انتقام عشاق الجزء 38 🔥🔥🔥 ( التتمة من بعد 300 لايك و 200 برطاج . طايكو صحابكم يعاونوكم عليها بغينا نرجعو ليامات العز ♥️ ) وتميت راجع ولكن فاش رجعت كيبان ليا وجهها صفر ريحت وهي تقول ليا لينا : تعطلتي لقيتي مراتك يله قطعات أسي يوسف _ تناكت ناري شنو درت خليت تيليفوني حداها وكاتب على نمرة أسيل مراتي لينا بلاتي نشرح ليك لينا : ماعندك ماتشرح ليا غادي نسولك سؤال واحد وجاوبني بصراحة . نتا مزوج _ بقيت ساكت وحاذر عيني ومقدرتش ندوي وهي تنوض لينا : دار فيها ربي خير فاش بين ليا حقيقتك قبل مانبداو هاذ العلاقة . الي بقا فيا هو كنت غادي نخلي كلشي على ودك ولكن ماصدقتيش دوماج _ تمات خارجة ودموعها بداو كيسيلو وأنا تابعها وكنحاول نشدها وهي كدفعني لينا : بعد مني صافي _ لينا عفاك سمحي لي كنت مضطر نخبي عليك حيث عارفك غادي ترفضيني وأنا مزوج وزايدون زواجي مع مراتي أسيل مابقا ليه تامعنا باقي جمعينا غير الوراق لينا أنا بغيت نكون معاك حيث كنبغيك بزاف عفاك خليني نعاود ليك . مبغاتش تسمع ليا شدات تاكسي ومشات وخلاتني مدمر نفسيا كان قدامي غير واحد البوطو قدامي بقيت كنضرب فيه وكنقول علاش علاش فاش بديت كنبرد لقيت إيديا كاملين دم شديت تاكسي وقصدت لوطيل دخلت لشومبر وهزيت تيليفوني كنصوني تيليفونها طافي ريحت وبيدت كنفكر فيها و كندمع بحال شي درية الحب ومايدير بقيت على ديك الحالة حتا جاو الدراري سمعتهم غاديين لغرف ديالهم وأنا نخرج نطل تلاقيت بمصطفى جاي هو يقصدني دخلت أنا وياه لشومبر وريحنا مصطفى : مابغيتش نسولك فين كنتي وعلاش مشيتي من الحفلة حيث بنتي ليا كاعي الموهيم لي بغيت نقول ليك هو غدا مع 8 غادي نقصدو أسفي باش تسيني مع أولمبيك أسفي واخا كيبان ليا هاذ القرار لي خديتي ماشي هو هذاك _ خويا حبي لمدينتي كبير بغيت نلعب تما شوية عاد نفكر في الاحتراف الموهيم غادي تلقاني واجد مصطفى : الموهيم من هنا ساعة هبط لمطعم غادي نتجمعو تما باش نودعو بعضياتنا _ واخا . سلمت عليه وخرج وشعلت التيليفيزيون بديت كنشوف في واحد الفيلم تا بدا كيصوني تيليفوني كيصوني فرحت وقلبي بدا كيضرب ضنيتها لينا فاش هزيتو لقيتها أسيل . ألو شنو بغيتي أسيل : مالك أحبيبي كتغوت شنو بيك _ والو الموهيم دابا مرشقاش ليا غدا غادي نجي ونهدرو يله نخليك وقطعت عليها وبديت كنتاصل بلينا ولكن تيليفونها طافي حطيت التيلفون ورجعت كنتفرج بيما وصل الوقت هبطت لقيت الدراري مجموعين تعشينا وتوادعنا وكل واحد رجع لشومبر ديالو قاديت بلاصتي ودرت اخر محاولة تاصلت بلينا وأنا نلقا تليفونها كيصوني وهي تقطع عاودت صونيت 3 المرات وهي كتقطع المرة 4 بديت كنغوت غير بوحدي جاوبي جاوبي وهي تشدني بوات فوكال وتعصبت وأنا نضرب التيليفون مع الحيط وأنا نسمع الدقان حليت الباب لقيتو مصطفى مصطفى : مالك أصحبي سمعتك كتغوت _ ونتا مالك سير بحالك خليني بوحدي وسديت الباب بجهد وهزيت التيليفون واخا تقشقش وتكيت بلاصتي حتا بردت و مبغاش يديني النعاس أولا على بلان لينا وثانيا مكانش عليا نغوت على مصطفى لي كان هو السند ديالي من نهار عرفتو وقررت نمشي نطلب منو السماحة دقيت عليه فيقتو من النعاس مصطفى : شنو داكشي مفيقيني من نعاس _ سمح ليا أخويا الزين كنت كاعي داكشي علاش غوت عليك سمح ليا بزاف مصطفى : ماشي موشكيل أنا عادرك يله سير تنعس راه غدا فايقين بكري _ شكرا خويا الموهيم فيقني معاك تيليفوني تهرس يله تصبح على خير . ورجعت لبيتي تكيت وماعقلت على راسي حتا كنسمع الدقان مصطفى : فيق خلاص راه 7.30 هاني لتحت كنفطر _ واخا هاني غادي نتبعك نضت قضيت حاجتي وغسلت وبدلت حوايجي ولحقت عليه فطرنا وطلعت لشومبر هزيت حوايجي وشدينا الطريق لأسفي مع 8 وصلنا مع ديك 11 قصدنا نيشان ملعب المسيرة تما فين غادي نسيني دارو ليا إستقبال واعر دخلت سينيت عامين بي 500 مليون وتصورت ودارو معايا الوقت لي نبدا التداريب وسلمت عليهم وخرجنا أنا ومصطفى داني تال فيلا توادعت معاه ومشا وأنا دخلت لفيلا لقيت أسيل في الدخلة جات عنقاتني وكرشها تنفخات تقلات مزيان . بست ليها كرشها إيمتا غادي نشوف ولدي أسيل : قريب أحبيبي يجي وينور حياتنا _ إنشاء الله الخيبة ( تحية لخيبة 🙄) الواليدة : على السلامة أوليدي توحشتك _ حتا أنا الواليدة توحشتك فين ريان و كريم الواليدة : خرجو الصباح يلعبو كورة أولدي زيد تريح تفطر كوراه فيك الجوع _ ايه نيت جاني الجوع . أسيل سيفطي ليا شيواحد من الخدامة يجيب ليا تيليفون ديالي طاح وتهرس أسيل : ايه واخا حبيبي كون غير على خاطرك _ بقينا مريحين حتا بدات كدق الخدامة حليت ليها الخدامة : هاك أسيدي داكشي لي وصيتي عليه و _مدات ليا واحد البلاستيكة وسط منها كارطونة التيليفون جبدتو درت لكارط وأول حاجة درتها هي خرجت لمراح بديت كنتاصل بلينا ووالو البوات فوكال يمكن غير كنعدب راسي السيدة رجعات لمصر تفو كون غير شديت نمرة سناء ديك الساعة تفو مكنفكرش من بعد ماحاولت مع لينا تاصلت بي امين ودرت معاه نتلقاو مع ديك 7 في نفس القهوة ديالنا وريحت كنتفرج حتا وجد الغدا تغديت ومشيت نعست شوية تال 6 درت كسكروط وبدلت حوايجي وخرجت أنا وريان وكريم وقصدنا القهوة لقينا أمين كيتسنا منعاودش ليكم مع وصلت بدا بنادم كيتجمعو عليا شي باغي يتصور شي كيشكر فيا حيث سينيت مع الأولمبيك من بعد ماساليت مع بنادم ريحت مع أمين ودراري وبديت كنعاود ليهم شنو وقع تما خليتهم مصدومين بقينا داوين تال ديك 10 عاد رجعنا لفيلا تعشينا ومشيت شديت بلاصتي جبدت عليها بنعسة وهكذا دازت 6 بالحساب بديت لونطريمة مع فرقتي نهار على نهار كنت كنتاصل بلينا وديما البوات فوكال ولكن النهار 7 كنت مريح في الجروب حتا تاصلت بيا نمرة غريبة وبرانية فاش جاوبت كنت غادي نطير بالفرحة حيث كان صوت لينا . ألو لينا حشومة عليك تخليني هكذا كنت غادي نتسطا عييت نتاصل ووالو مغبتيش عن بالي ولو لحظة لينا : دجو حاولت نساك ولكن مقدرتش تا نتا كنتي ديما في بالي ومقدرتش نخرج ديك ليلة وقربك ليا من بالي واقيلة تا أنا شدني المغناطيس ووليت كنبغيك الموهيم لي بغيت نقول ليك هو أني غادي نجي المراكش ليوم بليل على ودك وبغيت نشوفك _ عرفتي كنحس براسي بحال لا كنحلم واش داوية بصح لينا : اه على أنا كنضحك دابا ليوم مع 22:00 غادي نكون في المطار _ واخا حبي غادي تلقايني كنتسناك من بعد ماقطعات بديت كنجري وكنقز في الجردة بحال الحمق وأنا ندخل لبيتي وبديت كنفكر فشي سبة تخليني نمشي لمراكش بلا متخلي أسيل تسيفط شيواحد يراقبني فكرت بزاف ومالقيت والو ولكن مرضي الواليدين عمرو يخيب من زهري تاصل بيا رئيس النادي وقال عندنا معسكر تدريبي في مدينة مراكش غدا غادي نمشيو فاش سمعت هاذ الخبر كنت غادي نطير بالفرحة الخبار الزينة جات في نهار واحد وقررت نقولها لكاع مالين الدار فاش نتجمعو على الكسكروط وداكشي لي درت خليتهم مع ديك 17:00 . سمعوني عندي معسكر تدريبي مع فرقتي في مدينة مراكش سيمانة وخاصني نمشي ليوم أسيل : اوف يله جيتي وغادي تمشي تاني الواليدة : سير الله يفتح ليك كاع بيبان الخير _ أمين الواليدة .حبيبتي ماعندنا مانديرو غير سيمانة ونجي صبري أسيل : صافي واخا وإلى ولدت بغيتك تكون معايا راك عارف في أي لاحضة نقدر نولد _ إلى ولدتي نجي هاذا وعد وبستها فوق جبهتها ومشيت جمعت حوايجي وسلمت عليهم وتميت خارج أسيل : بلاتي نقول لفريد يوصلك تال مقر النادي _ لا بلاش غادي نمشي بطومبيلتي احبيبتي تال مراكش ماغديش نمشي مزاحم مع الدراري في كار أسيل : صافي واخا حبيبي لي بغيتي _ هزيت الونج روفر ديالي وشديت الطريق يله خرجت من اسفي وهي توقف ليا واحد الطومبيل قدامي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM