إنتقام عشاق الجزء 11 🔥🔥🔥🔥 ( التتمة من بعد 410 لايك طاكيو صحابكم يعاونوكم عليها بغينا نرجعو ليامات العز ♥️ ) حتا ولاو كاملين دميات وكنقول علاش أسيدي ربي علاش يوقع ليا هكذا مابقيت عارف شنو ندير ومفاهم والو علااش ديك شارفة قالت ليا جي عندي لدار وهي تحولات . زعما بغات تلعب معايا أكيد غادي تكون دابا رسلات ليا ميسجات ولا تاصلت بيا ولكن فين غادي يكون طاح داك المشقوف مشيت قصدت أقرب تيليبوتيك لعل وعسى يكون لقاه شي ولد الناس يرجعو ليا تاصلت كلقا البواط فوكال يعني التيليفون طافي كوراه دابا التيليفون تباع طلع ليا شي دم صافي تناكت كوراه دابا الفيديو ديالي دار بوم في المواقع الاباحية وكولشي شافني مع ديك الشارفة غادي نولي ضحكة بين الناس كيفاش غادي نقدر نشوف في الناس وعاد زيد الصور ديول الأم ديالي حتا هوما إلى مشاو تنتاشرو غادي دمر مسكينة .هزيت موطوري وقصدت الكورنيش شديت واحد القنت وبديت كنبكي و كنتفكر فكاع داكشي لي وقع ليا هاذ الأيام ( الزنة مع تيرزا دوك الناس لي ضربوني . العصابة لي قتلوهم ) وليت كنحس بالظلمة دايرة بيا من كل جوايه وواحد الراس ولا كيقول ليا كون شجاع أيوسف و نتاحر باش تهنا من هاذ المشاكل وبدون مانشعر نقزت الكرياج ووقفت في الحافة كنشوف في البحر والجروفة تحت مني حتا بغيت نقز وأنا نتردد ولا عندي بحال إنفصام في الشخصية ولا واحد راس كيقول ليا راك غادي في الطريق الصحيح ديرها وتهنا من هاذ الحياة الكئيبة وواحد الراس كيقول ليا صافي أيوسف هاذا هو الحل لي عندك كيفاش غادي تكون حالة السيدة لي تعدبات حتا كبراتك فاش غادي تعرف راك نتحرتي ولمن غادي تخلي عائلتك وزايدون الانتحار حرام غادي تولي لا دنيا لا آخرة رجع لوعيك . وأنا نقول اعوذ بالله من الشيطان الرجيم ورجعت لبلاصتي وأنا مهموم بقيت كالس في ديك البلاصة تال 18:00 عاد تكعدت وتميت قاصد الدار غير وصلت لنص ديال الطريق حتا كيبانو ليا واحد 2 طومبيلات كحلين بحال ديال دوك لي شدوني داك النهار تابعيني من لور قلت غالبا هوما وأنا نكسيري و تهوما شافوني كسيريت كسيراو وتبعوني ومع هوما عندهم الخبرة فبحال هاذشي دغيا شدوني . وقفو ليا وحدين قدامي ووحدين ورايا حاصروني باش منهربش وهو ينزل داك خونا لي قتل دوك 2 لي تعرضوا ليا ومعاه تقريبا 10 الرجال كاملين لابسين الكحل ومغطيين وجوههم هو ينطق بواحد الصوت غليظ . شوف أسي يوسف فاش تشوفنا بلا متخاف وتهرب حيث ماغديش نأذيوك _ علاش مابغيتيش نهرب واش أنا واقفين عليا مجرمين بحالكم مكيرحوش ومبغيتينش نهرب دابا شنو باغيين وشكون نتوما وشكون مسيفطكم الوحش : تقدر تقول حنا هوما ملاك الموت ديال الناس لي كيأذيوك أو يحاولو يأذيوك وبالنسبة لي مسيفطنا هادشي بعيد عليك كخصكش تعرفو لي خاصك تعرف هو أنا . نعرفك براسي بعدا كيقولو ليا الوحش وأنا هو القائد ديال المجموعة وجينا باش نعطيوك هاذ الجوا تشوفو _ شديت عندو الجوا وحليتو وأنا نتخلع لقيت تصاور ديال الجثة تاع تيريزا مقتولة بقرطاصة لراسها . تخلطو عليا المشاعر ماعرفت واش نفرح بموت تيريزا ولا نتخلع من هاذ المجرمين لي واقفين عليا ... قتلتوها تاهي واش مكيناش الرحمة في قلوبكم و ماعندكمش شي طريقة أخرى تحلو بيها المشاكل مع الناس بلا ماتقتلوهم المجرمين وزايدون شكون طلب منكم المساعدة وكيفاش حتا عرفتو بالمشكل ديالي مع الشارفة الوحش : حنا كنفدو غير الأوامر لي كتجينا وصافي وحاجة أخرى داكشي لي كنتي خايف منو محيناه قبل مايتنشر يعني بلا ماتبقا هاز ليه الهم يله بسلامة عليك _ كنتمنا أخر مرة نشوفك وقول لهاذا لي كيسيفطك يبعد مني ممحتاجش المساعدة ديالو الوحش : كنظن غادي تبقا تشوفني بزاف _ حيد ليا الجوا وركبو الطومبيلات ومشاو . وأنا بقيت شحال وأنا واقف بلاصتي وكنفكر فهادشي لي شفت وبكل صراحة فرحت ووليت كنحس براسي نزلت هم كبير من فوق كتافي تهنيت من هاذ الشارفة لهلا يردها ولا يرحم فيها شي عظم قولو أمين .مشيت لدار كيف حليت الباب تقاست عليا الواليدة وبدات كتبكي وتعنق فيا الواليدة : تخلعت عليك فين كنتي غابر أولدي ومال تيليفونك طافي صحابت غير وقعات ليك شيحاجة عاود لينا أمين : تا أنا تخلعت عليك أخويا من الصباح ونتا غابر _ باش مانخليش الواليدة تمرضني بكترة الاسئلة . قلت ليها كنت خارج مع واحد البنت لصويرية وطاح ليا التيليفون ونسيت الوقت داكشي لاش تعطلت الواليدة : ياولد لحرام نتا مرندف وأنا مخليني مخلوعة عليك تفو على كيدار وزايدون علاش منكتي المدرسة _ وغير سمحي ليا الواليدة متبقاش تعاود. الموهيم كاين شي كسكروط جاني جوع الواليدة : موجود دابا نحطو لولدي . اه نسيت ماقلت ليك من غدا غادي نرجع نخدم في المعمل لي كنت فيه نقضي بيه بيما لقيت خدمة حسن _ ياريت الواليدة كون كنت قاد براسي والله ما نخليك تعذبي الواليدة : غادي يجي هاذ النهار غير قرا مابقا قد مافات إنشاء الله يكون خير حطات لينا الكسكروط وبدينا ناكلو . وأمين كايدير فيا شي شوفات حيث عارفني غير طلقها من بعد ماكلينا مشينا البيت أمين : عاود ليا شنو وقع حيث ديك الهدرة مدخلاتش ليا لراسي حيث أولا ماعندك معامن تخرج و مع الصباح خرجتي كتجري بحال الحمق بحال لا كان عندك شي موشكيل كبير _ عندك الحق . بديت كنعاود ليه وصلت لقطة فاش كنت غادي نتاحر وهو يجمعها معايا بتبربيقة لوجهي أمين : كيفاش فكرتي فهادشي مالك ضعيف الشخصية أصحبي كنتي ناوي تمشي وتخليني _ والله ماكنت حاس براسي شنو كندير صافي نسا داكشي داز خليني نكمل ليك شنو وقع . ماجيت فين نكمل كلامي حتا كنسمعو الدقان الواليدة : ولدي يوسف سير شوف شكون أنا إيديا عامرين بالعجينة مشيت حليت الباب و تما كانت الصدمة لقيت البوليس عند الباب شفتهم طاح مني النص أووو شنو غادي يكونو باغيين هو يقول ليا واحد الكومسير الكومسير أ : سلام أنا الكومسير أحمد فين هي الأم ديالك بغيت ندوي معاها الواليدة : شكون أولدي لي كيدق _ البوليس الواليدة كيسولو عليك خرجات عندنا بالخف الواليدة : نعام أسيدي ياك لباس الكومسير أ: نقدر ندخل ندوي معاك في واحد الموضوع مهم _ دخلاتو الواليدة وريحنا في الصالون الكومسير أ : جيت نقول ليك بيلا لقينا السيدة لي كنتي خدامة عندها مقتولة و مرمية في واحد الخلا . الواليدة : أويلي أسيدي شنو كتقول إيمتا وقع هادشي الكومسير أ: غير ليوم بغيت نعرف إيمتا أخر مرة شفتيها وواش كان شيواحد كيهددها الواليدة : شفتها لبارح _ والواليدة من الخلعة عودات ليه كولشي لي كتعرف الكومسير أ: اه مزيان . نتا هو يوسف _ اه هو أنا علاش أسيدي الكومسير أ: عاود ليا شنو وقع ليك مع تيريزا وشنو كانت باغية منك _ عاودت ليه تا أنا كولشي من غير بلان الفيديو والتصاور قيد داكشي في واحد الكتاب وخدا نمرت الأم وقال ليها ماطفيش التيليفون نقدرو نبغيوك في أي لحظة . وقبل مايخرج قال ليا الكومسير أ: يوسف نتا هو المستفيد من هادشي عندك الزهر - كيفاش عندي الزهر مافهمتش شنو كتقول الكومسير أ: دابا تعرف يله بسلامة عليك غير خرج ودخل بلاصتو واحد السيد أنيق في حالتو لابس كومبلي وداير كرفاطة وهاز شكارة في إيديه باينة من شكلو محامي... يتع في نضركم شنو الخبر لي غادي يقولو ليهم هاذ السيد لي جا عندهم ؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM