انتقام عشاق الجزء 37 🔥🔥🔥 ( التتمة من بعد 300 لايك و 200 برطاج . طايكو صحابكم يعاونوكم عليها بغينا نرجعو ليامات العز ♥️ ) معجبنيش الحال وكعيت وأنا نجمع الوقفة وتميت غادي خارج وأنا متحطم وسناء كتعيط ليا ومتسوقتش ليها عرفتو على شعور كنحس بيه في هاذ اللحظة كنحس بالعافية شاعلة ليا في قلبي ماغدي يحس بيا غير لي فايت دايز من هاذ المرحلة وكيشوف الإنسان لي كيبغي فرحان مع واحد أخر . بقيت غادي تاوصلت لباب حل ليا سيكريتي و خرجت وتميت غادي سارح مع واحد الطوالة ودموعي بغاو ينزلو وحابسهم غير بزز شتو الحب شحال صعيب وأنا غادي تابدات الشتا كتنقط هزيت عيني لسما وبديت كنتأمل في داك الجو الزوين حتا سهيت وبديت كنتفكر ديك لقطة فاش دخلت أنا ولينا وشادين في يد بعضياتنا وبدون مانحس بديت كنبتاسم مي غير تفكرت داك البلان لي مع أحمد وأنا نكعا تاني و هزيت إيدي لسما وقلت يارب السموات والأرض وما بينهما إلى كان في لينا الخير يسرها ليا وإلى مافيهاش الخير فجعل فيها الخير ويسرها ليا حيث كنبغيها متحرمنيش منها عفاك أسيدي ربي مع نزلت إيدي وتحركت باش نكمل طريقي حتا كنحس بواحد اليد تحطات ليا فوق كتفي تلفت بالعرض البطيئ وتما كانت الصدمة لينا تبعاتني شفتها وأنا نفرح مي مابغيتش نبين ليها . شنو كديري هنا 1 لينا : دجو علاش خرجتي وخليتي الحفل _ ماشي سوقك وزايدون معجبنيش داكشي دار ليا الملل الموهيم سيري رجعي بسلامة عليك يله تميت غادي وهي تشدني من إيدي لينا : من كلامك كتبان ليا مقلق ماشي الملل لي خلاك تخرج من الحفل كيبان ليا سبب أكبر _ ماكين والو سيري رجعي عند راجلك غادي يكون كيتسناك وزايدون شنو كديري مع واحد أخر ونتي مزوجة لينا : كنت متأكدة أنا الغيرة ديالك من أحمد هي السبب دجو غادي نشرح ليك كولشي وسمع ليا والله حتا طلقنا مابقيناش مزوجين هاذي شهرين ونعاودها ليك مرة أخرى كنا غير زواج مصلحة يعني مزوجين غير في الوراق وماكانت بيناتنا حتا حاجة _ مزيان ألالة وملي مطلقين علاش قلتي قبيلة كنشكر الزوج ديالي لينا : أنا مضطرة حيث مزال حتا واحد ماعرف بيلا مطلقين والنهار لي كنا بغينا نطلقو فرض عليا مقابل يسلمني واحد العمل فني باش مانعلنو على الطلاق ديالنا تادوز عام ودابا مزال 10 شهور يعني مانقدرش ندخل فشي علاقة حاليا في هاذ المدة حيث لاعرف أحمد غادي يدمر ليا المسيرة ديالي بالمعارف ديالو وهاذا هو سبب الرفض ديالي ليك إلى بغيتي نبقاو على اتصال تاتفوت هاذ المدة _ صافي واخا الموهيم سيري رجعي لح... ماجيت فين نكملها حتا بدات تمجهد الشتا . لينا يله نتخباو لينا: دجو عفاك خلينا نتمشاو في الشتا كتعجبني _ ولكن البرد عليك غادي تمرضي من الأفضل سيري رجعي لحفل لينا : صافي دوينا خلينا نتمشاو _ تا أنا درت فيها رومانسي وحيدت لافيست ولبستها ليها وشدات فيا وبدينا كنتمشاو ومعارفينش في غادين وكنهدرو وشتا كتصب على الجهد شوية وهي تقول ليا لينا : ماغديش تحيد هاذ الماسك راه بدا المكياج كيزول وهي تبدا ضحك فراسك فكرتيني في المقلب لي دار ليا رامز جلال _ نسيتو بلاتي وراني تفرجت في ديك الحلقة مت عليك بالضحك . مع حيدت داك الماسك ماعرفتش ليه ومع الماكياج كتير تلطخ ليا وجهي كولو وهي تبدا ضحك وبقيت كنشوف فيها عندها واحد الضحكة كتهبل شافتني كنشوف فيها وهي تحدر عينيها حشمات لينا : اوف عياني هاذ الطالون غادي نحيدو _ حيداتو وتمات غادية حفيانة . ( احم احم ياك ماكتسناوني نحيد صباطي ونعطيه ليها ) . من نيتك راكي غادي تمرضي وغادي توسخي رجليك واش كضني أوروبا هاذي راه غير المغرب لبسي طالونك لينا : غير خليني عييت مابقيتش قادرة نتمشا بيه _ صافي بقينا كنتمشاو لمدة 10 دقايق ولينا فرحانة كنحس بيها من تصرفاتها بحال ولات بحال شي درية صغيورة وهاذ دليل على انها فرحانة ماعلينا بقينا كنتمشاو حتا وصلنا لواحد الجردة كبيرة وفيها واحد النفورة بحال ديال مروكو مول الماء كيتحرك مع الموسيقى ومخدمين الأغنية ديال الشاب خالد نتي سبابي وسباب بلايا دخلنا ليها لينا : واو هاذ الأغنية عزيزة عليا دجو أجي نشطحو _ قربات ليا وشديت ليها في إيديها وبدينا كنشطحو في واحد الجو رومانسي واحد الشعور لي واعر بزاف ماغديش نقدر نوصفو ليكم واحد الوقت بدا كيسخن عليا راسي وجريتها عندي بجهد وحكمتها وقربت وجهي لوجها باش نبوسها وهي حشمات وغمضات عينها يله بغيت نبوسها وأنا نسمع واحد الفران ديال واحد الطومبيل فرنات حدا الجردة تلفت كتبان ليا الطومبيل ديال سناء تفو دعيتها الله خصرات لينا لقطة الرومانسية طلقت من لينا وكتبان ليا سناء نازلة من الطومبيل هي وأحمد وقاصدينا هو يجي أحمد جر لينا من ايديها وبدا كيغوت عليها أحمد : واش نتي حمقة غادية ومخلية الحفل بديك الطريقة ومن الفوق غادية كتسراي بوحدك وبهاذ لبس في هاذ الشتا وفي مدينة ماكتعرفي عليها والو ومع شخص ماكتعرفي عليه والو _ شوف الساط ماتغوتش عليها معلموكش داركم كيفاش دوي مع بنادم أحمد : نتا ماكندويش مع أيوسف دخل سوق راسك وزايدون كيفاش حتا تعارفتو وعلاش جاي لحفل بهاذ الطريقة _ هادشي ماشي سوقك دخل سوق راسك هادشي ماكيهمكش هو يقرب ليا وحط إيديو فوق كتفي أحمد : سمع حقدتيني عليك لبارح في الماتش وزدتي حقدتيني دابا كتر حيث تقربتي من لينا ودير في بالك بيلا أي حاجة كتعلق بلينا فراها كتهمني حيث هي مراتي ومن الأحسن بعد عليها وآخر مرة لقاك معاها _ هو يحيد لافيست ل لينا ولاحها ليا بواحد الطريقة مستفزة يله بغيت نمشي نضربو وهي تشدني سناء سناء : برد أيوسف ماكين لاش نوليو في المشاكيل أحمد : يله تهلا في راسك البطل يله أسناء _ جر لينا من إيديها بواحد الطريقة معجباتنيش هو جارها وهي كتشوف فيا هاذ خونا ضبر عليها معايا غير بلاتي كملت طريقي كنتمشا وأنا لاحظ واحد الطومبيل كدور جيهتي ملي خرجت من الحفل ومعطيتهاش اهتمام ولكن كنظن مرقباني وباش نتأكد خاصني شي بلان بقيت واقف وكنفكر فشي بلان تا بان ليا واحد الدرب صغير ومظلم متقدرش دوز منو الطومبيل دخلت معاه وتميت غادي كنتمشا بزربة تاوصلت لدورة وتخبيت وتأكدت بيلا الشك ديالي في محالو خونا بلاصا الطومبيل وكيبان ليا جاي كيجري مع قرب يدور لحت ليه رجلي وعكلتو وقجت عليه . عرفتو شكون لي تابعني ؟ أخر واحد في رجال أسيل لي كنت كنتوقعو يتكلف بهاذ المهمة كان فريد . علاش تابعني وشنو قلتي لأسيل الكلب فريد : طلقني أسي يوسف والله ماقلت شيحاحة المدام _ ومالك كتصحبني غادي نتيقك على نتا كتخبي شيحاجة عليها غير قول ليا شنو قلتي فريد : سي يوسف والله ماقلت شيحاجة _ وملي ماقلتي حتا حاجة لاش تابعني وشنو شتي فريد : أنا تابعك باش نحميك وفي نفس الوقت نوصل خبارك لمادم هاذشي باش مكلف ولكن ماوصلتش هاذشي لمدام حيث مابقيتش حاملها ولا نخدم معاها وراني مزال معاها غير حيث كتهددني وإلى بغيتي نقدر نعطيك الدليل شد تيليفوني وتاصل بيها وندوي معاها وسمع بودنيك _ وتا أنا ماشي من العاكزين درت بكلامو وتاصلت فريد : مدام سي يوسف راه بيخير واش تقدري تسيفطي واحد يخدم بلاصتي وتريحيني حيث عييت ليوم غادي نرجع أسيل : سمع أفريد خليك معاه وإياك تحرك من تما راك عارف إلى رجعتي شنو غادي يوقع لمرتك اولدك كنحدرك فريد : صافي واخا _ وأنا نقطع وطلقتو صدق هاذشي لي كيقول بصح ماكذبش عليا . فريد علاش وقع ليك هكذا فريد : مبقاتش عجباني الخدمة معاها وبالأخص تمارة معاها وزايدون خاطري مبقاتش عطياني نبقا مع وحدة مريضة نفسيا وقتالة . ديك السيمانة قلت ليه بغيت نريح مابقيتش بغيت نخدم معاها وفاش قلت ليها الاسباب ديولي وتخاصمت معاها هدداتني بقتل عائلتي وبعداتني عليها وكلفاتني بمراقبتك _ اه الموهيم حاليا تستر عليا باش نعاونك تا أنا ونتهناو منها بجوج الموهيم دابا وصلني لوطيل وحتا نشوف شي بلان نعاونك بيه . قصدنا الطومبيل وحطني في لوطيل وزاد بحالو دخلت قصدت الشومبر بدلت حوايجي وهبطت لمطعم لقيت مصطفى وخليل كياكلو مشيت لبيفي عمرت الطبسيل وريحت معاهم مصطفى : نتا غير كدور بحال الطرومبية أصحبي فين كتغبر _ غير شي مشاكيل وصافي الموهيم شنو درتي ليا في العروض مصطفى : كيما قلت ليك أحسن عرض جاك من برشولنة وتابعو واحد من سيتي _ مصطفى قبل مانفكر نحتارف بغيت نلعب في أولميك أسفي مصطفى : واش من نيتك داوي _ اه دير داكشي لي قلت ليك و عرضني عليهم ومكتهمش الفلوس وهاذا قرار نهائي مصطفى : صافي نشوفو الموهيم غدا الحفلة مع 4 _ صافي واخا كليت وسلمت عليهم وطلعت لشومبر قاديت بلاصتي وهزيت تيليفوني تاصلت بلينا ولكن تيليفونها طافي كعيت وتكيت بلاصتي وبديت كنفكر في لينا وداكشي لي دوزنا قبيلة تا داني النعاس . الغد ليه تافيقونا تاني لفطور فطرنا وبديت كنتسنا لينا تهبط ولكن مابانتش ليا لا هي ولا سناء وبقيت كنتسنا ووالو مبانتش وكنتاصل بيها وكتشدني بوات فوكال وليت بحال الحمق كنمشي ونجي بحال الحمق سولت ختنا لي في الاستقبال قالت ليا مشات من الاوطيل في الصباح بكري كعيت تاع بصح وريحت في بيتي تاوصل وقت الغدا كليت وطلعت لبيتي بدلت حوايجي وبقيت كنتسنا بيما وصل الوقت غير وصلات 3:30 تجمعنا وطلعنا الكار وقصدنا الحفلة دايرينها في واحد القاعة ديال الأعراس كبيرة ودايرين منصة صغيرة والحفلة عامرة بالناس الموهمين والمغنينين والكومديين ولكن جاني الملل حيث عقلي غير مع لينا وصلات ديك 18:00 قصينا يله غسلت ايدي وأنا نسمع تيليفوني كيصوني هزيتو لقيتها لينا فرحت بزاف وأنا نجوبها فين كنتي وعلاش سادة التيليفون لينا : دجو جي عندي دابا لمطعم لي ريحنا فيه أول مرة غادي تلقاني كنتسناك تما متعطلش _ قطعات وأنا نخرج كنجري شديت تاكسي عطيتو العنوان وأنا نتفكر يقدر شيواحد يصورني أنا وياها وتسيق أسيل الخبار وأنا نقول لمول التاكسي ديني لأقرب سوق كيتباعو فيه الحوايج وداكشي لي دار وصلتي تما وقلت ليه تسناني خديت واحد الجلابة لبستها ورجعت لتاكسي وعاودت عطيتو عنوان المطعم و من بعد 15 دقيقة حطني تما خلصتو وتميت داخل وهاذ المرة السيكريتي عرفني و مدواش معايا دخلت سلمت عليها من الحنك الحنك وريحت وحطيت التيليفون فوق الطابلة . فين غابرة خلعتيني عليك والله لينا: أحمد قال ليا نبدل لأوطيل وحيد ليا التيليفون ولكن تصادعت معاه على ودك وخليتو قلت ليه دير لي بغيتي دير مابقاش كيهمني حيث أيوسف شيحاجة قوية كتجدبني ليك و بغيت نعطي راسي فرصة ونكون معاك وأنا قابلة على داكشي لي قلتي ليا _ حلفي بالله ماكضحكيش عليا ياك لينا : لا داوية بصح لبارح حسيت بواحد السعادة معاك لي عمري حسيت بيها من قبل وشنو فائدة الفلوس والشهرة إلى ماكنتش غادي نكون فرحانة _ من الفرحة تاقاسيت عليها وعنقتها ورجعت ريحت والله مامصدق بيلا الحلم لي حلمت بيه بزاف تحقق كنواعدك ألينا ديما نخليك فرحانة لينا : كنتمنا ماتخيبنيش حيث خليت كلشي على ودك _ متخافيش غادي يكون غير الخير . سمحي ليا واحد الدقيقة نمشي لطواليط ونرجع وضومنضي معاك شيحاجة خفيفة ليا . خليتها كتبتاسم وأنا نضت فرحان بغيت نطير من الفرحة مكرهتش نعنق كاع هاذ الناس دخلت لطواليط قديت حاجتي وتميت راجع ولكن فاش رجعت كيبان ليا ...يتبع في نضركم شنو غادي يلقا يشوف ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM