انتقام عشاق الجزء 41 🔥🔥🔥 ( التتمة من بعد 320 لايك . طايكو صحابكم يعاونوكم عليها بغينا نرجعو ليامات العز ♥️ ) أسيل : مبروك عليك الخطوبة أسي يوسف _ سمعت الخطوبة تخلعت واقيلة عرفات . أشمن خطوبة ثاني شنو كتخربقي أسيل : كنخربق ياك هاك شوف هاذشي لي كتقول عليه تخربيق _ مدات ليا التيليفون وأنا نلقا واحد الخبر ديال شوف خيخي كاتبين في العنوان شاهد بالصور خطوبة اللاعب المغربي يوسف ... والممثلة المصرية لينا بديت كنشوف في التصاور الما جمد ليا في الركابي لقيت بزاف التصاور دياولي أنا ولينا والواليدة في الخطوبة وحتا فاش لبسنا بعضياتنا الخواتم بقيت غير كنشوف وأسيل الدموع هبطو ليها أسيل : ياك هاذشي غير تخريب الغدار دوي _ أسيل هاذشي بصح أنا خطبت وحدة أخرى حيث مابقيتش كنبغيك ومابقيتش بغيت نكمل معاك حياتي وكون ما ولدنا مانزيد نهار معاك حيث مابقيتش مستحملك كنتما تفهميني وهي تبدا تسرفق فيا وكضربني على صدري أسيل : حمار كلب غدار أنا درت على ودك المستحيل باش تكون سعيد ونتا كترد ليا الجميل ديالي هكذا مالك شنو معاجبكش فيا موفرة ليك كولشي من جميع النواحي شنو باغي مزال _ واش عند بالك هاذي هي السعادة غير حيث عندنا الفلوس راه سعداء راه أسيل مابقيتش كنحملك فاش كنكون معاك كنحس براسي مخنوق راه بحال لا عايش في حبس عفاك أبنت الناس عيشي حياتك وخليني نعيش حياتي عطيني التيساع أسيل : مستحيل نتخلا عليك أيوسف أنا كنبغيك منقدرش نعيش بلا بيك _ لا تقدري حيث أنا ماشي هو الأكسجين دابا من بعد ما عرفتي كاع الحقيقة ماكين لاش نبقا نافقك غادي نمشي بحالي من هنا غادي تبقا معاك الأم ديالي بيلا ولدتي . ومشيت هزيت الصاك ديال فرقتي وبديت كنجمع شي حوايج وهي كتجرني أسيل : لا ماتقدرش تخليني أيوسف أنا كنبغيك عفاك مديرش ليا هكذا أنا كنبغيك بقا معايا نكتب ليك كاع الثروة ديالي _ فلوسك بخري بيها إلى كنتي كظني تقدري تشري سعادتي بالفلوس راكي غالطة . الواليدة خليك معاها . أسيل : واش عند بالك غادي تعيش سعيد إلى خرجتي من هنا راه ظلي غادي يتبعك فينما مشيتي وغادي تلقا راسك كدور في نفس النقطة يعني غادي دور دور وفي الأخير غادي تلقا راسك معايا حيث أنا لي كنبغيك بزاف وعارفة بيلا حتا نتا كتبغيني غير كدير ليا هكذا باش تعصبني وحاجة أخرى هاذ ختنا لي بغات ديك ليا غادي يكون المصير ديالها بحال لي قبل منها يعني غير بعد عليها وبلا ماتكون السباب ديال الموت ديالها كنحدرك أحبيبي _ سمعي اديك الحمقة أنا مكنبغيكش و إلى قربتي ل لينا ولا غير حاولتي تقربي ليها غادي نقتلك بيدي سمعتيني يعني خلينا مزيانين يله الله يهنيك دابا ويله بغيت نخرج من البيت و هي تمشي أسيل لواحد المجر جبدات منو واحد السلاح أسيل : إلى مشيتي غادي نقتل راسي سمعتيني أنا منقدرش نعيش بلا بيك _ عرفتها غير داوية خاوية ومتقدرش ديرها واخا حمقة وشفت فيها وبديت كنبتاسم . يله دغيا شنو كتستناي غادي تهنينا منك الواليدة : الله يهديك أبنتي ديري غير بحساب هاذ الولد لي فكرشك لي مزال مشاف متشاوف واش تبغيه يموت معاك لوحي داكشي من ايدك _ هاذيك الواليدة حمقة وخوافة متقدر دير والو واش تيقتيها وتميت خارج وهي تبعني تميت نازل مع الدروج قربت بقاو ليا واحد 5, الدرجات وهي لفوق أسيل : اه منقدرش نقتل راسي ولكن نقدر نقتلك نتا وقف أيوسف ورجع هنا حسن ليك _ قتليني يله تيري فيا ماغديش نرجع معاك كنفضل نموت ولا نرجع مع حمقة بحالك وتميت مكمل طريقي وصلت لدرجة لخرة وهي تيري في السما أسيل : تزيد خطوة أخرى نتيري فيك تا أنا كنفضل نقتلك بيدي ونقتل راسي ولا تاخدك ليا وحدة أخرى سمعتيني _ ما غاديش نبقا معاك واخا يطرا لي يطرا وغادي نعيش مع حبيبتي لينا الله يحفظك خلي علاقتنا مزيانة ونتفكرك ديما بديك الإنسانة الزوينة لي غادي تربي ولدي ماجيت فين نكمل كلامي حتا تلاحت عليها الواليدة بغات تحيد ليها السلاح وبقاو مدابزين وهي تعكل لأسيل رجليها وطاحت مع دروج بقيت كنشوف فيها وهي كدردرب درجة بدرجة وأنا غير كنشوف فيها ومصدوم حتا وصلات لعند رجلي وأنا نتحنا عندها وهي كتغوت والواليدة مكوانسية بلاصتها وبدات كتبكي أسيل : ولدي أيوسف ولدي غادي غادي يموت _ صبري ولدنا ماغدي يوقع ليه والو صبري أسيل صبري عفاك . فريد ديماري الطومبيل هزيتها وتميت غادي بيها لطومبيل ركبنا وكسيرا بينا لسبيطار وهي كتغوت وأنا ربي لي عالم بيا خايف لا توقع لولدي شيحاجة وصلنا لسبيطار هزيتها ودخلت كنجري بيها دغيا تلقاو ليا الممرضين دخلوها نيشان عند الطبيب شافها خرج قال ليا الطبيب : حالتها خطيرة وغادي نديرو ليها عملية قيصرية و70% الجنين يقدر مايعيش ودخل عندها وبقيت كنمشي ونجي بحال الحمق تما شوية هو يجي كريم والواليدة وريان وجات الواليدة عنقاتني الواليدة : انشاء الله كولشي غادي يكون بيخير _ إلى وقعات لولدي شيحاجة غادي تكوني نتي السباب وما أنا ولدك مانتي مي سمعتيني الواليدة : أنا أولدي ماقصدتش ندفعها راني خفت عليك لا تقتلك ديك لفعة _ وا شكون قالها ليك ماشي شغلك راه ماتقدر دير والو ليا راني أنا نقطة الضعف ديالها . بعدت عليها وريحت في واحد القنت وكندعي باش ولدي يعيش شوية خرج الطبيب الطبيب : سيدي المدام ديالك بيخير ولكن ولدك تولد ميت للأسف يمكن ليك تدخل تشوف مراتك راها فايقة _ غير قالها ليا بديت كنبكي وجا عنقني كريم . شنو داير في حياتي أخويا حتا يوقع ليا هاذشي علاش غير أنا من دون الناس كريم : المكتاب أخويا ماعندك مادير غير صبر _ لا كان بإمكاني ندير كون ماتصرفتش بأنانية وفكرت في ولدي قبل راسي كعما يوقع هاذشي . شتي الواليدة هاذشي لي بغيتي هانتي قتلي حفيدك الواليدة : سمح ليا أولدي عفاك ريان : ماعندكش الحق تلومها هي منوات والو أخويا _ هي السباب سير تانتا بعد من طريقي ومشيت وخليتهم ودخلت عند أسيل لقيتها كتبكي أسيل : الرابط لي كان بيناتنا مشا غادي تخليني ياك _ تمنيت كون متي نتي وبقا هو كنكرهك وآخر حاجة بغيت نقولها ليك هي نتمنا ربي يخلصك على أعمالك هنا في الدنيا قبل الآخرة وحاجة أخرى تسناي وراق طلاقك يجيويك يله الله يهنيك أسيل : ماغديش تهنا مني بهاذ السهولة _ خرجت ومشيت لواحد الدار كنت شريتها بالتخبية على أسيل جا الوقت فين نمشي ليها ونبعد على كولشي شديت الطريق لداري وبدا التيليفون كيصوني متسوقتش ليه تاوصلت لدار دخلت ومشيت لبيت النعاس تكيت شوية بلا مانحس تفكرت شنو طرا وبديت كنبكي عرفتي شناهية يموت ليك ولدك ماغدي يحس بيا غير لي مجرب ولا لي مفرج فشي فيلم هيندي 🤣 ماعلينا شوية هو يبدا يصوني التيليفون ضربت عليه كتبان ليا نمرة لينا ف قطعت عليها وهي تبدا تصوني مرة أخرى ضرني داك الصونيط في راسي وطفيتو وهكذا داز النهار لول كامل غير حزن الغد ليه شعلت التيليفون مع شعلتو وهي تصوني لينا لقيتها على القرص جاوبتها لينا : حبيبي مالك تشطنت عليك خليتيني بغيت نتفكر لبارح واش نتا بيخير _ ماكرهتش نقول ليها تا أنا توحشتك ونخوي عليها قلبي حيث هي الانسانة لي كنرتاح معاها ولكن تفكرت الهدرة ديال أسيل ودابا كاع فاش مات ولدنا غادي تحقد ديال بصح . لينا سمعيني مزيان سالينا هاذ العلاقة ممكتابش لينا نكونو مع بعضياتنا نسايني ونتمنا ليك حياة سعيدة سمحي ليا وقطعت . عرفتي غير قطعت وأنا نضرب الحيط بيدي بواحد الجهد حتا ضربني الضو فيدي بقيت شاد فيها وكنبرد فيها وهي تعاود تصوني جاوبتها وهي كتبكي لينا : قول ليا علاش ياك يله كنا فرحانين مع بعضايتنا ولا غير كنتي كتفلا باش تقضي غراضك وتلوحني بحال شي ميكة ديال الزبل _ لينا متقوليش هكذا أنا كنبغيك ولكن ماشي لخاطري لينا : كيفاش ماشي لخاطرك عاود ليا مالك ياك واعدنا بعضياتنا مانخبيو والو على بعضياتنا _ لينا عفاك سمعي ليا راني بغيت نبعد عليك حيث كنبغيك وكنخاف عليك ومبغيتكش تأذاي راه إلى كنا مع بعضياتنا مراتي غادي تقتلك وبديت كنعاود ليها البلان ديال لبارح كامل وأنا كنبكي وهي كتبكي لينا : الله يصبرك أحبيبي وأنا كيما قلت ليك من قبل غادي نبقا معاك و إلى بغات تجي الموت غير تجي الموهيم نكون معاك ومتبقاش تقول نتفارقو آخر مرة نسمعها منك أنا معاك في السراء والضراء أحبيبي وعرسنا غادي يبقا في النهار لي تافقنا عليه _ بقيت مجمع معاها شحال فاش سلات الابيل حسيت براسي شوية حيث فشيت قلبي على الإنسانة لي كنبغي وهكدا دازت سيمانة تقيلة وأنا بقيت غير في ديك الدار ماترينيت ماشفت لا صحابي لا عائلتي ماوجدت لعرس لي بقات ليه غير 6 يام والموشكيلة هي بعد غدا غادي تجي لينا هي وعائلتها ومزال ماوجدت والو . أول حاجة درت تاصلت بي أمين درت معاه نتلقاو من بعد ساعة في القهوة ديال ديما بدلت حوايجي وتميت خارج عندو لقيتو مريح هو كريم سلمت عليهم وريحت معاهم أمين: البركة في راسك أخويا ولكن ماديرش هكذا وتغبر راك مزال صغير ومزال ربي غادي يعوضك بولاد اخرين _ خويا راه داك الشعور صعيب بزاف نتمنا متجربوش كريم : ماغديش تدوي مع مك راه حالتها حالة مسكينة وكتلوم راسها _ لا ماغديش نمشي ومتجبدش معايا هاذ الموضوع أمين : عندو الحق خاصك تمشي تشوفها _ لا هيا لا بقاو كيقنعو فيا ولكن رفضت وبديت كنعاود ليهم على العرس بيلا بقات ليه 6 يام وبيلا ماوجدت والو أمين : أنا غادي نتكلف ليك بالعرس عندي واحد صاحبي باه مختص في هاذشي وجد غير الفلوس _ هي لولة العز جبدت ليه شيك فيه كتبت ليه 10 المليون . هاك هاذ المبلغ وإلى ماقدكش نزيدك وبقينا داوين تا وصلات 22:00 ورجعت لداري دويت مع لينا قبل مانعس على ود وراق الزواج وتعنبت شوية وقطعت وجبدت عليها بنعسة وهكذا دازو يوماين وتاصلت بيا لينا باش تقول ليا راهم في المطار باش نتلقا ليها هي ومها وباها وعمها وعمتها و2 خوالها من بعد ماقطعت تاصلت بي أمين عاودت ليه البلان وبيلا بغيتو يمشي معايا نجيبو عائلة لينا من المطار درت معاه فين نتلقاو ومشينا كرينا واحد الرونج بيضة من واحد لوكاسيون وشدينا الطريق المطار مع 10:00 حيث هوما 13:00 غادي يكونو تما مشينا تما وبدينا كنتسناو بيما وصل الوقت غير وصلو لقاونا تما كنتسناو سلمنا عليهم وبقيت شحال وأنا معنق لينا من بعد ما كملت التعناق قصدنا الطومبيلات وشدينا الطريق لأسفي 15:00 كنا تما ديتهم لداري وضمونديت على الغدا من واحد التريتور حدانا كنت موصيه عرفتي كلاو الدجاج المحمر كانو غادي ياكلو صباعهم عليه وجبت ليهم حتا لحم بالبرقوق كلاو تاشبعو عجباتهم الماكلة المغربية من بعد ماكلاو قلت لينا وواليديها بيلا غادي نمشيو عند لعدول نديرو العقد قالو ليا مرحبا وهي تقول ليا لينا في ودني لينا : عندي ليك واحد الخبر غادي يخليك طير من الفرحة _ شنو هو هاذ الخبر الله يسمعنا خبار الخير لينا : حتا نديرو العقد _ بقيت عليها بيلا بغيت نعرف ومبغاتش معكسة بف . يله يله نخرجو لا يعود العدول يمشي فحالو . خرجنا من الدار قصدنا العدول رحب بينا وعطيناه الوثائق الضرورية ومنهم ورقة الموافقة بالزواج 2 لي شديت من عند القاضي من بعد مارشيتو ماعلينا سينينا على العقد وقال لينا مبروك عليكم راكم مزوجين دابا عنقتها وهي تقول ليا في ودني ...يتبع في نضرمكم شنو غادي تقول لينا ليوسف ؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM