صعوبات الحياة #الجزء_السادس ( التتمة من بعد 290 لايك طاكيو الأصدقاء ديولكم يقراو...جميا من اجل إرجاع صفحة سكفاندري للقمة ) وهادي كانت الحاجة لي ندمت عليها حياتي كاملة مكانش عليا نمشي ولاكن مكان عندي حتا حل أخر من قدرش نخلي ختي في يد هادوك المجرمين يقدرو يقتلوها بدم بارد . مشيت هزيت طموبيلتي او كسيريت 160 فلكونتور مخلي غير العجاج من ورايا مع كانت طريق غا الخلا بقيت مكسيري حتا بان ليا ديبو لي كالي نجي ليه وقفت الطموبيل ونا نطلع الكوسان جبدت منو فردي لي مخليه لبحال هاد البلانات مدة مستعملتوش من يامات فاش كنت خدام ف التهريب نزلت وبقيت كنتسلت غير بشوية حتا وصلت لباب ديال الديبو ونا نحلو لكيتو مفتوح دخلت تنسمع غي صوت تاع البكا ديال ختي بيت نشعل ضو لكيتو مخدامش تفو على زهر بديت كنتسلت و تنقلب بيت ب بيت ملقيت والوا ولاكن منين جاي داك صوت تفكرت كاين شي قبو لي كانو تيخبيو فيه السلعة الزايدة . نزلت ركابيا على لارض وبديت تنقلب بحال العمى حتا لقيت الباب تاعو لقيتو مسورت بلقفل جبت الفردي دربت الدربة لولة والو الضربة تاتية هوا يتفرشخ داك القفل نزلت و بدا تيتمجهد صوت البكا بديت نقلب شوية وهي تبان ليا ختي مع شفتها مشيت تنجري عندها فكيتها و بديت تنعنق فيها.واش دارو ليك شي حاجة واش أداوك لا لا مادرو ليا والو حطوني غير طعم حيث بغاو يقتلو ولادك اخويا عتق ولادك عفاك سمعتهم باغين اقتلوهم مع كالتها معقلتش على راسي هزيتها او مشيت تنجري لطموبيل طلعت وديماريت بأقصى ماكاين في السرعة تتبان ليا غير الموت كدام عيني ختي حسنا تتبكي متسوقتش حتا وصلت ل السبيطار . نزلت تنجري بجهالة مع بيت ندخل وقفوني البوليس قالو ليا ممنوع الدخول وقعات هنا جريمة قتل . فاش كالها عرفت بلي داكشي لي كنت تنفكر فيه وقع بقيت كالس انا وختي برا تنصبر فراسي واحد اللحضة فكرت نفتل دوك البوليس باش ندخل بزز حتا تحكمت في راسي بقيت تنطلب ف لبوليس كلت ليه راه عائيلتي تما بيت ندخل بزز عاد دخلت او معايا واحد من دوك البوليس فاش مع شفت داك المنضر تقيت . عارف شناهيا تشوف واليديك مقتولين بسلاح ماشي قرطاسة ماشي جوج تيرا فيهم بزاف وخلاوهم منشورين فلأرض دخلت لغرفة لي كانت فيها مرتي و دموع تيسيلو ليا من عيني لقيت غير ولد واحد ليا هو نتا و مرتي ليهيا الام تاعك لقيتكم ناعسين رجعات فيا شوية الروح و خرجت و مشيت عند دوك البوليس بقيت تنغوت عليهم وكنضرب في الحيط شكون قتلهم تاحد مابغا يدوي باينة معاونهم شيواحد فيهم حيث ميمكنش يدخلو حتا السبيطار ويبداو يتيريو ولاكن انا كنت عارف شكون هاد مول لفعلة لي كان عندي هدف واحد هوا نقتل ليه عائلتو كاملة و نتاقم شر نتيقام من هادشي لي دار وندمو على حياتو كاملة وعلاش دار هكا فيا حيث كنت عزيز عليه ما فهمت حتا لعبة يله بغيت نخرج دخلو بزاف تاع البوليس مينطوني وطلعوني فلفاركونيط بزربة زربو عليا بقيت غا تنسب ما فهمت والوا اش درت جمع معايا واحد البوليسي بتصرفيقة ودراتني على القبلة مي معامن بقيت تنسب مسكتش حتا وصلوني لدائرة الأمن و هما يزنلوني من لفاركونيط و طلعوني لكوميسارية تما فين غنعرف أنني تخورت أكبر تخويرة فتاريخ تاع بصح دخلوني واحد الغرفة مضلمة ما فيهاش الضو زيروني مزيان بصوت الخراز ههه او خلاوني مجبد ومشاو تال الغد ليه جا واحد المفتش عطاني ورقة نسينيها منين قريتها عرفت علاش دارو ليا داكشي لبارح كاتبين تم العتور على ما يقارب 50 كيلو غرام من الحشيش بالاضافة الى قنينات ماء الحياة . مزتش معاهم الهضرة حيت التهمة تابتة عليا خونا عطاهم دلائل صحيحة معندي ما ندير سينيت دوك الوراقي او دازت شهرين دزت فلمحكامة حكمو عليا ب عشر سنين من تما ما بقا جا عندي حد من غير ختي و العائلة حد مجا حتا الام تاعك نساتني عمرها جات لعندي دازت ليام وصلاتني خبار لموت تاع الاخت تاعي مسكينة ولي هي عمتك تما غنتصدم اكبر صدمة فحياتي لي غتعقدني مابقيت لا تناكل لا والوا حيث كانت أعز إنسانة عندي وفكرت شحال من مرت ندير حد لحياتي ولكن ماكنقدرش حيث الشوق باش نشوفك نتا وماماك هو لي عطاني أمل في الحياة و خلاني مزال عايش. _ولاكن كيفاش تا جبتيني هنا و فين هيا كنت ختي فين هيا دب وعلاش حتال دب عاد بنتي وعلاش ماما عمرها قالت ليا عليك شيحاحة . سكت خليني نكمل ليك القصة و غنجاوبك على كلشي غير حل ودنيك مزيان . من بعد هادشي كامل لي وقع قررت من هزش في قلبي و نقصحو و نبدا نصلي و ندعي الله يعفو عليا من داكشي لي درت فحياتي ونخرج إنسان واحد أخر من الحبس ولاكن بزااف تاع المشاكيل كانو فطريقي . دازت ليام على ديك الحواديت واحد نهار جاتني زيارة تصدمت شكون غادي يكون جا عندي وأنا حتا واحد مكان تايجي عندي من غير ختي الله يرحمها شكون غيكون زعما مشيت شفت وتما كانت الصدمة لقيت...يتبع التتمة من بعد 290 لايك تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM