إنتقام عشاق الجزء الثامن 🔥🔥🔥 ( التتمة من بعد 370 لايك طاكيو صحابكم يعاونوكم عليها ) بقيت مكوانسي في بلاصتي و كنشوف فيهم كنت غادي نديرها في حوايجي من الخلعة عرفتي شناهيا يوقفو عليك وحدين مسلحين ماقدرت حتا نهرب ركبيا فشلو جا واحد فيهم شدني وغطا ليا عيني بواحد البانضة وأنا كنغوت وكنطلب فيهم .شكون نتوما عفاكم أنا مادير والو أنا غير درويش طلقوني شنو بغيتو عندي طلبت فيهم حتا عييت حتا واحد مدوا معايا ولا قال ليا علاش جايبني دازت واحد نصف ساعة حتا كنحس بطومبيل وقفات نزلوني وبقوا غاديين بيا واحد 9 متر وهوما يحيدو ليا البانضة من عيني وأنا نتصدم وتخلعت ديال بصح لقيت راسي في الجردة لي ضربوني فيها دوك 2 البارح وكاينين تما واحد 15 واحد لابسين بحال لباس لي لابسين هاذو لي جابوني وشادين دوك 2 لي ضربوني البارح وعاطينهم قتلة ديال العصا حيث كيبانو ليا مسرحين في الارض وكلهم دمايات و كيتوجعو وكيبكيو ماقدرين حتا يمشيو أنا غير كنشوف وكنفكر شكون هاذو واش تا أنا غادي يديرو ليا بحال هاذ 2 واحد الشوية بدا كيحبو لجيهتي هداك لي ضربني بقرعة لراسي غير وصل حدا رجلي بدا كيبوس فيها وكيقول ليا أنا مزاوك سمح لينا أسيدي والله مانبقاو نعاودو ولا تشوف وجاهنا ماجا فين يكمل الطليب ديالو حتا تيرا فيه واحد من دوك الرجال لراس وأنا نبدا نغوت لا لا لا علاش قتلتيه المجريم . لاخر شاف صاحبو مات بدا كيطلب تاهو عفاكم نبوس ليكم رجليكم كاملين غير طلقوني أنا مادرت والو الله يرحم ليكم الواليدين متقتلونيش . ولكن خونا ماحنش فيه تيرا فيه لراس وأنا غير كنبكي وكنغوت علاش قتلتوهم علاش هو يقرب ليا هذاك لي قتلهم وباينة فيه هو قائد المجموعة ودار ليا إشارة بصباعو زعما شتي شنو وقع ليهم . وأنا من الخلعة ماعرفت منين جاتني الشجاعة غفلتو وضربتو بواحد الكروشي لوجهو حتا طاح وضربتو برجلي لكرشو ويله بغيت نعاود نعطيه لوجهو وهوما يشدوني واحد الجوج . فاش ناض قلت صافي هاذي لا خرة ليا غادي يتبعني لهاذو بديت كنشهد ولكن كنت غالط حط إيدو على كتفي ودار لإشارة لهاذوك الرجال لي جابوني باش يرجعوني وداكشي لي دارو وصلوني حدا الدار فاش بديت كنحل الباب مسحت دموعي ودخلت الواليدة : أداك المسخوط فين تعطلتي 19:30 هاذي ياك كتخرج مع 18:00 _ غير كنت مع أمين داكشي علاش تعطلت الواليدة : أجي قرب ليا نشوف مال عينيك حمرين كنتي كتبكي _ لا ماكنتش كنبكي غير ماعرفت مالي فيهم كيحرقوني من قبيلة الواليدة : أنا كنعرفك كتر من راسك عاود ليا مالك شنو لي خلاك تبكي _ تخاصمت مع أمين داكشي علاش الواليدة : ياويلي على الراجل تخاصم مع صاحبو بدا يبكي معرفت واش والدة دري ولا بنت واش هاذا سباب يبكيو عليه الناس _ الواليدة خليني الله يعزك متزيديش عليا تانتي . دخلت لبيتي وسديت عليا وأنا كنترعد من الخلعة وكنفكر شكون هاذوك لي شدوني وعلاش قتلو دوك 2 دراري لي تعرضو ليا وعلاش أنا مادارو ليا والو بقيت غير كنفكر وكنسول راسي أسئلة مليهاش جواب . ديك الليلة كاملة وأنا غير كنفكر في البلان ومخرتجش من بيتي وماكليت والو بقيت فايق تال ديك 00:00 ملي بغيت نعس خليت ميساج لأمين قلت ليه فيه بلا ماطركني غدا ماغديش نمشي ليسي راني مريض ونعست من بعد ما نعست بديت كنحلم بداكشي لي وقع فقت كنغوت حتا وقفت عليا الواليدة الواليدة : الواليدة مالك أولدي بسم الله عليك شنو واقع _ غير واحد الحلمة خايبة .قرات عليا شوية القرءان ومشات وبديت كنحاول نعس وتقريبا من بعد ساعة عاد داني النعاس وهاذ المرة حلمت بنفس الحلمة ديال داك النهار تريزا على شكل وحش تبعاني بغات تاكلني ولكن في اخر لحظة حيداتني ليها أسيل فقت مخلوع ثاني تفو على ليلة كلها احلام خايبة مشيت شربت هو يودن الفجر صليت ورجعت نعست جابتني الفيقة مع 7:30 وأنا نقول والله تانمشي ليسي لبست حوايجي وخرجت دغيا شديت طاكسي نيشان ليسي وصلت معطل بزز تاحل ليا السيكريتي الباب دخلت مشيت دقيت على أستاذ الفيزيك دخلني ولكن القيسم عامر كاع الطاويلات عامرينh وكاينة غير بلاصة خاوية حدا أسيل أستاذ الفيزيك : سير أولدي نتا وشيواحد جيبو طاويلة من القيسم لي حدانا _ أمين يله عاوني . يله بغينا نخرجو وهي تعيط ليا أسيل أسيل : أجي كلس حدايا _ تفاجئت من القرار ديالها وأنا نمشي نريح حداها مديت إيدي نسلم عليها وهي تخليني بلاكة هانية والله تاهنية ... دوزت الساعة لولة علام ماتبعت ماخليتها تبع مرضتها كل شوية كنهز ليها شيحاجة ديالها وكنبدا نلعب بيها بحال الدري الصغير وهي كتحيدها ليا واحد الوقت هزيت ليها المسطرة والستيلو وبديت كندير بيهم طيارة وكندوها من حدا وجهها وهي تخطفها ليا أسيل : واش مالعبش في صغرك ولا شنو _ لاعب ولكن كنحاول نخليك ضحكي أسيل : مجاش معاك كلون بدل الطريقة ايوا دابا تبع وخلينا نتبعو _ بفف على معقدة مكتعجبها حتا حاجة ولكن مازكيتش بقيت مكمل على التصرفات ديولي حتا ضرب الجرس وحنا نخرجو لأسترحة بقيت لاسقها وتبعها فينما مشات ومكتبغيش دوي معايا شفت حتا عييت ومشيت عند أمين أمين : شتك غير وليتي لاسق ختنا ياك ماطحتي فيها _ لا غير بغيت نعرف سبب داك الغموض أخويا أمين : الله يجعلني نتيق فراسك توحشت هناء كانت مونساني _ فين شادينها هوما دويتي معاهم أمين : مشاو الإدريسي يله كنت كندوي معاهم لقيتيني يله قطعت معاهم عجبهم الحال تما . اه سولاتني عليك نسرين قالت ليا عييت نسيفط ليه ومكتجوبهاش _ ماكنتش مسالي داكشي علاش فاش نمشي لدار نجوبها يله زيد نمشيو راه أستاذ الفلسفة غادي يدخلهم . وقفنا حدا الباب بغينا ندخلو حتا بان لينا الأستاذ جاي في الكلوار دار لينا بيديه من بعيد دخلوا تمينا داخلين وهوما يببداو التلامذ يدافعو شتفو ليا على سبرديلتي وعكروني في راسي بديت كنسب ودخلت تكمشت لور أنا وأمين دخل الأستاذ بدا تاهو كيخاصم على الفوضى وشوية بدينا الدرس حتا كدخل لالهم أسيل ومعاها المدير والحارس العام والكردكورات المدير : سلام عليكم أوليداتي أسيل تسرقات ليها السنسلة ديالها لي سرقها يحطها وكنواعدو بيلا ماغدي ندير معاه حتا إجراء ولكن إلى كتحطتاش دابا غادي نعرف شنو ندير الحارس العام : لي عندو يحطها بلا مايكرفسنا ويكرفس راسو _ بقاو كيدويو كيدويو وحتا واحد مابغا يعتارف ...أمين هاذا لي سرق هاذ ختنا حياتو ضاعت أمين : وايه معرفت شكون هاذ المسخوط وبغيت نتفرج فشنو غادي يوقع المدير : فيمن شاكة أبنتي _ وهي تدوي أسيل في ودن الكردكور ديالها الكردكور : قالت ليك لي كان كالس حداها في الفيزيك ولي وراها المدير : شكون كان حداها ووراها _ هزيت صبعي بكل تقة في النفس وقلت أنا ودراري لي كانو ورنا تاهوما هز إيديهم المدير : أجيو عندي _ مشينا عندو بدا المدير كيقلب بواحد بواحد دوز دوك 2 مالقا والو بدا يقلب فيا أنا وأنا غير كتبتاسم هو يخرج واحد السنسلة من جيب ديال الجاكيط تصدمت فاش شفتها المدير : أسيل هاذي هي سنسلتك أسيل : هي هاذي سنسلتي _ الله أسيدي ربي أش هاذ المشكيل تاني ...يتبع في نضركم شنو غادي يوقع ليوسف ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM