كنحس بشي دقة جاتني من اللور ما فهمت والو طحت كاو شوية بديت تانحل عيني بشوية لقيت راسي كالس في واحد الكرسي ومربوطين ليا إيديا والغرفة مضلمة فلول ماتفكرت والو تال دازت واحد 2 دقايق وأنا نتفكر شنو وقع ولاد العبد دوك المجرمين حاطيني في غرفة مضلمة وخاوية وبدت كنتسائل مع راسي شنو غادي يكون المصير ديالي وديال عائلتي وشنو غادي يكون وقع ليهم وشنو بغاو مني بقيت كنفكر حتا كنسمع التقريب ديال الباب شيواحد جاي داخل تحل الباب هو يدخل واحد لابس الكحل كامل و ومغطي وجهو قصدني شداتني الخلعة فديك اللحضة بقا تيدور عليا و تيضحك
ما فهمت والوا شنو بغا مني دب هدا تشجعت وسولتو شنو بغيتي بدا كيضحك ومجاوبنيش ....شويا هوا يكول ليا أش سميتك
أنا : ماشي سوقك مالك يا تسولني
هوا : ما غتكولش هوا ينزل معايا بواحد تصرفيقة بدوك اليدين لي عندو نساتني فلقبلة فين جات
أنا : صف صف غير مضربش سميتي حماد
هوا : أش كنتي تادير فديك الدار داك النهار
أنا : (مكديتش نكدب عليه ) جيت عند الواليد بغا يعرفني على عائلتي
هوا : لون ديال وجهو تبدل كيفاش الواليد
أنا : مجاوبتوش بقيت مسمر بلاصتي
شوية هوا يجبد شي حاجة من تحت سروالوا مع شفتها البولة بغات تنزل ليا هز عليا سلاح اش هادشي أش درت أنا فحياتي باش إوقع ليا هكا
حطو عليا على راسي هوا يقول مكين لاش تبقا عايش فهاد دنية لا نتا لا ديك البنت .
فاش كال داك البنت معقلتش على راسي وقلت ليه واش درتي شي حاجة لغزلان
هو : مزال ولكن فاش غادي نسالي منك غادي نمشي عندها
تفو اش هادشي لون تاع وجهي تبدل ما يمكنش هادشي يقتل ليا ختي غزلان وأنا يله عرفتها بلا منحس غفلتو وضربتو برجلي لمنطقة الحساسة ركع على رجليه بدا كيتألم ويله بغا ينوض وأنا نعاودو برجلي لوجهو طاح دودة فلرض مالكيت كدامي والوا غير واحد لحديدة مقمقمة بقيت تنكحز فلكرسي حتا وصلت ليها خطفتهاوبصباع ايدي وبديت كنشرك في القنبة بقيت مدابز معاها شحال عاد تفتحات ديك القنبة باش كانت مشدودة يدي هزيت سلاح من عندو وخا معارفش كااع كيفاش تيخدم غير نتيري بيه دفاع على النفس
يالله بغيت نحل لباب و انا نسمع شي صوت جاي من جيهت الباب
معرفت ما ندير تخبيت ورا الباب خليتو تا حل لباب و نا ندربو بسلاح ماشي لقرطاس غير لفردي لراسو طاح دودة حتا هوا خارج تنشوف لبلاصة كي دايرة كبيرة بزاااف فيها شي تلاتين بيت تقريبا هاذ البلاصة دايرة فحال دوك الفناديق الكبار مي هي مهجورة و مضلمة ما فيهاش الضو برة بديت كنتسلت ومكان حد من الحراس بديت تندور بيت بيت كل بيت شنو فيه ها راجل مقطعا ليه يديه ها بنت عريانة حتا وصلت لبيت الاخير وانا نطل لكيت غزلان ناعسة دخلت بديت نفيقها والوا ما بغاتش تفيق
هزيتها فوق كتافي او غادي تنشوف طريق فين غنخرجو شوية هوا يبان ليا واحد البيرو كالس فيه واحد الراجل او تيكمي صيكار ديك مشيت حطيت غزلان بعيد على داك البيرو و بديت كنتسلت وغفلتو و حطيت سلاح فجيهت راسو وبديت كنقول ليه فين هو الأب ديالي والأم ديالي واش مزال حيين
هو : غير تهدن غادي نقول ليك فين هوما غير متقتلنيش راهم مزال حيين
_ يله قول فين هوما دغيا
هو : شتي في الاخير ديال كولوار كاين تما واحد لكاب راه حطينهم تما
زيد قدامي وريه ليا تميت جارو وحاط عليه السلاح في راسو فاش قربنا تما بديت كنسمع الغوات ديال الاب ديالي كيقول حلو عليا نزلنا وكانو تما واحد 2 حاضيين تما شافونا هزو عليا السلاح بديت كنقول ليهم هبطو السلاح ديالكم ولوحوه بعيد ولا نقتلو في لول مبغاش ولكن فاش قالها ليهم خونا لحوه وطلبت منهم يحلو الباب ويطلقو الأب ديالي ودكشي لي دارو حلو الباب وخرج الاب ديالي هز سلاح ديال دوك الحراس وقتلهم كاملين وعنقني وقال ليا وليتي راجل أولدي عارف فين تقدر تكون الأخت ديالك .
_هي راها الفوق وفي أمان قول ليا شكون هاذو وشنو بغاو منا
الواليد : هاذا اليد اليمنى ديال واحد من دوك الرجال لي قتلت عرف بيلا أنا لي قتلت ليه الشاف ديالو وبغا ينتاقم مني
_ اه وخا الحمد الله ملي خرجات سليمة قول ليا واش ديك المرا بيخير
الواليد : هاذيك راها الأم ديالك أولدي وراه بيخير غير سخفانة وصافي نخرجو من هنا ونهدرو يله سير جيب ختك ويله نخرجو من هنا .
_ الأب ديالي هز الواليدة وأنا مشيت جبت غزلان وطركت البيرو جبت واحد الكونتاكت ديال واحد الطومبيل وتمينا خارجين قصدنا نيشان السبيطار دخلناهم عند الطبيب وبدينا كنتسناو وأنا نتفكر ماجدة صونيت ليها وهي تجي عندي شفتها وأنا نعنقها وعاودت ليها على بلان كامل تفاجئات وهي تبدا تعنق فيا
ماجدة : كنت حاسة بيلا كنتي في خطار قلبي مهنانيش
_ يله بغيت نسولها على الأب ديالها واش عندها شي خبار عليه هو يجي الطبيب قال لينا بيلا الأم ديالي وغزلان بيخير ويمكن تشوفوهم ... دخلنا عندهم وهي يعاود ليهم الواليد عليا والأم ديالي عرفاتني بيلا أنا ولدها ومسكينة بدات كتبكي و كتعنق فيا وتبوس فيا وكنقول ولدي ولدي وأخيرا لقيتك قلبي و كبدتي كانو محروقين عليك وتا أنا بدون مانحس دموعي نزلو وبديت كنعنق فيها وشوية وهي تجي غزلان حتا هي عنقاتني ودرنا عنقاق جماعي أنا والأم ديالي والأب ديالي وختي من بعد بديت كنعاود ليها كيفاش عشت وكيف كانت حياتي وقالت ليا غنعوضك على كولشي في العشية خرجنا من السبيطار مشينا لدار جديدة تجمعنا فيها ومن بعد 3 يام تعرفات الخبار ديال وفات الأب تاع ماجدة دوزوها على أنها قضية إنتحار وسيتها في دوك الأيام من بعد دخلنا في علاقة حب وهكدا مرت 12 سنة من حياتي عشتها كامل حب وحنان مع العائلة ديالي وتزوجت بماجدة وعندنا بنية سميتها حنان وعايشين حياة كلها مع العائلة ديالي . النهاية
رأيكم في القصة
تابعوا باقي القصة واكتشفوا قصصًا أخرى عبر :
الفايسبوك : www.facebook.com/9isasRM
الواتساب : whatsapp.com/channel/0029VaicQtDKLaHqQiLXua02
مسنجر :
www.facebook.com/messages/t/25863888246590490
تلغرام : t.me/kisasRM
دع المتعة لا تتوقف، شارك القصة مع من تحب. القصة تصبح أجمل عندما نعيشها معًا.
ليست هناك تعليقات:
إرسال تعليق