ليها ريزو وكتبدا تسولني ولد من نتا وشنو جاي دير هنا الواليدة : غير ماديش عليها أحبيبي سير دخل شعل التلفازة ونقص الصوت وتفرج بيما جيت يله هاني مشيت وعنداك تقلق المدام _ مشات ودخلت و سديت الباب كنفكر في هاذ الوحلة وليني نهار منحوس غير الله يخرج هاذ النهار على خير ...فاش دخلت قصدت الكوزينة هزيت 2 رايبيات وقصدت الصالون وشعلت التلفازة شديت واحد الماتش و بديت كنتفرج شوية كنسمع البيت ديال بيتها تحل قلبي بدا كيضرب بجهد انا كالس وكنسمع الخطوات دياولها كيقربو ليا وهي دخل عندي وتما كانت الصدمة السيدة مزوقة وجهها بالمكياج ودايرة واحد البرفان كيتشم من راس الدرب و لابسة دوبياس في الحمر وكيبانو غير الجلود هه جات بدات تعنق فيا وكدوي معايا بالفرونسي كتقول ليا توحشتك الحبيب ديالي وهي تريح ليا فوق فخضي وكتحاول تبوسني وأنا مكنخليهاش كنحاول نتجنبها بأي طريقة واحد الوقت كعيت وأنا ندفعها ...واش نتي حمقة واش أنا قد حفيدك وباغية تنعسي معايا راه مستحيل تكون بيناتنا شيحاجة واخا يوقع لي يوقع غير حيدي هاذ الفكرة من بالك تيريزا : يوسف أنا كنبغيك ومن نهار شفتك أول مرة ونتا مزال صغير بغيتك وكنت كنتسناك غير تكبر باش تولي ليا والعمر مكيهمش _ سمحي ليا منقدرش و مستحيل نقرب ليك... وراسها قاصح جات بدات تلصق فيا تاني وأنا ندفعها وهزيت سبرديلتي حليت الباب وتميت خارج وهي تبعاني بديك الجرية ديال الزومبي تيريزا : شوف أيوسف إلى خرجتي من هنا غادي نجري على مك وترجعو لحياة الفقر تاني أما لا درتي ليا خاطري غادي نتهلا فيك أي حاجة طلبها ناخدها ليك يله دخل _ ردخت عليها الباب وأنا نتما غادي لدار وبغيت نتفركع من لداخل خاص ضروري لي نشكي ليه همي وعندي غير 2 الناس في حياتي لي واعيين الواليدة و أمين ومنقدرش نعاود هادشي لواليدة وأنا نصوني لأمين ... الساط دابا تجي عندي كافي الياسمين بغيتك ضروري أمين : واخا هاني جاي واش نجيب معايا الساطات ديال قبيلة راهم مزال معايا وديك ختنا صدعاتني عليك _ وااااجي غير بوحدك وماتعطلش عليا ... من بعد نصف ساعة تلاقينا أمين : مالك أخويا كتبان ليا كاعي شنو واقع ليك ومالك في وجهك وبديت نعاود ليه على الشارفة وشنو وقع والسيد بغا ينفاجر بضحك أمين : هههههههههههه سمح ليا ولكن تخيلتها وهي كتمشا بدوبياس في الحمر ودوك الجلود كيطلعو ويهبطو وكتبلحس عليك هرب ليا _ واش دابا أنا جيت تعطيني حل لموشكيلتي ونتا كضحك عليا أمين : سمح ليا ولكن أي واحد بلاصتي يضحك ولكن عبرتي فاش هربتي ياك أنا لي كتشوفني ماكنزكل تاوحدة ياخيبة يا زوينة مستحيل نقرب لشارفة تجيب ليا التبويعة . _ حتا أنا أخويا ولكن خايف غير داكشي لي قالت وتجري على الواليدة أمين : متخافش قالت ليك هكاك غير باش تخلعك أما ماكنظنش ديرها ومقلتيش ليا مالك في وجهك ياك ماشيرات عليك بشيحاجة المسخوط _ لا هاذيك بلان أخر وعاودت ليه على البلان ديال ختنا تاهي والكردكورات ديالها أمين : تجمعو عليك الساط ولكن متخافش بلان ختنا ضربو على حسابي أنا نتاقم ليك منها غدا فاش نمشيو ليسي وريها ليا _ لهلا يخطيك عليا أخويا الزين شتي على نهار كيف داير منحوس نتا لي صادقة ليك النهار لول ديتيها الدريجات يعلم الله نهار الثاني فين غادي ديها أمين : واحد المعلومة نزيدها ليك ممحتاجش نتسنا تال النهار التاني راه داير معاها ليوم بليل وصحبتها حتا هي باغياك صدعاتني عليك شنو بان ليك تجي نتا وياها _ لا والله ماراشقة ليا خليها مرة اخرى بدا كيزعم فيا حتا وافقت وصونا ليهم دار معاهم 20:00 وبقينا مجمعين أنا وعشيري أمين في القهوة تال ديك 6 فاش شفت الوقت تخلعت دغيا داز الوقت ولكن بروجولة فجاها عليا من بعد تفرقنا كل واحد تحرك لدارهم وأنا غير دخلت لدار وأنا نلقا الواليدة مريحة كتبكي مشيت كنجري عندها كنعنق فيها وكنسولها مالها الواليدة : جرات عليا المدام من الخدمة أولدي _ شنو كتقولي الواليدة علاش جرات عليك شنو درتي ليها الواليدة : قبيلة فاش رجعت من العزا قالت ليا علاش مشيت بلا منتشاور معاها وأنا قبل مانمشي قلتها ليها فين مزال غادي نلقا بحال ديك الخدمة وشنو غادي ندير مع الكرديات راني غارقة أولدي ماغديش نلقا بحال ديك الخدمة لي نقدر نصير بيها ونرجع بيها الكريديات ولا ماخلصت نقدر نمشي الحبس _ غير قالتها بحال لا ضربني الضو الله أسيدي ربي شنو هاذ الوحلة تاني خرجت من دار وبديت غير كنتمشا وكنفكر فهادشي وكندوي غير مع راسي بحال شي حمق ماعرفش فين غاديين بيا رجليا تالقيت راسي حدا البحر بقيت مريح تما كنشوف في الماج و الغروب وكنفكر في شنو ندير باش نعاون الأم ديالي واحد الوقت تاخدت واحد القرار شجاع ضغطت على راسي وقصدت دار تيريزا دقيت عليها وهي تحل ليا الباب... بالمناسبة أتيرزا شحال وأنا كنحلم يكون عندي Sh وبغيتك تشريه ليا ودرت ليها واحد الابتسامة صفرة تيريزا : كنت عارفة غادي تجي احبيبي زيد دخل...يتبع في نضركم واش غادي توقع علاقة حميمية بين يوسف وتيريزا ولا غادي تكون شي مفاجئة ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM