إنتقام عشاق الجزء 47 🔥🔥🔥 ( التتمة من بعد 340 لايك . من بعد غدا غادي يبداو 2 أجزاء في النهار 👌) ماجيت فين نكملها حتا ضربني بواحد الزرواطة لراس طحت الأرض وهز عليا سلاحو وأنا سلاحي طاح ليا مع الطيحة حيث كنت دايرو جيهة الحزام ملي طاح ضربو برجليه بعدو عليا وأنا بقيت شاد في راسي وفي نفس الوقت مصدوم من هادشي لي وقع دموعي هبطو مايمكنش هادشي لي كنشوف مستحيل تكون أمين أمين : مزال مابغيتي تعيق الدمدومة _ علاش أمين علاش أخويا درتي ليا هكذا أمين : أنا ماخوكشي أيوسف أنا كنكرهك _ ولكن علاش شنو درت وأنا معتابرك كتر من خويا وفضلتك عليه وكانت حاجتي هي حاجتك شنو درت ليك تادير ليا هكذا هاذا هو خيري ياك . بدا كيضحك وكيدوي بواحد الطريقة غريبة بحال شيواحد حمق ولا عندو إنفصام الشخصية عمري شفت أمين في هاذ الحالة أمين : هههههه ماعمر كانت حاجتك هي حاجتي وهاذي مكيناش في القاموس ديالي كل واحد صاحب حاجتو والدليل نهار تخليتي عليا بسباب أسيل وزايدون شنو ستافدت منك أيوسف من غير أني كنت بحال دفتر الذكريات ديالك كظل تعاود ليا على الذكريات وداكشي لي دوزتي وأنا داكشي كان كيضرني في خاطري علاش نتا عندك الزهر والدنيا ضاحكة ليك وأنا لا _ هادشي سبابو الفلوس ياك أمين كدمرني بهدرتك كنت مستاعد نعطيك كولشي روحي إلى بغيتيها واش حقدتي عليا بسباب داك البلان ديال أسيل أمين : هاذيك الهدرة ديال الكيلو كولها غادي تعطيني الوز ماشي روحك ومحقدتش عليك من داك البلان حيث أنا أصلا كنت متافق معاها حقدي ليك بدا من نهار الرحلة ديال الصويرة ملي بديتي كتقرب من أسيل تما كرهتك حيث شفتي غير راسك ومشتيش صاحبك لي كان كيتسطا على أسيل نتا خديتي ليا البنت لي كنبغي وحقدي بدا كيكبر فاش كتقول ليا شنو دارت على ودي حقدت عليك حيث كنقول علاش نتا وماشي أنا _ صدمتيني بهدرتك أمين ياك أنا مكنتش بغيتها في لول علاش ماهدرتيش معاها علاش أمين : دويت معاها ولكن هي طايحة فيك وقالت ليا خلينا اصدقاء وقبلت غير باش نبقا قريب ليها وكنا ديما كنتلقاو و كنقدم ليها جميع المعلومات عليك وفي المقابل كانت كتعطيني فلوس كتيرة كنتي أيوسف ديما كتقول ليا أنا هربت من أسيل ولكن كنت أنا هو ظلها لي معاك في كل بلاصة _ يعني هاذشي درتيه على قبل الحب والفلوس في نفس الوقت ولكن كيفاش كتقدم ليها المساعدة ونتا عارفها كتبغيني وكتزيد تقربها مني واش مالحظتيش بيلا غير كانت كتستغلك أمين : هاني جايك بالهدرة غير صبر الساط أنا لي كان كيهمني هو نبقا قريب منها حيث كلقا سعادتي وكنت ديما كنقلب على الفرصة باش نفرقكم ومن بعد ما مشيتو لأكادير قطعات عليا الإتصال وكنت غادي نتسطا دازت عام ونص وعمري نسيتها تا واحد النهار تاصلت بيا وقالت ليا جي عندي لأكادير تلاقينا وبدات كتعاود ليا على مشاكلكم وفرحت حيث قريب غادي تفارقو وبقيت صابر مدة عام ونص اخر بنتو ليا مابغيتوش تفارقو وأنا نبين ليك نيسرين في طريقك باش تعاود ليك البلان في الوقت لي كان الوحش عند مراتك باش ترجع الفيلا وتلقاه وتزيد تحقد والخطة نجحات من بعد مارجعتي لأسفي رجعت لعمل ديالي ولي هو نكون قريب منك وبديت كنحاول بكاع الطرق نزيد نحقدك عليها وكنت كنعطي حتال لأسيل بعض الافكار لي تزيد تخليك تحقد عليها بلا ماتحس بالخطة ديالي وكنت غادي نجح بلبلان ديال موت دوك 2 سطات نهار البار ولكن الحمل ديال أسيل بعثر ليا الأوراق وفقدت الأمل ولكن الحظ ديالي و حبك لينا . عطاني أمل وعطاني حتا الخطة المثالية من بعد ماتلقيتو أول مرة وكتشطح نتا وياها في الحديقة كنت مراقبك من بعيد بطومبيل وماقلت والو لأسيل وامرت رجالي يخطفو عائلة فريد و مشيت عندو حيث كان هو الوحيد لي مسيفطاه أسيل باش يراقبك وريتو صور عائلتو وهددتو وعرضت عليه مبلغ كبير باش يمثل بيلا كيقدم ليك المساعدة وقبل حيث مكان عندو حتا خيار اخر ومن بعد ماتقتي فيه خليناك مرتاح مع راسك ونتا عند بالك نتا هو النزق و حتا واحد ممراقبك وملي مشيتي لمصر تبعتك أنا ورجالي ومن بعد ماسلات الخطوبة تبعنا واحد خونا من لي كانو تما عطيتو فلوس كتيرة باش نعرف منو موعد العرس وسولتو على الصور ديال الخطوبة قال ليا بيلا غير ام لينا لي صورات بتيليفونها ورجعنا قدام فيلا لينا وبقينا مراقبين .خليناك حتا رجعتي للمغرب وسيفطت واحد من رجالي شفر تيليفون ام لينا و ديناه لواحد خونا تما مختص في التيليفونات فتحو لينا وسربت الصور باش تعرف أسيل ونجحات الخطة ديالي ومن زهري خرجات النتيجة حسن من لي كنت كنتوقع ومات ليكم الولد وأسيل زادت حقدات من بعد مانتا مشيتي من السبيطار مشيت عندها وقالت ليا بيلا باغية تقتل لينا وماماك وقلت ليها صبري شوية تال نهار عرسك ونعطيوك الكادو وبدينا كنخططو كيفاش نقتلو كولشي من غيرك نتا نهار العرس ونتا بحبك ليا وكلاخك سهلتي عليا المأمورية فاش كلفتيني بعرسك ختارينا الموقع المناسب والبلان المناسب وبقا بلان واحد وهو كيفاش نخليك مدخلش القاعة وطاحت عليا فكرة جهنمية بلاصة مانعرض على مك مشيت بديت كنعمر ليها راسها وكنقول ليها مخاصوش يدير هكذا حشومة عليه ومخاصكش تجي العرس حتا يجي هو براسو يعرض عليك ووهمتها بيلا غادي ندوي معاك باش تجي تهدر معاها قبل العرس ووافقات وجا نهار العرس بديت كنعمر في خوك طريق كولها حتا قال ليك ديك الهدرة ومشيتي لعندها وغير تحركتي تاصلت بي أسيل وراك عارف شنو وقع ومن بعد مابغينا نفجرو القاعة ونقتلو كولشي وقع واحد البلان وهو لينا بدات كتبوع فاش سولتها ياك ماكلات شيحاجة مسمومة قالت ليا لا راها حاملة وتاصلت بي أسيل قلتها ليها وقالت ليا متقتلهاش خرجها حتا تولد وديك الساعة نقتلوها وخرج حتا كريم وريان معاهم باش في حالة مخرجاتش الخطة كيما بغينا نهددوك بيهم وداكشي لي وقع خرجناهم وخرجت عائلتي وعطيت الأوامر ديالي وتفجرات القاعة وجيت عندك لدار عمرت ليك راسك تامشيتي ونفذات هي الخطة ديالها ولكن منجحاتش ليها حيث كتظنم متي في الحادثة ودابا كنحاول بكاع الطرق نكون معاها وهاذشي غادي يتحقق ملي غادي تموت دابا ههههه شتي أنا شحال ذكي _ حاولت نوض وهو يزرب عليا ضربني برجلو لوجهي وعاودت طحت . كيفاش عطاتك خاطرك تقتل السيدة لي كانت ديراك بحال ولدها واش مبقاتش فيك علاش ماقتلتينيش أنا وخليتيها هي شنو ذنبها مسكينة واش كتقدر تنعس مرتاح أمين : كيبقا فيا غير راسي وزايدون ماقتلتهاش أنا أسيل لي قتلاتها يله سالا وقتي معاك خاصني نمشي نشوف أسيل . _ حط ليا السلاح على راسي وكيشوف وكيبتاسم بحال لا عمر جمعاتنا شيحاجة . يله تيري شنو كتسنا أمين : ماتجيش معاك هاذ الموتة عندي ليك وحدة أحسن جبد واحد القنبة وربط ليا إيدي ورجلي وحطني فوق واحد الكرسي وسد ليا فمي بواحد الشرويطة وجاب واحد البيدو ديال المازوط وبدا كيكبو في داك البيت يله بغا يخوي عليا ساعة تقادا ولاح البيدو ومشا حدا الباب أمين : نتمنى ليك موتة مزيانة بسلامة عليك وشعل العافية في واحد الورقة ولاحو وسد الباب والعافية بدات كتشبك في البيت كامل ووصلاتي وبديت كنتركل حتا طحت وبدات شادة فيا العافية في رجلي وكنتألم بديت كندير مشية الدودة حتا وصلت لقنت لي فيه واحد المراية ضربتها براسي بجهد حتا تهرسات وشديت بصباعي واحد الطرف تالقنبة وبديت كنقطع فيها والعافية كتشد فيا مزيان حليتها من بعد 40 ثانية تقريبا وبديت كنحل في القنبة لي في رجلي غير ساليتها و بغيت نوض وهي تفرݣع ليا شيحاجة على وجهي فقدت الوعي لمدة 30 ثانية تقريبا فاش نضت لقيت العافية كتاكلني كلي بديت كنجري وكنغوت وكنضرب في داك الباب مبغاش يتحل وبقا قدامي غير الشرجم نتلاح منو واخا في الطبقة لولة بديت كنجري واخا مابقيتش قاد ضربت في ديك الزاجة بجهدي كامل حتا تقاسيت لبرا طحت نيشان على الربيع كالا عليا شوية وفاش بغيت نوض حسيت بضو شعل ليا في رجلي وطحت الأرض والعافية مزال شاعلة فيا بديت كنشهد قلت غادي نموت محروق بديت كنفقد الوعي وهو يبانو ليا بزاف ديال الطوموبيلات بلاصاو قدامي هبطو كيجريو بداو كيطفو ليا في العافية . وهوما كيطفو فيها فقدت كل الوعي فاش حليت عيني لقيت راسي في في واحد العيادة تصدمت فاش لقيت راسي مزال عايش اشمن عايش وغير سمية عايش وصافي حيث...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM