إنتقام عشاق الجزء العاشر 🔥🔥 ( التتمة من بعد 410 لايك طاكيو صحابكم يعاونوكم عليها . بغينا نرجعو ليامات العز ♥️ ) تيريزا : يوسف بلا متخاف مابيها والو راه غير ناعسة حيث عطيتها سيرو ديال النعاس باش نقدر نجيبك لعندي أحبيبي _ غير سمعت داك الكلام وأنا نشعل ومشيت قجيتها تا كانت غادي تخرج روحها وجهها ولا حمر تيريزا : طلقني غادي تقتلني _ طلقتها وقلت ليها أش هاذ الفعايل ديال الدراري الصغار ياك داك النهار وعدتيني تكون أول و أخر مرة ندير معاك داكشي تيريزا : إيمتا قلتها ليك وزايدون أنا غير مرا كبيرة كنبدا نخرف بعد المرات ولكن منقدرش نواعدك أني نتخلا عليك مستحيل نخليك حيت كنبغيك ومستعدة ندير أي حاجة على ودك دابا زيد يله معايا البيت 15 دقيقة ونتلقك ونعطيك لي بغيتي _ سمعي الشارفة هاذشي مستحيل يوقع مرة أخرى وخا نموت غير حيدي هاذ الفكرة من بالك تيريزا : غادي تندم أيوسف كنحدرك _ شنو غادي يوقع بسلامة كاع غادي تجري على الواليدة جري عليها ماشي نتي لي غادي تحبسي علينا رزقنا داكشي لي مكتب علينا غادي نعيشوه سمعتيني أديك المومياء تيريزا : ماكيناش غير الخدمة أيوسف بلاتي نشعل التلفازة نوريك شيحاجة تقدر تبدل رأيك _ بقيت حاضيها تاشعلات التلفازة وأكتيڤاتها مع التيليفون وهي توريني الفيديو ديالي أنا وياها وحنا كنمارسو غير شفتو طاح مني النص بديت كنشوف وأنا مصدوم تيريزا :الزين ديالي شنو غادي يكون الشعور ديالك فاش غادي تلقا الفيديو ديالك في المواقع الاباحية أنا عندي عادي أصلا كنت ممتلة افلام إباحية إلى بغيتي نعطيك سميتي الحقيقية وقلب على الفيديوهات ديولي _ مشيت حيدت ليها داك التيليفون وخبطتو مع الحيط حتا تفرشخ وصرفقتها وهي طيح ف الارض وهزيتها من الأرض وشنقت عليها .سمعي أديك المسخة هاذ التهديد خليه لواحد اخر سمعتيني وأنا نهز الواليدة وتميت خارج تيريزا : يوسف يوسف اجي ولا ندمك إلى مشيتي ماتلوم غير راسك _ سيري تموتي أوجه النحس خرجت وبديت كنقلب على تاكسي وتواحد مابغا يوقف لينا حيث كولشي كيخاف على راسو بزز حتا وقف لينا واحد وغير حيث كيعرف الواليدة قال ليا بيلا كان خدام عساس في لوزين لي كانت خدامة فيه وشحال فيه ديال الهدرة فرع ليا راسي أنا الله لي عالم بيا وهو كيعاود ليا على حياتو وإقتصاد الدولة بقيت صابر ليه بزز تاوصلنا قدام باب الدار لحت ليه 20 درهم وهزيت الواليدة وبديت كندق حل ليا أمين.عاوني أخويا هزيناها دخلناها لبيتها أمين: مالها أخويا شنو وقع ليها _ شرباتها ديك الشارفة سيرو ديال النعاس شنو نديرو عندك شي طريقة نفيقوها بيها أمين : جيب البصلة وعطيها تشمها قالها الطبيب سعيد الناصيري في فيلم سارة _ كتفلا عليا أصحبي أمين : داوي بصح جيب جرب درت بكلامو وجبت بصلة وحطيتها ليها حدا نيفها والحمد لله من بعد 2 دقايق فاقت الواليدة : شنو وقع أولدي وكيفاش تاوصلت هنا _ كنت باغي نكدب عليها ولكن مابقا مايتخبا دابا غادي نعاود ليها كولشي . سمعي الواليدة غادي نقول ليك واحد الحاجة ومتعصبيش الواليدة : قول نسمع شوشتيني _ ديك الشارفة لي خدامة عندها من نهار بديتي الخدمة عندها وهي كتحرش بيا وكتبغي نفسد معاها وأنا كنتجنبها وكنت ديما كنقول مع الوقت غادي تنساني ولكن السيدة غير ماكتزيد تكبت وكتبغيني ليها بأي طريقة وأنا كنرفض ومؤخرا فاش خليتني معاها بغاتني نفسد معاها ولكن مابغيتش وهدداتني تجري عليك ومديتهاش في كلامها وهربت ليها وهي تجري عليك أنا مالقيت ماندير ودماغي حبس من التفكير ملي قلتي ليا مزال عليك كريديات وتقدري دخلي الحبس وأنا نمشي عندها ودرت معاها داكشي ورجعاتك الخدمة وشرات ليا المطور وكلت مع راسي من بعد مادرت معاها هادشي وبردات غدايدها غادي تنساني ولكن كنت غالط ليوم شرباتك السيرو ديال النعاس بلعاني باش نجي لعندها وفاش مشيت بغات عوتاني نفسد معاها ورفضت وهي طردك من الخدمة هاذا ماكين عاودت ليها كولشي من غير لبلان ديال الفيديو . وهي تبدا تصرفق فيا وكتغوت الواليدة : ياك المسخوط زاني مع وحدة قد جداك لهما الحبس ولا نسمع بحال هاذ الهدرة علاش درتي هكذا وعلاش ماقلتيهاش ليا إنعل بو الفلوس لي تجيني من عند وحدة كتحرش ليا بولدي غادي نمشي نقتلها _ صافي الواليدة دابا لي عطا الله عطاه . نسايها عليك بقيت كندوي معاها وكنشرح ليها حتا تهدنات وقدرت نقنعها باش متمشيش عندها . وجريت أمين لبيتي ودخلنا وعاودت ليه على الفيديو هو يبدا يضحك أمين : هههه صافي غادي نتشهرو تاحنا بحال بو صلعة ونكبتوها عاقة _ وأنا نسولو شكون هاذ بو صلعة هو يبدا يعاود ليا . تفو عليك الميكروب أنا كنشكي ليك همي ومشكيلتي ونتا كتركر عليا حشومة عليك أمين : بغيتك غير ضحك أصحبي قول ليا ماغديش نمشيو عند الدريات راه كيتسناو _ بقا لبويا غير الدريات أنا واحل من ساسي تال راسي وكتقول ليا الدريات سير غير نتا أمين : وعلى مالي ماغديش نمشي الله يهنيك تال غدا مع 7:30 ونطركك باش نمشيو ليسي سلم عليا ومشا وأنا بقيت شاد تيليفوني وهي تبدا تصوني عليا نسرين وأنا نجوبها نسرين :الحبيب ديالي فينكم حنا كنتسناوكم _ غير سمحي ليا أنا ماغديش نجي راني مريض ومرشقاش ليا غادي يجي غير أمين نسرين : حشومة عليك هاذي هي الرةص الثالتة ونتا كتخليني _ ماشي لخاطري يله بسلامة عليك . وقطعت عليها وبدات كتصوني وأنا كنقطع مرضاتني وأنا نطفي التيليفون وخرجت لمراح بديت كنتفرج في واحد الفيلم في التلفازة غير سالا الفيلم تعشيت ومشيت لبلاصتي جبدت عليها ولكن كيما العادة حلمت بنفس الحلمة ولكن هاذ المرة الحلم مبدل شوية حلمت بيلا تريزا كانت على شكل وحش كيما عاودت ليكم من قبل ولكن هاذ المرة غير بغات تاكلني وهو يشير عليها شيواحد بسيف تقطع ليها راسها وولات الدنيا كاملة دم بحال شي بحيرة وبديت كنغرق فيها وهي تهزني أسيل ولكن الغريب في الأمر غير هزاتني وهي تشعل فينا العافية بجوج وأنا نفيق كنهج هو يأدن الفجر . توضيت و صليت وبدي كندعي سيدي ربي يحفظني ويحفظ الناس لي كنبغي ورجعت نعست حتا كنسمع صوت المكانة قديت حاجتي فطرت و لبست حوايجي حتا كنسمع كلاكسون ديال مطوري خرجت عند أمين ومشينا ليسي دخلنا عند الماط ريحت لور وبديت متبع مع الاستاذ وفي نفس الوقت كنتسنا أسيل حتا دازت ساعة ونصف وتأكدت بيلا ماغديش تجي وبديت كنفكر علاش مجاتش شنو غادي يكون واقع ليها تخلعت عليها . شوية وأنا نقول لراسي مالك أيوسف وليتي هكذا تجي ولا لهلا تجي شنو بغيتها وعلاش كتفكر فيها أصلا شحال وأنا كنفكر في هادشي حتا وصلني ميساج من نمرة غريبة مكتوب بالفرنسية عرفتها تيريزا لقيت فيه دخل الوتساب شوف شنو غادي نسيفط ليك دخلت وأنا نتصدم لقيت تصاور الواليدة ناعسة وهي عريانة كولها . ديك المكبوتة صورتها لبارح فاش شرباتها السيرو ديال النعاس وكتبات ليا إلى مجيتيش عندي مع 10:15 لدار غادي نرمي تصاور الأم ديالك والفيديو ديالك في المواقع الاباحية . بغيت نفكر ومابقيت عرفت ماندير بقيت كنتسنا بيما ضرب الجرس . أمين ارا الكونطاك ديال الموطور أمين : علاش فين غادي واش ماغديش دخل هاذ ساعتين _ شديتو عندو ومجوبتوش وخرجت كنجري بحال الحمق وأنا خارج تساطحت مع شيوحدة ومع التلفة والخلعة مشفتها حتا في وجهها حدي نتابهت لشعرها قلت ليها سمحي ليا ومشيت كنجري هزيت مطوري ومشيت قصدت دار تيريزا بديت كندق حتا شحفت ومحلاتش ليا بقيت كندق حتا جا واحد السيد قال ليا بلا ما تعذب راسك أولدي راه تحولات . قبيلا بانت ليا ديك الشيبانية هزات الرحيل غير سمعتها وأنا نفشل . درت إيدي في جيبي باش نجبد التيليفون نتاصل بيها ونسولها فين مشات ولكن للأسف مالقيتوش طاح ليا يمكن فاش تصاطحت مع ديك البنت صافي ضعت في شرفي وفي شرف الأم ديالي كلست على ركابيا وبديت كنبكي وكنضرب إيديا مع الأرض حتا ولاو كاملين دميات وكنقول علاش أسيدي ربي علاش يوقع ليا هكذا ... يتبع في نضركم شنو غادي يوقع في الجزء الماجي ؟ وكيفاش غادي يحل يوسف هاذ الموشكيل ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM