انتقام عشاق الجزء 40 🔥🔥🔥 ( التتمة من بعد 300 لايك . طايكو صحابكم يعاونوكم عليها بغينا نرجعو ليامات العز ♥️ ) _ وكون غير سمعت ليها ووقفت الطومبيل ونزلت بالخف مشيت كنجري لعندهم وأنا نضرب خونا لي هاز ديك الجنوية بواحد النص حتا تكلم راسو مع الأرض وضربت لاخر بكروشية ولحتو الأرض وبديت كنضرب وهي تصدمني ديك ختنا معرفت مني جبدات واحد الجنوية وغفلاتني وضرباتني بيها لدراعي حتا تحل واحد شوية مع شديت فيه بيدي هوما ينوضو خياتنا وهربو بي 3 بيهم . لينا هبطات كتجري لعندي . ولاد العبد كيمثلو بهاذ البلان باش الواحد يبان ليه البنت كتسرق ويجي يبغي يعاونها حتا كيصدقو سارقينو . تفو مكانش عليا نهبط عندهم وصلات لينا لعندي وبدات كتغوت لينا : أرا دراعك نشوفك . ناري على ضربة شتي شنو قلت ليك علاش هبطتي علاش بغيتي دير فيها واعر كون وقعات ليك شيحاجة كيفاش غادي نقدر نعيش بلا بيك أنا _ وأنا نعنقها . صافي احبيبتي ما وقع والو غير ضربة صغيرة وزايدون منقدرش نخلي شيواحد محتاج المساعدة لينا : زيد نمشيو لسبيطار خاص يخيطو ليك الجرح . وأنا لي غادي نسوق _ طلعنا الطومبيل وقصدنا السبيطار دخلت عند واحد الطبيب دار ليا 7 الغرزات وقيد ليا شي دوا وعطاني شي نصائح كيفاش نداوي الجرح ... وقبل مانخرج قلت ليه يعمر ليا شهادة طبية باش ندفعها للفرقة وداكشي لي دار عمر ليا شهر وخرجنا . لينا : كي بقيتي احبي لباس عليك _ بيخير فين بغيتي نمشيو نسهرو هاذ ليلة لينا : غادي نرجعو لوطيل أحبيبي خاصك ترتاح _ لا خاص ضروري نسهرو هاذي غير ضربة خفيفة ماشي شيحاجة تستاهل نرتاح عليها لينا : واخا لي عجبك ختار فين بغيتي نمشيو _ غادي نمشيو لواحد الريسطو رومانسي نتعشاو عشا رومانسي _ كتبت سميتو في Gps وقصدناه دركت وجهي درت كشكول وطكية ونظاظر كحلين كنبان بحال دوك الحماق واخا مستيلي في حوايجي ماعلينا دخلنا شادين ايدين بعضياتنا ريسطو زوين وإضائة قليلة داكشي رومانسي وجد لينا واحد السرباي الطابلة وعطانا الموني ختارينا باش نتعشاو وبدينا مجمعين . كنحس براسي غادي نطير بالفرحة الحلم ديالي ولا حقيقة كنحس براسي أكبر محظوظ في هاذ العالم حيث ربي لقاني بيك لينا : واش كتبغيني لهاذ الدرجة _ كنبغيك لواحد الدرجة مكتصورش ومنقدرش نوصفها احبيبيتي لينا : أنا لي محظوظة حيث ربي لقاني بيك _ جاب لينا السرباي الطلبات ديولنا و بدينا كنتعشاو وكنعبرو لبعضياتنا تا وصلات 23:00 وشدينا الطريق لوطيل وصلنا سلمت عليها وطلعت لشومبر مسخيتش بيها مكرهتش كون تكون معايا في كل لحظة وإنشاء الله غادي يجي هاذ النهار ماعلينا دخلت لشومبر ديالي بدلت حوايجي وشديت بلاصتي وحليت الفيسبوك وبديت كنقرا في واحد القصة ديال سكفاندري بيما بدا يديني النعاس قريت شوية حتا بديت كنكمع و حطيت التيليفون باش نعس وأنا نسمع الدقان أو شكون غادي يكون كيدق في هاذ الوقت حليت الباب تصدمت لقيتها لينا جاية وجايية واحد الصاك صغير. حبيبتي ياك لباس لينا : مجانيش النعاس ومسخيتش بيك بغيت نبقا معاك _ دخلات وسديت الباب ومشيت لبلاصتي وهي قصدات الدوش بدلات حوايجها ولبسات واحد البيجامة مزيرة بقيت ساهي حتا ريوݣي خرجو الزين ولطاي بنت متكاملة من جميع النواحي أي واحد يتمناها بقيت ساهي وهي تنغزني لينا : فين فقلتي الجن _ كنشوف في الزين لي عطاني سيدي ربي لينا : كح كح حشمتيني _ جات كلسات حدايا وأنا نتكا على فخاضها وبدات كتلعب ليا بشعري لينا : شكون قال نطيح في واحد من دولة أخرى وصغر مني في السن _ العمر وداكشي لاخر مكيهمش لي كيهم هو حب الشخص و معاملتو أحبيبتي وزايدون نتي مزال تاشفتيني عاد طحتي فيا وأنا لي غير من الفيلم ديالك طحت فيك أو وليت كنحلم بيك و كنتخيلك معايا . عاودت ليها على البلان كامل من أول لحظة تفرجت في الفيلم ديالها لينا : الله يخليك ليا دابا عاود ليا على زواجك وكيفاش تامبقيتيش كتبغيها وعلاش هاذ الخوف من مراتك كامل _ غادي نعاود ليك ولكن واعديني أنك متخافيش وتخليني لينا : مستحيل ماغدي تفرقني عليك غير الموت _ صافي واخا غادي نعاود ليك كولشي بدا فاش طلعت ليسي أول عام ... بديت كنعاود ليها من نهار ضربني فريد وشنو دارت ليا وكيفاش حتا بدات كتعاوني وكيفاش حتا وليت كنبغيها وكيفاش عرضت عليها الزواج عاودت ليها كولشي من أ إلى ي شتي علاش كنتخبا دابا غير حيث كنخاف عليك لينا : باز ليك أحبيبي عايش مع هاذ الحمقة المجرمة واش ماكينش القانون في البلاد _ بفلوسها تقدر تشري كولشي وزايدون رجالها محتارفين مكيخليو حتا دليل من وراهم ياك غادي تبقاي معايا واخا ماشي ساهل نكونو مع بعضنا لينا : أكيد أحبيبي غادي نبقا معاك ونتقاتل معاك ونحاربوها باش حبنا هو لي ربح في الأخير أو واخا نموت معاك _ أنا غير سمعت هاذ الهدرة تحمست وبستها في مفها والموشكيلة غير بستها الصهد طلع من الطرفين وبدينا من المرحلة لولة لثانية قضينا الغراض وكانت مزال بنت يعني حتا واحد ماقسها من قبل فرحت بزاف من بعد دخلنا دوشنا ورجعنا لناموسية وبقيت معنقها . كنتما نبقاو ديما هكذا ونكونو في دار وحدة لينا : تا أنا مكرهتش وعنداك تخلا عليا راني وثقت فيك وسلمتك راسي لينا : كيفاش بغيتيني نتخلا على روحي راكي وليتي جزء مني أو واخا معرفتش شنو مستحيل نخليك وباش نطمأنك كثر غادي نخطبك هاذ الأسبوع شنو بان ليك فين كاينين والديك لينا : فرحتيني بزاف . واليديا مستقرين في مصر _ ايوا صافي ماحد ماتبعني والو نمشي نهدر معاهم من هنا 3 يام وندي معايا حتا الأم ديالي ونخطبوك لينا : واخا أحبيبي كنبغيك _ حتا أنا يله طفي الضو 3 هاذي داز الحال لينا : دغيا كيدوز معاك الوقت وأهم حاجة كيدوز زوين _ وايه يله تصبحي على خير وبستها في جبهتها وتكيت وبقيت كنشوف فيها وكتشوف فيا وبقيت كنتأمل في وجها حتا نعسات ملاك بصفة إنسان أية في الجمال واحد الوقت ماحسيت براسي حتا داني النعاس وبديت كنحلم بيلا كنعوم أنا ولينا في البحر والجو صافي وشادين في ايدين بعضياتنا حتا خرجات أسيل من تحت الما وهازة واحد السيف ضربات لينا لراس حتا تقطع ليها راسها وداك البحر ولا كولو دم وغادي ونسبة العلو ديال الدم كيطلع وأنا كنغرق وكنغوت وسما ولات حمرا وأسيل كضحك حتا غرقت وأنا نفيق كنغوت وهي تفيق حتا لينا لينا : بسم الله عليك أحبيبي غير حلمة خايبة متخافش _ فاش شفتها حدايا فرحت بزاف وعنقتها وبديت كنبوس فيها اوف الحمد الله حلمت حلمة خايبة لينا : الحلمة كتعلق بيا _ نساي كيقولو ممزيانش تعاود الحلمة الخيبة يله رجعي تنعسي وسمحي ليا حيث فيقتك . يله بغيت نرجع نعس تاكنسمع الأذان ديال الفجر وقلبي تزير عليا وتخلعت حيث كاع الاحلام لي كنحلم قبل الفجر كيتحققو . قلت نوض نتوضا ونصلي حيث شحال ماصليت هملت صلاتي . مشيت توضيت وصليت فاش كملت بديت كندعي ربي باش يحفظ ليا لينا وعائلتي من ديك لفعة من بعد رجعت نعست وماحسيت براسي تابدات تفيق فيا لينا مع 12 وكتبوس فيا شعور زوين تفيق على صوت الأنسان لي كتبغي وبوساتو 🤣🤣 لينا : حبيبي فيق داز الوقت راه 12 هاذي تعطلنا في النعاس وأخيرا حليتي عينيك النور حبيبي _ صباح الورد عمري . وراه مقدرتش نوض حيث سهرنا بزاف . مشيت قضيت حاجتي وغسلت سناني وبدلت حوايجي وهبطنا فطرنا وبدينا كنهدرو . لينا تمشي معايا القنصلية باش نشوف البلان ديال التسافيرة لينا : ضروري نمشي معاك احبي - فطرنا وبدلنا حوايجينا وتمينا خارجين ( فينما نقول ليكم خارج مع لينا عرفوني مدركݣ وجهي ولا متنكر ) ماعلينا قصدت القنصلية دخلت دويت مع خونا لي مكلف عاودت ليه بيلا بغيت نمشي لمصر بعد غدا أنا الواليدة وخاصنا الباسبور قال ليا شنو خاصني نجيب ودورت معاه تدويرة صحيحة وشكرتو وتميت خارج وأول حاجة درت هي تاصلت بالواليدة وقلت ليها تجيب الوراق لي محتاجين ليهم وتجي لمراكش غدا مع الصباح ومتقول لحتا واحد فين غادية أو علاش وفاش تقرب توصل تاصل بيا قطعت ورجعنا لوطيل ريحنا كنتغداو شوية لقيت لينا ساهية وكتشوف فيا . أمالكي لينا : كنشوف كيفاش طورات هاذ العلاقة بزربة كنحس براسي فرحانة _ حتا أنا ممصدقش والله الموهيم إيمتا غادي تسافري نتي لمصر لينا : بيما انك جاي بعد غدا فراه خاصني نمشي غدا باش نوجد وراني دويت مع الأب ديالي قبيلة فاش كنتي داوي مع مك وقلت ليه الموضوع وفرح _ بقينا كنهدرو تا وصلات 4 قلت ليها خاص نمشي نضرب دورة في لونطريمة وندفع ليهم الشهادة الطبية سلمت عليها وطلعت الشومبر هزيت الورقة وقصدت التيران سلمت عليهم وبداو عليا علاش مجايش لابس وعاودت ليهم البلان لي وقع ومديت ليهم الشهادة الطبية وبقيت كنتفرج تال 19:00 وتميت غادي تاصلت بلينا قلت ليها توجد راسها غادي نمشيو نسهرو في واحد البواط ومتعطلش وقطعت وقصدت لوطيل غير وصلت صونيت ليها وهي تخرج قصدنا البواط زهينا تما بقينا عاطينها غير لشطيح تا وصلات 00:00 وقصدنا لوطيل غير دخلنا وهي تعنقني وقالت ليا لينا : حبي غادي غير نجيب حوايجي ونجي نبات معاك تاني _ وداكشي لي دارت جات عندي نعست أنا وياها ودوشنا وريحنا كنهدرو لينا : حبيبي نسيت ماقلت ليك قطعت البيي ديال الطيارة غدا مع 11 ديال النهار غادي نمشي _ غادي نتوحشك بزاف والله لينا : حتا انا ولكن غادي نصبرو 24 الساعة ومن بعد غادي نكون أنا وياك ديما وحاجة اخرى راني قطعت ليك 2 بلايص نتا وماماك لبعد غدا _ صافي حبي بقينا كنهدرو حتا دانا النعاس الغد ليه فقنا مع 8 على صوت التيلفون بدلنا حوايجنا وهبطنا فطرنا ومن بعد مشينا لشومبر ديال لينا وبقات كتجمع حوايجها وكنهدرو تال 10:20 وخرجنا وصلتها وبقينا كنتسناو في المطار بيما وصلت وقت طيارتها ودغيا داز الوقت فاش بغات تمشي بقينا معانقين شحال عاد مشات مسخيناش ببعضياتنا وخرجت كاعي من المطار وكنحس بواحد الشعور في شكل قلبي مشا معاها ماعلينا شديت الطريق لوطيل غير قربت نوصل وهي تاصل بيا الواليدة قالت ليا واحد 10 الدقايق نكون في المحطة اجي ليا شديت الطريق لمحطة وصلت لقيتها وصلات وكتسناني مشيت كنجري عنقتها وهزيت صاكها وقصدت القنصلية قضاو ليا الغراض وبدات كتسول علاش هادشي وكنقول ليها تال من بعد ونعاود ليك ومشينا لوطيل شديت ليها الغرفة لي كانت فيها لينا وريحنا كنتغداو وهي تسولني علاش هاذشي وعاودت ليها البلان كامل من الزيرو خليتها مصدومة الواليدة : متافقة معاك في كولشي ولكن واش مراتك غادي تخليك دير هاذشي واش نتا حمق _ بزز منها غادي ناخد لينا ماعلينا بقينا داويين وهكذا داز النهار كامل ممل مع حسيت بفراغ كبير حيث بعيدة عليا حبيبتي واخا دويت معاها ابيل قبل مانعس اه نسيت ماقلت ليكم مشيت شريت أنا والأم ديالي خواتم الخطوبة ماعلينا من بعد مانعسنا فقت أنا والواليدة مع 9 هبطنا فطرنا ودرت مع فريد يوصلنا لمطار وفي الطريق عاودت ليه البلان كامل وتا من الواليدة تصدمات حيث فريد ولا معايا من بعد ماوصنا المطار صونيت لينا علمتها و تسنينا تال 11 وطلعنا الطيارة من بعد 6 السوايع وصلنا لقينا لينا كتسنانا هي وباها رحبو بينا وطلعنا الطومبيل وبدينا كنهدرو وهي تقول ليا الواليدة في ودني الواليدة : هاذ البنت زوينة على ديك لفعة وكدخل الخاطر ماشي بحال أسيل نهار لول ماحملتها هاذي باينة درويشة _ وايه بزاف الواليدة بقينا كنهدرو تا وصلنا لفيلا ديالهم ورحبو بينا أحسن ترحيب ناش درواش وعارضين على العائلة تعرفنا عليهم وعلى التقافة المصرية وحتا الماكلة المصرية وبصراحة ماكين ماحسن من الاكل المغربي في الخطوبة تفاهمنا على كولشي الصداق والعرس قررنا غادي يكون من هنا 2 سيمانات في المغرب وافقو لبسنا الخواتم لبعضياتنا وتصورنا داز كولشي بيخير وعلى خير بتنا عندهم ديك ليلة والغد ليه شدينا الطريق للمغرب مع 13:00 ملي وصلنا صونيت لفريد يدينا لوطيل غير جا مشينا لوطيل خلت كاع داكشي لي عليا وشديت الطريق أنا الواليدة لأسفي ولكن كيف وصلنا قلت ليها تصبقني باش منعيقوش وأنا مشيت لدار تال 23:00 ديال ليل شافتني أسيل تصدمات أسيل : حبيبي مزيان ملي جيتي توحشتك علاش جيتي دغيا _ تا أنا توحشتك و عاودت ليها البلان كامل ديال الضربة وقلت ليها كنت بوحدي وكتبان ليا حقدات مكرهاتش تعرفهم باش تقتلهم . من بعد ماقتانعات قلت ليها غادي نعس ولكن قبل مانعس تاصلت بلينا عاد نعست والغد ليه فقنا عادي فطرنا عادي شوية طلعت لشومبر ديالي أنا الواليدة وكنضحكو الواليدة : الله يفك سراحك أولدي من هاذ لفعة ويلاقيك بديك بنت الناس ديال لينا _ ماجات فين تكملها حتا ردخات علينا أسيل الباب وهازة التيليفون في ايدها أسيل : مبروك عليك الخطوبة أسي يوسف ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM