صعوبات الحياة الجزء_التاني ( التتمة من بعد 270 لايك كملوها باش نزيد جزء أخر اليوم ...جميعا من أجل إرجاع صفحة سكفاندري للقمة) . . . هادشي كيضرني في خاطري عرفتي على إحساس كنحس بيه .. و ليت كنحس براسي حيوان قدامهم و حق الرب هيا جاية تريح حدايا و كنسمع بنادم كيقول دابا تشم ريحتو و تهرب ..التيتيزة دابا تسخف عيطو لومبيلونص و لكين معندي مندير غير نسمع ونسكت حيث خطأ بسيط مني نخرج علا حياتي و انا الحمد لله قادر نوض نخلطهم كاملين ونصدق قاتل شيواحد و لكين مبغيتش صداع الراس بغيت نقرا باش نخرج لواليدة من هادشي لي حنا فيه .. لمهم السيدة جات ريحات بقات ساكتة مهدراتش معايا بقات كدور ليا فراسي ديك الفكرة ديال دب تنوض و لا شي لعبة و لكين مقالت والو ومدارت والو جبدات ادواتها و ريحات بغيت نقول ليها سلام و نجبد الهضرة معاها و لكن مزعمتش و معرفت منقول ليها حيت أصلا معمري هضرت معا شي درية و لا هضرات معايا شي درية بقيت مكوانسي بلاصتي وحشمان حتا سمعتها قالت مال وجهك ولا حمر شتك بحال لا معجبكش الحال واش مابغيتيش نجلس حداك قلت ليها والو ماكين حتا موشكيل بالعكس غير جلسي غزلان : احممم ياك ما مثلي ! ( لوبية ) شداتني الضحكة وستغربت في نفس الوقت أو مال هاذي تاهي بقات ليا غير مثلي نسمعها باش تكمل القضية قلت ليها لا غير معنديش معا دريات و صافي وعمري دويت مع شي وحدة داكشي علاش متوتر شوية غزلان: حاسة بيك و حق الله كنت كتر منك قلت ليها بحالاش قالت لي تجيبها لوقت و تعرف . عطيني نشوف فين واصلين عطيتها دفتاري و حشمان لا تشوفو من لداخل جفاف فيه دروس لعام لي فات و هاد لعام حلاتو بقات كتقلب قالت لي هاك جبد ليا دروس شديت دفتار جبدت ليها داكشي لي بغات لقات بلا هوما فايتينا فالدروس ردات ليا دفتاري و قالت لي شنو سميتك قلت ليها الإسم ديالي حماد حبسات الضحكة غير بزز وهي تبتاسم وقالت ليا خطك زوين فرحت ولكن زبلتها و قلت ليها نتي لي زوينة ماعرفتش كيفاش حتا خرجتها و هيا تشوف قدامها و مبقاتش جاوبات انا جاني لوسواس فهاد اللحضة ياك ما زدت فيه و لا شي لعبة زعما بغيت نتعنب عليها بحال كيف شفت فواحد لفيلم كنت تفرجت فيه مع واحد ولد جيرانا عندو تلفازة و لكين واقيلة هاد تعناب سالا ليه لوقت و لا قديم مبقاش خدام في 2020 ولكن الغالب الله خوكم مزعوط وماعندو لا زين لاحلاوة لسان لا فلوس تفو على حياة.. بقات هيا ساكتة و انا ساكت ومرة مرة كنسها و كنبقا نشوف فيها ونبتاسم وبقينا هكذا حتا صونات الساعة جمعت ادواتي و خرجت كان عندنا فيزيك ساعتين وأنا عزيز عليا هاذ ساعتين حيث كنطير في الفيزيك خرجنا بنادم كل واحد و صاحبو ولا صحبتو كيهضرو و انا كنمشي نتخبا فالطواليط ديال ليسي بحال المجريم حتا تصوني و كنمشي لقيسم ...من كترة مابنادم ولا كيقول ليا ديك الهدرة ويتجنبني ولات عندي فوبية من البشار مابقيتش كنحمل نشوف بنادم وكون ما القراية منبقاش نخرج بمرة من الدار ماعلينا بحال ديما سلات الإستراحة و مشيت دخلت انا اللول ريحت فطاويلتي بدا بنادم كيدخل حتا واحد مكيهضر معايا لي داز كيخنزر فيا وكاين لي كيبداو يدوزو من حدايا و يديرو إيدهم على نيوفهم زعما خانز ولكن معليش دخلات غزلان و هيا تجي تريح حدايا عوتاني بصارحة فرحت بزاف لأول مرة شيواحد كيبغي يجلس حدايا ماعلينا مزعمتش ندويها بقيت غا ساهي و تنفكر فيها طحت فيها الحب من أول نظرة شوية هيا تكول ليا مالك ساهي لا والوا غي معا القرايا تنتفكر شي علاقات هيا تكول مزيان مزيان واش نتا عندك مع الفيزيك أه تنطير فشي حاجة سميتها الفيزيك و الماط ديما كنجي أنا لول فيهم والمادة الوحيدة لي مكنحملش هي العلوم هوا لي معنديش معاه . غزلان :ممكن تجي تراجع معايا فدار لا بغيتي أنا ضعيفة فلمواد العلمية ممكن تجي تعاوني نفهم . لا منقدرش نجي عندكم غير سمحي ليا مغيبغيوش مالين داركم غزلان : أو كفاش عرفتي مغيبغيوش بالعكس ... صارحتها وقلت ليها لي فقلبي راه حتا واحد مغادي يبغي يدخل لدارو واحد خانز حوايجو مسخين و فقير فحالي غادي يجريو عليا واليديك شداتني البكية فديك اللحضة حسيت براسي غير زايد على هاد المجتمع حتالة ديال المجتمع. مدواتش بقات شحال و هيا ساكتة وحتا أنا مالقيت ما نقول ليها وهيا تدوي شكون كاليك بلي أنا عندي عائلة وليديا ماتو مني كنت صغيرة فاش كانت عندي يالله عامين و تكفل بيا عمي شوية هيا تبدا تبكي تفكراتهم سمعها الأستاد تتبكي هوا يجي قصدنا مالك أبنتي اش دار ليك هاذ المسخوط.ياك ما كال ليك شي حاجة بكاتك خرج عليا المسخوط . واحد الكليكة ديال الدراري مكونة من 4 الاشخاص بداو تيكولو شوف بكات من كترت الخنز ريحتو تبكي الميت بقا غير هاذ الزين تفو خرج علينا الجيفة محملتش راسي نضت مشيت عند هادوك لي كانو تيسبو ويخشيو الهدرة بديت تنخلط فيهم تعديت عليهم ديال بصح الأستاذ ملقا ميقول مكدش اتدخل عارف غتوقع ليه شي حاجة خرجت وأنا حاقد مبقيتش حامل راسي و ندمت على هادشي لي وقع زبلتها مع الدراري معمري مابقيت غندخل للمدرسة فحياتي و حلم االوليدة مشا مع الريح اش هاد الزهر بقيت غادي فطريق وطايح عليا الضيم غا تنبكي لي تيشوفني تيكول هدا غير شي مصطي او تيبعد مني تفو على عيشة تشجعت و قررت أني نتاحر وندير حد لحياتي ولقيت أحسن بلان هو نتلقا لتران وأنا غادي لجيهت السكة ديال التران وهي تحط على كتفي شي يد مع ضرت لقيتها ...(ييتبع) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM