إنتقام عشاق الجزء 36 🔥🔥🔥 ( التتمة من بعد 300 لايك و 150 برطاج . جميعا من أجل إرجاع صفحة سكفنادري للقمة ♥️♥️ ) وبصراحة بغيت ندخل أنا وياك في علاقة كنتمنا تعطيني فرصة شنو بان ليك في كلامي وشنو القرار ديالك لينا : سمح ليا أيوسف ولكن حاليا مانقدرش ندخل في علاقة تأثر ليا على المسار الفني ديالي وزايدون ماعمري فكرت أني نكون في علاقة مع واحد أجنبي ماشي من البلد ديالي سمح ليا _ غير سمعت هاذ الهدرة وأنا نكعا ونضت من بلاصتي وأنا نقول ليها سمحي ليا خديت من وقتك بزاف أمدام لينا الموهيم تشرفت بمعرفتك وتميت غادي خارج وعينيا كيغرغرو سناء : مالكي أصحبتي ماقلتيش ليه الصراحة غادي تخسريه فين غادي تلقاي واحد بحالو لينا : ماشي لخاطري ولكن شنو غادي يكون القرار ديالو فاش غادي يعرف سبب رفضي ليه هو العقد لي سنياه مع راجلي أحمد لي هو وكيل الأعمال ديالي في نفس الوقت وراكي عارفة إلى عرفني دخلت في علاقة غادي يخرج ليا على المسار الفني ديالي سناء : عطي لراسك فرصة وعيشي حياتك مع شخص كيبغيك أشمن معنى غادي تكون بحياتك إلى بقيتي دايرة بالك غير مع العمل عطي فرصة ليوسف كنظن غادي يخليك سعيدة وأنا حاسة بيك معجبة بيه لينا : اه دجو عجبني ولكن مانقدرش حاليا نعطيه فرصة حتا تسالي المدة لي داير معايا أحمد في العقد ولي هي عام _وانا خارج من المطعم هزيت تيليفوني وصونيت لأمين وعطيتو العنوان ديالي باش يجي يديني ويله قطعت وبغيت نرد تيليفوني لجيبي تزدحت مع واحد خونا قدو قداش ومع أنا كنت فاقل ضربت فيه و طحت الارض وتحيد ليا القب هو يشوفني وبدأ عليا سمح ليا أسي يوسف مد ليا ايدو نوضني وهز تيليفونو باش يتصور معايا وشافوني بنادم وتجمعو عليا كلشي باغي يتصور معايا وأنا كاعي مرشقاش ليا درت ليهم خاطرهم بيما جا أمين وسلت طلعت لطومبيل . تفو هاذ الشهرة شحال خايبة أمين : بالعكس زوينة اعشيري اجي شنو كدير هنا بعدا _ عاودت ليه الديكور كامل وأنا بغيت نطرتق أمين : ماعندك زهر الساط تا نتا ماشي موشكيل نساها عليك لي خاصك تفكر هو انك وليتي مشهور وقريب يتزاد عندك ولد بقا غير شهر قول ليا إيمتا غادي ترجع لأسفي _ مزال ماعرفت ياغدا ولا بعدو . بقينا داويين حتا وصلني لباب لوطيل حيدت ديك الجلابة وبقيت بالسرفيط وهبطنا من الطومبيل و سلمت عليه وتميت داخل لوطيل وبنادم كيجي كيتصور معايا فاش دخلت لقيت الدراري كيتعشاو في المطعم خاص بالوطيل قلت ليهم السلام عليهم وريحت حدا مصطفى وأنا غير كنفكر في الرفض ديال لينا هو ينغزني مصطفى مصطفى : يوسف مالك كاعي اصحبي شنو واقع وعلاش قبيلة خرجتي _ ماديرش في بالك غير واحد الموشكيل عائلي من بعد ماكلاو الدراري ناضو وهوما فرحانين وكيقولو شامبيوني ... وأنا غير ساكت وتمينا خارجين من المطعم قاصدين الشومبر ديولنا ومع خارجين من المطعم كتبان ليا لينا داخلة هي وسناء وكنشوف فيها غير بنص عين وتاهي حضياني ودرت راسي بحال لا مشفتهاش وطلعت السانسور ودخلت لشومبر ديالي شديت تيليفوني لقيت أسيل معيطة ليا شحال من مرة صونيت ليها . ألو أسيل ياك لباس أسيل : لا والو باس أحبيبي غير بغيت نهنأك مبروك فرحتيني بزاف _ الله يبارك فيك كيف ديارة نتي مع الحمل أسيل : هاني مسلكة واخا ولدك خارج ليك معدبني بحالك _ صبري دابا يفوت هاذشي مابقا قد مافات وشوفي أنا قريب نجي غدا نقول ليك شنو كاين يله تهلاي في راسك خاصني نمشي نعس من بعد ماقطعت شديت بلاصتي وتكيت كنفكر فشنو وقع هاذ النهار حتا بدا يديني النعاس وأنا نسمع تيليفوني كيصوني هزيتو تصدمت لقيتها لينا وأنا نجاوبها ألو شنو بغيتي لينا : تهدن أدجو بغيتك تحضر معايا لحفل تسليم الجوائز غدا مع 17:00 _ لا ممساليش خاصني نرجع لدارنا غدا سمحي ليا لينا : دجو أنا كبرت بيك و ختاريتك تكون ضيف الشرف ديالي مابغيتكش تخوي بيا وطيح من قيمتي كنتمنا تقبل ومتخصرش ليا خاطري عفاك _ بقيت كنفكر فشنو ندير ولكن قلبي وحبي ليها طغاو عليا وأنا نوافق . لينا انا موافق غادي نمشي معاك لينا : كنت عارفة ماغديش ترفض ليا الطلب ديالي شكرا ليك الموهيم غدا 16:00 نمشيو _ صافي واخا يله تصبحي على خير وهي تقطع وجبدت عليها بنعسة الغد ليه فيقنا المعد البدني باش نفطرو نزلنا لمطعم تجمعنا وبدينا نفطرو وتما جا عندنا رئيس الجامعة وقال لينا من غدا يمكن لكل واحد فينا يرجع لبلادو ولا ومدينتو من بعد مانحضرو لحفل لي منضماه الجامعة فطرنا وخرجنا ريحنا حدا البيسين هزيت تيليفوني وتاصلت بالواليدة قلت ليها يمكن يرجعو لأسفي تال غدا ونلحق عليهم وقطعت يله رجعت تيليفوني لجيبي تكتبان ليا سناء جاية جيهتي سناء : سلام يوسف بغيت ندوي معاك في موضوع موهيم إلى سمحتي _ مرحبا الفنانة ديالنا دوي كنسمعك سناء : عارفك تقلقتي من الموضوع ديال البارح لي بغيت نقول ليك راه هي عندها أسباب قوية خلاتها تقول هكاك وترفض ولكن نتا متيأسش حاول معاها حتا تعاود ليك موشكيلتها وحاول تحلها معاها وساندها _ ولكن شنو هاذ الموشكيل فهميني كثر سناء : لي مفروض عليا نقول ليك راني قلتو و داكشي لاخر مانقدرش تاتبغي هي تقولو ليك _ مشات وخلاتني في حيرة من أمري أوو شنو الموشكيل لي عندها بقيت تانفكر حتا جا عندي مصطفى حط عليا ايدو وانا نقفز تخلعت مصطفى : أمالك من لبارح ونتا معاجبنيش شنو واقع ليك ديرني خوك _ نسا أخويا غير موشكيل شخصي كنفضل مانعاودو لحتا واحد مصطفى : لي بغيتي الموهيم لي بغيت نقول ليك هو جاوك عروض بزاف وافضلهم عرض برشلونة _ اواه البارصة بغاتني واش بصح مصطفى : اه أيوسف الموهيم بزاف ديال الأندية باغيينك ختار وكيل الأعمال ديالك ومن بعد درس العروض _ مالقا ماحسن منك أمصطفى إلى بغيتي طبعا مصطفى : بدون تفكير موافق _ صافي مرحبا الموهيم درس العروض مزيان وتال من بعد ونهدرو في هاذ الموضوع وبقينا مريحين مجمعين مع الدراري تاوصل الوقت الغدا قصينا وطلعت الشومبر مع 15:30 بديت كنوجد راسي حيدت ديك الفاصمة من راسي و لبست واحد الحطة كلاس كنت شريتها قبل الفينال كومبلي كحلة وضربت واحد المݣانة وطلعت التشاوك ورشيت ريحة وتميت كنمشي ونجي قدام المراية بحال شي عارض أزياء شوية ݣلست وبديت كنتسنا في الوقت يوصل شوية هو يطيح في بالي موضوع مهم طاح من بالي أنا غادي لحفل مهم بحال هذاك مع لينا وأكيد غادي تكون الصحافة والحفل غادي يدوز في التيليفيزيون و الخبار غادي توصل لمراتي أسيل وأكيد غادي تحاول تقتل لينا لا لا مانقدرش نخاطر بديت كنمشي ونجي في الشومبر بحال الحمق وكنفكر فشنو ندير وهي طيح في بالي واحد الفكرة واعرة ولي هي نتنكر ونغير ملاميح وجهي غير بالمكياج بحال شكل رامز جلال ولكين خاصني نشوف خبير في هاذ المجال دخلت دغيا قلبت جوجل ولحسن الحظ لقيت واحد قريب في ݣيليز يله حليت الباب باش نخرج وأنا نلقا لينا قدامي لينا : هاي هاي طلعتي بوݣوص مزيان ملي وجدتي جيت غير نشوف واش مزال غادي _ شكرا اه غادي ونتي شتك مزال ماوجدتي راسك لينا : أنا معطلة شوية الموهيم سمح ليا غادي نضطر نتعطل عليك شوية تال 16:30 عاد غادي نمشيو _ ماشي موشكيل قولي ليا بعدا فين غادي يكون الحفل . عطاتني العنوان وتمينا هابطين أنا وياها هي مشات لشومبر وأناخرجت كنجري شديت تاكسي قصدت العنوان ديال مركز التجميل وصلت في 10 دقايق دخلت لقيت واحد لوبيا شافني عرفني وفرح وبدا عليا بغيت نتصور معاك اخويا يوسف درت ليه خاطرو وشرحت ليه البلان قال ليا هاذشي لي بغيتي غادي ياخد على الأقل ساعة وغادي يبينك شوية كبير وبديت عليه ماعنديش الوقت حاول تزربيني قال ليا نحاول هو يدير ليا واحد الماسك لوجهي وبدا كيلطخ ليا المكياج وصلات ديك 16:30 قرب يسالي وبدا تيليفوني يصوني وعرفتها غادي تكون غير لينا والموشكيل ماكينش كيف ندير ندوي مع داك الماسك مزال ماكمل وإلى دويت يقدر يخسر ولوبيا قال ليا نجاوب درت ليه بصبعي لا خفت تغلط فيا لهما تقلق ولا تغلط بدا مكمل خدمتو وتيليفوني ماسكتش وصلات 16:45 عاد كمل ليا شفت راسي في المراية كنبان بحال شيواحد عندو 50 عام خلصتو وشكرتو وتميت خارج شديت تاكسي وعطيتو لعنوان وتاصلت بلينا وهي تجاوب لينا : حشومة عليك تخوي بيا ملي مابغيتيش تجي قولها ليا من لول ماشي تخليني نتساين على الخاوي _ صافي كملتي تعصابك أنا في طريق 10 الدقايق نكون تما وزايدون أنا من النوع لي كيوفي بالوعد ديالو فاش توصلي تسنايني في طوموبيلتك لينا : ماغديش يخليوك تقرب حدا الحفل الموهيم فاش تقرب توصل صوني ليا نتلقا ليك _ صافي واخا و قطعت مع وصلت مبانتش ليا وبغيت ندخل ولكن سيكريتي مخلاونيش نقرب حدا قصر المؤتمرات لي كيحتضن الحفل حيت معنديش الدعوة صونيت ليها . أنا حدا الباب ومخلاونيش ندخل فينك لينا : أنا حدا الباب راه الانفيطاسيو غادي نعطيها لشيفور يجيبها ليك قطع هاهو غادي يتاصل بيك وقول ليه فينك وسربي اجي باش ندخلو _ مع قطعت وهو يصوني وقلت بلاصتي بضبط جا عندي مدها ليا ودخلت وبديت غادي فوق الزربية الحمرة وعاجبني راسي والصحافة كتصور قربت حدا الباب وهوما يبانو ليا لينا وسناء وقصدتهم وأنا نغلض صوتي قلت ليهم السلام ومديت ايدي باش نسلم وهي تسولني لينا : شكون نتا _ وأنا ندوي بصوتي أنا يوسف خليتهم مصدومين سناء : ولكن علاش داير في راسك هاذ الحالة _ من بعد تعرفو وسمحو ليا حيث تعطلت لينا : ديما كتفاجئني كنحس براسي غادية مع واحد هربان من الحبس الموهيم مزيان ملي جيتي شدات ليا في ايدي ودخلنا وبداو كيصورو فينا وكتبان ليا الدعوة عامرة بقينا غاديين شحال تاوصلنا لبلايص الولين مع وصلنا كيبان خونا لي كان مزوج بيها ناض عنقها وسلم عليها بلابيز ومعجبنيش الحال وبقا شاد ليها في ايديها بيدو اليسرى وبغا يسلم عليا بيدو لأخرى مدها وبقيت متردد وأنا نسلم أحمد : ماكنتش عارف بيلا الصديق ديالك غادي يكون كبير في العمر _ بدات كضحك هي وسناء وريحنا شوية هو يبدا الحفل وبدا كيسلمو في الجوائز لبنادم شوية بدا الترشيح ديال أحسن فيلم عربي لهاذ السنة داه الفيلم ديال لينا إلى عقلتو هو داك الفيلم لي منو بغيتها من بعد دازو فقرات غنائية وبداو كيسلمو جوائز للممثلين المغاربة وصلات ديك 8 هو يعلنو على أحسن ممثلة عربية وبطبيعة الحال غادي تاخدها حبيبة القلب لينا مع قالوها فرحات هي وأحمد وبداو كيعنقو في بعضياتهم وطلع هو وياها وهوما شادين في ايدين بعضياتهم وأنا بغيت نترطق طلعات ستلمات الجائزة ديالها عطاها ليها طليقها أحمد وبدات كدوي وكتلقي الكلمة ديالها وهي تقول بغيت نشكر الزوج ديالي أحمد لي كان هو السند ديالي . مع سمعت الزوج ديالي بحال لاضربني الضو كيفاش هاذي قالت ليا طلقات ودابا كتقول الزوج ديالي معجبنيش الحال وكعيت وأنا ...يتبع في نضركم شنو غادي يدير يوسف ؟؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM