صعوبات الحياة الجزء الخامس ( التتمة من بعد 290 لايك ... جميعا من أجل إرجاع صفحة سكفاندري للقمة ) . . . بنادم كامل تيشوف فيا بواحد النضرة تاع الخوف حسيت بيها معرفتش علاش ماعلينا بقيت كالس غا تتضور فعيني من بلاصة لبلاصة تنفكر أش غندير فهاد البلاصة شوية تيدخل واحد راجل من الباب مع دخل شفتو الما طاح ليا فركابي وتصدمت بقيت غا تنشوف أمر غريب والله حتا تيشبه ليا مع دخل بنادم لي كان فلغرفة كلشي خرج بقيت غير أنا جاي قاصدني مفهمت تا لعبة اش هادشي تيوقع جا قاصدني كلس حدايا الرعدة جاتني خفت منو بقينا غير كنشوفو في بعضياتنا مدواش حتا أنا مدويتش شوية هوا يكول كي داير . ا نعام ها نتا تتشوف دري صغير جيبينو ل للحبس بدل الإصلاحية كيفاش غادي يكون . عرفتي علاش جيتي هنا حيت وصلاتني بلي شفرتي وانا لي كلت ليهم اجيبوك هنا . أنا: كيفاش واش بصح علاش اش درت ليك وعلاش جبتيني هوا: علاش درتي هكذا وبغيتي تبع هاذ الطريق أنا: ملكيت من دير تفكرت سيناريو او عاودتو ليه كامل بلبكا هوا: مكال والوا بقا غير كيشوف فيا حتا انا بقيت ساكت شوية هوا ينطق معرفتينيش يمكن ومعرفتيش علاش نتا هنا أنا غنكول ليك السيناريو كي داير اولدي عارفك غتكون حاقد عليا مي من غتعرف الحقيقة غتفهمني . مع كال ديك ولدي تبوريشة شدات ليا فقلبي. ولدي حماد أنا الأب ديالك سمع عارفك ما فهمتي والوا و مابيتكش تعصب ولا تكول عليا شي هدرة حتا تعرف عليا كلشي و علاش ما بنتش هاد المدة كاملة هادشي لي غنعاود ليك بحد داتو قصة او خرا غنعاود ليك من زيرو او بيتك تفتح معايا ودنيك و تفهم صغيرة و لكبيرة . قبل ما تزاد و قبل ما نتزوج ب الام تاعك كنت خدام في تهريب المخدرات ديما تنتشد ونخرج نتشد ونخرج حياتي كانت غا حباسات و العاقة كانت تا دور ديال بصح غير لفلوس الصحيحة بقيت هكا تلاتة ديال سنوات وأنا خدام فهاد الخدمة حتال واحد نهار بقيت كالس مع راسي شفت جمعت شوية ديال الفلوس كلت علاش لا من خرجش من هاد الخدمة نتزوج وندير وليدات بقيت تنفكر شحاال ديال الوقت . من بعد مشيت عند الباطرون فلخدمة كلتها ليه فلول ما بغاش و بقا تيهدد فيا و باش نبعدو عليا خديت ليه شي دواصا ديالو لا وصلو البوليس يمكن يطيحوه حياتو كاملة فلحبس حتا انا بديت تنهدد فيه ولا هوا لي تيعطيني الفلوس من بعد مشيت عند الوليدة كلت ليها تخطب ليا مشات تتقلي سيمانة حتا لكات الام تاعك . (كانت من عائلة بسيطة و متقفة) تفاهمنا فكلشي معطاتش بزاف تاع شروط درنا العرس داز زوين كلشي زوين دازت على العرس مدة عام واحد نهار كنت كالس فدار مع الام تاعك حتا تنسمعها تتقيا بزاف هزيتها فطموبيل و ديتها لصبيطار وكانت هاديك هيا احسن فرحة وقعات ليا فحياتي غيوليو عندي جوج ولاد كال ليها الطبيب بلي راه حاملة بدري وبنت فرحت بزاف . بقيت تنفكر طيلة هاد المدة مخدامش تنخسر غير من الفلوس لي جمعت بقيت تنفكر شحال و درت مشروع درت صناك بدا رواج فلوس داخلة فلوس خارجة بديت تنكاد لبيت ديال دراري ديك المدة كانت اسعد مدة فحياتي ديما ضاحك وناشط دازت مدة 9 الشهور داك نهار هوا لي غيغير حياتي كاملة نهار فاش غتولد نتا وختك انا : واش عندي ختي ولاشنو سكت حتا نكمل هدرتي باش تفهم . فليل مع جوج مك بدات تتوجع بزاف عرفت بلي غتولد داك نهار ديتها السبيطار كان خاوي دخلوها لقاعة الولادة جات العائلة وناس لي تنعرفو من العائلة كلهم من غير الاخت تاعي ما عرفتش علاش تنصوني عليها متتجاوبش مع جوج او نص صونا عليا تيليفون هدا الباطرون مدة مدويتش معاه اش غيكون باغي دب جاوبتو اشنو بيتي بشوية عليك غادي تجي البلاصة لي غادي نقول ليك ولا ختك ترحم عليها فاش كالها ليا الدنية دارت بيا تعصبت تاع بصح خرجت من السبيطار عاوت صونيت عليه وقلت ليه غتمس شعرة منها غير ترحم على راسك وراك عارفني انا غادي نجي غير متقربش ليها فين غنتلاقاو .فديبو لي كنا تنديو فيه سلعة مقديتش نصبر حتا تولد مك و مشيت وهادي كانت الحاجة لي ندمت عليها حياتي كاملة مكانش عليا نمشي ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM