صعوبات الحياة #الجزء_الرابع ( التتمة من بعد 270 لايك طاكيو الأصدقاء توعكم يعاونوكم ) . . . هوما يبانو ليا واحد جوج بنات من بعيد جاين جيهتي وحدة فيهم تدوي في التيليفون لعب ليا الشيطان بعقلي و الجوع مصبرتش هزيت حجرة حطيتها حداية باش نخلعم بيها ونسرق التيليفون ماعلينا خليتهم تا دازو شوية ونا نقصدهم من لور . غا قربت حداهم ونا نلوح ديك الحجرة وغيا خطفت تيليفون من على ودنيها ودربتها بجرية وحدة موكفتش حتا بعدت بزاف على ديك البلاصة تنحس بلموت ديال الخلعة و الخلا و ضلام مشيت طلعة للمدينة عند واحد مول تيليفونات و خايف دخلت عندو سلام سلام اش حب الخاطر أولدي . انا :بيت نبيع هاد تيليفون . مول الحانوت:علاش بيتي تبيعو أنا: وغا الوليدة مريضة و محتاجين الفلوس هادشي علاش بقا تيقلب فيه و شداتني الخلعة تاع بصح خفت يعرف بيلا مسروق ويعيط ليا البوليس . دخل لواحد لبيت بقا واحد شوية هوا يخرج مول الحانوت: ياك ما هاد تيليفون مشفور أنا : لا أعمي واش أنا وجهي ديال الشفرة غي الله إحسن العوان أو صف (تنكولها ليه و أنا خايف ديال بصح ) بقا مول الحنوت ساكت شوية هوا يعاود دخل لداك البيت او خرج هاد المرة خرج وو جهو مبدل لونو . مفهمت حتا لعبة بقيت غي ساكت وتنتسناه شنو غادي يقول شوية هوما يدخلو البوليس الله أكبر مشيت فيها مشاو دواو معاه وجاو عندي يالله معانا البرهوش مكديتش نزيد معاهم الهضرة خرجت معاهم وبنادم تيشوف فيا تفو تيكول اش غيكون دار هدا شوف غير صغير باينا غتكون مولات تيليفون ديكلارات بيا و هاهوما شدوني دغيا قفرتها تاع بصح يمكن كنت بيت ندير علاش نرجع ونصوفي الوليدة ساعة هاذ الطريق ماكتدي حتا بلاصة دبا ما بقا والوا من غير الإصلاحية حياتي ضاعت طريق كامل و البوليس غي ساكتين مدواوش عارفين أش داير بنادم غيولي يشوفني شوفة ناقصة كتر من هاديك لي كان تيشوفني بيها فقير وشفار. وقفات الصطافيط كدام الكوميسارية نزل واحد من هدوك البوليس كال ليا نزل البرهوش نزلت ومديرين ليا لا مينوط لا والوا . دخلني فطريق كال ليا داكشي لي درتي ميدارش نتا ماشي ديال هادشي مزال صغير عرفتي لمن شفرتي داك تيليفيون مكديتش نجاوبو وبديت نتمتم عليه هوا يكول راه شفرتيه لبنت واكيل الملك ضاعت عليك حياتك أولدي من صغرك . فشلت مكديتش ندوي معاه حيت عرفت الغلط لي درت ما خاصوش يدار الوليدة ديالي مرباتنيش على هادشي . دخلوني لواحد القاعة خاوية ما فيها حد من غير جوج كراسة و طويلة دخلني و مشا معرفت أش ندير تفو تابعيني المشاكيل من نهار تولدت ...دازت ربع ساعة هوا يدخل واحد راجل لابس الكحل و عندو الكرش فحال هادوك لي تيكونو فلبرلمان تيعمرو كرشهم غي بفلوس المواطنين مهم جا عندي مد ليا ورقة مكتوبة بلفرونسي بحكم أنا قاري شوية او معايا شوية مع الفرونسي بديت تنقرا فيها داكشي لي قريت خلاني نبكي حق رب تا خلاني نتأكد بلي هادي دولة الضلم مكينش لقانون فيها والله ما فهمت لعبة واش بصح هاد لبلاد لي عايش فيها بلاد إسلامية لا محال الفعايل لي تديرو بعض الناس تاع ليهود تنقرا فديك الورقة وتنبكي كاتبين ( قام بسرقة هاتف نقال من نوع s8 و مبلغ مالي جد مهم بحوالي 30 الف درهم بل الإضافة الى تهديد و ضرب الضحية ) تنقرا هادشي ودموع تنحس بلحكرة تاغ بصح كفاش علاش لبقو ليا هادشي كامل ندمت على نهار لي خرجت منو من الدار و على ديك البنت لي عرفت . ساليت القرايا و هوا يكول ليا سيني تما علاش غنسيني أنا مدرتش هادشي أ شاف . هوا يشد يدي بزز و كال ليا غتسني ولا غنشيع مك عصا بقيت تنبكي من كترت الحكرة و سينيت بزز مني . هز الورقة لي سينيت فيها أو هوا يخرج بلا رحمة بلا شفقة . بقيت كالس بحدي فلقاعة شي ساعة وهوا يجي عندي واحد البوليسي دار ليا المينوط وخا الجسم ديالي صغير وضعيف . مرحمنيش دورني او دار ليا المينوط . خرجني من الكوميسارية هزني فسطافيط داني ديريكت للمحكمة دخلني لواحد القاعة كبيرة عرفتها كنت تنشوفها غير فل الأولى و بضبط ف مداولة بنادم بزاف تما دخلوني كلشي بدا تيشوف فيا . تفو الدموع بداو تينزلو من عيني كلسني داك البوليسي لكدام داز واحد راجل قبل مني حكمو عليه ب شهرين لقاو عندو الحشيش بفف شوية هوا يكول القاضي حماد شقراوي اللحم ديال يدي تبورش مع نوضني داك البوليسي باش نوقف قدام القاضي هيا دخل الوليدة مع شفتها مكديتش ندوي دخلات تتجري و تتبكي بغاو يشدوها لبوليس ولاكن هيا قاومات جايا تتجري فجيهتي راه تصدمت حق رب ما فهمت والوا . شوية هوا يدربها واحد البوليسي لراسها بديك زرواطة طاحت بنادم تجوق أنا مديور ليا المنوط و شادني داك البوليسي مكديتش ندير شي حاجة راه ضرب الوليدة دم ديالي سخن تاع بصح مالكيت من دير بديت غير تنسب بجميع الألفاض شوية هوما يدخلو شي بوليس هزوها وخرجوها بلا رحمة بلا شفقة بقيت عاقل عليهم واحد واحد ماغديش نساها ليهم . وليت غا شاعل فديك ساعة هوا يجمع معايا داك البوليسي بتصرفيقة جلاتني على القبلة مكديتش ندوي معاه و القاضي بزربة زرب عليا مخلاني كاع ندوي في هادشي تكول كانو متافقين عليا وبدا يقول حكم على المتهم حماد بسجن لمدة اربعة سنوات نافدة وغرامة مالية قدرها 4 الاف درهم . مع كالها نزلت على ركابيا مكديتش نوقف تنحس بطعم تاع الحكرة و شمتة تيمشي ليا بين دمي غا ولاد حرام هادو . ربع سنين أش درت أنا بسلامة غي شفرت تيليفون والله تا الحكرة وزايدين عليا شيحاجة عمري درتها بقات فيا أنا غا الوليدة لي تعدبات من جيهتي او فلخر غندخل لحباسات على حاجة بسيطة كون درت عقلي كاع ماغنوصل لهادشي لي أنا فيه دب قلت العقل او ما دير مانصح حتا واحد يتجرأ ويرتاكب هاذ الخطأ إياكم وطريق الاجرام . خرجني داك البوليسي من القاعة مع خارج تنشوف الوليدة شادينها جوج من البوليس وتاتغوت ولدي طلقو ولدي اشنو بغيتو بيه ضرني خاطري بزاف حنيت راسي و مشت معاه طلعني عاوتاني ولا كن ماشي نفس السطافيط هادي تاع نقل السجناء هاد المرة أنا وداك الراجل لي حكمو عليه ب شهرين . تنسول واحد البوليسي كان كالس حدانا فين غادين للحبس واش معارفش فين غادي ياك انا غا صغير يالله عندي 13 عام علاش مدونيش لإصلاحية . واش بصح هاذ الهدرة على مسعمت عندك 18 عام . ملي كالها حنيت راسي و مزتش حتا كلمة دب تأكدت بلي هادشي كامل انا لي جنيتو لراسي داك بات ديك البنت لي شفرت ليها تيليفون بغا يعدبني . ولاكن شي حاجة تتكول ليا كاينا فهاد الموضوع شي حاجة مزال غامضة او مزال معرفتهاش . هيا لي مزال محيراني علاش هادشي كامل واش غي على حساب شفرت لبنت الوكيل ولا شي حاجة تانيا . طريق كامل غير ساكت وتنفكر كيفاش غيكون هاد الحبس وكيفاش غيعاملوني ناس لي فيه . شوية هيا توقف طموبيل وفتح البوليسي الباب هما يجيو جوج من البوليس اوخرين نزلو داك خونا هوا اللول . ومن جا بغا ينزلني أنا حسيت بيه فحال لا تصدم ولا حمر واش زعما على صفر سني و غندخل الحبس مفهمتش دخلني و مدواش معايا فطريق من الباب لباب تا وصلنا الداخل ديال الحبس الصداع بحال الحمام كل واحد فين تيدوي مع دخلت كال ليا هنا فين غتكلس تنحس ببنادم كلو تيشوف فيا . معرفتش اش ندير خايف حق رب حاطيني وسط الدياب وأنا صغير ما عرفت اش ندير كلست و سهيت تنفكر شويا هوا يجي عندي واحد راجل ولدي باغي تاكل فيك جوع كلت ليه لا غير سير بعد مني مشا و بنادم كامل تيشوف فيا بواحد النضرة تاع الخوف حسيت بيها معرفتش علاش... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM