صعوبات الحياة الجزء الاول ( التتمة من بعد 260 لايك... جميعا من أجل إرجاع صفحة سكفندري للقمة ) من بين الحوايج لي كيخليو الشباب يخرجو الزنقة ويتاجهو الاجرام بجميع أنواعه هو الفقر المدقع وأنا من هاذ النوع لي كيعاني منو ولكن أنا لا مابغيتش الحاجة الساهلة والحرام كنحاول نبعد من هاذ الطريق واخا البيئة ديالي والحي لي فيه كيجدبني لهاذ الطريق ولكن كنحاول نخدم على الحلم ديالي ونحققو والهدف الاول ديالي هو نتفوق في الدراسة حيت هي الحل باش نرتاقي... كيف ديما فايق مع سبعة ونص ديال صباح نمشي نقرا فحالي فحالي كاع الناس غي أنا ماشي فحالهم هما متيحسبونيش منهم أنا هوا داك التلميد لي تيبقا لابس لبسة وحدة العام كامل . أنا هوا داك التلميذ لي وخا حوايجو مسخين عندو أهداف باغي يوصل ليهم من هنا القدام وخا كاع ناس لي تيقراو معايا ولا لي تنعرفهم متيحملوش يمشيو ومعايا ولا غا يدويو معايا ديما تنكلس لور حيت تيكولو بلي ريحتي خانزة يمكن عندهم الحق ولكن كيبقا فيا الحال حيث تا أنا إنسان وماشي لخاطري . وخا هادشي كامل لي تيوقع ليا تنصبر على قبل الوليدة لي من نهار حليت عيني وهيا لي تتوكلني او تدافع عليا او تقريني . معمري شفت الوليد منين تولدت الوليدة من تنسولها عليه تتبغي تكلب الموضوع دب عندي 13 عام مزال صغير وهاز حمل كبير وتنعاني من هادشي كامل وسميتي هيا لي تتزيد تعدبني كتر حماد متنحملش راسي منين تيبدا الأستاد تيعط عليا بسميتي حماد وتنقول حاضر أستاد تنشوفهم كلهم تيضحكو عليا ويتنمرو عليا واش أنا بهلوان متلا وا ربي أش هادشي كامل أش لي درت فلحياة باش نبقا نتعدب هكا . لمهم مع نضت لقيت الوليدة كيف العادة مخليا ليا ورقة مكتوب فيها نوض بكري أو قرا مزيان باش تولي شي حاجة فهاد البلاد وتهزني كما هزيتك ونعيشو حياة زوينة أولدي كل نهار تتحطها ليا مسكينة باش تحفزني كل مرة تنقراها تتشدني البكية . مسكينة تنشوفها غير من العشية العشية تضرب تمارة فلوزين تاع الحوت غا باش توكلني و تخلص لكرا ديال الدار تتبقا فيا بزاف من تنشوف فراص شهر تيجي عندها مول دار او تيبقا يغوت عليها فين هوا الكرا قدام الناس متنحملش راسي فديك اللحضة ولكن الغالب الله. من تحت الورقة كيف العادة لكيت نص خبزة و فرماجة و عشرة دراهم باش نتغدا بيها . زربت على الماكلة و مشيت شربت جمعت الكتوبة ديالي منحتاجش نبدل حوايجي حيت هادشي هوا باش تنعس هوا باش تنمشي ليسي او من تنبغي نغسلو تنكلس بفوقية فدار .مشيت خارج من دار ماشي دار قزديرة كارينها ب 250 درهم و الحمد لله غير من مدوش يدينا باش نسعاو خارج بين زناقي من زنقة لزنقة تا تنوص لكوليج لي هدا هوا العام الأول ليا فيه عاوتاني نفس روتين فهاد نهار مع دخلة لباب ليسي كلشي تيبعد مني تفو على حالة داخل تنشوف غير فلأرض عندي ساعتين تاع العلوم تفو متنحملش شي حاجة سميتها علوم الحياة والأرض المادة الوحيدة لي معنديش معاها . وخا هكاك تندخل ليها غير باش منتقيدش فلغياب زوكات زواكة بقيت واقف تا دخل كلشي عاد دخلت أنا كيف العادة وتنسمع كيف ما ديما (شوف ولد سعاية شوف اش لابس لمسخ تفو معنهمش فلوس متنحملوش) متنحملش راسي منين تنسمع فحال هاد الهدرة وخا هكا تنصبر وكنواعد راسي غادي نولي حسن منهم ماعلينا مشيت ريحت فلخر تاع صف كيف ديما بقا تيخربق علينا داك العلوم لموشكيلة متيفهم تا زفتة دازت الساعة لولة غا بزز باقا ساعة باش نخرجو تفو لمرض تاع بصح كالس فلور و القيسم عامر طويلتي معزولة لور شوية هوا يجي الحارس العام أو معاه شي بنت أو راه ماشي بنت هاديك راه ملاك بصفة بشر وجها فحال دوك بنات السويد لا طاي حوتة قلبي مال ليها ولكن تفكرت حالتي درني الخاطري حق رب دراري تاع القسم كامل بقاو حالين غير فمهم أودي كون كنت زوين أو عندي الفلوس منعطلهاش مي دوماج الحياة هكا دايرة الفقير معندوش الحق يعيش ...دخل الحارس العام الحارس العام :سلام وليداتي رحبو بزميلة جديدة ديالكم غزلان رحبنا تا حنا من نيتنا كال ليها سيري كلسي فشي طويلة لقسم كامل عامر من غير واحد لبلاصة حداية بحدها هيا لي خاوية الحارس العام بدا كيشوف فيا بحتقار الحارس العام: غزلان بلاتي ابنتي نصيفط دراري يجيبو طويلة تكعدي فيها حسن ليك . ضرني خاطري وشداتني البكية حق رب واش أنا كلب متلا تمنيت الارض تنشق وتسرطني ديك لحضة شوية قربات حدايا و بقيت غا مزنك شوية هيا تكول ليه بلاش غادي نجلس حدا الدري الحارس العام: واش مأكدة بنتي نصيحة جلسي بوحدك بلا مايصدعك شيواحد غزلان : أه متأكدة غا سير صافي شكرا باينا هادي ملعقة داكشي لاش الحارس العام شاد ليها الخاطر ماعلينا جايا فجيهت طويلة وقلبي تيضرب بزاااف هادشي .... يتبع يتبع من بعد 260 جيم تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM