انتقام عشاق الجزء 49 🔥🔥🔥 ( التتمة من بعد 360 لايك . طايكو صحابكم يعاونوكم عليها بغينا نرجعو ليامات العز ♥️ ) _ شكرا دكتور ماجيت فين نكمل الشكر ديالي حتا بديت كنسمع صوت القرطاس وتطلق جرس الإنذار الواليد : شنو هادشي مونا : سيدي معرفتش شكون لي مهاجمنا ولكن العدد ديالهم كبير ومحاصرين المقبرة كاملة وحاليا بعض رجالنا مقاومينهم على برا وماهي إلى دقائق قليلة ويكونو هنا سيف : سربي دابا تاصلي بالجوكير وخبريه بالوضع يرجع لمقر هو وباقي الفرقة الخاصة . مونا : علمناهم وهوما قراب دابا يجيو ونحاولو نحاصروهم الواليد : بلاش مانشتابكو معاهم غادي نخرجو من الباب السري قولي ليهم يجيو لعند الباب السري . سيف عطل النظام باش مباشرة يتمحاو المعلومات ديالنا و ينفاجر المقر من بعد مانخرجو . مونا تكلفي بيوسف والدكتور يله تبعوني وغير بشوية على يوسف سيف : من بعد مامشا الواليد ومونا والدكتور وخويا يوسف وبعض المدربين بقيت غير أنا وبعض رجالنا لي في المقر ديالنا امرتهم حتا هوما يخرجو واخا مبغاوش حيث خافو عليا ولكن غوت عليهم ودخلت لغرفة المراقبة وبديت كنعطل في النظام وفي نفس الوقت حاضي مع الكاميرات وكيبانو ليا رجال مقنعين داخلين وكيفجرو البيبان بالقنابل ودابا حاليين واصلين لسانسور هوما هابطين والنظام مزال معطل بقيت معاه بيما وصلو لبابو غير ركبو القنابل النظام تفعل وبقا كيمسح كاع المعلومات ديالنا لي في الحواسيب وفي نفس الوقت خدم العد التنازلي باش ينفاجر المقر ولي المدة ديالو دقيقة غير بدا تميت خارج كنجري قصدت المخرج السري لي جا في الغرفة لي حدا المستوصف ديال المقر غير دخلت ليها سمعت الباب طاح وتميت هابط مع دوك الدروج لي كيهبطو لكولوار ديال الباب السري وبقيت عاطيها لجري بجهدي كامل في واحد الكولوار طويل حتا وصلت حدا لباب وبغيت نخرج نفاجر المقر كامل لدرجة أنا تقاسيت لبرا ناعس مع هزيت راسي كيبانو ليا طومبيلات ديول الفرقة ديالي بعاد شوية ومكسيريين و كيتيرو فيهم دوك الرجال لي كانو مهاجمينا . يمكن شافوهم فاش خارجين داكشي علاش مشاو مع بغيت نوض نمشي حتا كنسمع بقا ناعس بلاصتك تلفت لقيت شي 10 رجال لابسين حوايج المهمات ومقنعين وهازين عليا السلاح مسلحين هو يجيو واحد 2 واحد لابس بحال باقي دوك الرجال وواحد وجهو مكشوف بقا كيشوف فيا ومصدوم وتا أنا بديت كنددق حيث ديجا شايفو اه تفكرت هاذا أمين صاحب خويا هو يقول أمين : مستحيل هاذشي لي كنشوف كيفاش حتا مزال عايش وموقع ليك والو هاذشي مستحيل الوحش : جيبوه لطومبيل وغير بشوية عليه _ مع وقفوني أمين تقرص حيث عرفني يمكن بيلا ماشي يوسف جا قرب ليا وبدا كيدوي ليا في ودني أمين : نتا خو يوسف ياك مرحبا بيك غادي يحسن ليا الشرف أني نتبعك لخوك سيف : ايوا ديرها دابا حيث لا مشيت تاهربت من بين ايدك غادي ندمك على النهار لي تزاديتي فيه بقيت كنهدد فيه حتا ضربني بالقنت ديال السلاح على راسي وفقدت الوعي فاش فقت لقيت راسي مربوط ناعس في واحد الكاتري ايديا مديور ليهم المينوط وقدامي أسيل مرات خويا وأمين أسيل : فرحت بزاف فاش مزال عايش أحبيبي عرفتي توحشتك بزاف وزاينتي مني صحاحيتي كيف درتي ليها في هاذ المدة القصيرة سيف: جات ريحات حدايا وبدات كتلامس ليا في شعري وكتقول ليا توحشتك بزاف وغيابك قهرني ودمرني نفسيا وأمين كيبان ليا حابس الضحكة حيث هو لي عارف بيلا أنا ماشي يوسف ولكن كنظن ماشي مكلخ تال ديك الدرجة باش يقول ليها أنا ماشي يوسف حيث كيما قال لينا خويا هو حاول يقتلو بلا خبارها . بغيت نقلقل السوق ونعرف كيفاش عرفو المقر حيث بديت كنفكر ياك مامعانا شي خائن . أجي كيفاش عرفتيني مزال عايش أسيل : واحد من رجالي شافك جيهة واحد السبيطار كتاخد شي أجهزة بالصدفة وامرتو يتبعك بلا ماتحس حتا عرفنا بلاصتك سيف : تفو على بلان يعني أنا لي جبتهم برجلي ولكن كيفاش حتا شافني وأنا كنت مدرݣك وجهي . اه واحد الوقت حيدت القناع حيث كنت مروح وبغيت نمسح خنونتي . شتو غبائي فين وصلني . نتي هي أسيل أسيل : اويلي على أنا هي أسيل واش غير درتي الحادثة وتفلاشيتي ونسيتي مراتك سيف : عندي ليك واحد المفاجئة أنا ماشي يوسف أنا خوه ويوسف مات أسيل : مالك غادي تبدا تحماق عليا الحبيب ديالي نت حبيبي يوسف أمين : اه اه ناري أسيل داكشي لي قال ليا يوسف بصح راه كيقول الحق هاذا ماشي يوسف خوه حيتاش فاش كنت تلاقيت بيوسف في الحبس قال ليا عندو خوه توأم وباه خدامين في المخبرات وغادي يخرجوه وأنا ضنيتو غير مطلعها صدق عندو الحق أمين : اه أنا خوه ولكن نتا ممثل واعر راه يوسف مماتش في الحادثة نتا لي قتلتيه أسيل : أنا دخت دابا واش نتا ماشي يوسف أو واش بصح راجلي مات ولا غير مطلعينها عليا سيف : للأسف خويا مات وقتلو أمين غير سمعاتها بدات كتبكي ومشات شنقات عليه أسيل : واش بصح نتا لي قتلتيه أمين : واش نتي حمقة واش أنا نقدر ندير شيحاجة من عقلي بلا مانتشاور معاك غير كيكذب أسيل : الوحش حيد ليا هاذ النسخة من هنا عرفوه شنو عارف علينا وعذبوه باش يعتارف سيف : داوني لواحد البيت ربطوني مع واحد الكرسي وبداو كيحاولو يعرفو مني المعلومات وأنا كناكل العصا وساكت ومكنقول والو واخا عدبوني الجوكير : سيدي قدرنا نعرفو بيلا سيف خداوه رجال أسيل وتأكدنا من أنهم رجال أسيل حيث في الكاميرات الخفية لي في المقبرة باين فيهم وجه أمين فاش طلع سيف الطومبيل هاهما الصور والفيديو في التيليفون الواليد : حاولو تعرفو فين يقدر يكونو شادينو في أقرب وقت مابغيتش يوصل لحالة لي وصل ليها يوسف . الموهيم هاني عند يوسف _ هاني رجعت ليكم توحشتوني ياكو من بعد ماخرجنا من المقر وطلعنا الطومبيلات لاحظو دوك الرجال لي متأكد أنهم رجال أسيل الطومبيلات ولحقونا ولكن قدرنا نهربو ومشينا لواحد المقر اخر كاين في خرجة فاس ومصمم بنفس التصميم ديال لاخر حتا هو تحت الأرض غير هاذا جا في واحد النفق في الطريق من بعد ماوصنا دخلوني لشومبر وركبو ليا السيروم وهاني دابا كنشوف في السقف وكنفكر في خويا لي خليناه تما الواليد : أهلا ولدي قدرنا نعرفو بيلا رجال أسيل هوما لي هاجمونا وخطفو خوك _ كنت متأكد حيث مستحيل يهاجمونا شي وحدين من غيرهم بابا كنظن سيف غادي يكون بيخير إلى ضناتو أسيل بيلا أنا حيث مستحيل تبغي تأديني خاصو غير يسد فمو الواليد : ولكن أمين غادي يقولها ليها _ لا حيث مستحيل يقول ليها بيلا شافني وشنو دار غادي تقتلو بلا متردد وهو عارف بقينا داويين حتا وصلات 19:00 العشية جابت ليا مونا الماكلة ودخلات عندي ستغربت من انها تجيب ليا الماكلة بدات كتوكل فيا . شنو هاذ الحنان طاح عليك وكنشوف فيها نظرات الحزن مونا : والو بغيت نسولك واش هاذ مراتك غادي تأدي سيف _ دابا فهمت خايفة عليه واش كتبغيه مونا :اه كنبغيه بزاف وغادي نتسطا من خوفي عليه _ متخافيش غادي يكون بيخير انشاء الله . من بعد ما وكلاتني وطمأنتها خرجات وبقيت متكي وكلاهي الوقت بالتفكير حتا داني النعاس الغد ليه فقت بديت كنتمشا مشيت المطعم باش نفطر لقيت الجوكير تاهو كيفطر ريحت معاه بدا يعاود ليا بيلا مالقاو حتا أثر ليهم وقال ليا بيلا جابو الدعم لمقر رجال اخرين وبيلا راه كيترينيو على التصويب في واحد القاعة كملت فطوري ومشيت عندهم وبديت كنتريني معاهم ولقيت بيلا عندي الموهبة حتا في السلاح الدنيا عطياني في اليد والرجل غير الزهر لي ماكينش من بعد ماترينيت رجعت لشومبر ديالي وهكذا دازت 4 ايام دوزتها غير اونطريمة على التير بالسلاح تعلمت مزيان من بعد ماساليت الحصة جا عندي الجراح والواليد باش يبدل ليا الفاصمة من بعد ماشافني الواليد حسيت بيه فرح وأنا نقول ليهم عطوني المراية نشوف وجهي مد ليا الواليد المراية حسيت بالفرحة حيث وجهي تحسن بزاف ورجعو ليا الملامح ديول وجهي الطبيب الجراح : ايوا هانتا شتي النتيجة غير شي يامات وترجع كيف كنتي _ عنقتو وبديت كنشكر فيه حتا دخل الجوكير الجوكير : سيدي قدرنا نحددو مكان سيف باش كتأمرنا الواليد : تحركو شنو كتسناو ونعول عليك الجوكير باش ترجعو القائد ديالكم الجوكير : غادي ندير كل ما في جهدي أسيدي _ من بعد مامشاو مالقاو والو . قال لينا الجوكير كانو شادينو تما ولكن هربو قبل مايمشو الواليد كعا ديال بصح ومن تما مابقاو عرفو والو عليه دازت 28 يوم والواليد بدا يفقد الأمل ولا كيظن بيلا سيف مات وأنا في هاذ 28 وجهي رجع كيما هو وبديت كنتريني باش نصحاح أما التصويب وليت محترف فيه حيث جاب ليا الواليد مدريبين خاصين باش يكوني . داك النهار مريح مع الواليد في البيرو ديالو حتا دخل الجوكير الجوكير : سيدي سيف مزال عايش قدرنا نحددو المكان ديالو ولكن البلاصة محروسة مزيان حيث كاين فيها حتا أمين الواليد : تحركو دغيا وإياكم تفشلو في هاذ المهمة _ الواليد غادي نمشي معاهم لهاذ المهمة صافي الواليد : لا راك مزال ممستعد تمشي لبحال هاذ المهمة _ لا أنا مستعد والله تانحمر ليك وجهك بقيت كنطلب فيه وافق لبست حتا أنا حوايج الموهيمات ودرت واحد القيناع شفت راسي في واحد المراية وليت كنبان صحيح دوك الحوايج كيعمرو بنادم وكنحس بالهيبة . شوفو فين كنت من لاعب إلى رجل في المخبرات . تمينا خارجين وقصدنا الطومبيلات أنا و26 واحد من الفرقة السرية قصدنا لعنوان( واحد الفيلا كبيرا) بقينا شحال مراقبين حتا درسنا البلاصة مزيان وعرفنا نقط الضعف عاد قررنا ندخلو الوحش : أمين خرج من ديك البلاصة رجال المخابرات غادي يهاجموك دابا أمين : شنو كتقول واش نتا حمق يله قايلها ليا تال دابا فين كاينين هوما دابا . الوحش هاهوما مهاجمين كنسمع صوت القرطاس _ بدينا مهاجمين وكنقتلو في بنادم أنا كنطيح ليك بنادم بحال الزرزور قتلنا الحراس كاملين ووصلنا لعند الباب ديال الفيلا مصنوع بالوح دربتو برجلي حتا تحل وتميت داخل ودراري بداو كينتاشرو في الفيلا أنا يله بغيت نطلع مع دروج حتا بدا كيتيري عليا أمين من لفوق ديال الدروج ....يتبع في نضركم شنو غادي يوقع لأمين ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM