إنتقام عشاق الجزء التاسع 🔥🔥🔥🔥 ( التتمة من بعد 400 لايك. حطيت جزء طويل كتعويض على لبارح يله طاكيو صحابكم يقراو يعاونوكم على التفاعل ) الله أسيدي ربي أش هاذ المشكل ثاني من لوحدة لوحدة قفارت عليا المدير : يوسف جيب أدواتك وتبعنا الإدارة الحارس العام : سيد المدير من الأفضل يتعاقب قدام الزملاء ديالو باش يكون عبرة لي كاع لي يفكر يشفر شيحاجة _ أنا ماقدرت نقول والو حيث الدليل تابت ضدي بقيت حاضي أسيل وكنشوف فيها بنظرات غضب وتاهي مربعة إيديها وكتشوف فيا المدير : اه عندك الحق . قولي ليا أبنتي واش نعيطو لبوليس _ أنا غير سمعت البوليس فشلت . تاكيفاش البوليس مالي شنو درت راني بريئ ومعرفتش كيفاش جات السنسلة لجيبي أسيل : بلا ما ندخلو البوليس في الموضوع المدير : صافي مزيان أبنتي ولكن ماغديش نسكت على هادشي لي وقع . يوسف راك مطرود من المؤسسة _ طلع ليا الدم ومبغيتش نطيح من كرامتي قدام بنادم ونبدا نطلب فيه مشيت بديت كنجمع أدواتي أمين : عارفك أخويا مادرتي والو غير دوي معاهم وشرح ليهم _ لمن غادي تشرح لحيوط تهلا في راسك تال الدرب وندويو . جمعت أدواتي وتميت خارج وأنا نقول ليهم ربحو بهاذ المدرسة ديالكم وردخت عليهم الباب وزدت مع الطريق وكنفكر فشنو غادي يكون المصير ديالي مع الدراسة وشنو غادي نقول لواليدة الدنيا دارت بيا ديك الساعة هو يقول ليا واحد الراس كاينة المدرسة ديال تريزا هه الله يجعل البركة فيها . خرجت من ليسي جاني الجوع قصدت واحد المحلبة ضومنضيت على نص خبزة فيها البيض وفرماج كاشير ومشيت لواحد الجردة حدا ليسي ريحت بديت كناكل وأنا كناكل كنتصدم بأسيل واقفة عليا غير شتها الدغمة وحلات ليا كح كح كح . شنو جيتي ديري هنا بدلتي رأيك وقررتي ديكلاري بيا أسيل : الديفو ديالك هو فيك كترة الهدرة ومكتبغيش تسمع لبنادم سمع شنو غادي نقول بعدا _ شنو غادي تقولي بسلامة كنظن ماكين مايتقال . دابا عاجبك الحال حيث غادي تهناي مني أسيل : بغيت نعرف علاش مدافعتيش على راسك _ من لول حكمتي عليا أني شفرت . وياك ملي قلبتوني لقيتوها عندي علاش غادي ندافع على راسي أسيل : ممتيقاش بيلا نتا لي شفرتيها أكيد غادي يكون سوء فهم _ دابا ماكين لاش نهدرو في هاذ الموضوع صافي داز يمكن ليك تمشي أسيل : واش ترضى تطرد من المدرسة ونتا مظلوم _ لي عطا الله عطاه تطردت وزايدون تهنيت من هاذ المدرسة المنحوسة من نهار جيت ليها وعرفتك وأنا في المشاكل أسيل : يوسف متكونش معكس عفاك منقدرش نخليك تمشي وأنا عرفاك مظلوم وخاصك تبرئ راسك _ جمعت النوضة وتميت غادي . لا صافي ماعندي مانبرئ تهنيت منك ومن ليسي أسيل : عفاك أيوسف مديرش ليا هكذا خاصني نعرف شكون هاذا لي دارها وسبها فيك يله معايا عند المدير برئ راسك _ شنو قلتي ماسمعتكش مزيان أسيل : خاصني نعرف شكون هاذا ... _لا ماشي هاذ الجملة لي قبل منها ... بدات كتكتم أسيل : عفاك يوسف _ واخا يله نمشيو . تميت غادي وأنا كنتعجب وفرحان فنفس الوقت كنقول مع راسي كيفاش هاذ المتكبرة جات تال عندي وبدات كطلب فيا سبحان مبدل الاحوال . قبل ماندخلو ليسي سولتها على ثمن السنسلة أسيل : ماشي شغلك _ بدينا ثاني غادي نمشي بحالي بناقص كاع من هادشي . ودرت راسي بحال لا غادي أسيل : أجي هنا فين غادي هاذ السنسلة ساوية 50000 درهم ولكن بالنسبة لي ماكتقدرش بثمن حيث هي آخر كادو من عند الأب ديالي الله يرحمو _ أه الله يرحمو مسكين . دخلنا عند المدير هو يبدا عليا بالهدرة المدير : إلى مكنتيش نتا عطيني دليل كيفاش السنسلة تقدر تجي لجيبك واش عندها الرجلين _ يمكن تكون طاحت ليها فاش كانت كالسة حدايا ولا يمكن تسطحنا فاش كنا خارجين أسيل : ولكن نتا خرجتي قبل مني _ اه اه تفكرت واحد الحاجة مهمة يمكن شيواحد حطها ليا فجيبي فاش كنا داخلين حيث الدراري بداو كيدافعو وأنا كنت وسط منهم إلى كانت شي كاميرا شادة على داك القسم نقدرو نعرفو واش الشك ديالي في محلو ولا لا المدير : اه كاينة بلاتي نشوف _ بدينا كنقلبو في الكاميرة ومشينا لديك لقطة فاش داخلين والكاميرا مكتبينش مزيان بدينا كنزوميو حتا كيبان لينا واحد من دوك الدراري لي كانو ورانا هاز السنسلة في إيديه ولكن مابينش فاش حطها حيث كنت مخشي وسط الدراري وأنا نسير عليهم الله أكبر قد ظهر الحق وزهق الباطل أسيل : سيد المدير عيط لبوليس _ هو يعيط ليهم ولأول مرة كنشوف أسيل كتبتاسم عندها واحد الابتسامة بريئة و كتهبل أسيل : شكرا حيث قبلتي تجي معايا باش وضحنا هاذ سوء الفهم _ أسيل واش نتي صافا عليك ليوم كتباني ليا ماشي هي هاديك وليتي ضريفة بزاف ياكما مريضة وأنا نحط ليها إيدي على جبهتها . احح سخونة فيك السخانة . صحبتها غادي تبدا تضحك ولكن كيما العادة أسيل رجعات لتخنزير ديالها أسيل : واش هاذ الثرترة ديالك مكتقداش _ احم كتقادا مع الناس لي مكنحملش ولكن الناس لي كيعجبوني وعزاز عليا بحالك لا . بقيت كنشوف فيها حشمات وحدرات عينيها المدير : هاهوما البوليس جاو _ دخلهم المدير الإدارة ووراهم الفيديو ومشينا معاهم القسم هزو خونا ومشاو وأنا دخلت معزز مكرم وعتاذر مني المدير قدام الزملاء ديولي ومشيت ريحت بلاصتي أمين : شنو وقع عاود ليا _ بلاتي بقات غير 10 دقايق ويضرب الجرس ونخرجو ونعاود ليك .من بعد ماضرب الجرس خرجات أسيل هي لولة وأنا نتبعها وبديت نعيط ليها تاشديتها ووقفي غير نهدر معاك أسيل : شنو بغيتي ثاني _ وأنا نجبد ليها دفتارها لي قطعات لبارح . فاش قطعاتو جمعتو ولبارح بليل فاش كنت ساد عليا في البيت لصقتو ليها . أسيل واخا ماعندو باش يفيدك ولكن مابغيتش يبقا عندي وقررت نرجعو ليك بأي طريقة ولأنه ديالك تعدبت حتا لصقتو ( تقدرو تقولو هاذا حمق تعذب باش يلصق دفتر فيه 2 صفحات ولكن ماعرفتش كيفاش درت هكاك بدون شعور بديت نلصق فيه واخا في الأول كانت النية ديالي نتاقم منها نرميه ليها في وجهها ) مديتو ليها وكنت كنتسنا ترميه ليا في وجهي ولكن لا شداتو ومشات وفرحت ودرت أيدي على راسي من لور و بديت كنحك فيه وبقيت حاضيها وهي غادية حتا حط ليا أمين إيدو على كتفي أمين : هاي هاي على العاشق الولهان طحتي في الشبكة الصاط وليتي كتبغيها _ تاشمن طحت راه غير بغيت نعاونها وصافي ومنها نحلل شخصيتها ونعرف شنو ورا داك الغموض أمين : الله يهديك أشمن باغي تعرف راك طحتي الموهيم ماعليناش عاود ليا شنو وقع _ عاودت ليه البلان كامل وتاهو تصدم أمين : غادي تفنا الدنيا ليوم ملي ديك المتكبرة ولات طلب فيك . _ وايه أجي الساط ليوم عندنا نص نهار فين غادي ندوزو هاذ العشية أمين : مع هناء ونسرين غادي ندير معاهم في البرتوش _ لا أصحبي فينما كدير معاهم كيوقع ليا شي بلان . شنو بان ليك نمشيو الصويرية أمين : لا أصحبي أشمن صويرية غادي نجيبو الدريات دابا نتاصل بيهم _ تاصل بهناء وبدا كيدوي معاها وأنا كنقول مع راسي الله يدوز هاذ ليلة بيخير وعلى خير أمين : صافي درت معاها الوقت وكولشي هاذ المرة غادي نبقا معاك باش نجيبك بزز الساط الساط _ صافي واخا ولكن معاش درتي معاهم أمين : تال 20:00 هوما قاريين العشية ومبغاوش يمنكوا حيث داك المدير تما مزير بنادم - ملي تال 20:00 يله نديرو خريجة هاذ العشية نفوجو عاذ نمشيو عندهم أمين : تا شنو بغينا نديرو بشي خرجة غادي غير نعياو على والو وتبعنا ماتش بليل بغيتي توفج صبر تال ليل وشوف التفواج ديال بصح _ أحياني عليك أولد الهم نتا راك مفسد الأخلاق مامشيتي تابديتي كتفسدهم ليا أمين : احممم الله يهذيك لحد الساعة ما فسدت ليك والو هاذ الهدرة قولها لتيريزا أجي على دكر تيرزا شنو درتي معاها مزال _ من داك النهار ماشتها الله يبعدها عليا قد السما والارض . أمين : معقداك في حياتك هاذ ختنا ودابا تزادتك حتا هاذ المعقدة هههه _ غير قالها وأنا نتفكر الحلمة ويله بغيت نقول ليه المشكلة ماهناوني لا في الواقع لا في الحلم وخفتو يبدا يضحك عليا وأنا وندير بناقص .وركبنا الموطور وشدينا الطريق لدارنا وكان هو لي سايق وأنا كنفكر فداك البلان ديال العصابة ديال البارح وكنقول مع راسي واش نقول لأمين ولا نبقا مخبي في قلبي شفت تاعييت وقررت نعاود ليه غير وصلنا لدارنا دخلنا الموطور وسي أمين دخل الكوزينة بدا كيقلب على مايكل ريان : أذاك أمين كالس في داركم شتك واخد راحتك و كتقلب كيما بغيتي أمين : أححح هاهو توجيين . البرهوش مالك قبيح و فيك الهدرة بزاف هاك هاذ 10 دراهم طير جيب قرعة الموناضة ورجع دغيا متعطلش راها فينا الجوع ريان : وناخد الصرف الله يحفظك بغيت نشري بيه طرومبية أمين : خودو غير سربينا شوف غادي نغمض عيني ونحسب ليك تال 50 ونشوفك واش كتجري مزيان ريان : وتاسير هاذ الهدرة قولها لشيواحد عندو 3 السنين أنا راه ختك نطيح ليك معاها أمين : سير الله ينعل حسك وتانشدك البرهوش وتشوف . هاذ خوك فليفلة أيوسف فيه التحريميات من صغرو مخارجش ليك _ نساه عليك واجي ريح نعاود ليك شنو وقع ليا لبارح من ورا ماحطيتني قدام الدار . عاودت ليه كولشي وأنا كنترعد أمين : أنا ولي غير عاودتي ليا وتخلعت بقا غير نتا ولكن شكون يقدرو يكونو _ ماعرفتش ولكن يمكن خدامين عند شيواحد كيعرفني وسيفطهم باش ينتاقمو ليا أمين : هاذ الأيام تابعينك غير المشاكيل خاصك تمشي دير الرقية أعشيري _ كندبرها ولكن كنرقي راسي براسي غير في الدار الموهيم نسا هادشي مابغيتش نفكر فيه . جا الريان وجاب الموناضة وتغدينا ومشينا أنا وأمين ضربناها بنعسة تا وصلات 18:00 جا خويا من المدرسة وفيقنا و بدينا نوجدو كسكروط أمين : واهي ناري نسيت واحد السخرة خاصني نقضيها لواليد ليوم يقصمني بلاتي هاني جاي ماغديش نتعطل هز الكونطاك ديال الموتور وزاد ريان : مزيان ملي مشا مكنحملوش سبحان الله العظيم _ نتا ماكتحمل تواحد أوجه لفتة معقد من صغرك ريان : حسن منك أنا نتا لي معقد _ مديتهاش فيه وكملت توجاد الكسكروط وحطيتو وبدينا كناكلو ونتفرجو بيما وصلات 19:00 ريان :اجي الداك الشارف الهارف الواليدة شتها تعطلات ماعرفت مالها _اه عندك الحق بلاتني نتاصل بيها نسولها . يله بغيت نتاصل بيها وهي تاصل بيا تيريزا تيريزا : يوسف سربي أجي شوف ماماك مالها راها سخفانة _ غير قلتها خرجت بلا عقل كنجري تال دار تيريزا بديت كندق بجهد وهي تحل ليا تيريزا وكانت لابسة بينوار . دخلت لقيت لواليدة سخفانة فوق الفوتاي بديت كنفيق فيها ماما فيقي فيقي مبغاتش تنوض تيريزا عيطي لإسعاف دغيا تيريزا : يوسف بلا متخاف مابيها والو راه غير ناعسة حيث عطيتها سيرو ديال النعاس باش نقدر نجيبك لعندي أحبيبي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM