صعوبات الحياة #الجزء_14 ماقبل الأخير ( التتمة من بعد 400 لايك طاكيو صحابكم يعاونوكم عليها ) اش تدير هادي هنا واش تنحلم ولا كيفاش و مدة ماشفتهاش . غزلان هي لي حلات ليا الباب بقيت غير كنشوف ومصدوم مكديتش ندوي غزلان : حمااد اش تدير هنا واش تتقلب على شي حد او فين غبرتي مكديتش حتا نجاوبها شوية هوا يبان ليا الاب تاعي شافني و جا قاصدنا هوا يكول بنتي غزلان دخلي لداخل مزادتش الهدرة دخلات بلا متزيد حتا هدرة ما فهمت والوا فديك اللحضة وتصدمت كيفاش بنتي مكديتش ندوي جرني لبرا و كال ليا ولدي عرفتك غتجي من صباح ونا تنتسنا فيك سمع شنو غادي نقول ليك مزيان بيتك تنسا الماضي كامل نتقمت ليك شر نتقام من دوك الناس لي أدونا وكانو سباب فلفراق ديال هاد العائلة و شتات ديالها ودب جا الوقت باش نتجمعو ونكونو أسرة سعيدة هادي لي كانت واقفة معاك هي الاخت تاعك و الام تاعك لداخل من نهار جيت وهيا تتدوي عليك وبالها معاك (غتكول كيفاش لقيتهم ؟ وعلاش خبيت عليك هاذشي ؟ عاوني خويا باش لقيتهم هوا لي كان مربي الاخت تاعك. و الام تاعك من بعد فراق طويل عرفت بلي مابدلاتنيش وتزوجاتش فرحت بزاف هادشي كامل طرا بزربة .هيا مدة و تتجي لعندي لحبس عاوناتني تاخرجت وتجمعات العائلة تا ختك تفهمات كلشي )الام تاعك من نهار بنت او هيا تتسول فيك وها لوقت جا باش نتجمعو عاود تاني وخا هادشي كامل لي وقع وعلاش خبيت عليك هاذشي ومقلتش ليك بيلا ديك المرا لي رباتك ماشي هي الأم الحقيقية ديالك حيث في الوصية لي خلا ليا زعيم المافيا لي هو سباب هاذشي كاتب فيها في حالة حاولت نتازعك من عنها كتعتابر دوك الاملاك ملغيين يعني غادي نبقاو بلاش وهي عندها نسخة إلى رفعات دعوة تربحنا داكشي لاش كنت كنتسنا تاتمشي عند الله ما فهمت والوا حق رب دوخني وحسيت شعور فشي شكل هدا بزااف تنحس بجلدة تاع يدي ترتاعش ما كديت نكول والوا هادشي داز بزربة ما بقيت فهمت والوا مد ليا يديه فحال شي دري صغير او دخلت معاه غزلان كانت فلباب مزال واقفة ما فهمات والوا حتا هيا بقات غا تتشوف كال ليها دخلي دخلات و غادي مع الواليد هوا يعيط جميلة جميلة هيا تنزل واحد المرا كبيرة شوية فسن من شفتها نص طاح مني تجمدت فبلاصتي مكديتش ندوي كلسات غزلان لي كال. ليا ختي او مزال ما متيق او ديك المرة لي امكن غتكون هيا الأم تاعي قال لينا ريحو نهدر معاكم و الاب تاعي هوا لي بقا واقف مع يالله بغا يكول ليوم فرحان حيت ... مكملهاش حتا تنسمعو الدقان بجهد ماشي دقان عادي فحال شي واحد باغي يفرع لباب ما فهمت والوا وتخلعت الاب تاعي كال لينا يله نطلعو الفوق مجا يطلعنا حتا دخلو بزاف تاع رجال شدو الوليد ما فهم والوا انا لكيت غير غزلان هيا لي واقفة قريبة ليا جريتها من يديها او طلعتها لفوق كدامي ملكيت فين ندخلو بان ليا غير تحت سداري بزربة نزلتها على ركابيها ودخلتها من تحت منو وتبعتها سديت ليها فمها لا تغوت ولا شي حاجة و مزال ما فاهم والوا تنشوف فغزلان تتبكي و غير تنصبر راسي ما فهمت والوا كيفاش هادشي علاش هادشي شكون هادوك وشنو بغاو داز شوية تاع الوقت هوا يتحل لباب غير ساد فم تاع غزلان و تنسمعهم تا يغوتو (فين هوما دوك جوج لي كانو معاهم فين غابرين تيغوتو بجهد ) بقيت غير تنشوف شوية سمعت سقيللل ما قدرتش نغامر او معايا غزلان منقدش تسنيت شوية تا تأكدت بلي مكاين حد فدار ونا نخرج كلت ل غزلان متبعنيش تبقا غير هنا مزال تتبكي مكداتش تسكت من الخلعة غزلان : عفاك متمشيش يقدر يكونو مزال في الدار خرجت غير بشوية كنتسلت بلا مندير صوت حليت الباب مكين حد ونزلت بشوية مع دروج حتا قربت لصالون وأنا نشوف واحد المنضر طيح ليا الما فركابي وتقية بغات تجيني الوليد و ديك المرا معرين و مدروبين مزيان و دم فكل بلاصة ودايرين بيهم شي رجال وخياتنا مزال كاينين شفت داك المنضر ديال واليديا دموعي نزلو واخا يمكن مزال حايين ولكن كرفسوهم بقيت كنشوف و محسيتش بوالوا حتا خرج من فمي واحد صوت بحال الكحة و هوا يدور واحد من هادوك وا قيلة شافني طلعت بزربة حسيت بحال شي واحد تابعني من اللور معرفت ما ندير فديك اللحضة قلبي بغا يسكت مكانش عليا نخرج اصلا كون غير ديت بهدرت غزلان مشيت كنجري و معارفش فين نتخبا مابغيتش نرجع لبلاصتي باش في حالة تشديت ماتشدش معايا ختي مشيت جيهة الكوزينة يله بغيت نتخبا تحت البوطاجي ت كنحس بشي دقة جاتني من اللور ما فهمت والو طحت كاو... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM