صعوبات الحياة #الجزء_التالت ( التتمة من بعد 270 لايك و100 برطاج في جروبات... جميعا من أجل إرجاع صفحة سكفاندري للقمة ) . . . تحط على كتفي شي يد مع ضرت لقيتها غزلان ومع كنت مقلق وكاعي غوت عليها مسكينة و زربت عليها بديك مالك أختي شنو بغيتي علاش تبعاني سيري وخليني بوحدي قبل مانقول ليك كلام مايعجبكش غزلان :سمح ليا كنت أنا سباب باش وقع ليك هداك البلان ومعحبنيش الحال تا أنا عفاك سمح ليا ومديرش في بالك - مسامحك غير سيري وخليني بوحدي هاذ الساعة غزلان : وصافي متقلقش مسحها فيا و أنا غندوي معا عمي يدوي مع المدير يخليوك ترجع تقرا _بلاش ما بقيت بغيت والوا من هاذ الدنيا غير بعدي مني صف سيري خليني بوحدي ...ما بغاتش تفهم راسها طريق كامل وهيا تبعاني تفو بنادم ما كيخليك دير حتا حاجة في حياتك حتا من الانتحار عنكشاتني فيه هاذ ختنا حتا صدقت داير بناقص وقلبت الطريق لحومتي وهي غير كتحاول دوي معايا وتواسيني وأنا ممسوقهاش غير كنفكر شنو غادي يكون المصير ديال حياتي ماعلينا دخلت لحومتي و مزال تبعاني مبغاتش تفرقني شوية تنحس بشي واحد دفعها على الأرض ونا نضور مع ضرت قصدتو ديريكت مخليتوش يدوي شمال جاه فليمن ديال وجهو مابقاش كد ينوض هزيت غزلان من يديها وجريتها علاش تبعاني واشنو بغيتي واش بيتي لراسك المشاكيل ولا شنو واش نتي مصطية مكتعرفي عليا والو تامن سميتي ماعرفها وتبعاني واش مكتخافيش غزلان : مالك غادي تاكلني باش نخاف أنا بيتك غير ضحك وتنشط وتنسا هدشي لي وقع ليك . ضحكت ليها ضحكة خفيفة تتعني بزاف . بلي أنا متنخصرش ومتنزلش راسي لتحت هادشي علاش رباتني الأم تاعي . بقات ساكتة شوية هيا تقول شكرا من ضحكتي بلا مضرب هم للقراية واش باغي تخدم بدون أي تفكير كلت ليها لا عزة نفس هيا كلشي . صف لي بان ليك أي حاجة حتاجيتها ولا بغيتيها غتلكاني معاك هاك نمرتي عطاتني ورقة مكتوب فيها نمرة ديالها وشيرات على طاكسي و مشات معرفتش علاش تدير معايا فحال هكا لعجب أول مرة شي واحد يتعامل معايا فحال هكا والله تا العجب . فطريقي لدار تنفكر أش غنكول للوليدة لي رباتني من صغري نكول ليها خلطت واحد الكليكة في القيسم و غيطردوني ميمكنش غيبقا فيها الحال هيا كان الحلم الوحيد ديالها هوا نولي شيحاجة فهاد البلاد ونخرجها من هاد الفقر لي راه حنا فيه عيت منفكر ملكيت منكول ليها. حليت الباب تاع الضار ودخلت لكيت الوليدة كالسة وتتبكي مفهمت تا لعبة مشيت قاصدها كنجري عنقتها مالك امي اش واقع ليك . ياك ما دوا معاك شي حد ولا ضربك . بقات ساكتة شوية هيا تبدا دوي أنا كبرتك و تعدبت عليك وبيتك تكون شخصية مهمة فهاد لبلاد ملحتكش فلخيرية و تزوجت عليك و فلخر تزاجيني بهادشي تمشي ضارب مع تلاميذ لي تيقراو معاك ويجريو عليك من المؤسسة دب علامن غنعول شنو سند كنتي فعيني كلشي و دب طحتي من عيني بزااف من كالتها مكديتش نشوف ليها فوجها حنيت راسي وخرجت مزتش كلمة أنا لي مني الغلاط أنا لي درتها راسي خرجت أو معرفش فين غادي نمشي الحياة صعيبة بزاف . بقيت غا غادي برجلي وتنفكر فهادشي لي درت لوليدة رباتني و تعدبات عليا وفلخر خليتها تبكي تفو كون غا مت و متبكيش ملكيت مندير خاصني داروري نصوفي راسي و نهز الوليدة ديالي من هاد العداب ونسيها فداكشي كاع لي فات . درني جوع دخلت يدي فجيبي لكيت ديك عشرة دراهم ديال لغدة او لورقة لي فيها سمية كلسة فواحد الجردة وبديت تنفكر واش نعيط لديك بنت ناس تعاوني بيدت كنتشاور مع راسي وكنقول اه لا بقيت شي ربع ساعة تنفكر شوية وأنا موافق ومشيت قاصد تيليبوتيك دخلت لحت عشرة دراهم كاملة وعيطة بقا تيعيط شوية هوا يجاوب تيليفون صوت بنت هيا غتكون ألوا شكون معايا انا داك دري ديال صباح واش نتا هوا لي كلست حداك فطويلة جوبتها بي اه غزلان : كنت عارفاك غتصوني عليا فرحتيني فاش نقدر نعاونك _ غير قالت ليا هاذ الهدرة وترددت وأنا نبدل الموضوع وقلت ليها عارفة أغزلان بلي بسبابك وقعو ليا مشاكيل مع الوليدة ديالي لي تنعتبرها هي كلشي في هاذ الدنية غزلان :كيفاش سمح ليا أنا والله مكنت قاصدة شي حاجة فينك نتا فينك . أنا دب غير كلت ليك باش تعرفي قطعت عليها او خرجت من تيليبوتيك كنت بغيت نكول ليها ضبر ليا فشي لعبة نديباني بيها راسي ساعة مقدرتش نكولها وبالأخص لبنت النفس ديالي حارة و مخلاتنيش خرجت ومعرفش فين غنمشي شونو ندير وأنا فيا جوع ومالقيت ماناكل تفو حصلة ديال لكلاب وبديت نفكر واش نرجع دار وهي دور ليا في الهوى وقلت ميمكنش قررت نديباني راسي براسي و نخرج لوليدة من هداك الفقر لي فيه بأي طريقة. مشيت لجهت البحر غتكون ديك لخمسة ديال لعشية تيكون فيه بنادم كل واحد معنق وحدة (العنابة) كلست فواحد الكرسي تما حتا ضلام الحال و كرشي تتغرغر بجوع معرفت واش نرجع الدار و لا نكمل فهادشي لي معندو تا معنا غا تنضحك على راسي أنا راه عندي غا. 13 عام بقيت كالس شوية هيا يبانو ليا واحد جوج بنات من بعيد جاين جيهتي وحدة فيهم تدوي في التيليفون لعب ليا الشيطان بعقلي ومع الجوع مصبرتش هزيت...(يتبع) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM