انتقام عشاق الجزء 39 🔥🔥🔥 ( التتمة من بعد 300 لايك و 200 برطاج . طايكو صحابكم يعاونوكم عليها بغينا نرجعو ليامات العز ♥️ ) هزيت الرونج روفر ديالي وشديت الطريق يله خرجت من اسفي وهي توقف ليا واحد الطومبيل قدامي ضطريت نوقف حيث ماعندي كيف ندير نروغ عليها بقيت كنشوف في الطومبيل لي قدامي زاج فيمي مكتبينش قلت مع راسي غادي يكون غير الوحش ورجالو ولكن كنت غالط هبط واحد خونا داير واحد كاݣول والقب وتما جاي قصدني غير وصل هبطت الزاج فريد: سيدي يوسف هاذا أنا فريد _واش نتا مريض موقفني بديك الطريقة شنو بغيتي وعلاش مدرك راسك فريد : سمح ليا أسيدي ولكن كان خاصني ضروري نوقفك باش نبهك باش متلقاش بالعشيقة ديالك قبل مانتأكد بيلا شيواحد اخر من غيري لي مراقبك حيث المدام تقدر تكون كلفات شي وحدين اخرين من غيري باش يراقبوك الموهيم رد بالك _ شكرا ولكن كيفاش عرفتي بيلا غادي نتلقا بختنا فريد : سمعتك كدوي في التيليفون اسيدي _ كتسنط عليا أفريد ولا شنو فريد : لا حاشا أسيدي بلا مانقصد ولكن مزيان ملي سمعتك حيث كون ما أنا كون عرفات المدام بلانك حيث كيما كتعرف الجردة فيها كاميرات عالية الجودة وحتا من الصوت كيتسمع مزيان يعني المكالمة ديالك غادي تكون مسموعة في الفيديو وأنا دخلت دغيا محيث اللحظة لي كنتي كدوي فيها _ ناري على بلان بالفرحة نسيت راسي شكرا فريد الموهيم راقب ليا الوضع قبل مانمشي المطار وتاصل بيا فريد : كون هاني أسيدي _ يله حيد الطومبيل من الطريق باش نمشيو . غير راغ كملت طريقي لمراكش وصلت مع 20:00 قصدت نيشان لطويل لي كنا فيه مع المنتخب رزيرفيت فيه شومبر 4 يام وريحت فيها بيما قرب الوقت لي قالت ليا لينا خرجت من لوطيل هو يوقف عليا فريد فريد : كيما كنت متوقع المدام مسيفطا 2 رجال اخرين مي ماضربش ليهم حساب كنعرفهم مزيان وراهم معانا يعني يمكن ليك تخرج كيما بغيتي _ صافي شكرا . وازهر عندي شديت الطريق لمطار وبقيت كنتسنا قدام المطار بالطومبيل مابغيتش ندخل لايعود مصورنا شيواحد بقيت كنتسنا تا وصلات 22:00 ولكن مخرجاتش تخلعت قلت هاذي محال جات ولكن قلت يمكن كتسناني لداخل وداكشي لي كان نيت شوية صونات ليا من تيليفون واحد السيد لينا : دجو فينك غادي تلقا ليا في المطار _ غير خرجي من المطار غادي تلقاي واحد الرونج كحلة قصديها . شوية وهي تبان ليا خارجة الملاك ديالي حسيت براسي غادي نطير بالفرحة سهيت و بقيت حاضيها وكنبتاسم تا بدات كدق عليا هبطت الزاج لينا : ماقدرش دخل تسناني زعما لداخل ولا حتا تعاوني في هاذ الحوايج لي جايبة اوف تقال هبط عاوني لينا : ومالكي جايبة هاذشي كامل ناوية تستقري في المغرب ولا شنو خشيهم في الكوفر وطلعي أنا مانقدرش نهبط لينا: كون شوية رومانسي شوية النم تخليني أنا نهز هاذشي _ لينا حبي مكرهتش ولكن عندي سبب مقنع يخليني مانهبطش يله دخلي داكشي وطلعي دغيا ونعاود ليك البلان . خشات البليزة ديالها وصاكها وطلعات حدايا تلاحت عليا عنقاتني وبقينا معانقين دقيقة . توحشتك بزاف ألينا كنت خايف لا منشوفكش مرة أخرى ليا : تا أنا توحشتك وفراسك ماقدرتش نخرجك من بالي حاولت نساك ولكن الغالب الله ماقدرتش وكل مرة كنحاول نتاصل بيك وكنمنع راسي ولكن ليوم ماقدرتش وكان خاصني ضروري نهدر معاك ونشوفك _ أنا كان غادي يخرج ليا العقل ألينا ولي ضرني في خاطري هو مشيتي بلا منعاود ليك البلان ديالي لينا : سمح ليا ولكن أحبيبي أي وحدة بلاصتي دير هكاك حيث كدبتي عليا وأنا في ديك لحظة عقلي حبس من التفكير الموهيم بغيتك تعاود ليا كولشي _ واخا ولكن ماشي ليوم خاصك ترتاحي الموهيم فين بغيتي نمشيو لينا : قصد لوطيل بعدا نحط حوايجي من بعد نخرجو _ داكشي لي درنا مشينا لوطيل حطيتها نزلات بوحدها وبقيت كنتسنا برا حطات حوايجها وخرجات هي ديجا حاجزة سوبر غير من التيليفون . من بعد ماخرجات سولتها فين نمشيو قالت ليا المطعم لي كنريحو فيه وحنا غاديين في الطريق ( كنضن كتسولو كيفاش كندور في مراكش وأنا معارفش الطرقان الله يخلف على Gps )ماعلينا وحنا قاصدين المطعم كيبان لينا واحد السيرك ديال الألعاب لينا : وقف هنا بغيت لعب هنا _ واش من نيتك باغة تلعبي راكي كبرتي . وهي دير ليا واحد التغوبيشة ديال الدراري الصغار لينا : أنا مزال صغيرة بغيت لعب _ صافي واخا بقاي غير على خاطرك بلاصيت الطومبيل ودرت واحد القب واخا مامدرك والو نزلت بديت كنفكر وهي تشد ليا لينا في ايدي لينا : مالك إلى ممرتاحش بلاش _ لا ولكن نخاف يصورنا شيواحد وتشوفني مراتي لينا : علاش خايف منها لهاذ الدرجة _ من بعد نعاود ليك دابا ماشي وقتها حيث قصة طويلة لينا : متخاف والو أصلا السيرك خاوي _ تمينا غادين وشادين في ايدين بعضياتنا فرحان وفنفس الوقت خايف شوية وهوما يوقفو علينا واحد 2 عرفوني بيلا أنا يوسف جاو عندي بغاو يتصور معايا درت ليهم خاطرهم وتصورت معاهم وواحد فيهم لابس كاشكول وطاكية داير نضاضر كحلين فوق راسو قلت ليه واش ممكن تعطيهم ليا قال ليا بكل سرور حيدهم ومدهم ليا لبستهم وقبل مايمشي جبدت ليه 1000 درهم في لول مابغا كاع يشدها حتا حكرت عليه حيث قال ليا صورة معاك هي خلاصي من بعد ماشدها كملنا طريقنا أنا وياها لينا : مكرفس الحبيب ديالي متشوقة نعرف قصتك وسباب هاذ الغموض _ دابا تعرفي .وكملنا طريقنا دخلنا لسيرك . حبيبتي شنو بغيتي تلعبي لينا : كلشي ولكن نبداو بالطومبيلات _ طلعنا الطومبيلات لعبنا أنا وياها كل واحد فينا في وحدة من بعد ماسالينا مشينا لهاذيك العطلة لي كدور في السما جابت ليا الدوخة وهي فرحانة من بعد مانزلنا مشينا لديك لعبة ديال الدراري الصغار لي كتركب في عود ولا طومبيل وكتبدا دور طلعنا فوق واحد 2 عودان وبدينا كنلعبو وهي كضحك وفرحانة بزاف وأنا غير مقابلها و كتبان ليا بريئة بحال شي درية صغيورة بتصرفاتها زدت عشقتها . من بعد ما هبطنا عنقاتني لينا : دجو شكرا ليك بزاف حيث خليتيني نعيش السعادة لي كنت محرومة منها شكرا بزاف في مصر كان ديما خاصني نبان ديك الممثلة لي بعقلها لي مخصهاش دير ودير ومخصهاش تمشي لبحال هاذ البلايص وكانو ديما الحواجز ولكن معاك تكسرات هاذ الحواجز شكرا بزاف على هاذ الأوقات _ متحتاجيش تشكريني حيث تا أنا فاش كنكون معاك كنحس براسي غادي نطير بالفرحة بستها في جبهتها عمري نتخلا عليك وديما غادي نخليك فرحانة هكذا وعد مني وقصدنا واحد مول الݣلية شريناها وقصدنا الطومبيل كليناها ومشينا لداك المطعم عيات معايا باش نعاود ليها بلان مراتي ولكن رفضت قلت ليها تال من بعد كلينا وقصدنا لوطيل دخلنا عنقتها وكل واحد قصد الشومبر ديالو دخلت قاديت بلاصتي يله بغيت نعس وهي تصوني لينا : حبيبي ماسخيتش بيك خليك معايا شوية _ بقينا مجمعين في التيليفون لمدة ساعة مانعسنا تال 2 الغد ليه فقت على اتصال ديال الرئيس ديال الفريق سولني فين كاين وبيلا كيتسناوني . علمتو بيلا صبقتهم ودار معايا 5 كاينة حصة تدريبية في ملحق مراكش الكبير من بعد ماقطعت تاصلت بلينا لقيتها مزال ناعسة فيقتها ودرت معاها من بعد 15 دقيقة نهبطو نفطرو بدلت حوايجي وتميت خارج من الشومبر وأنا نتفكر بيلا خاصني ثاني نغطي كمارتي تفو شنو قربني لشي كورة الله ينعل بو الشهرة ولا الكورة هو يقول ليا العقل الباطيني كون ما هاذ الكورة كاع ما تكون معاها دابا . تنكرت وهبطت لمطعم لقيتها مريحة كتعزل فطورها من البيفي سلمت عليها وعزلت فطروري وريحنا كنهدرو . صبحتي خامرة لينا : لبارح مبغاش يديني النعاس بقيت كنفكر فيك يوسف وليت كنبغيك بزاف حتا أنا بزاف _ فرحتيني بزاف بكلامك اخيرا الحلم ديالي تحقق البنت لي كنبغي ولات تبغيني لينا : بغيتك تعاود ليا كيفاش حتا بغيتيني بغيت نعرف كولشي عاود ليا _ خلي تال من بعد ونعاود ليك قولي ليا نتي شنو درتي مع داك أحمد لينا : فضيت معاه كولشي الله يعاونو واخا هددني باش يخسر ليا المسار الفني ديالي قلت ليه الي في جهدك جريه حيث مبقاش كيهمني سعادتي هي لولة وأنا سعادتي كلقاها معاك _ يخليك ليا (الحيبة ديالي كنبغيك ) ولكن علاش كيدير هكذا واش كيبغيك لينا : يله نخرجو حدا البيسين ونعاود ليك ( من بعد ماخرجنا بدات تعاود ليا ) اه كيبغيني وأنا رفضاه وهو كيحاول بكاع الطرق نولي ليه وأنا كنبعد عليه _ ولكن علاش تزوجتو أصلا وعلاش هاذ العقد لينا : على ود اخر فيلم وكنت باغية نمتل فيه حيث القصة ديالو واعرة وكان احمد كيوهمني بيلا داك المخرج مكبوت وبيلا عزيز عليه يضغط على الممثلات وقال ليا عرف عليه كولشي حيث كان صاحبو وبدا عليا راكي عجبتيه وبيلا باغيك ليه ودرت بكلامو وتيقتو وقال ليا الحل الوحيد باش نتجنبو هو نتزوج بيه زواج المصلحة وقبلت من بعد عاد عرفت بيلا غير لعبة أحمد وتخصمنا مي تصلحنا وهاذي هي قصتي ونتا ماغديش نعاود ليا _ تال من بعد بقينا داوين تال 14:00 مشينا تغدينا لينا : حبيبي شنو بان ليك نخرجو دابا _ ماكرهتش ولكن تبعاني لونطريمة نسيت ماقلت ليك بيلا فرقتي عندها معسكر تدريبي هنا ملي نجي نخرجو . بقينا داوين حتا وصل الوقت ولبست حوايجي وهزيت صاكي وقصدت طوموبيلتي شديت الطريق لتيران وصلت مع 16:00 لقيت دراري صحابي داخلين لتيران دخلت سلمت عليهم ولبست كوداستي وبدينا لونطريمة ماسلينا تال 19:00 دار معايا المدرب غدا في نفس ودعتهم ومشيت لوطيل دخلت لشومبر صونيت لينا قلت توجد راسها من هنا نصف ساعة توجد راسها باش نخرجو قطعت ودخلت دوشت ولبست وخرجت بديت كنتسناها برا وهي تعطل عاودت صونيت لينا : صبر 5 دقايق احبي هاني جاية _ تسنيت شوية وهي تبان ليا خارجة لابسة واحد ميني بوط وسروال مكروز كتبان زوينة ولكن معجبنيش البلان طلعات وهي تقول ليا كيف جيتك . مجبتينيش أخر مرة تلبسي هكذا لينا : علاش عادي _ لا معاديش اخر مرة تلبسي هكذا حيث أنا كنغير سمعتيني لينا : واخا صافي غير متقلقش فين غادي نمشيو _ واحد لبار نسهرو فيه كسيريت قاصد لبار واحد الوقت وصلنا لواحد الطريق مضلمة يمكن تقطع الضو تما وأنا نضرب الفار وهوما يبانو ليا واحد 2 واقفين على واحد ختنا بواحد 17 لينا : شوف أحبيبي بغاو يشفروها _ خاص نهبط نعاونها لينا : لا عفاك غادي يأديوك متنزلش أحبيبي _ وكون غير سمعت ليها ووقفت الطومبيل ونزلت بالخف مشيت كنجري لعندهم ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM