انتقام عشاق الجزء 42 🔥🔥🔥 ( التتمة من بعد 320 لايك . طايكو صحابكم يعاونوكم عليها بغينا نرجعو ليامات العز ♥️ ) عنقتها وهي تقول ليا في ودني بواحد الصوت حنين لينا : حبيبي أنا حاملة _ غير سمعتها تصدمت أشنو كتفلاي عليا ولا شنو لينا : لا أحبيبي داوية والله حتا حاملة بولدنا _ من الفرحة هزيتها وبقيت كندور فيها في البيرو ديال العدول . لينا : دجو حطني دوختيني _ سمحي ليا محسيتش براسي فرحتيني بزاف أحبيبتي لينا :شتي قلت ليك ربي كبير وغادي يعوضك على كاع الحزن لي دوزتي . دابا غادي نعيشوا بيخير أنا وياك وولدنا _ إنشاء الله احبي كنواعدك غادي نخليك ديما فرحانة وماغدي نخلي حتا حاجة توقع ليك طول ما أنا عايش . ههه حنا كنعبرو والعدول ووالدين لينا غير حالين فمهم شوية هو ينطق العدول بالمصرية العدول : شي فيلم هاذا الممثلة ديالنا _ بدينا كنضحكو وقبل مانخرجو طلب منا نتصورو معاه وقصدنا الدار لقينا الناس لي من عائلة لينا ناعسين في الصالون وواليديها قالو ليا حتا هوما عياو وبغاو يتكاو عطيتهم واحد البيت ديال الضياف دخلو تكاو وأنا دخلت أنا و لينا لبيتي هزيتها وحطيتها فوق الكاتري وعنقتها وبستها في حناكها وبديت كنلامس ليها في شعرها الذهبي . فرحتيني يا أغلى ماعندي وأخيرا تحقق الحلم ديالي باش تكوني مراتي وحاملة مني شحال حلمت باش نكون عائلة معاك لينا : تا أنا فرحانة بزاف حيث أنا معاك وكنحس براسي غادي نطير بالفرحة الله يخلينا ديما هكذا _ أمين قولي ليا شنو غادي ديري مع العمل ديالك لينا : دجو حبيبي عندي ليك واحد الفكرة إلى بغيتي _ ايه قولي ليا نسمع احبيبتي لينا : بيما أن مراتك ماغديش تخلينا معيشو بيخير علاش منمشيوش شي دولة أخرى نعيشو فيها أنا وياك وولدنا بسعادة نغبروباش نبعدو على المشاكيل . الفلوس لي عندنا أنا وياك كافية تعيشنا حياتنا كاملة بيخير وعلى خير _ ولكن واش جاتك ساهلة تخلاي على الهدف ديالك وتغبري على عائلتك لينا : أنا لي كيهمني دابا هو نتا وولدنا أحبيبي والهدف ديالي هو نعيش معاك في سعادة _ بقات كتقنع فيا حتا وافقت وتافقنا نمشي أنا وياها ماليزيا من بعد ما نتزوجو ونستقرو . من بعد ماهدرنا قررنا نتكاو شوية عمرت التيليفون على 18:00 يله غمضت عيني باش نعس وهي تقول ليا لينا : حبيبي فين ماماك شتها غابرة _ نعسي مابغيتش نهدر في هاذ الموضوع بقات محكرة عليا مرة أخرى وعاودت ليها بيلا قاطعتها من بعد ماكانت هي السباب في موت ولدي لينا : حشومة عليك هي منوياش نوض نمشيو عندها تصالح معاها _ خليني نعس عفاك بدلي هاذ الموضوع . ونعست بيما صونا التيلفون نضت لقيت كولشي مزال ناعس قصدت لكوزينة وبديت كنوجد ليهم في الكسكروط عمرت أتاي وخرجت دغيا لمخبازة تقديت كرواسة والبطبوط والشفنج ...إلخ . ورجعت لدار فيقت لينا وهي بدورها فيقاتهم وجات عندي الكوزينة لينا : هاي هاي على راجلي العزيز حادك _ ومالكي شنو يصحاب ليك راه الرجال المغاربة حادݣين ( تحية لينا ) . عاونيني احبيبة جيبي داك البلاطو معاك و حطينا ليهم الكسكروط بدينا كناكلو أب لينا : تساريت شحال من دولة وعمري دقت بحال الماكلة المغربية _ ماتلقاش بحال الماكلة المغربية اعمي واخا دور العالم كامل . بقينا كنهدرو حتا سلاو ماكلتهم وجمعت داكشي وتاصلت بي أمين باش يجي عندي باش نخرجوه نساريوهم أسفي ودرت معاه من هنا ساعة ورجعت عندهم قلت ليهم بيلا غادي نساريهم اسفي ونتعشاو على برا من هنا ساعة مشاو بدلو حوايجو وأنا دخلت لبيتي بدلت حوايجي و بديت كنفكر في بلان أسيل كيفاش لحد الساعة مادرت والو وماسمعت عليها والو يمكن كتخطط لشي حاجة بقيت كنفكر وسرحت حتا حطات عليا لينا ايديها قفزت لينا : مالك أحبيبي _ والو احبيبتي غير كنت كنفكر فشي حاجة وصافي عنقاتني وتكات عليا لينا : عارفك غادي تكون مشطون غير مع أسيل ولكن ماديرش في بالك غير مجرد أيام ونغبرو عليها . يله خرج خليني نبدل حوايجي باش نخرجو _ وبدليهم شكون حبسك ياك غير راجلك أنا لينا : واخا راجلي ولكن نخاف عليك لا يجيك الصهد _ بدات كضحك وبقات عليا بالهدرة حتا خرجت مشيت ريحت في الصالون شوية جا أمين لقيتو فيه الجوع دخل لكوزينة كلا وجا ريح معانا في الصالون وبدينا كنتسناو في لينا سكنات في البيت تقول كتوجد لتصوير شي فيلم وهي تقول لينا مها أم لينا : هاذي هي حالتها من صغرها _ بدينا ضاحكين حتا خرجات وركبنا الطومبيلات وبدينا كنتسركلو ساريناهم كاع البلايص المشهورين في أسفي شبعنا عاد ديتهم واحد القهوة في سيدي بوزيد ضمونضيدت ليهم على الحوت بدينا كناكلو هو يقول أمين لبات لينا أمين : عمي مالقاش عندك شي بنت أخرى بحال هاذي أب لينا: لا أولدي كاينة غير لينا مها أولدي لي عقلية اروبية ماعندهاش مع كترة الولاد ورفضات نزيدو شي ولد أمين : على نتا لي كتحكم ولا المرا _ بان ليا السيد تزنك وأنا نغز أمين فهم راسو وقلبها ضحك جاب الله النسيب قشابتو واسعة أمين : الموهيم اعمي إلى كاينة شي وحدة من العائلة زوينة أنا موجود بغيتها مصرية ماكين لا روسية لا زمر أب لينا : ايه مرحبا أولدي جي لمصر لي عجباتك ناخدها ليك _ بقينا ضاحكين وخالقينا تال 00:00 عاد شدينا الطريق لدار دخلنا كل واحد فيهم شد بلاصتو ومديت ليهم الكواش ومع الكواش قلال بقيت أنا ولينا بلاش مي متخافوش قضينا بالسخونية الاصطناعية لي هي التعناق وجبدنا عليها بنعسة الغد ليه فقت لقيت الملاك ديالي مزال ناعسة بستها في جبهتها ونضت بديت كنوجد ليهم الفطور عمرت أتاي وخرجت تقضيت الخبز والبغرير والمسمن ورجعت فيقت حبيبتي من بعد مافقت فيقات عائلتها حيث أنا مكنزعمش نفيقهم ناضو غسلو وجاو كيفطرو من بعد مافطرنا طلبت من لينا تبدل حوايجها باش تمشي معايا نشوفو النݣافة واللبس لي غادي تلبس في العرس والخواتم وداكشي لاخر لي مهم وداكشي لي درنا من بعد مالبسات خرجنا قصدنا الدهيبي هو لول ختارينا الخواتم عاد قصدنا واحد النݣافة هي المعروفة في اسفي شافت لينا لبس ديال العريسات عجبوها وتافقنا على النهار والعنوان ماعطيتوش ليها حيث مزال ماقال ليا أمين والو وعطيتها تسبيق وخرجنا تاصلت بي أمين سولتو على موضوع القاعة أمين : كولشي واجد أخويا هاهو العنوان وملي تسالي جي شوف وحتا الناس لي قلتي ليا عرض عليهم عرضت عليهم ماتهز هم لهاذشي _ وعنداك تنسا الواليدة ومتقولش ليها أنا لي عرضت عليها أمين : كون هاني أخويا _ من بعد مادويت معاه حسيت براسي رتاحيت وركبنا الطومبيل وتمينا راجعين لدار و هكذا دازت يوماين وبقا نهار لعرسنا وداك النهار داز بزربة حيث مشيت عند الحلاق والحمام وشفت القاعة وباقي التحضيرات والدفوع والحوايج لي غادي لبس و حجزت غرفة في اوطيل وشديت 2 شيفورات بطومبيلاتهم واحد يتكلف بي لينا يديها الكوافورة و يجيبها لقاعة وواحد بعائلتها ورجعت لدار معطل ديك ليلة تال شي 1:00 لقيت كولشي نعس دخلت لبيتي مالقيتش لينا تخلعت مشيت كنجري لبيت واليديها وكندق بجهد وكنغوت حتا فيقتهم كاملين هو يخرج ليا باها من الصالون ماشتوش فاش دخلت مع الظلام أب لينا : ياك لباس أولدي _ فين هي لينا اعمي . وهي تخرج هي ومها من البيت لي عطيت لواليديها أب لينا: كانت ناعسة مع مها في البيت قالت مها بيلا مخاصش تشوفها تال غدا حيث فال خايب _ اه صافي سمحو ليا غير تخلعت عليها وصافي ومشيت لبيتي تفو أش هاذ التخاريف ديول الهنود ومشيت تكيت حتا داني النعاس غير نعست بديت كنحلم بديك الحلمة الخايبة ديال البحر يله بغيت نعنق لينا في وسط الما وهي تخرج أسيل هازة سيف وقطعات ليها راسها وغرقت في الدم فقت مخلوع لقيتها 6:00 شربت ومبقاش بغا يديني النعاس وبقيت فايق وشاد بلاصتي تال 9 نضت وجدت الفطور فطرو وخرجات لينا ومها عند الكوافورة وأنا بقيت مريح في بيتي وكنتفرج حتا وصلات 13:00 مشا بات لينا وعائلتو لقاعة وأنا وبقيت في دار شوية تاصل بيا أمين أمين : فينك الساط شتك تعطلتي راه 15 ديقية دايرين الديبار ديال الدفوع _ غير أجيو غادي تلقاوني حدا القاعة ههه اول عريس ماغديش يحضر لدفوع ديالو بدلت حوايجي ومن بعد نصف ساعة خرجت وشديت الطريق لقاعة غير وصلت لقيتهم يله جايين وصلت قد قد معاهم هبطت بديت كنشطح أنا وامين وكريم على إيقاع الدقة المراكشية شوية وأنا نجر الخوادري وبديت كنشطح معاه وكيبان ليا كاعي وأنا نسولو مالك وأنا نتلفت ليمن وليسر مالقيتش الواليدة . فين هي الواليدة البرهوش ريان : مجاتش حيث ماقلتيهاش ليها بي فمك كانت باغياك تعرض عليها نتا خلتيها مسكينة كتبكي وكون ما بززاتش عليا نمشي كون كعما نجي _ تفو على بلان بقا فيا الحال وديك الساعة هزيت التيليفون وبديت كنصوني ومشيت كنجري لطومبيلتي كسيريت وبقيت كنصوني حتا جاوبت . ألو الواليدة سمحي ليا بزاف عفاك عدريني حيث تصرفت معاك بهاذ الطريقة أنا مكنسواش عفاك حضري لعرسي كيفاش غادي يدوز هاذ العرس إلى ماكنتش فيه الإنسانة لي كنبغي ولي وقفات معايا تا وصلت لهاذشي لي أنا فيه سمحي ليا الواليدة : كنت كنتسنا في الإتصال ديالك بفارغ الصبر أولدي أنا مسمحاك أولدي فرحتيني بزاف فاش تاصلتي بيا أولدي _ هاني جاي ليك الواليدة 15 دقيقة نكون عندك وجدي راسك وشكرا بزاف حيث ماحقدتيش عليا واخا دويت معاك بديك الطريقة الواليدة : الأم مكتحقدش أولدي أنا راضية عليك و كنبغيك وديما غادي نبقا نتمنا الخير _ شكرا الواليدة كنبغيك . قطعت وكملت طريقي ( بعد مرور 7 دقائق ) الواليدة : جيتي أولدي جيتي بكري ومنين جاك الساروت أسيل : تلفتي شوفي وراك باش تشوفي شكون جا عندك توحشتك اخالتي الواليدة : شنو كديري هنا خرجي من داري الحمقة أسيل : كتجري على ملاك الموت ياك الواليدة : بغيتي تقتليني ياك أسيل : اه جيت ندي منك روحك كيما ديتي مني الرابط لي كان بيني وبين حبيبي يوسف نتي سباب باش مشا خلاني الواليدة : هو خلاك بسباب تصرافتك ومعاملتك ودابا أنا فرحانة حيث غادي يعيش مرتاح مع البنت لي كتبغيه وكيبغيها ماشي لينا لي بغات تملكو أسيل : قبل ماتوموتي ديري في بالك ولدك غادي يبقا ليا بوحدي _ وصلت لدار لقيت الباب محلول دخلت فاش شفت داك المنضر لي قدامي ركابيا فشلو شفت الواليدة مسرحة في الأرض ومخشي ليها موس في ضهرها والدم داير بيها من كاع الجوانب بديت كنقرب طحت الأرض مابقيتش قادر نزيد وليت غادي كنحبو تاوصلت ليها قربت ليها لقيتها حية ولكن كتلفض أخر الأنفاس ديولها شدات ليا في ايدي بداك الجهد لي بقا عندها وبدات تقول ليا تهلا في راسك وفي خوك قالتها 3 مرات وأنا كنغوت لا متخلينيش عفاك متخلينيش صبري غادي تكوني يله جمعت راسي بغيت نهزها وهي تموت ليا في ايدي بديت مسرح حداها وكنبكي شوية تاصلت بي أمين أمين : فينك اصحبي كولشي لداخل وكيتسنا راك تعطلتي على العروسة _ هو كيدوي وأنا غير كنبكي وكنقول ماما ماتت ماما ماتت أمين : ماكنسمعكش أخويا مع صداع شنو كتقول ... بلاتي نخرج من القاعة نبعد على القاعة شوية . ألو شنو كتقول أخويا _ ماجا فين يكملها حتا كنسمع صوت شي إنفجار كبير ...يتبع في نضركم شنو غادي يكون نفاجر وشنو غادي يدر يوسف الجزء الماجي؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM