انتقام عشاق الجزء 43 🔥🔥🔥 ( التتمة من بعد 320 لايك . طايكو صحابكم يعاونوكم عليها بغينا نرجعو ليامات العز ♥️ ) _ ماجا فين يكملها حتا كنسمع صوت شي إنفجار كبير قريب بديت كنسمع غير صوت الخطوات ديال الجري ديال أمين و غواتو لا لا لا . وأنا كنقول أشنو واقع أشنو واقع وهو مكيدويش أمين جاوبني أمين : يوسف القاعة نفجرات كاملة مابقا منها والو . عائلتي أيوسف عائلتييي ماتو _ غير سمعت هدرتو كملات عليا صافي كولشي مشا كاع الناس لي كنبغي سلباتهم مني بديت كنغوت بجهد وليت في واحد الحالة هيستيرية ماعقلت على راسي حتا غيبت وبديت كنحلم براسي مربوط من رجلي بسنسلة و الأم ديالي واقفة قدامي وكتبتاسم وكل شوية غادية وكتقرب من واحد الضو بيض وأنا كنقول ليها حلي ليا الواليدة نمشي معاك الواليدة : يله قطع ديك السنسلة أولدي ويله _ ماقدرتش الواليدة عاونيني عفاك الواليدة : راك قادر غير حاول أولدي _ بقيت مدابز مع ديك السنسلة حتا تقطعات ومشيت كنجري عندها فاش وصلت عندها عنقتها وبديت كنبكي وكنقول توحشتك اماما ديني معاك متخلينيش هنا بوحدي متخلينيش الواليدة : مانقدرش نديك معايا أولدي سمح ليا حيث خليتك بوحدك في هاذ المحنة ولكن ماشي لخاطري تقاتل باش تفوت هاذ المحنة وإلى عافرتي غادي تخرج نتا لي رابح جا الوقت فين نمشي تهلا في راسك أولدي باش نبقا فرحانة _ عفاك ديني معاك مانقدرش نعيش بلا بيك كيفاش غادي نكمل حياتي بلا بيك عفاك اماما أنا بلا بيك ضعيف مزال محتاجك متمشيش وتخليني الواليدة: أنا ديما غادي نكون معاك يله تهلا في راسك أوليدي كنبغيك _ غير قالتها وهي تبعد عليا بواحد السرعة كبيرة وبدات كتقرب لداك لدار النور وأنا تابعها كنجري وكنقول ماما ماما وقفي ولكن ماكتمعنيش ودخلات لداك النور وأنا طحت الأرض وهي تجيبني الفيقة وكنقول ماما ماما وفاش لقيت الجتة ديالها قدامي فشلت ثاني وأنا نحيد داك الموس من ضهرها وحطيتو في عنقي ويله بغيت ندوز على راسي وهو يدخل أمين أمين : وقف أخويا إياك ديرها _ غادي نديرها علاش غادي نبقا عايش حسن ليا نموت ولا نبقا في هاذ العداب دمراتي أسيل أخويا دمراتني أمين : ديرها ولاكن ماشي دابا من بعد مانتاقمو من ديك الموجريمة راني حتا أنا بحالك واليديا ماتو في الانفجار . ولي مصبرني هو الانتقام نتاقمو منها ومن بعد دير لي عجبك ولكن ماشي الوقت هاذا _ عندك الحق مشيت نضت من بلاصتي وأنا كلي دم ومشيت كنجري لطومبيلتي قصدت الفيلا ديال أسيل وصلت لقيت السيكريتي حل ليا وكتبان ليه حالتي كلها دم بدا كيسولني مالي ماجوبتوش وتميت داخل ولقيت أسيل في المراح جارة باليتزتها وكتاكل واحد البنانة وغادة خارجة وأنا نقول ليها فين غادية أمدام أسيل وهي تصدم وبقات تشوف وقالت أسيل : اوف خلعتيني أيوسف شتي شنو قلت ليك ديما كنخرج أنا لي رابحة هانتا جيتي عندي عوتاني حيث عارفة أننا دايرين بحال الروح والجسد منقدروش نتفارقو على بعضياتنا _ شديتها وشنقت عليها علاش قتلتيهم علاش أسيل : داكشي لي كتحس بيه نتا هو لي كنحس بيه أنا وهو لي خليتني نحس بيه نتا ومك _ بديت كنسرفق فيها وكنقول ليها اشنو دارو هوما راهم أبرياء ياك حسابي معايا بدات كضحك أسيل : وليتي كضرب مراتك أيوسف واخا نجاوبك على اسئلتك ماماك قتلات ولدي ولي هو كان الرابط بيني وبينك وهي لي قطعات هاذ الرابط وكانت تستاهل تموت وبالنسبة لديك الممثلة كانت تستاهل تموت حيث بغات تاخدك ليا وراك عارف عقاب لي كيحاول ياخدك مني أنا كنبغيك ومنقدرش نعيش بلا بيك وعارفاك تانتا كتبغيني وإلى بغيتي غير قتلني _ وناضت بدات كضحك وأنا نعاود نشنق عليها أنا ماكنحملكش وكنكرهك وكنواعدك غادي ندمك على النهار لي تزاديتي فيه وشنقت عليها أسيل : أشنو بغيتي كاع دير بغيتي تقتلني قتلني وهنيني من هاذ العداب نموت حسن ليا مانبقا بلا بيك أحبيبي راني منقدرش نتخايل راسي بلا بيك حاول تفهم هاذشي وزايدون إلى ماقتلتينش عمرك غادي تعيش مرتاح في حياتك _ لا ماغديش نقتلك حيث ماشي مجريم بحالك ولكن غادي ندمرك شوية بشوية وأول حاجة غادي ندير هي غادي نخليك وعمري غادي نكون ليك وهاذا غادي يكون أكبر عقاب ليك وغادي نخليك دوزي حياتك كاملة في الحبس ( ماقدرتش نقتلها ) وتميت غادي أسيل : عارفة بيلا غادي ترجع ليا في الأخير احبيبي . اه وماقلتش ليك واحد الحاجة أخرى خاصك تشوف وجه ماماك قبل ماتموت كيف كان ستمتعت وأنا كنقتل فيها _ سمعت ديك الهدرة كعيت ومشيت ضربتها بواحد الكروشي حتا طاحت الأرض ورعفات وهزيتها من شعرها وشنقت عليها وبدات كتحاول تسل مني و كترجع بلور وهي توطع على دوك الجلوف ديول البنان وزلقات وشدات فيا وطحت معاها وكانت ورانا واحد الطابلة ديال الجاج كنت غادي نطيح عليها ولكن أسيل راسها غادي يجي فيها نيشان حاولت نكالي عليها مي طحت ضربت راسي مع الأرض غيبت وما عقلت على راسي حتا بدا يسرفق فيا واحد البوليسي باش نفيق . فقت لقيتو قدامي وهاز المينوط . البوليسي : يوسف غادي تمشي معانا _ علاش غادي نمشي معاكم بي أشمن تهمة البوليسي : قتل الزوجة ديالك أسيل والأم ديالك _ لا ماقتلتش أسيل و ... ماجيت فين نكملها هو يقول ليا البوليسي : وهاذي لي ميتة قتلوها الجنون _ تلفت لقيتها ميتة حدايا والدنية كلها دم راسها ضرباتو مع القنت ديال الميدة تناكت مشيت فيها جا الكوميسير أحمد بدا كيحقق معايا لداخل أنا وداك السيكريتي لي كان تما وإيدي عطياني الصداع ضراتني من جيهة الكود وأنا نتفكر بيلا حاولت نكالي عليها وبيلا مستحيل أصلا راسها يجي في داك القنت بداو كيهزو في الناس لي خدامين في الإسعاف . وبداو مخرجينها ومخرجيني في نفس الوقت والصحافة قدام الباب طلعوها الإسعاف ويله بغاو يطلعوني السطافيط وأنا نقول لخونا سيدي ممكن نشوفها لأخر مرة كوميسير أحمد : واخا ولكن علاش _ طلعت الاسعاف و قربت ليها و حيدت ليها السليب لي لابسة وخليتها غير بالسوتيامات . فاش شفت داكشي لي بغيت نشوف تأكدت من واحد الحاجة وخرجت من الاسعاف وأنا كنضحك بحال الحمق طلعوني السطافيط وداوني الكوميسارية وبداو كيسولوني علاش قتلتي مراتك أسيل وماماك. وأنا كنضحك و كنقول ليهم قتلت غير أسيل والواليدة لا بقاو عليا راك الموس فيه البصمات ديولك وقتلتيها حيث قتلات ليك ولدك . مع مابقا عندي مانخسر قلت ليهم قتلتها وسينيت على شي وراق وهبطوني لتحت سدو عليا في واحد البيت مضلم وبديت كنمشي وكنجي بحال الحمق حتا جا طل عليا واحد البوليسي من واحد الݣرياج صغير قال ليا صاحبك بغا يشوفك واش نجيبو قلت ليه اه هو يدخلو جا عندي أمين أمين : مكنتش بغيت نشوفك في هاذ الحالة أخويا ولكن على الأقل نتاقمتي من لي كانت السباب في دمار حياتنا للأسف فين كنا وفين ولينا علاش أسيدي ربي علاش _ غير قالها بديت كنضحك بجهد....يتبع في نضركم علاش يوسف كيضحك ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM